गुरुगीता Guru Gita – Short Version

ॐ नमो गुरुभ्यो गुरुपादुकाभ्यो नमः परेभ्यः परपादुकाभ्यः ।आचार्य सिद्धेश्वर पादुकाभ्यो नमो नमः श्री गुरुपादुकाभ्यः ॥ऐङ्कार ह्रीङ्कार रहस्य युक्तश्रीङ्कार गूढार्थमहाविभूत्या ॥ १॥

oṃ namo gurubhyo gurupādukābhyo namaḥ parebhyaḥ parapādukābhyaḥ |ācārya siddheśvara pādukābhyo namo namaḥ śrī gurupādukābhyaḥ ||aiṅkāra hrīṅkāra rahasya yuktaśrīṅkāra gūḍhārthamahāvibhūtyā || 1||

ओङ्कार मर्म प्रतिपादिनीभ्यांनमो नमः श्री गुरुपादुकाभ्याम् ॥ २॥

oṅkāra marma pratipādinībhyāṃnamo namaḥ śrī gurupādukābhyām || 2||

होत्राग्नि हौत्राग्नि हविष्यहोत्रहोमादि सर्वाकृति भासमानाम् ।यद् ब्रह्म तद्बोध वितारिणीभ्यांनमो नमः श्री गुरुपादुकाभ्याम् ॥ ३॥

hotrāgni hautrāgni haviṣyahotrahomādi sarvākṛti bhāsamānām |yad brahma tadbodha vitāriṇībhyāṃnamo namaḥ śrī gurupādukābhyām || 3||

कामादि सर्पव्रज गारुडाभ्यांविवेक वैराग्य निधि प्रदाभ्याम् ।बोध प्रदाभ्यां दृतमोक्षदाभ्यांनमो नमः श्री गुरुपादुकाभ्याम् ॥ ४॥

kāmādi sarpavraja gāruḍābhyāṃviveka vairāgya nidhi pradābhyām |bodha pradābhyāṃ dṛtamokṣadābhyāṃnamo namaḥ śrī gurupādukābhyām || 4||

अनन्त संसार समुद्र तारनौकायिताभ्यां स्थिरभक्तिदाभ्याम् ।जाड्याब्धि संशोषण वाडवाभ्यांनमो नमः श्री गुरुपादुकाभ्याम् ॥ ५॥

ananta saṃsāra samudra tāranaukāyitābhyāṃ sthirabhaktidābhyām |jāḍyābdhi saṃśoṣaṇa vāḍavābhyāṃnamo namaḥ śrī gurupādukābhyām || 5||

॥ ॐ शान्तिः शान्तिः शान्तिः ॥

|| oṃ śāntiḥ śāntiḥ śāntiḥ ||

श्रीगणेशाय नमः ।श्रीसरस्वत्यै नमः ।श्रीगुरुभ्यो नमः ।

śrīgaṇeśāya namaḥ |śrīsarasvatyai namaḥ |śrīgurubhyo namaḥ |

अस्य श्री गुरुगीता स्तोत्रमन्त्रस्य ।भगवान् सदाशिव ऋषिः ।नानाविधानि छन्दांसि ।श्री गुरुपरमात्मा देवता ।हं बीजम् । सः शक्तिः । क्रों कीलकम् ।श्री गुरुप्रसादसिद्ध्यर्थे जपे विनियोगः ॥

asya śrī gurugītā stotramantrasya |bhagavān sadāśiva ṛṣiḥ |nānāvidhāni chandāṃsi |śrī guruparamātmā devatā |haṃ bījam | saḥ śaktiḥ | kroṃ kīlakam |śrī guruprasādasiddhyarthe jape viniyogaḥ ||

हंसाभ्यां परिवृत्तपत्रकमलैर्दिव्यैर्जगत्कारणैर्विश्वोत्कीर्णमनेकदेहनिलयैः स्वच्छन्दमात्मेच्छया ।तद्द्योतं पदशांभवं तु चरणं दीपाङ्कुरग्राहिणंप्रत्यक्षाक्षरविग्रहं गुरुपदं ध्यायेद्विभुं शाश्वतम् ॥मम चतुर्विधपुरुषार्थसिद्ध्यर्थे जपे विनियोगः ।

haṃsābhyāṃ parivṛttapatrakamalairdivyairjagatkāraṇairviśvotkīrṇamanekadehanilayaiḥ svacchandamātmecchayā |taddyotaṃ padaśāṃbhavaṃ tu caraṇaṃ dīpāṅkuragrāhiṇaṃpratyakṣākṣaravigrahaṃ gurupadaṃ dhyāyedvibhuṃ śāśvatam ||mama caturvidhapuruṣārthasiddhyarthe jape viniyogaḥ |

सूत उवाचकैलास शिखरे रम्ये भक्तिसन्धाननायकम् ।प्रणम्य पार्वती भक्त्या शङ्करं पर्यपृच्छत ॥ १॥

sūta uvācakailāsa śikhare ramye bhaktisandhānanāyakam |praṇamya pārvatī bhaktyā śaṅkaraṃ paryapṛcchata || 1||

श्री देव्युवाचॐ नमो देवदेवेश परात्परजगद्गुरो ।सदाशिव महादेव गुरुदीक्षां प्रदेहि मे ॥ २॥

śrī devyuvācaoṃ namo devadeveśa parātparajagadguro |sadāśiva mahādeva gurudīkṣāṃ pradehi me || 2||

केन मार्गेण भो स्वामिन् देहि ब्रह्ममयो भवेत् ।त्वं कृपां कुरु मे स्वामिन् नमामि चरणौ तव ॥ ३॥

kena mārgeṇa bho svāmin dehi brahmamayo bhavet |tvaṃ kṛpāṃ kuru me svāmin namāmi caraṇau tava || 3||

ईश्वर उवाचममरूपासि देवि त्वं त्वत्प्रीत्यर्थं वदाम्यहम् ।लोकोपकारकः प्रश्नो न केनापि कृतः पुरा ॥ ४॥

īśvara uvācamamarūpāsi devi tvaṃ tvatprītyarthaṃ vadāmyaham |lokopakārakaḥ praśno na kenāpi kṛtaḥ purā || 4||

दुर्लभं त्रिषु लोकेषु तच्छृणुष्व वदाम्यहम् ।गुरुं विना ब्रह्म नान्यत्सत्यं सत्यं वरानने ॥ ५॥

durlabhaṃ triṣu lokeṣu tacchṛṇuṣva vadāmyaham |guruṃ vinā brahma nānyatsatyaṃ satyaṃ varānane || 5||

वेदशास्त्रपुराणानि इतिहासादिकानि च ।मन्त्रयन्त्रादिविद्याश्च स्मृतिरुच्चाटनादिकम् ॥ ६॥

vedaśāstrapurāṇāni itihāsādikāni ca |mantrayantrādividyāśca smṛtiruccāṭanādikam || 6||

शैवशाक्तागमादीनि अन्यानि विविधानि च ।अपभ्रंशकराणीह जीवानां भ्रान्तचेतसाम् ॥ ७॥

śaivaśāktāgamādīni anyāni vividhāni ca |apabhraṃśakarāṇīha jīvānāṃ bhrāntacetasām || 7||

यज्ञो व्रतं तपो दानं जपस्तीर्थं तथैव च ।गुरुतत्त्वमविज्ञाय मूढास्ते चरते जनाः ॥ ८॥

yajño vrataṃ tapo dānaṃ japastīrthaṃ tathaiva ca |gurutattvamavijñāya mūḍhāste carate janāḥ || 8||

गुरुर्बुद्ध्यात्मनो नान्यत् सत्यं सत्यं न संशयः ।तल्लाभार्थं प्रयत्नस्तु कर्तव्यो हि मनीषिभिः ॥ ९॥

gururbuddhyātmano nānyat satyaṃ satyaṃ na saṃśayaḥ |tallābhārthaṃ prayatnastu kartavyo hi manīṣibhiḥ || 9||

गूढ विद्या जगन्माया देहे चाज्ञानसंभवा ।उदयो यत्प्रकाशेन गुरुशब्देन कथ्यते ॥ १०॥

gūḍha vidyā jaganmāyā dehe cājñānasaṃbhavā |udayo yatprakāśena guruśabdena kathyate || 10||

सर्वपापविशुद्धात्मा श्रीगुरोः पादसेवनात् ।देही ब्रह्म भवेद्यस्मात्त्वत्कृपार्थं वदामि ते ॥ ११॥

sarvapāpaviśuddhātmā śrīguroḥ pādasevanāt |dehī brahma bhavedyasmāttvatkṛpārthaṃ vadāmi te || 11||

गुरुपादांबुजं स्मृत्वा जलं शिरसि धारयेत् ।सर्वतीर्थावगाहस्य सम्प्राप्नोति फलं नरः ॥ १२॥

gurupādāṃbujaṃ smṛtvā jalaṃ śirasi dhārayet |sarvatīrthāvagāhasya samprāpnoti phalaṃ naraḥ || 12||

शोषणं पापपङ्कस्य दीपनं ज्ञानतेजसाम् ।गुरुपादोदकं सम्यक् संसारार्णवतारकम् ॥ १३॥

śoṣaṇaṃ pāpapaṅkasya dīpanaṃ jñānatejasām |gurupādodakaṃ samyak saṃsārārṇavatārakam || 13||

अज्ञानमूलहरणं जन्म कर्म निवारणम् ।ज्ञानवैराग्यसिद्ध्यर्थं गुरुपादोदकं पिबेत् ॥ १४॥

ajñānamūlaharaṇaṃ janma karma nivāraṇam |jñānavairāgyasiddhyarthaṃ gurupādodakaṃ pibet || 14||

गुरोः पादोदकं पीत्वा गुरोरुच्छिष्टभोजनम् ।गुरुमूर्तेः सदा ध्यानं गुरुमन्त्रं सदा जपेत् ॥ १५॥

guroḥ pādodakaṃ pītvā gurorucchiṣṭabhojanam |gurumūrteḥ sadā dhyānaṃ gurumantraṃ sadā japet || 15||

काशी क्षेत्रं तन्निवासो जाह्नवी चरणोदकम् ।गुरुर्विश्वेश्वरः साक्षात् तारकं ब्रह्म निश्चितम् ॥ १६॥

kāśī kṣetraṃ tannivāso jāhnavī caraṇodakam |gururviśveśvaraḥ sākṣāt tārakaṃ brahma niścitam || 16||

गुरोः पादोदकं यत्तु गयाऽसौ सोऽक्षयो वटः ।तीर्थराजः प्रयागश्च गुरुमूर्त्यै नमो नमः ॥ १७॥

guroḥ pādodakaṃ yattu gayā'sau so'kṣayo vaṭaḥ |tīrtharājaḥ prayāgaśca gurumūrtyai namo namaḥ || 17||

गुरुमूर्तिं स्मरेन्नित्यं गुरुनाम सदा जपेत् ।गुरोराज्ञां प्रकुर्वीत गुरोरन्यन्न भावयेत् ॥ १८॥

gurumūrtiṃ smarennityaṃ gurunāma sadā japet |gurorājñāṃ prakurvīta guroranyanna bhāvayet || 18||

गुरुवक्त्रस्थितं ब्रह्म प्राप्यते तत्प्रसादतः ।गुरोर्ध्यानं सदा कुर्यात्कुलस्त्री स्वपतेर्यथा ॥ १९॥

guruvaktrasthitaṃ brahma prāpyate tatprasādataḥ |gurordhyānaṃ sadā kuryātkulastrī svapateryathā || 19||

स्वाश्रमं च स्वजातिं च स्वकीर्तिपुष्टिवर्धनम् ।एतत्सर्वं परित्यज्य गुरोरन्यन्न भावयेत् ॥ २०॥

svāśramaṃ ca svajātiṃ ca svakīrtipuṣṭivardhanam |etatsarvaṃ parityajya guroranyanna bhāvayet || 20||

अनन्याश्चिन्तयन्तो मां सुलभं परमं पदम् ।तस्मात् सर्वप्रयत्नेन गुरोराराधनं कुरु ॥ २१॥

ananyāścintayanto māṃ sulabhaṃ paramaṃ padam |tasmāt sarvaprayatnena gurorārādhanaṃ kuru || 21||

त्रैलोक्ये स्फुटवक्तारो देवाद्यसुरपन्नगाः ।गुरुवक्त्रस्थिता विद्या गुरुभक्त्या तु लभ्यते ॥ २२॥

trailokye sphuṭavaktāro devādyasurapannagāḥ |guruvaktrasthitā vidyā gurubhaktyā tu labhyate || 22||

गुकारस्त्वन्धकारश्च रुकारस्तेज उच्यते ।अज्ञानग्रासकं ब्रह्म गुरुरेव न संशयः ॥ २३॥

gukārastvandhakāraśca rukārasteja ucyate |ajñānagrāsakaṃ brahma gurureva na saṃśayaḥ || 23||

गुकारः प्रथमो वर्णो मायादिगुणभासकः ।रुकारो द्वितीयो ब्रह्म माया भ्रान्ति विनाशनम् ॥ २४॥

gukāraḥ prathamo varṇo māyādiguṇabhāsakaḥ |rukāro dvitīyo brahma māyā bhrānti vināśanam || 24||

एवं गुरुपदं श्रेष्ठं देवानामपि दुर्लभम् ।हाहा हूहू गणैश्चैव गन्धर्वैश्च प्रपूज्यते ॥ २५॥

evaṃ gurupadaṃ śreṣṭhaṃ devānāmapi durlabham |hāhā hūhū gaṇaiścaiva gandharvaiśca prapūjyate || 25||

ध्रुवं तेषां च सर्वेषां नास्ति तत्त्वं गुरोः परम् ।आसनं शयनं वस्त्रं भूषणं वाहनादिकम् ॥ २६॥

dhruvaṃ teṣāṃ ca sarveṣāṃ nāsti tattvaṃ guroḥ param |āsanaṃ śayanaṃ vastraṃ bhūṣaṇaṃ vāhanādikam || 26||

साधकेन प्रदातव्यं गुरुसंतोषकारकम् ।गुरोराराधनं कार्यं स्वजीवित्वं निवेदयेत् ॥ २७॥

sādhakena pradātavyaṃ gurusaṃtoṣakārakam |gurorārādhanaṃ kāryaṃ svajīvitvaṃ nivedayet || 27||

कर्मणा मनसा वाचा नित्यमाराधयेद्गुरुम् ।दीर्घदण्डं नमस्कृत्य निर्लज्जो गुरुसन्निधौ ॥ २८॥

karmaṇā manasā vācā nityamārādhayedgurum |dīrghadaṇḍaṃ namaskṛtya nirlajjo gurusannidhau || 28||

शरीरमिन्द्रियं प्राणां सद्गुरुभ्यो निवेदयेत् ।आत्मदारादिकं सर्वं सद्गुरुभ्यो निवेदयेत् ॥ २९॥

śarīramindriyaṃ prāṇāṃ sadgurubhyo nivedayet |ātmadārādikaṃ sarvaṃ sadgurubhyo nivedayet || 29||

कृमिकीटभस्मविष्ठा दुर्गन्धिमलमूत्रकम् ।श्लेष्मरक्तं त्वचा मांसं वञ्चयेन्न वरानने ॥ ३०॥

kṛmikīṭabhasmaviṣṭhā durgandhimalamūtrakam |śleṣmaraktaṃ tvacā māṃsaṃ vañcayenna varānane || 30||

संसारवृक्षमारूढाः पतन्तो नरकार्णवे ।येन चैवोद्धृताः सर्वे तस्मै श्रीगुरवे नमः ॥ ३१॥

saṃsāravṛkṣamārūḍhāḥ patanto narakārṇave |yena caivoddhṛtāḥ sarve tasmai śrīgurave namaḥ || 31||

गुरुर्ब्रह्मा गुरुर्विष्णुर्गुरुर्देवो महेश्वरः ।गुरुरेव परब्रह्म तस्मै श्रीगुरवे नमः ॥ ३२॥

gururbrahmā gururviṣṇurgururdevo maheśvaraḥ |gurureva parabrahma tasmai śrīgurave namaḥ || 32||

हेतवे जगतामेव संसारार्णवसेतवे ।प्रभवे सर्वविद्यानां शम्भवे गुरवे नमः ॥ ३३॥

hetave jagatāmeva saṃsārārṇavasetave |prabhave sarvavidyānāṃ śambhave gurave namaḥ || 33||

अज्ञानतिमिरान्धस्य ज्ञानाञ्जनशलाकया ।चक्षुरुन्मीलितं येन तस्मै श्रीगुरवे नमः ॥ ३४॥

ajñānatimirāndhasya jñānāñjanaśalākayā |cakṣurunmīlitaṃ yena tasmai śrīgurave namaḥ || 34||

त्वं पिता त्वं च मे माता त्वं बन्धुस्त्वं च देवता ।संसारप्रतिबोधार्थं तस्मै श्रीगुरवे नमः ॥ ३५॥

tvaṃ pitā tvaṃ ca me mātā tvaṃ bandhustvaṃ ca devatā |saṃsārapratibodhārthaṃ tasmai śrīgurave namaḥ || 35||

यत्सत्येन जगत्सत्यं यत्प्रकाशेन भाति तत् ।यदानन्देन नन्दन्ति तस्मै श्रीगुरवे नमः ॥ ३६॥

yatsatyena jagatsatyaṃ yatprakāśena bhāti tat |yadānandena nandanti tasmai śrīgurave namaḥ || 36||

यस्य स्थित्या सत्यमिदं यद्भाति भानुरूपतः ।प्रियं पुत्रदि यत्प्रीत्या तस्मै श्रीगुरवे नमः ॥ ३७॥

yasya sthityā satyamidaṃ yadbhāti bhānurūpataḥ |priyaṃ putradi yatprītyā tasmai śrīgurave namaḥ || 37||

येन चेतयते हीदं चित्तं चेतयते न यम् ।जाग्रत्स्वप्नसुषुप्त्यादि तस्मै श्रीगुरवे नमः ॥ ३८॥

yena cetayate hīdaṃ cittaṃ cetayate na yam |jāgratsvapnasuṣuptyādi tasmai śrīgurave namaḥ || 38||

यस्य ज्ञानादिदं विश्वं न दृश्यं भिन्नभेदतः ।सदेकरूपरूपाय तस्मै श्रीगुरवे नमः ॥ ३९॥

yasya jñānādidaṃ viśvaṃ na dṛśyaṃ bhinnabhedataḥ |sadekarūparūpāya tasmai śrīgurave namaḥ || 39||

यस्यामतं तस्य मतं मतं यस्य न वेद सः ।अनन्यभाव भावाय तस्मै श्रीगुरवे नमः ॥ ४०॥

yasyāmataṃ tasya mataṃ mataṃ yasya na veda saḥ |ananyabhāva bhāvāya tasmai śrīgurave namaḥ || 40||

यस्य कारणरूपस्य कार्यरूपेण भाति यत् ।कार्यकारणरूपाय तस्मै श्रीगुरवे नमः ॥ ४१॥

yasya kāraṇarūpasya kāryarūpeṇa bhāti yat |kāryakāraṇarūpāya tasmai śrīgurave namaḥ || 41||