परशुरामाष्टकम् ३ Shri Parasuramashtakam 3

॥ श्रीमद्दिव्यपरशुरामाष्टकस्तोत्रम् ॥ब्रह्मविष्णुमहेशसन्नुतपावनाङ्घ्रिसरोरुहंनीलनीरजलोचनं हरिमाश्रितामरभूरुहम् ।केशवं जगदीश्वरं त्रिगुणात्मकं परपूरुषंपर्शुराममुपास्महे मम किङ्करिष्यति योऽपि वै ॥ १॥

|| śrīmaddivyaparaśurāmāṣṭakastotram ||brahmaviṣṇumaheśasannutapāvanāṅghrisaroruhaṃnīlanīrajalocanaṃ harimāśritāmarabhūruham |keśavaṃ jagadīśvaraṃ triguṇātmakaṃ parapūruṣaṃparśurāmamupāsmahe mama kiṅkariṣyati yo'pi vai || 1||

अक्षयं कलुषापहं निरुपद्रवं करुणानिधिंवेदरूपमनामयं विभुमच्युतं परमेश्वरम् ।हर्षदं जमदग्निपुत्रकमार्यजुष्टपदाम्बुजंपर्शुराममुपास्महे मम किङ्करिष्यति योऽपि वै ॥ २॥

akṣayaṃ kaluṣāpahaṃ nirupadravaṃ karuṇānidhiṃvedarūpamanāmayaṃ vibhumacyutaṃ parameśvaram |harṣadaṃ jamadagniputrakamāryajuṣṭapadāmbujaṃparśurāmamupāsmahe mama kiṅkariṣyati yo'pi vai || 2||

रैणुकेयमहीनसत्वकमव्ययं सुजनार्चितंविक्रमाढ्यमिनाब्जनेत्रकमब्जशार्ङ्गगदाधरम् ।छत्रिताहिमशेषविद्यगमष्टमूर्तिमनाश्रयं ??पर्शुराममुपास्महे मम किङ्करिष्यति योऽपि वै ॥ ३॥

raiṇukeyamahīnasatvakamavyayaṃ sujanārcitaṃvikramāḍhyaminābjanetrakamabjaśārṅgagadādharam |chatritāhimaśeṣavidyagamaṣṭamūrtimanāśrayaṃ ??parśurāmamupāsmahe mama kiṅkariṣyati yo'pi vai || 3||

बाहुजान्वयवारणाङ्कुशमर्वकण्ठमनुत्तमंसर्वभूतदयापरं शिवमब्धिशायिनमौर्वजम् ।भक्तशत्रुजनार्दनं निरयार्दनं कुजनार्दनंपर्शुराममुपास्महे मम किङ्करिष्यति योऽपि वै ॥ ४॥

bāhujānvayavāraṇāṅkuśamarvakaṇṭhamanuttamaṃsarvabhūtadayāparaṃ śivamabdhiśāyinamaurvajam |bhaktaśatrujanārdanaṃ nirayārdanaṃ kujanārdanaṃparśurāmamupāsmahe mama kiṅkariṣyati yo'pi vai || 4||

जम्भयज्ञविनाशकञ्च त्रिविक्रमं दनुजान्तकंनिर्विकारमगोचरं नरसिंहरूपमनर्दहम् ।वेदभद्रपदानुसारिणमिन्दिराधिपमिष्टदंपर्शुराममुपास्महे मम किङ्करिष्यति योऽपि वै ॥ ५॥

jambhayajñavināśakañca trivikramaṃ danujāntakaṃnirvikāramagocaraṃ narasiṃharūpamanardaham |vedabhadrapadānusāriṇamindirādhipamiṣṭadaṃparśurāmamupāsmahe mama kiṅkariṣyati yo'pi vai || 5||

निर्जरं गरुडध्वजं धरणीश्वरं परमोददंसर्वदेवमहर्षिभूसुरगीतरूपमरूपकम् ।भूमतापसवेषधारिणमद्रिशञ्च महामहंपर्शुराममुपास्महे मम किङ्करिष्यति योऽपि वै ॥ ६॥

nirjaraṃ garuḍadhvajaṃ dharaṇīśvaraṃ paramodadaṃsarvadevamaharṣibhūsuragītarūpamarūpakam |bhūmatāpasaveṣadhāriṇamadriśañca mahāmahaṃparśurāmamupāsmahe mama kiṅkariṣyati yo'pi vai || 6||

सामलोलमभद्रनाशकमादिमूर्तिमिलासुरंसर्वतोमुखमक्षिकर्षकमार्यदुःखहरङ्कलौ ।वेङ्कटेश्वररूपकं निजभक्तपालनदीक्षितंपर्शुराममुपास्महे मम किङ्करिष्यति योऽपि वै ॥ ७॥

sāmalolamabhadranāśakamādimūrtimilāsuraṃsarvatomukhamakṣikarṣakamāryaduḥkhaharaṅkalau |veṅkaṭeśvararūpakaṃ nijabhaktapālanadīkṣitaṃparśurāmamupāsmahe mama kiṅkariṣyati yo'pi vai || 7||

दिव्यविग्रहधारिणं निखिलाधिपं परमं महा-वैरिसूदनपण्डितं गिरिजातपूजितरूपकम् ।बाहुलेयकुगर्वहारकमाश्रितावळितारकंपर्शुराममुपास्महे मम किङ्करिष्यति योऽपि वै ॥ ८॥

divyavigrahadhāriṇaṃ nikhilādhipaṃ paramaṃ mahā-vairisūdanapaṇḍitaṃ girijātapūjitarūpakam |bāhuleyakugarvahārakamāśritāvaḷitārakaṃparśurāmamupāsmahe mama kiṅkariṣyati yo'pi vai || 8||

पर्शुरामाष्टकमिदं त्रिसन्ध्यं यः पठेन्नरःपर्शुरामकृपासारं सत्यं प्राप्नोति सत्वरम् ॥॥ इति श्रीपूसपाटि रङ्गनायकामात्य भार्गवर्षिकृतश्रीमद्दिव्यपरशुरामाष्टकं सम्पूर्णम् ॥

parśurāmāṣṭakamidaṃ trisandhyaṃ yaḥ paṭhennaraḥparśurāmakṛpāsāraṃ satyaṃ prāpnoti satvaram |||| iti śrīpūsapāṭi raṅganāyakāmātya bhārgavarṣikṛtaśrīmaddivyaparaśurāmāṣṭakaṃ sampūrṇam ||