देवीनवरत्नमालिका Devi Navaratna Malika

वेलातिशायिललितालापनर्मरतलीलाशुकातिसुभगातालाभिरामकुचकूलातिलोलमणिमालाचिरांशुललिता ।फालातिमुग्धहरिनीला(लका) वृजिनतूलानलात्ममहिमाकालारिवामदृगवेलां तरङ्गयतु हेलां मदुक्तिसरणेः ॥ १॥

velātiśāyilalitālāpanarmaratalīlāśukātisubhagātālābhirāmakucakūlātilolamaṇimālācirāṃśulalitā |phālātimugdhaharinīlā(lakā) vṛjinatūlānalātmamahimākālārivāmadṛgavelāṃ taraṅgayatu helāṃ maduktisaraṇeḥ || 1||

भाषामुखत्रिदशयोषाविशेषकविशेषारुणाङ्घ्रिसुषमादोषा(करालि)कविभूषा कवीन्द्रकृततोषा कयापि कलया ।पूषानलेन्दुदृगशेषाम्बिका शमितदोषा स्मृता झटिति यासैषा तनोतु सुमनीषां निजस्तुतिविशेषा(वधारण)विधौ ॥ २॥

bhāṣāmukhatridaśayoṣāviśeṣakaviśeṣāruṇāṅghrisuṣamādoṣā(karāli)kavibhūṣā kavīndrakṛtatoṣā kayāpi kalayā |pūṣānalendudṛgaśeṣāmbikā śamitadoṣā smṛtā jhaṭiti yāsaiṣā tanotu sumanīṣāṃ nijastutiviśeṣā(vadhāraṇa)vidhau || 2||

द्राक्षासुधेक्षुरसशिक्षाकृदुक्तिरलिकाक्षाङ्कखेलनपरावीक्षालवार्पणविलक्षाब्जभूसरसिजाक्षादिदेवनिवहा ।दक्षा जगत्त्रितयरक्षाविधौ त्रिदशवृक्षायि(ता वितर)णेमत्क्षामतां हरतु दाक्षायणी झटिति साक्षादुपेत्य कृपया ॥ ३॥

drākṣāsudhekṣurasaśikṣākṛduktiralikākṣāṅkakhelanaparāvīkṣālavārpaṇavilakṣābjabhūsarasijākṣādidevanivahā |dakṣā jagattritayarakṣāvidhau tridaśavṛkṣāyi(tā vitara)ṇematkṣāmatāṃ haratu dākṣāyaṇī jhaṭiti sākṣādupetya kṛpayā || 3||

वेदाद्यगम्यमृदुपादाब्जरेणुमिलदापद्मभूमुखसुरंनादात्मकं (मो)ढावहं हृदयरोधादियोगविदुषाम् ।वेदान्तबोधितचिदाकारमात्रमपि (यच्छ्री) घीदायि सर्वजगतांश्रीदाद्युपास्यमतिसौदामिनीद्युति मदा(द् याति) मामकमनः ॥ ४॥

vedādyagamyamṛdupādābjareṇumiladāpadmabhūmukhasuraṃnādātmakaṃ (mo)ḍhāvahaṃ hṛdayarodhādiyogaviduṣām |vedāntabodhitacidākāramātramapi (yacchrī) ghīdāyi sarvajagatāṃśrīdādyupāsyamatisaudāminīdyuti madā(d yāti) māmakamanaḥ || 4||

वृन्दारकप्रवरवृन्दातिवृष्टनवमन्दारपुष्पविसरावन्दारुमौलितटसन्दानितोरुकुरुविन्दातिदीप्तचरणा ।मन्दाश्च यत्पद(रविन्दार्च]नेन मकरन्दाभवाग्झरयुताःस्कन्दाम्बिका श्रियममन्दां तनोतु मम कुन्दाभमन्दहसिता ॥ ५॥

vṛndārakapravaravṛndātivṛṣṭanavamandārapuṣpavisarāvandārumaulitaṭasandānitorukuruvindātidīptacaraṇā |mandāśca yatpada(ravindārca]nena makarandābhavāgjharayutāḥskandāmbikā śriyamamandāṃ tanotu mama kundābhamandahasitā || 5||

सोमार्धकल्पितललामा कृपाम्बु(धिरसीमा] हिमाद्रितपसांभूमा प्रतप्तनवहेमातिशायितनुधामावलिप्तभुवना ।वैमानिकप्रवरदामामरद्रुसुमदामार्चिताङ्घ्रिनलिना(श्यामाल)का कलितकामाय मे भवतु कामारिवामनयना ॥ ६॥

somārdhakalpitalalāmā kṛpāmbu(dhirasīmā] himādritapasāṃbhūmā prataptanavahemātiśāyitanudhāmāvaliptabhuvanā |vaimānikapravaradāmāmaradrusumadāmārcitāṅghrinalinā(śyāmāla)kā kalitakāmāya me bhavatu kāmārivāmanayanā || 6||

मुक्तासरप्रकरयुक्ता कुचे किमपि रिक्ता वलग्नविषयेव्यक्तानुरागरससिक्ताशया (श्रुतिनिरु)क्ताङ्घ्रियुग्ममहिमा ।भक्तार्तिनिर्हरणशक्ता जपाकुसुमरक्ता विविक्तभजनासक्तान् करोतु लघु मुक्तान् श्रिया जगति युक्तान् विधाय ॥ ७॥

muktāsaraprakarayuktā kuce kimapi riktā valagnaviṣayevyaktānurāgarasasiktāśayā (śrutiniru)ktāṅghriyugmamahimā |bhaktārtinirharaṇaśaktā japākusumaraktā viviktabhajanāsaktān karotu laghu muktān śriyā jagati yuktān vidhāya || 7||

जम्भारिदृप्त करिकुम्भाकृतिप्रचुरडम्भापहस्तनभरांडिम्भार्कसोदरकुसुम्भांशुकां कनकरम्भासमोरुविभवाम् ।कुम्भात्मजादिमु(निसम्भा)वितां य इह तां भावयत्यतितरांसम्भाव्यमानपदगुम्भा वृणोति बत तं भारती सरभसम् ॥ ८॥

jambhāridṛpta karikumbhākṛtipracuraḍambhāpahastanabharāṃḍimbhārkasodarakusumbhāṃśukāṃ kanakarambhāsamoruvibhavām |kumbhātmajādimu(nisambhā)vitāṃ ya iha tāṃ bhāvayatyatitarāṃsambhāvyamānapadagumbhā vṛṇoti bata taṃ bhāratī sarabhasam || 8||

क्षीराम्बुराशिमणितीरामरद्रुक्कृत(रा स]लीलमनिशंतारा भवाम्बुनिधिपूरादुदञ्चयति वीरान् स्वभक्तिविषये ।श्रीरामचन्द्रकविगीराविरास यदुदाराङ्घ्रिसंस्तुतिविधौस्मेरानना ()धीरा जगुर्निङ्गमसारार्थमेव खलु याम् ॥ ९॥

kṣīrāmburāśimaṇitīrāmaradrukkṛta(rā sa]līlamaniśaṃtārā bhavāmbunidhipūrādudañcayati vīrān svabhaktiviṣaye |śrīrāmacandrakavigīrāvirāsa yadudārāṅghrisaṃstutividhausmerānanā ()dhīrā jagurniṅgamasārārthameva khalu yām || 9||

इति श्रीरामचन्द्रकविकृता श्रीदेवीनवरत्नमालिका समाप्ता ।

iti śrīrāmacandrakavikṛtā śrīdevīnavaratnamālikā samāptā |