नरसिंहमङ्गलम् Narasimhamangalam

(मेलुकोटे गिरिनृसिंह विषयकं वर्णनम्)सद्यः सुजात नरसिंह विभो गिरिष्ठप्रह्लादभक्तकृत् कार्तयुगप्रतिष्ठ ।सेवाकुतूहलि जनैः सततं घनिष्ठस्वामिन् प्रसीद नृहरे यदुशैलनाथ ॥ १॥

(melukoṭe girinṛsiṃha viṣayakaṃ varṇanam)sadyaḥ sujāta narasiṃha vibho giriṣṭhaprahlādabhaktakṛt kārtayugapratiṣṭha |sevākutūhali janaiḥ satataṃ ghaniṣṭhasvāmin prasīda nṛhare yaduśailanātha || 1||

गोमन्तपर्वतनिवासिनि सिंहराजेसायन्दिनार्चन दिदृक्षुरयं हि लोकः ।सोपानपङ्क्तिमधिरुह्य सुखं सुहृष्टःस्वामिन् प्रसीद नृहरे यदुशैलनाथ ॥ २॥

gomantaparvatanivāsini siṃharājesāyandinārcana didṛkṣurayaṃ hi lokaḥ |sopānapaṅktimadhiruhya sukhaṃ suhṛṣṭaḥsvāmin prasīda nṛhare yaduśailanātha || 2||

शैलाधिरोहणपथे फलकाः शिलानांश्रीनारिकेलफलङ्घट्टन तोयचिन्हाः ।स्वादूदकैः सुखसुशीतल मार्दवाद्याःस्वामिन् प्रसीद नृहरे यदुशैलनाथ ॥ ३॥

śailādhirohaṇapathe phalakāḥ śilānāṃśrīnārikelaphalaṅghaṭṭana toyacinhāḥ |svādūdakaiḥ sukhasuśītala mārdavādyāḥsvāmin prasīda nṛhare yaduśailanātha || 3||

पथ्यासते सुमतमालवटप्रचम्पाःचाम्रास्तथा पनसनिम्बसुपाटलाद्याः ।छायाप्रदः सुदृढभूरुहषण्डमालाःस्वामिन् प्रसीद नृहरे यदुशैलनाथ ॥ ४॥

pathyāsate sumatamālavaṭapracampāḥcāmrāstathā panasanimbasupāṭalādyāḥ |chāyāpradaḥ sudṛḍhabhūruhaṣaṇḍamālāḥsvāmin prasīda nṛhare yaduśailanātha || 4||

भेतालिकादि घनभूतपिशाचविष्टाःचित्रीकृताः पथिकभक्तपदारविन्दम् ।प्राप्यैव मुक्तिमहहा नियतां लभन्तेस्वामिन् प्रसीद नृहरे यदुशैलनाथ ॥ ५॥

bhetālikādi ghanabhūtapiśācaviṣṭāḥcitrīkṛtāḥ pathikabhaktapadāravindam |prāpyaiva muktimahahā niyatāṃ labhantesvāmin prasīda nṛhare yaduśailanātha || 5||

वृन्दावनं तदिदमस्ति शठारिरम्यंलक्ष्मीसनाथमथवापि सवासुदेवम् ।रामानुजार्य पदवी वपुषा च रम्यंस्वामिन् प्रसीद नृहरे यदुशैलनाथ ॥ ६॥

vṛndāvanaṃ tadidamasti śaṭhāriramyaṃlakṣmīsanāthamathavāpi savāsudevam |rāmānujārya padavī vapuṣā ca ramyaṃsvāmin prasīda nṛhare yaduśailanātha || 6||

स्तम्भाऽऽढ्यमण्टपगणा बलदाः हनूमत्साकारमूर्तय अहोऽत्र विवर्तसिंहौ ।स्वादूदकं बहुशिलागहनं सरश्चस्वामिन् प्रसीद नृहरे यदुशैलनाथ ॥ ७॥

stambhā''ḍhyamaṇṭapagaṇā baladāḥ hanūmatsākāramūrtaya aho'tra vivartasiṃhau |svādūdakaṃ bahuśilāgahanaṃ saraścasvāmin prasīda nṛhare yaduśailanātha || 7||

भट्टारकं श्रुतिविरूपममुं सुबालाःआरोहणार्थ पथ एवमहोवदन्ति ।आरोहयेम बधिरादिपते गिरीन्द्रंस्वामिन् प्रसीद नृहरे यदुशैलनाथ ॥ ८॥

bhaṭṭārakaṃ śrutivirūpamamuṃ subālāḥārohaṇārtha patha evamahovadanti |ārohayema badhirādipate girīndraṃsvāmin prasīda nṛhare yaduśailanātha || 8||

हार्दां गतिं प्रियहितानिलक्लृप्तधाटींप्राप्ता जना विततदूरस्वदृष्टिपाताः ।भूगोलमेव रवलु सानुभवं भजन्तेस्वामिन् प्रसीद नृहरे यदुशैलनाथ ॥ ९॥

hārdāṃ gatiṃ priyahitānilaklṛptadhāṭīṃprāptā janā vitatadūrasvadṛṣṭipātāḥ |bhūgolameva ravalu sānubhavaṃ bhajantesvāmin prasīda nṛhare yaduśailanātha || 9||

गोपाश्चरन्ति च सुचारु च चारयन्तिगायन्ति चाऽत्र सुसुखं त्वजगोगणान्स्वान् ।सर्पन्ति सर्पनिवहास्त्वथ भीतिदूराःस्वामिन् प्रसीद नृहरे यदुशैलनाथ ॥ १०॥

gopāścaranti ca sucāru ca cārayantigāyanti cā'tra susukhaṃ tvajagogaṇānsvān |sarpanti sarpanivahāstvatha bhītidūrāḥsvāmin prasīda nṛhare yaduśailanātha || 10||

दूरात् समस्तजनता तव गोपुराग्रंदृष्ट्वैव शान्तमनसस्त्वथ भक्तिभाजः ।तत्रैव तत्र नमनं बहुधा चरन्तिस्वामिन् प्रसीद नृहरे यदुशैलनाथ ॥ ११॥

dūrāt samastajanatā tava gopurāgraṃdṛṣṭvaiva śāntamanasastvatha bhaktibhājaḥ |tatraiva tatra namanaṃ bahudhā carantisvāmin prasīda nṛhare yaduśailanātha || 11||

कार्तीकमासि तव गोपुरदीपसेवाभक्ताग्रगण्यविहिता जनमानसं च ।त्वद् दास्यदीपितमधात् तव मानसं चस्वामिन् प्रसीद नृहरे यदुशैलनाथ ॥ १२॥

kārtīkamāsi tava gopuradīpasevābhaktāgragaṇyavihitā janamānasaṃ ca |tvad dāsyadīpitamadhāt tava mānasaṃ casvāmin prasīda nṛhare yaduśailanātha || 12||

राजागिरेरवति नः परमः पुमान् वैश्रीनारसिंहवपुरत्र रमासखो यः ।तस्येदमस्ति सकलं त्विति लोकभाषास्वामिन् प्रसीद नृहरे यदुशैलनाथ ॥ १३॥

rājāgireravati naḥ paramaḥ pumān vaiśrīnārasiṃhavapuratra ramāsakho yaḥ |tasyedamasti sakalaṃ tviti lokabhāṣāsvāmin prasīda nṛhare yaduśailanātha || 13||

सन्ध्यासुराग अथमत्र न सान्ध्यरागःहैरण्य देह हननादथ रक्तपातः ।व्याप्नोति खं त्विति शठारिमुनेर्हि सूक्तिःस्वामिन् प्रसीद नृहरे यदुशैलनाथ ॥ १४॥

sandhyāsurāga athamatra na sāndhyarāgaḥhairaṇya deha hananādatha raktapātaḥ |vyāpnoti khaṃ tviti śaṭhārimunerhi sūktiḥsvāmin prasīda nṛhare yaduśailanātha || 14||

नीचैर्गिरिर्वसति चाऽत्र ततोपरि त्वंगिर्याढ्यमूर्तिरहहा किमिदं तु युग्मम् ।हैरण्य देहगिरिरेक अथापि च त्वंस्वामिन् प्रसीद नृहरे यदुशैलनाथ ॥ १५॥

nīcairgirirvasati cā'tra tatopari tvaṃgiryāḍhyamūrtirahahā kimidaṃ tu yugmam |hairaṇya dehagirireka athāpi ca tvaṃsvāmin prasīda nṛhare yaduśailanātha || 15||

दूरे गिरीन्द्र शतमाक्षितिजं समन्तात्पश्यन्ति चापि च सुचारुतटाकसङ्घान् ।कावेरिकादि जलभूरि सुवाहिनीस्ताःस्वामिन् प्रसीद नृहरे यदुशैलनाथ ॥ १६॥

dūre girīndra śatamākṣitijaṃ samantātpaśyanti cāpi ca sucārutaṭākasaṅghān |kāverikādi jalabhūri suvāhinīstāḥsvāmin prasīda nṛhare yaduśailanātha || 16||

ब्रह्मानुभूतिरियमेव तवात्र सृष्टौ ।चेतो विशालसुखभावमये लभेत ।आरोग्यभाग्यमपि सिद्ध्यति नारसिंह ।स्वामिन् प्रसीद नृहरे यदुशैलनाथ ॥ १७॥

brahmānubhūtiriyameva tavātra sṛṣṭau |ceto viśālasukhabhāvamaye labheta |ārogyabhāgyamapi siddhyati nārasiṃha |svāmin prasīda nṛhare yaduśailanātha || 17||

श्रीभाष्यकार षठकोपसुरक्षितस्त्वंद्वारे महत्यहह थावुभये च पार्श्वे ।वस्त्रोर्यतन्तुभिरहोऽर्चितसिंहडिम्भस्वामिन् प्रसीद नृहरे यदुशैलनाथ ॥ १८॥

śrībhāṣyakāra ṣaṭhakopasurakṣitastvaṃdvāre mahatyahaha thāvubhaye ca pārśve |vastroryatantubhiraho'rcitasiṃhaḍimbhasvāmin prasīda nṛhare yaduśailanātha || 18||

सोपानपङ्क्तिमिह वै नवसङ्ख्ययाऽऽढ्यांतावद्भिरेव सुफलैः शुभनारिकेलैः ।आराधयन्ति जनता विविधास्त्वदीयाःस्वामिन् प्रसीद नृहरे यदुशैलनाथ ॥ १९॥

sopānapaṅktimiha vai navasaṅkhyayā''ḍhyāṃtāvadbhireva suphalaiḥ śubhanārikelaiḥ |ārādhayanti janatā vividhāstvadīyāḥsvāmin prasīda nṛhare yaduśailanātha || 19||

पञ्चोत्तरत्रिशतषष्टिमितास्त्वदीयाःसोपानपङ्क्तय इमा तवनाम सौख्याः ।एकप्रवत्सरकृते कतिचिज्जनानांस्वामिन् प्रसीद नृहरे यदुशैलनाथ ॥ २०॥

pañcottaratriśataṣaṣṭimitāstvadīyāḥsopānapaṅktaya imā tavanāma saukhyāḥ |ekapravatsarakṛte katicijjanānāṃsvāmin prasīda nṛhare yaduśailanātha || 20||

भित्तौ सुवर्णफलकाञ्चित सिंहरूपभद्रां दशाऽऽकृतिमयन् नयनाभिराम ।द्वारे समाऽऽगतसमादरमातनोषिस्वामिन् प्रसीद नृहरे यदुशैलनाथ ॥ २१॥

bhittau suvarṇaphalakāñcita siṃharūpabhadrāṃ daśā''kṛtimayan nayanābhirāma |dvāre samā''gatasamādaramātanoṣisvāmin prasīda nṛhare yaduśailanātha || 21||

वायव्यकोण इह राजितपादयुग्मंसिंवत् प्रकामकरुणं गुरुलक्ष्मणस्य ।आलोकपात्रमित एव स्वपादतीर्थंस्वामिन् प्रसीद नृहरे यदुशैलनाथ ॥ २२॥

vāyavyakoṇa iha rājitapādayugmaṃsiṃvat prakāmakaruṇaṃ gurulakṣmaṇasya |ālokapātramita eva svapādatīrthaṃsvāmin prasīda nṛhare yaduśailanātha || 22||

ऊर्ध्वोर्ध्वगामि जनसन्नुतपादपद्मदेहात्मरोगपरिहारि गुहासुपद्म ।हैरण्यराक्षसकुवृत्तिमिमां प्रविद्मस्वामिन् प्रसीद नृहरे यदुशैलनाथ ॥ २३॥

ūrdhvordhvagāmi janasannutapādapadmadehātmarogaparihāri guhāsupadma |hairaṇyarākṣasakuvṛttimimāṃ pravidmasvāmin prasīda nṛhare yaduśailanātha || 23||

सन्तापशान्तिरिति कामनया समेताःचिन्ताविमुक्तिमररे प्रभजन्त एव ।प्रह्लादयस्य मितभाग्यमतो यतस्त्वंस्वामिन् प्रसीद नृहरे यदुशैलनाथ ॥ २४॥

santāpaśāntiriti kāmanayā sametāḥcintāvimuktimarare prabhajanta eva |prahlādayasya mitabhāgyamato yatastvaṃsvāmin prasīda nṛhare yaduśailanātha || 24||

एकार्थमाविरसि भक्तवचश्च सत्यंकर्तुं तदेतदिदमद्भुतरूपमाऽऽधाः ।क्षीरं यया सुघटितं शुभशर्कराऽऽढ्यंस्वामिन् प्रसीद नृहरे यदुशैलनाथ ॥ २५॥

ekārthamāvirasi bhaktavacaśca satyaṃkartuṃ tadetadidamadbhutarūpamā''dhāḥ |kṣīraṃ yayā sughaṭitaṃ śubhaśarkarā''ḍhyaṃsvāmin prasīda nṛhare yaduśailanātha || 25||

माध्यान्हिको विधिरयं किमुयोगसिंहप्रायो भवान् प्रतिदिनं नियताभिषेकः ।दूरात् स्वभक्तजनताऽऽग्रहयोग एषःस्वामिन् प्रसीद नृहरे यदुशैलनाथ ॥ २६॥

mādhyānhiko vidhirayaṃ kimuyogasiṃhaprāyo bhavān pratidinaṃ niyatābhiṣekaḥ |dūrāt svabhaktajanatā''grahayoga eṣaḥsvāmin prasīda nṛhare yaduśailanātha || 26||

संक्षीरशुद्धदधिपूतघृताभिषेच्यश्रीखण्डशर्करसुतीर्थसुगन्ध लेप्य ।हारिद्रचूर्ण परिपूर्ण सुखाङ्गवेद्यस्वामिन् प्रसीद नृहरे यदुशैलनाथ ॥ २७॥

saṃkṣīraśuddhadadhipūtaghṛtābhiṣecyaśrīkhaṇḍaśarkarasutīrthasugandha lepya |hāridracūrṇa paripūrṇa sukhāṅgavedyasvāmin prasīda nṛhare yaduśailanātha || 27||

कल्याणतीर्थ सुखमज्जनमर्जितोऽसित्वत्सूक्तिपाठमुखरीकृतभूधरोऽसि ।पञ्चास्य केसरसटाबहुभूषितोऽसिस्वामिन् प्रसीद नृहरे यदुशैलनाथ ॥ २८॥

kalyāṇatīrtha sukhamajjanamarjito'sitvatsūktipāṭhamukharīkṛtabhūdharo'si |pañcāsya kesarasaṭābahubhūṣito'sisvāmin prasīda nṛhare yaduśailanātha || 28||

नित्याभिषेक बहुवेषकुतूहलार्हबालादिकान् स्वपदसेवनमाननार्ह ।म्लेञ्च्छादिराजसहजार्पित भूषणार्हस्वामिन् प्रसीद नृहरे यदुशैलनाथ ॥ २९॥

nityābhiṣeka bahuveṣakutūhalārhabālādikān svapadasevanamānanārha |mleñcchādirājasahajārpita bhūṣaṇārhasvāmin prasīda nṛhare yaduśailanātha || 29||

अक्ष्णा विकूणित सुवृत्तशुभेक्षणोऽसिदंष्ट्रासु सुन्दर मुखोऽसि घनप्रशान्त ।हस्ताङ्गुलीनख सुपादनखप्रकाशस्वामिन् प्रसीद नृहरे यदुशैलनाथ ॥ ३०॥

akṣṇā vikūṇita suvṛttaśubhekṣaṇo'sidaṃṣṭrāsu sundara mukho'si ghanapraśānta |hastāṅgulīnakha supādanakhaprakāśasvāmin prasīda nṛhare yaduśailanātha || 30||

भालप्रदेशविलसत्तिलकोऽसि देवश्मश्रुप्रभाचकितवीर्यरसोऽसि देव ।कर्णाग्रलोलकचलन्मधुरोऽसि देवस्वामिन् प्रसीद नृहरे यदुशैलनाथ ॥ ३१॥

bhālapradeśavilasattilako'si devaśmaśruprabhācakitavīryaraso'si deva |karṇāgralolakacalanmadhuro'si devasvāmin prasīda nṛhare yaduśailanātha || 31||

मध्यप्रदेश सुविराजितनागपट्टहस्तद्वयेन सुविधारित योगपट्ट ।पादद्वयेन सुविलोमसुखार्ह पट्टस्वामिन् प्रसीद नृहरे यदुशैलनाथ ॥ ३२॥

madhyapradeśa suvirājitanāgapaṭṭahastadvayena suvidhārita yogapaṭṭa |pādadvayena suvilomasukhārha paṭṭasvāmin prasīda nṛhare yaduśailanātha || 32||

वृत्ताभिराममुकुटाञ्चित दिव्यमूर्धन्पार्श्वे सुपुच्छ सुखसुन्दर सन्निवेशिन् ।ऊर्ध्वाग्र तत् कनकरत्नकिरीटधारिन्स्वामिन् प्रसीद नृहरे यदुशैलनाथ ॥ ३३॥

vṛttābhirāmamukuṭāñcita divyamūrdhanpārśve supuccha sukhasundara sanniveśin |ūrdhvāgra tat kanakaratnakirīṭadhārinsvāmin prasīda nṛhare yaduśailanātha || 33||

मार्जारकाकपिकमूषकपोतकानांआधारभूत नरसिंह सुखाद्रिदेश ।अस्मादृशानपि च पालय सर्वबन्धोस्वामिन् प्रसीद नृहरे यदुशैलनाथ ॥ ३४॥

mārjārakākapikamūṣakapotakānāṃādhārabhūta narasiṃha sukhādrideśa |asmādṛśānapi ca pālaya sarvabandhosvāmin prasīda nṛhare yaduśailanātha || 34||

निर्वीर्य निष्फलङ्कलङ्ककुकार्यमन्दांअर्थैकधावननिजश्रमदूरगन्धाम् ।विद्यां विदारय विभोऽशुभबालकन्दांस्वामिन् प्रसीद नृहरे यदुशैलनाथ ॥ ३५॥

nirvīrya niṣphalaṅkalaṅkakukāryamandāṃarthaikadhāvananijaśramadūragandhām |vidyāṃ vidāraya vibho'śubhabālakandāṃsvāmin prasīda nṛhare yaduśailanātha || 35||

योगानृसिंह तवगर्जन सख्यमेतिसाहस्त्रनामपठनं श्रुतिरम्यमेव ।टिप्पू समर्पित सुभेरिकयाऽऽप्तनादंस्वामिन् प्रसीद नृहरे यदुशैलनाथ ॥ ३६॥

yogānṛsiṃha tavagarjana sakhyametisāhastranāmapaṭhanaṃ śrutiramyameva |ṭippū samarpita subherikayā''ptanādaṃsvāmin prasīda nṛhare yaduśailanātha || 36||

घण्टानिनादशुभसूचितं भोगकाललुण्ठाकतां हरसि सर्वजने सलील ।सर्वं समर्पितमहो कुरुषे सुलीलस्वामिन् प्रसीद नृहरे यदुशैलनाथ ॥ ३७॥

ghaṇṭāninādaśubhasūcitaṃ bhogakālaluṇṭhākatāṃ harasi sarvajane salīla |sarvaṃ samarpitamaho kuruṣe sulīlasvāmin prasīda nṛhare yaduśailanātha || 37||

भोज्याऽऽसनेन रहिते परमेहि धाम्निघण्टारवं कथमये श्रुणुषे प्रभो त्वम् ।चिञ्चान्नमीदृशमपीह न तत्र लभ्यंस्वामिन् प्रसीद नृहरे यदुशैलनाथ ॥ ३८॥

bhojyā''sanena rahite paramehi dhāmnighaṇṭāravaṃ kathamaye śruṇuṣe prabho tvam |ciñcānnamīdṛśamapīha na tatra labhyaṃsvāmin prasīda nṛhare yaduśailanātha || 38||

घण्टावतारगुरुघोषणसंस्मृतिः साघण्टानिनादत अहो मनसि प्रबुद्धा ।घण्टारवेण सदसत्प्रियभीषणेहास्वामिन् प्रसीद नृहरे यदुशैलनाथ ॥ ३९॥

ghaṇṭāvatāragurughoṣaṇasaṃsmṛtiḥ sāghaṇṭāninādata aho manasi prabuddhā |ghaṇṭāraveṇa sadasatpriyabhīṣaṇehāsvāmin prasīda nṛhare yaduśailanātha || 39||

चित्रान्नगन्ध सुरभीकृत पाणिपात्राःमुद्गान्नदध्यशन शर्करपावनान्नाः ।धन्या भवन्ति मुहुरेव समस्तभक्ताःस्वामिन् प्रसीद नृहरे यदुशैलनाथ ॥ ४०॥

citrānnagandha surabhīkṛta pāṇipātrāḥmudgānnadadhyaśana śarkarapāvanānnāḥ |dhanyā bhavanti muhureva samastabhaktāḥsvāmin prasīda nṛhare yaduśailanātha || 40||

सूपप्रधान कटुकाऽऽम्लरसार्कमन्नंते श्रीफलादि चणनिर्मित वेसवारम् ।भुक्त्वा कदापि घनपायपेयतुष्टाःस्वामिन् प्रसीद नृहरे यदुशैलनाथ ॥ ४१॥

sūpapradhāna kaṭukā''mlarasārkamannaṃte śrīphalādi caṇanirmita vesavāram |bhuktvā kadāpi ghanapāyapeyatuṣṭāḥsvāmin prasīda nṛhare yaduśailanātha || 41||

देवस्य पादतलतस्त्वधरप्रदेशेस्वर्ग्य बिलं विलसतीह सुखात्सुखार्हम् ।एकत्र यत्र पृथुदेहि सुकष्टरम्यंस्वामिन् प्रसीद नृहरे यदुशैलनाथ ॥ ४२॥

devasya pādatalatastvadharapradeśesvargya bilaṃ vilasatīha sukhātsukhārham |ekatra yatra pṛthudehi sukaṣṭaramyaṃsvāmin prasīda nṛhare yaduśailanātha || 42||

सर्वेऽपि सात्विकतरा मनसीव देहेसर्वैऽपि पूरितसुखास्तव दर्शनेन ।सर्वैऽपि भावितरसास्त्वरोहनिष्ठाःस्वामिन् प्रसीद नृहरे यदुशैलनाथ ॥ ४३॥

sarve'pi sātvikatarā manasīva dehesarvai'pi pūritasukhāstava darśanena |sarvai'pi bhāvitarasāstvarohaniṣṭhāḥsvāmin prasīda nṛhare yaduśailanātha || 43||

मन्त्रेषु सिद्धपुरुषाय इह त्वदीयाःतापत्रयाऽऽतुरजनांश्च विमोचयन्ति ।यन्त्राऽऽदिना तवहि वत्सलता वरेण्यस्वामिन् प्रसीद नृहरे यदुशैलनाथ ॥ ४४॥

mantreṣu siddhapuruṣāya iha tvadīyāḥtāpatrayā''turajanāṃśca vimocayanti |yantrā''dinā tavahi vatsalatā vareṇyasvāmin prasīda nṛhare yaduśailanātha || 44||

नित्यं द्विवारमथवाऽपि बहुप्रवारंरोहन्ति तीर्थमपि काष्ठचयं च हव्यम् ।शीर्षे वहन्ति तुलसीं तव सर्वमेवस्वामिन् प्रसीद नृहरे यदुशैलनाथ ॥ ४५॥

nityaṃ dvivāramathavā'pi bahupravāraṃrohanti tīrthamapi kāṣṭhacayaṃ ca havyam |śīrṣe vahanti tulasīṃ tava sarvamevasvāmin prasīda nṛhare yaduśailanātha || 45||

तस्मात् खलूत्तम सुखार्ह सुनिद्रितास्तेगेहे भवन्ति पुरुषाः शिशवश्च नार्यः ।त्वच्छाययाश्रितमुखादिसमस्वरूपाःस्वामिन् प्रसीद नृहरे यदुशैलनाथ ॥ ४६॥

tasmāt khalūttama sukhārha sunidritāstegehe bhavanti puruṣāḥ śiśavaśca nāryaḥ |tvacchāyayāśritamukhādisamasvarūpāḥsvāmin prasīda nṛhare yaduśailanātha || 46||

पञ्चापिपाण्डवसुताह्यवसन्त यत्रध्यानादि सत्कृतिनिकेतन सौम्य देशान् ।तां चाभजन्त घनसान्द्रगुहां तमिस्त्रांस्वामिन् प्रसीद नृहरे यदुशैलनाथ ॥ ४७॥

pañcāpipāṇḍavasutāhyavasanta yatradhyānādi satkṛtiniketana saumya deśān |tāṃ cābhajanta ghanasāndraguhāṃ tamistrāṃsvāmin prasīda nṛhare yaduśailanātha || 47||

सोपानपार्श्वगत भूरुह आलपन्तःबालाश्च सञ्चितसुमास्तव देवदारोः ।स्वीयान् गृहानुपरितः किल निर्दिशतिस्वामिन् प्रसीद नृहरे यदुशैलनाथ ॥ ४८॥

sopānapārśvagata bhūruha ālapantaḥbālāśca sañcitasumāstava devadāroḥ |svīyān gṛhānuparitaḥ kila nirdiśatisvāmin prasīda nṛhare yaduśailanātha || 48||

पूर्णं प्रमण्डलममुं शुभमण्डनं तेयो वै तु मण्डलदिनं परमार्थभक्त्या ।जप्ता सुपाठकृदत्र परत्र तं चस्वामिन् प्रसीद नृहरे यदुशैलनाथ ॥ ४९॥

pūrṇaṃ pramaṇḍalamamuṃ śubhamaṇḍanaṃ teyo vai tu maṇḍaladinaṃ paramārthabhaktyā |japtā supāṭhakṛdatra paratra taṃ casvāmin prasīda nṛhare yaduśailanātha || 49||

इति तिरुनारायणपुरं अरैयरदासस्य कृतिषु नृहरिमङ्गलं सम्पूर्णम् ।

iti tirunārāyaṇapuraṃ araiyaradāsasya kṛtiṣu nṛharimaṅgalaṃ sampūrṇam |