नरसिंहस्तोत्रम् १ नृसिंहस्तुतिः Narasimha Stotra

उदयरवि सहस्रद्योतितं रूक्षवीक्षंप्रळय जलधिनादं कल्पकृद्वह्नि वक्त्रम् ।सुरपतिरिपु वक्षश्छेद रक्तोक्षिताङ्गंप्रणतभयहरं तं नारसिंहं नमामि ॥प्रळयरवि कराळाकार रुक्चक्रवालंविरळय दुरुरोची रोचिताशान्तराल ।प्रतिभयतम कोपात्त्युत्कटोच्चाट्टहासिन्दह दह नरसिंहासह्यवीर्याहितंमे ॥ १॥

udayaravi sahasradyotitaṃ rūkṣavīkṣaṃpraḷaya jaladhinādaṃ kalpakṛdvahni vaktram |surapatiripu vakṣaścheda raktokṣitāṅgaṃpraṇatabhayaharaṃ taṃ nārasiṃhaṃ namāmi ||praḷayaravi karāḷākāra rukcakravālaṃviraḷaya dururocī rocitāśāntarāla |pratibhayatama kopāttyutkaṭoccāṭṭahāsindaha daha narasiṃhāsahyavīryāhitaṃme || 1||

सरस रभसपादा पातभाराभिरावप्रचकितचल सप्तद्वन्द्व लोकस्तुतस्त्त्वम् ।रिपुरुधिर निषेकेणैव शोणाङ्घ्रिशालिन्दह दह नरसिंहासह्यवीर्याहितंमे ॥ २॥

sarasa rabhasapādā pātabhārābhirāvapracakitacala saptadvandva lokastutasttvam |ripurudhira niṣekeṇaiva śoṇāṅghriśālindaha daha narasiṃhāsahyavīryāhitaṃme || 2||

तव घनघनघोषो घोरमाघ्राय जङ्घापरिघ मलघु मूरु व्याजतेजो गिरिञ्च ।घनविघटतमागाद्दैत्य जङ्घालसङ्घोदह दह नरसिंहासह्यवीर्याहितंमे ॥ ३॥

tava ghanaghanaghoṣo ghoramāghrāya jaṅghāparigha malaghu mūru vyājatejo giriñca |ghanavighaṭatamāgāddaitya jaṅghālasaṅghodaha daha narasiṃhāsahyavīryāhitaṃme || 3||

कटकि कटकराजद्धाट्ट काग्र्यस्थलाभाप्रकट पट तटित्ते सत्कटिस्थातिपट्वी ।कटुक कटुक दुष्टाटोप दृष्टिप्रमुष्टौदह दह नरसिंहासह्यवीर्याहितंमे ॥ ४॥

kaṭaki kaṭakarājaddhāṭṭa kāgryasthalābhāprakaṭa paṭa taṭitte satkaṭisthātipaṭvī |kaṭuka kaṭuka duṣṭāṭopa dṛṣṭipramuṣṭaudaha daha narasiṃhāsahyavīryāhitaṃme || 4||

प्रखर नखर वज्रोत्खात रोक्षारिवक्षःशिखरि शिखर रक्त्यराक्तसंदोह देह ।सुवलिभ शुभ कुक्षे भद्र गम्भीरनाभेदह दह नरसिंहासह्यवीर्याहितंमे ॥ ५॥

prakhara nakhara vajrotkhāta rokṣārivakṣaḥśikhari śikhara raktyarāktasaṃdoha deha |suvalibha śubha kukṣe bhadra gambhīranābhedaha daha narasiṃhāsahyavīryāhitaṃme || 5||

स्फुरयति तव साक्षात्सैव नक्षत्रमालाक्षपित दितिज वक्षो व्याप्तनक्षत्रमार्गम् ।अरिदरधर जान्वासक्त हस्तद्वयाहोदह दह नरसिंहासह्यवीर्याहितंमे ॥ ६॥

sphurayati tava sākṣātsaiva nakṣatramālākṣapita ditija vakṣo vyāptanakṣatramārgam |aridaradhara jānvāsakta hastadvayāhodaha daha narasiṃhāsahyavīryāhitaṃme || 6||

कटुविकट सटौघोद्घट्टनाद्भ्रष्टभूयोघनपटल विशालाकाश लब्धावकाशम् ।करपरिघ विमर्द प्रोद्यमं ध्यायतस्तेदह दह नरसिंहासह्यवीर्याहितंमे ॥ ७॥

kaṭuvikaṭa saṭaughodghaṭṭanādbhraṣṭabhūyoghanapaṭala viśālākāśa labdhāvakāśam |karaparigha vimarda prodyamaṃ dhyāyatastedaha daha narasiṃhāsahyavīryāhitaṃme || 7||

हठलुठ दल घिष्टोत्कण्ठदष्टोष्ठ विद्युत्सटशठ कठिनोरः पीठभित्सुष्ठुनिष्ठाम् ।पठतिनुतव कण्ठाधिष्ठ घोरान्त्रमालादह दह नरसिंहासह्यवीर्याहितंमे ॥ ८॥

haṭhaluṭha dala ghiṣṭotkaṇṭhadaṣṭoṣṭha vidyutsaṭaśaṭha kaṭhinoraḥ pīṭhabhitsuṣṭhuniṣṭhām |paṭhatinutava kaṇṭhādhiṣṭha ghorāntramālādaha daha narasiṃhāsahyavīryāhitaṃme || 8||

हृत बहुमिहि राभासह्यसंहाररंहोहुतवह बहुहेति ह्रेपिकानन्त हेति ।अहित विहित मोहं संवहन् सैंहमास्यंदह दह नरसिंहासह्यवीर्याहितंमे ॥ ९॥

hṛta bahumihi rābhāsahyasaṃhāraraṃhohutavaha bahuheti hrepikānanta heti |ahita vihita mohaṃ saṃvahan saiṃhamāsyaṃdaha daha narasiṃhāsahyavīryāhitaṃme || 9||

गुरुगुरुगिरिराजत्कन्दरान्तर्गतेवदिनमणि मणिशृङ्गे वन्तवह्निप्रदीप्ते ।दधदति कटुदंष्प्रे भीषणोज्जिह्व वक्त्रेदह दह नरसिंहासह्यवीर्याहितंमे ॥ १०॥

gurugurugirirājatkandarāntargatevadinamaṇi maṇiśṛṅge vantavahnipradīpte |dadhadati kaṭudaṃṣpre bhīṣaṇojjihva vaktredaha daha narasiṃhāsahyavīryāhitaṃme || 10||

अधरित विबुधाब्धि ध्यानधैर्यं विदीध्यद्विविध विबुधधी श्रद्धापितेन्द्रारिनाशम् ।विदधदति कटाहोद्घट्टनेद्धाट्टहासंदह दह नरसिंहासह्यवीर्याहितंमे ॥ ११॥

adharita vibudhābdhi dhyānadhairyaṃ vidīdhyadvividha vibudhadhī śraddhāpitendrārināśam |vidadhadati kaṭāhodghaṭṭaneddhāṭṭahāsaṃdaha daha narasiṃhāsahyavīryāhitaṃme || 11||

त्रिभुवन तृणमात्र त्राण तृष्णन्तु नेत्रत्रयमति लघितार्चिर्विष्ट पाविष्टपादम् ।नवतर रवि ताम्रं धारयन् रूक्षवीक्षंदह दह नरसिंहासह्यवीर्याहितंमे ॥ १२॥

tribhuvana tṛṇamātra trāṇa tṛṣṇantu netratrayamati laghitārcirviṣṭa pāviṣṭapādam |navatara ravi tāmraṃ dhārayan rūkṣavīkṣaṃdaha daha narasiṃhāsahyavīryāhitaṃme || 12||

भ्रमद भिभव भूभृद्भूरिभूभारसद्भिद्भिदनभिनव विदभ्रू विभ्र मादभ्र शुभ्र ।ऋभुभव भय भेत्तर्भासि भो भो विभोऽभिर्दह दह नरसिंहासह्यवीर्याहितंमे ॥ १३॥

bhramada bhibhava bhūbhṛdbhūribhūbhārasadbhidbhidanabhinava vidabhrū vibhra mādabhra śubhra |ṛbhubhava bhaya bhettarbhāsi bho bho vibho'bhirdaha daha narasiṃhāsahyavīryāhitaṃme || 13||

श्रवण खचित चञ्चत्कुण्ड लोच्चण्डगण्डभ्रुकुटि कटुललाट श्रेष्ठनासारुणोष्ठ ।वरद सुरद राजत्केसरोत्सारि तारेदह दह नरसिंहासह्यवीर्याहितंमे ॥ १४॥

śravaṇa khacita cañcatkuṇḍa loccaṇḍagaṇḍabhrukuṭi kaṭulalāṭa śreṣṭhanāsāruṇoṣṭha |varada surada rājatkesarotsāri tāredaha daha narasiṃhāsahyavīryāhitaṃme || 14||

प्रविकच कचराजद्रत्न कोटीरशालिन्गलगत गलदुस्रोदार रत्नाङ्गदाढ्।ह्य ।कनक कटक काञ्ची शिञ्जिनी मुद्रिकावन्दह दह नरसिंहासह्यवीर्याहितंमे ॥ १५॥

pravikaca kacarājadratna koṭīraśālingalagata galadusrodāra ratnāṅgadāḍh|hya |kanaka kaṭaka kāñcī śiñjinī mudrikāvandaha daha narasiṃhāsahyavīryāhitaṃme || 15||

अरिदरमसि खेटौ बाणचापे गदां सन्मुसलमपि दधानः पाशवर्याङ्कुशौ च ।करयुगल धृतान्त्रस्रग्विभिन्नारिवक्षोदह दह नरसिंहासह्यवीर्याहितंमे ॥ १६॥

aridaramasi kheṭau bāṇacāpe gadāṃ sanmusalamapi dadhānaḥ pāśavaryāṅkuśau ca |karayugala dhṛtāntrasragvibhinnārivakṣodaha daha narasiṃhāsahyavīryāhitaṃme || 16||

चट चट चट दूरं मोहय भ्रामयारिन्कडि कडि कडि कायं ज्वारय स्फोटयस्व ।जहि जहि जहि वेगं शात्रवं सानुबन्धंदह दह नरसिंहासह्यवीर्याहितंमे ॥ १७॥

caṭa caṭa caṭa dūraṃ mohaya bhrāmayārinkaḍi kaḍi kaḍi kāyaṃ jvāraya sphoṭayasva |jahi jahi jahi vegaṃ śātravaṃ sānubandhaṃdaha daha narasiṃhāsahyavīryāhitaṃme || 17||

विधिभव विबुधेश भ्रामकाग्नि स्फुलिङ्गप्रसवि विकट दंष्प्रोज्जिह्ववक्त्र त्रिनेत्र ।कल कल कलकामं पाहिमां ते सुभक्तंदह दह नरसिंहासह्यवीर्याहितंमे ॥ १८॥

vidhibhava vibudheśa bhrāmakāgni sphuliṅgaprasavi vikaṭa daṃṣprojjihvavaktra trinetra |kala kala kalakāmaṃ pāhimāṃ te subhaktaṃdaha daha narasiṃhāsahyavīryāhitaṃme || 18||

कुरु कुरु करुणां तां साङ्कुरां दैत्यपोतेदिश दिश विशदांमे शाश्वतीं देवदृष्टिम् ।जय जय जय मुर्तेऽनार्त जेतव्य पक्षंदह दह नरसिंहासह्यवीर्याहितंमे ॥ १९॥

kuru kuru karuṇāṃ tāṃ sāṅkurāṃ daityapotediśa diśa viśadāṃme śāśvatīṃ devadṛṣṭim |jaya jaya jaya murte'nārta jetavya pakṣaṃdaha daha narasiṃhāsahyavīryāhitaṃme || 19||

स्तुतिरिहमहितघ्नी सेवितानारसिंहीतनुरिवपरिशान्ता मालिनी साऽभितोऽलम् ।तदखिल गुरुमाग्र्य श्रीधरूपालसद्भिःसुनिय मनय कृत्यैः सद्गुणैर्नित्ययुक्ताः ॥ २०॥

stutirihamahitaghnī sevitānārasiṃhītanurivapariśāntā mālinī sā'bhito'lam |tadakhila gurumāgrya śrīdharūpālasadbhiḥsuniya manaya kṛtyaiḥ sadguṇairnityayuktāḥ || 20||

लिकुचतिलकसूनुस्सद्धितार्थानुसारीनरहरि नुतिमेतां शत्रुसंहार हेतुम् ।अकृत सकल पापध्वंसिनीं यः पठेत्तांव्रजति नृहरिलोकं कामलोभाद्यसक्तः ॥ २१॥

likucatilakasūnussaddhitārthānusārīnarahari nutimetāṃ śatrusaṃhāra hetum |akṛta sakala pāpadhvaṃsinīṃ yaḥ paṭhettāṃvrajati nṛharilokaṃ kāmalobhādyasaktaḥ || 21||

इति कविकुलतिलकत्रिविक्रमपण्डिताचार्यविरचिता श्रीनरसिंहस्तुतिः समाप्ता ।अथवाइति कविकुलतिलक श्री त्रिविक्रमपण्डिताचार्यसुतनारायणपण्डिताचार्य विरचितम् श्रीनरसिंहस्तोत्रं सम्पूर्णम् ।॥ भारतीरमणमुख्यप्राणान्तर्गत श्रीकृष्णार्पणमस्तु ॥ठेरे हस् बीन् अ चोन्फ़्लिच्त् इन् इन्तेर्प्रेतिन्ग्णरयनपन्दित अल्सो व्रोते अनोथेर् नरसिम्ह

iti kavikulatilakatrivikramapaṇḍitācāryaviracitā śrīnarasiṃhastutiḥ samāptā |athavāiti kavikulatilaka śrī trivikramapaṇḍitācāryasutanārāyaṇapaṇḍitācārya viracitam śrīnarasiṃhastotraṃ sampūrṇam ||| bhāratīramaṇamukhyaprāṇāntargata śrīkṛṣṇārpaṇamastu ||ṭhere has bīn a conफ़lict in interpretingṇarayanapandita also vrote another narasimha