दक्षिणकालिकायाः सर्वसिद्धिदं कवचम् Dakshinakalikayah Sarvasiddhidam Kavacham

(श्यामारहस्ये)श्रीपरमशिव उवाच ।सर्पिःसागरविस्फुरन्मणिमयद्दीपे कदम्बान्वितेगेहे रत्नमये शवस्य हृदये रत्नामृतेशानने ।वर्गाद्याननवामलोचनमयीं श्रीदक्षिणां कालिकांसद्यश्छिन्नशिरःकरां भगवतीं ध्यायन्ति पुण्याशयाः ॥ १॥

(śyāmārahasye)śrīparamaśiva uvāca |sarpiḥsāgaravisphuranmaṇimayaddīpe kadambānvitegehe ratnamaye śavasya hṛdaye ratnāmṛteśānane |vargādyānanavāmalocanamayīṃ śrīdakṣiṇāṃ kālikāṃsadyaśchinnaśiraḥkarāṃ bhagavatīṃ dhyāyanti puṇyāśayāḥ || 1||

मद्याघूर्णितलोचनत्रयमहाशोभामयीं योषितांलक्षैः सेवितपादपद्मयुगलां श्रीभैरवीद्योतिताम् ।श्रीमत्कालमुखे मुखं निदधतीं चान्द्रीं कलां विभ्रतींतां ध्यायन्ति सुसिद्धये भगवतीं तद्भावनानन्दिताः ॥ २॥

madyāghūrṇitalocanatrayamahāśobhāmayīṃ yoṣitāṃlakṣaiḥ sevitapādapadmayugalāṃ śrībhairavīdyotitām |śrīmatkālamukhe mukhaṃ nidadhatīṃ cāndrīṃ kalāṃ vibhratīṃtāṃ dhyāyanti susiddhaye bhagavatīṃ tadbhāvanānanditāḥ || 2||

मांसासृग्दुग्धखण्डच्छुरितमधुमहापानमत्तां हसन्तींअट्टाट्टं कालकालं कहकहडमिति प्रोल्लसन्तीं सखीषु ।मृत्यप्रोद्दामहासोन्मदमुदितमहाभैरवानन्दवीचींमातङ्गं खण्डयन्तीमभयवरकरां कालिकां तां भजामः ॥ ३॥

māṃsāsṛgdugdhakhaṇḍacchuritamadhumahāpānamattāṃ hasantīṃaṭṭāṭṭaṃ kālakālaṃ kahakahaḍamiti prollasantīṃ sakhīṣu |mṛtyaproddāmahāsonmadamuditamahābhairavānandavīcīṃmātaṅgaṃ khaṇḍayantīmabhayavarakarāṃ kālikāṃ tāṃ bhajāmaḥ || 3||

इदन्तु दिव्यं कवचं मनोज्ञं देयं कदाचिद्गुरुवेऽपि नैव ।महद्भयात् स्नेहरसेन दत्त्वा हानिः शरीरेण च साधकेषु ॥ ४॥

idantu divyaṃ kavacaṃ manojñaṃ deyaṃ kadācidguruve'pi naiva |mahadbhayāt sneharasena dattvā hāniḥ śarīreṇa ca sādhakeṣu || 4||

यस्मादिदन्तु कवचं लभ्यते बहुपुण्यतः ।तेन दत्तन्तु सकलं सद्गुरुं परमं प्रिये ! ॥ ५॥

yasmādidantu kavacaṃ labhyate bahupuṇyataḥ |tena dattantu sakalaṃ sadguruṃ paramaṃ priye ! || 5||

यस्मै तस्मै न दातव्यं प्राकृतेभ्यो विशेषतः ।प्रकाशे सिद्धिहानिः स्यात् तस्माद्यत्नेन गोपयेत् ॥ ६॥

yasmai tasmai na dātavyaṃ prākṛtebhyo viśeṣataḥ |prakāśe siddhihāniḥ syāt tasmādyatnena gopayet || 6||

गुरुपादप्रसादेन यदि काली प्रलभ्यते ।जप्त्वा कालीं महाविद्यामिदन्तु कवचं पठेत् ॥ ७॥

gurupādaprasādena yadi kālī pralabhyate |japtvā kālīṃ mahāvidyāmidantu kavacaṃ paṭhet || 7||

अज्ञात्वा कवचं देवि ! कालिका चेत् प्रजप्यते ।स नाप्नोति फलं तस्मात् परत्र नरकं व्रजेत् ॥ ८॥

ajñātvā kavacaṃ devi ! kālikā cet prajapyate |sa nāpnoti phalaṃ tasmāt paratra narakaṃ vrajet || 8||

सर्वत्र सुलभा विद्या कवचन्तु सुदुर्लभम् ।शरीरधनदारेण गुरुं सन्तोष्य तत् पठेत् ॥ ९॥

sarvatra sulabhā vidyā kavacantu sudurlabham |śarīradhanadāreṇa guruṃ santoṣya tat paṭhet || 9||

सफला रजनीपूजा दिवापूजा च निष्फला ।तस्मात् सर्वप्रयत्नेन रजन्यां कवचं स्मरेत् ॥ १०॥

saphalā rajanīpūjā divāpūjā ca niṣphalā |tasmāt sarvaprayatnena rajanyāṃ kavacaṃ smaret || 10||

विवादे च रणे द्यूते विद्यायां कवितागमे ।राजगेहे विचारे च सर्वत्रेदं पठेन्नरः ॥ ११॥

vivāde ca raṇe dyūte vidyāyāṃ kavitāgame |rājagehe vicāre ca sarvatredaṃ paṭhennaraḥ || 11||

मोहनस्तम्भनाकर्षमारणोच्चाटनं तथा ।कवचस्मरणाद्देवि ! जायन्ते सर्वसिद्धयः ॥ १२॥

mohanastambhanākarṣamāraṇoccāṭanaṃ tathā |kavacasmaraṇāddevi ! jāyante sarvasiddhayaḥ || 12||

अथवा किमिहोक्तेन सत्यं सत्यं मम प्रिये ! ।प्रत्यक्षा दक्षिणा काली वरं यच्छति सुन्दरि ! ॥ १३॥

athavā kimihoktena satyaṃ satyaṃ mama priye ! |pratyakṣā dakṣiṇā kālī varaṃ yacchati sundari ! || 13||

गुरौ च कवचे तन्त्रे यन्त्रे देवीं सदा भजेत् ।गुरुस्त्राता महादेवः कवचं यः प्रयच्छति ॥ १४॥

gurau ca kavace tantre yantre devīṃ sadā bhajet |gurustrātā mahādevaḥ kavacaṃ yaḥ prayacchati || 14||

इदन्तु कवचं प्राप्य हेलनं कुरुते तु यः ।अचिरान्मृत्युमाप्नोति मम तुल्योऽपि साधकः ॥ १५॥

idantu kavacaṃ prāpya helanaṃ kurute tu yaḥ |acirānmṛtyumāpnoti mama tulyo'pi sādhakaḥ || 15||

स माता जनकश्चैव स गुरुः स च पूजितः ।स सर्वदः स आचार्यः कवचं यः प्रयच्छति ॥ १६॥

sa mātā janakaścaiva sa guruḥ sa ca pūjitaḥ |sa sarvadaḥ sa ācāryaḥ kavacaṃ yaḥ prayacchati || 16||

इति श्यामारहस्यवर्णितं श्रीरुद्रयामले महातन्त्रे श्रीदक्षिणकालिकायाःपरमशिवोक्तं सर्वसिद्धिदं कवचं सम्पूर्णम् ॥॥ श्यामारहस्यम् । पञ्चदशः परिच्छेदः ॥– ॥ श्यामारहस्यम् । पन्चदशः परिच्छेदः ॥

iti śyāmārahasyavarṇitaṃ śrīrudrayāmale mahātantre śrīdakṣiṇakālikāyāḥparamaśivoktaṃ sarvasiddhidaṃ kavacaṃ sampūrṇam |||| śyāmārahasyam | pañcadaśaḥ paricchedaḥ ||– || śyāmārahasyam | pancadaśaḥ paricchedaḥ ||