नृसिंहषट्चक्रोपनिषत् Nrisimhashatchakra Upanishad

ॐ देवा ह वै सत्यं लोकमायंस्तं प्रजापतिमपृच्छन्नारसिंहचक्रन्नोब्रूहीति । तान्प्रजापतिर्नारसिंहचक्रमवोचत् । षड्वै नारसिंहानिचक्राणि भवन्ति । यत् प्रथमं तच्चतुररं यद्वितीयं तच्चतुररंयत्तृतीयं तदष्टारं यच्चतुर्थं तत्पञ्चारं यत्पञ्चमंतत्पञ्चारं यत् षष्ठं तदष्टारं तदेताति षडेव नारसिंहानिचक्राणि भवन्ति ॥

oṃ devā ha vai satyaṃ lokamāyaṃstaṃ prajāpatimapṛcchannārasiṃhacakrannobrūhīti | tānprajāpatirnārasiṃhacakramavocat | ṣaḍvai nārasiṃhānicakrāṇi bhavanti | yat prathamaṃ taccaturaraṃ yadvitīyaṃ taccaturaraṃyattṛtīyaṃ tadaṣṭāraṃ yaccaturthaṃ tatpañcāraṃ yatpañcamaṃtatpañcāraṃ yat ṣaṣṭhaṃ tadaṣṭāraṃ tadetāti ṣaḍeva nārasiṃhānicakrāṇi bhavanti ||

अथ कानि नामानि भवन्ति । यत् प्रथमं तदाचक्रंयद्वितीयं तत्सुचक्रं यत्तृतीयं तन्महाचक्रं यच्चतुर्थंतत्सकललोकरक्षणचक्रं यत्पञ्चमं तद्द्यूतचक्रं यद्वै षष्ठंतदसुरान्तकचक्रं तदेतानि षडेव नारसिंहचक्रनामानि भवन्ति ॥

atha kāni nāmāni bhavanti | yat prathamaṃ tadācakraṃyadvitīyaṃ tatsucakraṃ yattṛtīyaṃ tanmahācakraṃ yaccaturthaṃtatsakalalokarakṣaṇacakraṃ yatpañcamaṃ taddyūtacakraṃ yadvai ṣaṣṭhaṃtadasurāntakacakraṃ tadetāni ṣaḍeva nārasiṃhacakranāmāni bhavanti ||

अथ कानि त्रीणि वलयानि भवन्ति । यत्प्रथमं तदान्तरवलयं भवति ।यद्द्दितीयं तन्मध्यमं वलयं भवति । यत् तृतीयं तद्बाह्यं वलयंभवति । तदेतानि त्रीण्येव वलयानि भवन्ति । यदा तद्वैतद्बीजंयन्मध्यमं तां नारसिंहगायत्रीं यद्बाह्यं तन्मन्त्रः ॥

atha kāni trīṇi valayāni bhavanti | yatprathamaṃ tadāntaravalayaṃ bhavati |yaddditīyaṃ tanmadhyamaṃ valayaṃ bhavati | yat tṛtīyaṃ tadbāhyaṃ valayaṃbhavati | tadetāni trīṇyeva valayāni bhavanti | yadā tadvaitadbījaṃyanmadhyamaṃ tāṃ nārasiṃhagāyatrīṃ yadbāhyaṃ tanmantraḥ ||

अथ किमान्तरं वलयम् । षड्वान्तराणि वलयानि भवन्ति । यन्नारसिंहंतत्प्रथमस्य यन्माहालक्ष्म्यं तद्वितीयस्य यत्सारस्वतं तत्तृतीयस्ययस्य यत्कामं देवं तच्चतुर्थस्य यत् प्रणवं तत्पञ्चमस्ययत्क्रोधदैवतं तत् षष्ठस्य । तदेतानि षण्णां नारसिंहचक्राणांषडान्तराणि वलयानि भवन्ति ॥

atha kimāntaraṃ valayam | ṣaḍvāntarāṇi valayāni bhavanti | yannārasiṃhaṃtatprathamasya yanmāhālakṣmyaṃ tadvitīyasya yatsārasvataṃ tattṛtīyasyayasya yatkāmaṃ devaṃ taccaturthasya yat praṇavaṃ tatpañcamasyayatkrodhadaivataṃ tat ṣaṣṭhasya | tadetāni ṣaṇṇāṃ nārasiṃhacakrāṇāṃṣaḍāntarāṇi valayāni bhavanti ||

अथ किं मध्यमं वलयम् । षड्वै मध्यमानि वलयानि भवन्ति ।यन्नारसिंहाय तत्प्रथमस्य यद्विद्महे तद्द्वितीयस्य यद्वज्रनखायतत्तृतीयस्य यद्धीमहि तच्चतुर्थस्य यत्तन्नस्तत्पञ्चमस्ययत्सिंहः प्रचोदयादिति तत् षष्ठस्य । तदेतानि षण्णांनारसिंहचक्राणां षण्मध्यमानि वलयानि भवन्ति ॥

atha kiṃ madhyamaṃ valayam | ṣaḍvai madhyamāni valayāni bhavanti |yannārasiṃhāya tatprathamasya yadvidmahe taddvitīyasya yadvajranakhāyatattṛtīyasya yaddhīmahi taccaturthasya yattannastatpañcamasyayatsiṃhaḥ pracodayāditi tat ṣaṣṭhasya | tadetāni ṣaṇṇāṃnārasiṃhacakrāṇāṃ ṣaṇmadhyamāni valayāni bhavanti ||

अथ किं बाह्यं वलयम् । षड्वै बाह्यानि वलयानि भवन्ति ।यदाचक्रं यदात्मा तत्प्रथमस्य यत्सुचक्रं यत्प्रियात्मा तद्द्वितीयस्ययन्महाचक्रं यज्ज्योतिरात्मा तत्तृतीयस्य यत्सकललोकरक्षणचक्रंयन्मायात्मा तच्चतुर्थस्य यदाचक्रं यद्योगात्मा तत्पञ्चमस्ययदसुरान्तकचक्रं यत्सत्यात्मा तत् षष्ठस्य । तदेतानि षण्णांनारसिंहचक्राणां षट् बाह्यानि वलयानि भवन्ति ॥

atha kiṃ bāhyaṃ valayam | ṣaḍvai bāhyāni valayāni bhavanti |yadācakraṃ yadātmā tatprathamasya yatsucakraṃ yatpriyātmā taddvitīyasyayanmahācakraṃ yajjyotirātmā tattṛtīyasya yatsakalalokarakṣaṇacakraṃyanmāyātmā taccaturthasya yadācakraṃ yadyogātmā tatpañcamasyayadasurāntakacakraṃ yatsatyātmā tat ṣaṣṭhasya | tadetāni ṣaṇṇāṃnārasiṃhacakrāṇāṃ ṣaṭ bāhyāni valayāni bhavanti ||

क्वैतानि न्यस्यानि । यत्प्रथमं तद्धृदये यद्द्वितीयं तच्छिरसियत्तृतीयं तच्छिखायां यच्चतुर्थं तत्सर्वेष्वङ्गेषुयत्पञ्चमं तत्सर्वेषु (?) यत् षष्ठं तत्सर्वेषु देशेषु ।य एतानि नारसिंहानि चक्राण्येतेष्वङ्गेषु बिभृयात् तस्यानुष्टुप्सिध्यति । तं भगवान् नृसिंहः प्रसीदति । तस्य कैवल्यं सिध्यति ।तस्य सर्वे लोकाः सिध्यन्ति । तस्य सर्वे जनाः सिध्यन्ति । तस्मादेतानिषण्णां नारसिंहचक्राण्यङ्गेषु न्यस्यानि भवन्ति । पवित्रं च एतत्तस्यन्यसनम् । न्यसनान्नृसिंहानन्दी भवति । कर्मण्यो भवति । ब्रह्मण्योभवति । अन्यसनान्न नृसिंहानन्दी भवति । न कर्मण्यो भवति ।तस्मादेतत्पवित्रं तस्य न्यसनम् ॥

kvaitāni nyasyāni | yatprathamaṃ taddhṛdaye yaddvitīyaṃ tacchirasiyattṛtīyaṃ tacchikhāyāṃ yaccaturthaṃ tatsarveṣvaṅgeṣuyatpañcamaṃ tatsarveṣu (?) yat ṣaṣṭhaṃ tatsarveṣu deśeṣu |ya etāni nārasiṃhāni cakrāṇyeteṣvaṅgeṣu bibhṛyāt tasyānuṣṭupsidhyati | taṃ bhagavān nṛsiṃhaḥ prasīdati | tasya kaivalyaṃ sidhyati |tasya sarve lokāḥ sidhyanti | tasya sarve janāḥ sidhyanti | tasmādetāniṣaṇṇāṃ nārasiṃhacakrāṇyaṅgeṣu nyasyāni bhavanti | pavitraṃ ca etattasyanyasanam | nyasanānnṛsiṃhānandī bhavati | karmaṇyo bhavati | brahmaṇyobhavati | anyasanānna nṛsiṃhānandī bhavati | na karmaṇyo bhavati |tasmādetatpavitraṃ tasya nyasanam ||

यो वा एतं नारसिंहं चक्रमधीते स सर्वेषु वेदेष्वधीतो भवति ।स सर्वेषु यज्ञेषु याजको भवति । स सर्वेषु तीर्थेषु स्नातो भवति ।स सर्वेषु मन्त्रेषु सिद्धो भवति । स सर्वत्र शुद्धो भवति ।स सर्वरक्षो भवति । भूतपिशाचशाकिनीप्रेतवन्ताकनाशको भवति ।स निर्भयो भवति । तदेतन्नाश्रद्दधानाय प्रब्रूयात्तदेतन्नाश्रद्दधानायप्रब्रूयादिति ॥(वैष्णवौपनिषदः)

yo vā etaṃ nārasiṃhaṃ cakramadhīte sa sarveṣu vedeṣvadhīto bhavati |sa sarveṣu yajñeṣu yājako bhavati | sa sarveṣu tīrtheṣu snāto bhavati |sa sarveṣu mantreṣu siddho bhavati | sa sarvatra śuddho bhavati |sa sarvarakṣo bhavati | bhūtapiśācaśākinīpretavantākanāśako bhavati |sa nirbhayo bhavati | tadetannāśraddadhānāya prabrūyāttadetannāśraddadhānāyaprabrūyāditi ||(vaiṣṇavaupaniṣadaḥ)

इत्याथर्वणीये नृसिंहषट्चक्रोपनिषत् समाप्ता ।

ityātharvaṇīye nṛsiṃhaṣaṭcakropaniṣat samāptā |