नरसिंहस्तुतिः (शुक्राचार्यप्रोक्ता नरसिंहपुराणान्तर्गता) Narasimha stuti by Shukracharya

मार्कण्डेय उवाचवामनेन स विद्धाक्षो बहुतीर्थेषु भार्गवः ।जाह्नवीसलिले स्थित्वा देवमभ्यर्च्य वामनम् ॥ १॥

mārkaṇḍeya uvācavāmanena sa viddhākṣo bahutīrtheṣu bhārgavaḥ |jāhnavīsalile sthitvā devamabhyarcya vāmanam || 1||

ऊर्ध्वबाहुः स देवेशं शंखचक्रगदाधरम् ।हृदि संचिन्त्य तुष्टाव नरसिंहं सनातनम् ॥ २॥

ūrdhvabāhuḥ sa deveśaṃ śaṃkhacakragadādharam |hṛdi saṃcintya tuṣṭāva narasiṃhaṃ sanātanam || 2||

शुक्र उवाचनमामि देवं विश्वेशं वामनं विष्णुरूपिणम् ।बलिदर्पहरं शान्तं शाश्वतं पुरुषोत्तमम् ॥ ३॥

śukra uvācanamāmi devaṃ viśveśaṃ vāmanaṃ viṣṇurūpiṇam |balidarpaharaṃ śāntaṃ śāśvataṃ puruṣottamam || 3||

धीरं शूरं महादेवं शङ्खचक्रगदाधरम् ।विशुद्धं ज्ञानसम्पन्नं नमामि हरिमच्युतम् ॥ ४॥

dhīraṃ śūraṃ mahādevaṃ śaṅkhacakragadādharam |viśuddhaṃ jñānasampannaṃ namāmi harimacyutam || 4||

सर्वशक्तिमयं देवं सर्वगं सर्वभावनम् ।अनादिमजरं नित्यं नमामि गरुडध्वजम् ॥ ५॥

sarvaśaktimayaṃ devaṃ sarvagaṃ sarvabhāvanam |anādimajaraṃ nityaṃ namāmi garuḍadhvajam || 5||

सुरासुरैर्भक्तिमद्भिः स्तुतो नारायणः सदा ।पूजितं च हृषीकेशं तं नमामि जगद्गुरुम् ॥ ६॥

surāsurairbhaktimadbhiḥ stuto nārāyaṇaḥ sadā |pūjitaṃ ca hṛṣīkeśaṃ taṃ namāmi jagadgurum || 6||

हृदि संकल्प्य यद्रूपं ध्यायन्ति यतयः सदा ।ज्योतीरूपमनौपम्यं नरसिंहं नमाम्यहम् ॥ ७॥

hṛdi saṃkalpya yadrūpaṃ dhyāyanti yatayaḥ sadā |jyotīrūpamanaupamyaṃ narasiṃhaṃ namāmyaham || 7||

न जानन्ति परं रूपं ब्रह्माद्या देवतागणाः ।यस्यावताररूपाणि समर्चन्ति नमामि तम् ॥ ८॥

na jānanti paraṃ rūpaṃ brahmādyā devatāgaṇāḥ |yasyāvatārarūpāṇi samarcanti namāmi tam || 8||

एतत्समस्तं येनादौ सृष्टं दुष्टवधात्पुनः ।त्रातं यत्र जगल्लीनं तं नमामि जनार्दनम् ॥ ९॥

etatsamastaṃ yenādau sṛṣṭaṃ duṣṭavadhātpunaḥ |trātaṃ yatra jagallīnaṃ taṃ namāmi janārdanam || 9||

भक्तैरभ्यर्चितो यस्तु नित्यं भक्तप्रियो हि यः ।तं देवममलं दिव्यं प्रणमामि जगत्पतिम् ॥ १०॥

bhaktairabhyarcito yastu nityaṃ bhaktapriyo hi yaḥ |taṃ devamamalaṃ divyaṃ praṇamāmi jagatpatim || 10||

दुर्लभं चापि भक्तानां यः प्रयच्छति तोषितः ।तं सर्वसाक्षिणं विष्णुं प्रणमामि सनातनम् ॥ ११॥

durlabhaṃ cāpi bhaktānāṃ yaḥ prayacchati toṣitaḥ |taṃ sarvasākṣiṇaṃ viṣṇuṃ praṇamāmi sanātanam || 11||

नरसिंहपुराणे अध्याय ५५ श्लोक २१२, अध्याय श्लोक संख्या २०श्रीनरसिंहपुराणे शुक्रवरप्रदानो नाम पञ्चपञ्चाशोऽध्यायः ॥ ५५॥

narasiṃhapurāṇe adhyāya 55 śloka 212, adhyāya śloka saṃkhyā 20śrīnarasiṃhapurāṇe śukravarapradāno nāma pañcapañcāśo'dhyāyaḥ || 55||