दक्षिणकालिकासहस्रनामस्तोत्रम् Dakshinakalika Sahasranama Stotram

(श्यामारहस्ये)श्रीशिव उवाच ।अस्य श्रदक्षिणकालिकासहस्रनामस्तोत्रस्यमहाकालभैरव ऋषिस्त्रिष्टुप्छन्दःश्मशानकाली देवता धर्मार्थकाममोक्षार्थे विनियोगः ।ॐ श्मशानकालिका काली भद्रकाली कपालिनी ।गुह्यकाली महाकाली कुरुकुल्ला विरोधिनी ॥ १॥

(śyāmārahasye)śrīśiva uvāca |asya śradakṣiṇakālikāsahasranāmastotrasyamahākālabhairava ṛṣistriṣṭupchandaḥśmaśānakālī devatā dharmārthakāmamokṣārthe viniyogaḥ |oṃ śmaśānakālikā kālī bhadrakālī kapālinī |guhyakālī mahākālī kurukullā virodhinī || 1||

कालिका कालरात्रिश्च महाकालनितम्बिनी ।कालभैरवभार्य्या च कुलवर्त्मप्रकाशिनी ॥ २॥

kālikā kālarātriśca mahākālanitambinī |kālabhairavabhāryyā ca kulavartmaprakāśinī || 2||

कामदा कामिनी कन्या कमनीयस्वरूपिणी ।कस्तूरीरसलिप्ताङ्गी कुञ्जरेश्वरगामिनी ॥ ३॥

kāmadā kāminī kanyā kamanīyasvarūpiṇī |kastūrīrasaliptāṅgī kuñjareśvaragāminī || 3||

ककारवर्णसर्वाङ्गी कामिनी कामसुन्दरी ।कामार्त्ता कामरूपा च कामधेनुः कलावती ॥ ४॥

kakāravarṇasarvāṅgī kāminī kāmasundarī |kāmārttā kāmarūpā ca kāmadhenuḥ kalāvatī || 4||

कान्ता कामस्वरूपा च कामाख्या कुलकामिनी ।कुलीना कुलवत्यम्बा दुर्गा दुर्गतिनाशिनी ॥ ५॥

kāntā kāmasvarūpā ca kāmākhyā kulakāminī |kulīnā kulavatyambā durgā durgatināśinī || 5||

कौमारी कुलजा कृष्णा कृष्णदेहा कृशोदरी ।कृशाङ्गी कुलिशाङ्गी च क्रीङ्कारी कमला कला ॥ ६॥

kaumārī kulajā kṛṣṇā kṛṣṇadehā kṛśodarī |kṛśāṅgī kuliśāṅgī ca krīṅkārī kamalā kalā || 6||

करालास्या कराली च कुलकान्तापराजिता ।उग्रा उग्रप्रभा दीप्ता विप्रचित्ता महाबला ॥ ७॥

karālāsyā karālī ca kulakāntāparājitā |ugrā ugraprabhā dīptā vipracittā mahābalā || 7||

नीला घना मेघनादा मात्रा मुद्रा मितामिता ।ब्राह्मी नारायणी भद्रा सुभद्रा भक्तवत्सला ॥ ८॥

nīlā ghanā meghanādā mātrā mudrā mitāmitā |brāhmī nārāyaṇī bhadrā subhadrā bhaktavatsalā || 8||

माहेश्वरी च चामुण्डा वाराही नारसिंहिका ।वज्राङ्गी वज्रकङ्काला नृमुण्डस्रग्विणी शिवा ॥ ९॥

māheśvarī ca cāmuṇḍā vārāhī nārasiṃhikā |vajrāṅgī vajrakaṅkālā nṛmuṇḍasragviṇī śivā || 9||

मालिनी नरमुण्डाली गलद्रक्तविभूषणा ।रक्तचन्दनसिक्ताङ्गी सिन्दूरारुणमस्तका ॥ १०॥

mālinī naramuṇḍālī galadraktavibhūṣaṇā |raktacandanasiktāṅgī sindūrāruṇamastakā || 10||

घोररूपा घोरदंष्ट्रा घोरा घोरतरा शुभा ।महादंष्ट्रा महामाया सुदती युगदन्तुरा ॥ ११॥

ghorarūpā ghoradaṃṣṭrā ghorā ghoratarā śubhā |mahādaṃṣṭrā mahāmāyā sudatī yugadanturā || 11||

सुलोचना विरूपाक्षी विशालाक्षी त्रिलोचना ।शारदेन्दुप्रसन्नास्या स्फुरत्स्मेताम्बुजेक्षणा ॥ १२॥

sulocanā virūpākṣī viśālākṣī trilocanā |śāradenduprasannāsyā sphuratsmetāmbujekṣaṇā || 12||

अट्टहासा प्रफुल्लास्या स्मेरवक्त्रा सुभाषिणी ।प्रफुल्लपद्मवदना स्मितास्या प्रियभाषिणी ॥ १३॥

aṭṭahāsā praphullāsyā smeravaktrā subhāṣiṇī |praphullapadmavadanā smitāsyā priyabhāṣiṇī || 13||

कोटराक्षी कुलश्रेष्ठा महती बहुभाषिणी ।सुमतिः कुमतिश्चण्डा चण्डमुण्डातिवेगिनी ॥ १४॥

koṭarākṣī kulaśreṣṭhā mahatī bahubhāṣiṇī |sumatiḥ kumatiścaṇḍā caṇḍamuṇḍātiveginī || 14||

प्रचण्डा चण्डिका चण्डी चर्चिता चण्डवेगिनी ।सुकेशी मुक्तकेशी च दीर्घकेशी महाकुचा ॥ १५॥

pracaṇḍā caṇḍikā caṇḍī carcitā caṇḍaveginī |sukeśī muktakeśī ca dīrghakeśī mahākucā || 15||

प्रेतदेहकर्णपूरा प्रेतपाणि सुमेखला ।प्रेतासना प्रियप्रेता प्रेतभूमिकृतालया ॥ १६॥

pretadehakarṇapūrā pretapāṇi sumekhalā |pretāsanā priyapretā pretabhūmikṛtālayā || 16||

श्मशानवासिनी पुण्या पुण्यदा कुलपण्डिता ।पुण्यालया पुण्यदेहा पुण्यश्लोका च पावनी ॥ १७॥

śmaśānavāsinī puṇyā puṇyadā kulapaṇḍitā |puṇyālayā puṇyadehā puṇyaślokā ca pāvanī || 17||

पूता पवित्रा परमा परा पुण्यविभूषणा ।पुण्यनाम्नी भीतिहरा वरदा खड्गपाशिनी ॥ १८॥

pūtā pavitrā paramā parā puṇyavibhūṣaṇā |puṇyanāmnī bhītiharā varadā khaḍgapāśinī || 18||

नृमुण्डहस्ता शान्ता च छिन्नमस्ता सुनासिका ।दक्षिणा श्यामला श्यामा शान्ता पीनोन्नतस्तनी ॥ १९॥

nṛmuṇḍahastā śāntā ca chinnamastā sunāsikā |dakṣiṇā śyāmalā śyāmā śāntā pīnonnatastanī || 19||

दिगम्बरी घोररावा सृक्कान्तरक्तवाहिनी ।घोररावा शिवासङ्गा निःसङ्गा मदनातुरा ॥ २०॥

digambarī ghorarāvā sṛkkāntaraktavāhinī |ghorarāvā śivāsaṅgā niḥsaṅgā madanāturā || 20||

मत्ता प्रमत्ता मदना सुधासिन्धुनिवासिनी ।अतिमत्ता महामत्ता सर्वाकर्षणकारिणी ॥ २१॥

mattā pramattā madanā sudhāsindhunivāsinī |atimattā mahāmattā sarvākarṣaṇakāriṇī || 21||

गीतप्रिया वाद्यरता प्रेतनृत्यपरायणा ।चतुर्भुजा दशभुजा अष्टादशभुजा तथा ॥ २२॥

gītapriyā vādyaratā pretanṛtyaparāyaṇā |caturbhujā daśabhujā aṣṭādaśabhujā tathā || 22||

कात्यायनी जगन्माता जगतीपरमेश्वरी ।जगद्बन्धुर्जगद्धात्री जगदानन्दकारिणी ॥ २३॥

kātyāyanī jaganmātā jagatīparameśvarī |jagadbandhurjagaddhātrī jagadānandakāriṇī || 23||

जगज्जीववती हैमवती माया महालया ।नागयज्ञोपवीताङ्गी नागिनी नागशायिनि ॥ २४॥

jagajjīvavatī haimavatī māyā mahālayā |nāgayajñopavītāṅgī nāginī nāgaśāyini || 24||

नागकन्या देवकन्या गान्धारी किन्नरी सुरी ।मोहरात्री महारात्री दारुणाभा सुरासुरी ॥ २५॥

nāgakanyā devakanyā gāndhārī kinnarī surī |moharātrī mahārātrī dāruṇābhā surāsurī || 25||

विद्याधरी वसुमती यक्षिणी योगिनी जरा ।राक्षसी डाकिनी वेदमयी वेदविभूषणा ॥ २६॥

vidyādharī vasumatī yakṣiṇī yoginī jarā |rākṣasī ḍākinī vedamayī vedavibhūṣaṇā || 26||

श्रुतिस्मृतिमहाविद्या गुह्यविद्यापुरातनी ।चिन्तचिन्ता स्वधा स्वाहा निद्रा तन्द्रा च पार्वती ॥ २७॥

śrutismṛtimahāvidyā guhyavidyāpurātanī |cintacintā svadhā svāhā nidrā tandrā ca pārvatī || 27||

अर्पणा निश्चला लोला सर्वविद्यातपस्विनी ।गङ्गा काशी शची सीता सती सत्यपरायणा ॥ २८॥

arpaṇā niścalā lolā sarvavidyātapasvinī |gaṅgā kāśī śacī sītā satī satyaparāyaṇā || 28||

नीतिः सुनीतिः सुरुचिस्तुष्टिः पुष्टिधृतिः क्षमा ।वाणी बुद्धिर्महालक्ष्मीर्लक्ष्मीर्नीलसरस्वती ॥ २९॥

nītiḥ sunītiḥ surucistuṣṭiḥ puṣṭidhṛtiḥ kṣamā |vāṇī buddhirmahālakṣmīrlakṣmīrnīlasarasvatī || 29||

स्रोतस्वती स्रोतवती मातङ्गी विजया जया ।नदी सिन्धुः सर्वमयि तारा शून्यनिवासिनी ॥ ३०॥

srotasvatī srotavatī mātaṅgī vijayā jayā |nadī sindhuḥ sarvamayi tārā śūnyanivāsinī || 30||

शुद्धा तरङ्गिणी मेधा लाकिनी बहुरूपिणी ।सदानन्दमयी सत्या सर्वानन्दस्वरूपिणी ॥ ३१॥

śuddhā taraṅgiṇī medhā lākinī bahurūpiṇī |sadānandamayī satyā sarvānandasvarūpiṇī || 31||

सुनन्दा नन्दिनी स्तुत्या स्तवनीया स्वभाविनी ।रङ्किणी टङ्किनी चित्रा विचित्रा चित्ररूपिणी ॥ ३२॥

sunandā nandinī stutyā stavanīyā svabhāvinī |raṅkiṇī ṭaṅkinī citrā vicitrā citrarūpiṇī || 32||

पद्मा पद्मालया पद्ममुखी पद्मविभूषणा ॥ ३३॥

padmā padmālayā padmamukhī padmavibhūṣaṇā || 33||

शाकिनी हाकिनी क्षान्ता राकिणी रुधिरप्रिया ।भ्रान्तिर्भवानी रुद्राणी मृडानी शत्रुमर्दिनी ॥ ३४॥

śākinī hākinī kṣāntā rākiṇī rudhirapriyā |bhrāntirbhavānī rudrāṇī mṛḍānī śatrumardinī || 34||

उपेन्द्राणी महेशानी ज्योत्स्ना चेन्द्रस्वरूपिणी ।सूर्य्यात्मिका रुद्रपत्नी रौद्री स्त्री प्रकृतिः पुमान् ॥ ३५॥

upendrāṇī maheśānī jyotsnā cendrasvarūpiṇī |sūryyātmikā rudrapatnī raudrī strī prakṛtiḥ pumān || 35||

शक्तिः सूक्तिर्मतिर्मती भुक्तिर्मुक्तिः पतिव्रता ।सर्वेश्वरी सर्वमाता शर्वाणी हरवल्लभा ॥ ३६॥

śaktiḥ sūktirmatirmatī bhuktirmuktiḥ pativratā |sarveśvarī sarvamātā śarvāṇī haravallabhā || 36||

सर्वज्ञा सिद्धिदा सिद्धा भाव्या भव्या भयापहा ।कर्त्री हर्त्री पालयित्री शर्वरी तामसी दया ॥ ३७॥

sarvajñā siddhidā siddhā bhāvyā bhavyā bhayāpahā |kartrī hartrī pālayitrī śarvarī tāmasī dayā || 37||

तमिस्रा यामिनीस्था च स्थिरां धीरा तपस्विनी ।चार्वङ्गी चञ्चला लोलजिह्वा चारुचरित्रिणी ॥ ३८॥

tamisrā yāminīsthā ca sthirāṃ dhīrā tapasvinī |cārvaṅgī cañcalā lolajihvā cārucaritriṇī || 38||

त्रपा त्रपावती लज्जा निर्लज्जा ह्रीं रजोवती ।सत्त्ववती धर्मनिष्ठा श्रेष्ठा निष्ठुरवादिनी ॥ ३९॥

trapā trapāvatī lajjā nirlajjā hrīṃ rajovatī |sattvavatī dharmaniṣṭhā śreṣṭhā niṣṭhuravādinī || 39||

गरिष्ठा दुष्टसंहर्त्री विशिष्टा श्रेयसी घृणा ।भीमा भयानका भीमनादिनी भीः प्रभावती ॥ ४०॥

gariṣṭhā duṣṭasaṃhartrī viśiṣṭā śreyasī ghṛṇā |bhīmā bhayānakā bhīmanādinī bhīḥ prabhāvatī || 40||

वागीश्वरी श्रीर्यमुना यज्ञकर्त्री यजुःप्रिया ।ऋक्सामाथर्वनिलया रागिणी शोभनस्वरा ॥ ४१॥

vāgīśvarī śrīryamunā yajñakartrī yajuḥpriyā |ṛksāmātharvanilayā rāgiṇī śobhanasvarā || 41||

कलकण्ठी कम्बुकण्ठी वेणुवीणापरायणा ।वंशिनी वैष्णवी स्वच्छा धात्री त्रिजगदीश्वरी ॥ ४२॥

kalakaṇṭhī kambukaṇṭhī veṇuvīṇāparāyaṇā |vaṃśinī vaiṣṇavī svacchā dhātrī trijagadīśvarī || 42||

मधुमती कुण्डलिनी ऋद्धिः सिद्धिः शुचिस्मिता ।रम्भोर्वशी रती रामा रोहिणी रेवती रमा ॥ ४३॥

madhumatī kuṇḍalinī ṛddhiḥ siddhiḥ śucismitā |rambhorvaśī ratī rāmā rohiṇī revatī ramā || 43||

शङ्खिनी चक्रिणी कृष्णा गदिनी पद्मिनी तथा ।शूलिनी परिघास्त्रा च पाशिनी शार्ङ्गपाणिनी ॥ ४४॥

śaṅkhinī cakriṇī kṛṣṇā gadinī padminī tathā |śūlinī parighāstrā ca pāśinī śārṅgapāṇinī || 44||

पिनाकधारिणी धूम्रा शरभी वनमालिनी ।वज्रिणी समरप्रीता वेगिनी रणपण्डिता ॥ ४५॥

pinākadhāriṇī dhūmrā śarabhī vanamālinī |vajriṇī samaraprītā veginī raṇapaṇḍitā || 45||

जटिनी बिम्बिनी नीला लावण्याम्बुधिचन्द्रिका ।बलिप्रिया सदापूज्या पूर्णा दैत्येन्द्रमाथिनी ॥ ४६॥

jaṭinī bimbinī nīlā lāvaṇyāmbudhicandrikā |balipriyā sadāpūjyā pūrṇā daityendramāthinī || 46||

महिषासुरसंहन्त्री वासिनी रक्तदन्तिका ।रक्तपा रुधिराक्ताङ्गी रक्तखर्परहस्तिनी ॥ ४७॥

mahiṣāsurasaṃhantrī vāsinī raktadantikā |raktapā rudhirāktāṅgī raktakharparahastinī || 47||

रक्तप्रिया मांसरुचिरा सवासक्तमानसा ।गलच्छोणितमुण्डालिकण्ठमालाविभूषणा ॥ ४८॥

raktapriyā māṃsarucirā savāsaktamānasā |galacchoṇitamuṇḍālikaṇṭhamālāvibhūṣaṇā || 48||

शवासना चितान्तस्था माहेशी (महिषी)वृषवाहिनी ।व्याघ्रत्वगम्बरा चीनचेलिनी सिंहवाहिनी ॥ ४९॥

śavāsanā citāntasthā māheśī (mahiṣī)vṛṣavāhinī |vyāghratvagambarā cīnacelinī siṃhavāhinī || 49||

वामदेवी महादेवी गौरी सर्वज्ञभाविनी ।बालिका तरुणी वृद्धा वृद्धमाता जरातुरा ॥ ५०॥

vāmadevī mahādevī gaurī sarvajñabhāvinī |bālikā taruṇī vṛddhā vṛddhamātā jarāturā || 50||