बलरामसहस्रनामस्तोत्रम् Balaramasahasranamastotra

दुर्योधन उवाचबलभद्रस्य देवस्य प्राड्विपाक महामुने ।नाम्नां सहस्रं मे ब्रूहि गुह्यं देवगणैरपि ॥ १॥

duryodhana uvācabalabhadrasya devasya prāḍvipāka mahāmune |nāmnāṃ sahasraṃ me brūhi guhyaṃ devagaṇairapi || 1||

प्राड्विपाक उवाचसाधु साधु महाराज साधु ते विमलं यशः ।यत्पृच्छसे परमिदं गर्गोक्तं देवदुर्लभम् ॥ २॥

prāḍvipāka uvācasādhu sādhu mahārāja sādhu te vimalaṃ yaśaḥ |yatpṛcchase paramidaṃ gargoktaṃ devadurlabham || 2||

नाम्नां सहस्रं दिव्यानां वक्ष्यामि तव चाग्रतः ।गर्गाचार्येण गोपीभ्यो दत्तं कृष्णातटे शुभे ॥ ३॥

nāmnāṃ sahasraṃ divyānāṃ vakṣyāmi tava cāgrataḥ |gargācāryeṇa gopībhyo dattaṃ kṛṣṇātaṭe śubhe || 3||

ॐ अस्य श्रीबलभद्रसहस्रनामस्त्रोत्रमन्त्रस्यगर्गाचार्य ऋषिः अनुष्टुप् छन्दःसङ्कर्षणः परमात्मा देवता बलभद्र इति बीजंरेवतीति शक्तिः अनन्त इति कीलकंबलभद्रप्रीत्यर्थे जपे विनियोगः ॥अथ ध्यानम् ।स्फुरदमलकिरीटं किङ्किणीकङ्कणार्हंचलदलककपोलं कुण्डलश्रीमुखाब्जम् ।तुहिनगिरिमनोज्ञं नीलमेघाम्बराढ्यंहलमुसलविशालं कामपालं समीडे ॥ ४॥

oṃ asya śrībalabhadrasahasranāmastrotramantrasyagargācārya ṛṣiḥ anuṣṭup chandaḥsaṅkarṣaṇaḥ paramātmā devatā balabhadra iti bījaṃrevatīti śaktiḥ ananta iti kīlakaṃbalabhadraprītyarthe jape viniyogaḥ ||atha dhyānam |sphuradamalakirīṭaṃ kiṅkiṇīkaṅkaṇārhaṃcaladalakakapolaṃ kuṇḍalaśrīmukhābjam |tuhinagirimanojñaṃ nīlameghāmbarāḍhyaṃhalamusalaviśālaṃ kāmapālaṃ samīḍe || 4||

अथ स्तोत्रम् ।ॐ बलभद्रो रामभद्रो रामः सङ्कर्षणोऽच्युतः ।रेवतीरमणो देवः कामपालो हलायुधः ॥ ५॥

atha stotram |oṃ balabhadro rāmabhadro rāmaḥ saṅkarṣaṇo'cyutaḥ |revatīramaṇo devaḥ kāmapālo halāyudhaḥ || 5||

नीलाम्बरः श्वेतवर्णो बलदेवोऽच्युताग्रजः ।प्रलम्बघ्नो महावीरो रौहिणेयः प्रतापवान् ॥ ६॥

nīlāmbaraḥ śvetavarṇo baladevo'cyutāgrajaḥ |pralambaghno mahāvīro rauhiṇeyaḥ pratāpavān || 6||

तालाङ्को मुसली हली हरिर्यदुवरो बली ।सीरपाणिः पद्मपाणिर्लगुडी वेणुवादनः ॥ ७॥

tālāṅko musalī halī hariryaduvaro balī |sīrapāṇiḥ padmapāṇirlaguḍī veṇuvādanaḥ || 7||

कालिन्दीभेदनो वीरो बलः प्रबल ऊर्ध्वगः ।वासुदेवकलानन्तः सहस्रवदनः स्वराट् ॥ ८॥

kālindībhedano vīro balaḥ prabala ūrdhvagaḥ |vāsudevakalānantaḥ sahasravadanaḥ svarāṭ || 8||

वसुर्वसुमतीभर्ता वासुदेवो वसूत्तमः ।यदूत्तमो यादवेन्द्रो माधवो वृष्णिवल्लभः ॥ ९॥

vasurvasumatībhartā vāsudevo vasūttamaḥ |yadūttamo yādavendro mādhavo vṛṣṇivallabhaḥ || 9||

द्वारकेशो माथुरेशो दानी मानी महामनाः ।पूर्णः पुराणः पुरुषः परेशः परमेश्वरः ॥ १०॥

dvārakeśo māthureśo dānī mānī mahāmanāḥ |pūrṇaḥ purāṇaḥ puruṣaḥ pareśaḥ parameśvaraḥ || 10||

परिपूर्णतमः साक्षात्परमः पुरुषोत्तमः ।अनन्तः शाश्वतः शेषो भगवान्प्रकृतेः परः ॥ ११॥

paripūrṇatamaḥ sākṣātparamaḥ puruṣottamaḥ |anantaḥ śāśvataḥ śeṣo bhagavānprakṛteḥ paraḥ || 11||

जीवात्मा परमात्मा च ह्यन्तरात्मा ध्रुवोऽव्ययः ।चतुर्व्यूहश्चतुर्वेदश्चतुर्मूर्तिश्चतुष्पदः ॥ १२॥

jīvātmā paramātmā ca hyantarātmā dhruvo'vyayaḥ |caturvyūhaścaturvedaścaturmūrtiścatuṣpadaḥ || 12||

प्रधानं प्रकृतिः साक्षी सङ्घातः सङ्घवान् सखी ।महामना बुद्धिसखश्चेतोऽहङ्कार आवृतः ॥ १३॥

pradhānaṃ prakṛtiḥ sākṣī saṅghātaḥ saṅghavān sakhī |mahāmanā buddhisakhaśceto'haṅkāra āvṛtaḥ || 13||

इन्द्रियेशो देवातात्मा ज्ञानं कर्म च शर्म च ।अद्वितीयो द्वितीयश्च निराकारो निरञ्जनः ॥ १४॥

indriyeśo devātātmā jñānaṃ karma ca śarma ca |advitīyo dvitīyaśca nirākāro nirañjanaḥ || 14||

विराट् सम्राट् महौघश्च धारः स्थास्नुश्चरिष्णुमान् ।फणीन्द्रः फणिराजश्च सहस्रफणमण्डितः ॥ १५॥

virāṭ samrāṭ mahaughaśca dhāraḥ sthāsnuścariṣṇumān |phaṇīndraḥ phaṇirājaśca sahasraphaṇamaṇḍitaḥ || 15||

फणीश्वरः फणी स्फूर्तिः फूत्कारी चीत्करः प्रभुः ।मणिहारो मणिधरो वितली सुतली तली ॥ १६॥

phaṇīśvaraḥ phaṇī sphūrtiḥ phūtkārī cītkaraḥ prabhuḥ |maṇihāro maṇidharo vitalī sutalī talī || 16||

अतली सुतलेशश्च पातालश्च तलातलः ।रसातलो भोगितलः स्फुरद्दन्तो महातलः ॥ १७॥

atalī sutaleśaśca pātālaśca talātalaḥ |rasātalo bhogitalaḥ sphuraddanto mahātalaḥ || 17||

वासुकिः शङ्खचूडाभो देवदत्तो धनञ्जयः ।कम्बलाश्वो वेगतरो धृतराष्ट्रो महाभुजः ॥ १८॥

vāsukiḥ śaṅkhacūḍābho devadatto dhanañjayaḥ |kambalāśvo vegataro dhṛtarāṣṭro mahābhujaḥ || 18||

वारुणीमदमत्ताङ्गो मदघूर्णितलोचनः ।पद्माक्षः पद्ममाली च वनमाली मधुश्रवाः ॥ १९॥

vāruṇīmadamattāṅgo madaghūrṇitalocanaḥ |padmākṣaḥ padmamālī ca vanamālī madhuśravāḥ || 19||

कोटिकन्दर्पलावण्यो नागकन्यासमर्चितः ।नूपुरी कटिसूत्री च कटकी कनकाङ्गदी ॥ २०॥

koṭikandarpalāvaṇyo nāgakanyāsamarcitaḥ |nūpurī kaṭisūtrī ca kaṭakī kanakāṅgadī || 20||

मुकुटी कुण्डली दण्डी शिखण्डी खण्डमण्डली ।कलिः कलिप्रियः कालो निवातकवचेश्वरः ॥ २१॥

mukuṭī kuṇḍalī daṇḍī śikhaṇḍī khaṇḍamaṇḍalī |kaliḥ kalipriyaḥ kālo nivātakavaceśvaraḥ || 21||

संहारकृद्रुर्द्रवपुः कालाग्निः प्रलयो लयः ।महाहिः पाणिनिः शास्त्रभाष्यकारः पतञ्जलिः ॥ २२॥

saṃhārakṛdrurdravapuḥ kālāgniḥ pralayo layaḥ |mahāhiḥ pāṇiniḥ śāstrabhāṣyakāraḥ patañjaliḥ || 22||

कात्यायनः पक्विमाभः स्फोटायन उरङ्गमः ।वैकुण्ठो याज्ञिको यज्ञो वामनो हरिणो हरिः ॥ २३॥

kātyāyanaḥ pakvimābhaḥ sphoṭāyana uraṅgamaḥ |vaikuṇṭho yājñiko yajño vāmano hariṇo hariḥ || 23||

कृष्णो विष्णुर्महाविष्णुः प्रभविष्णुर्विशेषवित् ।हंसो योगेश्वरः कूर्मो वाराहो नारदो मुनिः ॥ २४॥

kṛṣṇo viṣṇurmahāviṣṇuḥ prabhaviṣṇurviśeṣavit |haṃso yogeśvaraḥ kūrmo vārāho nārado muniḥ || 24||

सनकः कपिलो मत्स्यः कमठो देवमङ्गलः ।दत्तात्रेयः पृथुर्वृद्ध ऋषभो भार्गवोत्तमः ॥ २५॥

sanakaḥ kapilo matsyaḥ kamaṭho devamaṅgalaḥ |dattātreyaḥ pṛthurvṛddha ṛṣabho bhārgavottamaḥ || 25||

धन्वन्तरिर्नृसिंहश्च कलिर्नारायणो नरः ।रामचन्द्रो राघवेन्द्रः कोशलेन्द्रो रघूद्वहः ॥ २६॥

dhanvantarirnṛsiṃhaśca kalirnārāyaṇo naraḥ |rāmacandro rāghavendraḥ kośalendro raghūdvahaḥ || 26||

काकुत्स्थः करुणासिन्धू राजेन्द्रः सर्वलक्षणः ।शूरो दाशरथिस्त्राता कौसल्यानन्दवर्द्धनः ॥ २७॥

kākutsthaḥ karuṇāsindhū rājendraḥ sarvalakṣaṇaḥ |śūro dāśarathistrātā kausalyānandavarddhanaḥ || 27||

सौमित्रिर्भरतो धन्वी शत्रुघ्नः शत्रुतापनः ।निषङ्गी कवची खड्गी शरी ज्याहतकोष्ठकः ॥ २८॥

saumitrirbharato dhanvī śatrughnaḥ śatrutāpanaḥ |niṣaṅgī kavacī khaḍgī śarī jyāhatakoṣṭhakaḥ || 28||

बद्धगोधाङ्गुलित्राणः शम्भुकोदण्डभञ्जनः ।यज्ञत्राता यज्ञभर्ता मारीचवधकारकः ॥ २९॥

baddhagodhāṅgulitrāṇaḥ śambhukodaṇḍabhañjanaḥ |yajñatrātā yajñabhartā mārīcavadhakārakaḥ || 29||

असुरारिस्ताटकारिर्विभीषणसहायकृत् ।पितृवाक्यकरो हर्षी च विराधारिर्वनेचरः ॥ ३०॥

asurāristāṭakārirvibhīṣaṇasahāyakṛt |pitṛvākyakaro harṣī ca virādhārirvanecaraḥ || 30||

मुनिर्मुनिप्रियश्चित्रकूटारण्यनिवासकृत् ।कबन्धहा दण्डकेशो रामो राजीवलोचनः ॥ ३१॥

munirmunipriyaścitrakūṭāraṇyanivāsakṛt |kabandhahā daṇḍakeśo rāmo rājīvalocanaḥ || 31||

मतङ्गवनसञ्चारी नेता पञ्चवटीपतिः ।सुग्रीवः सुग्रीवसखो हनुमत्प्रीतमानसः ॥ ३२॥

mataṅgavanasañcārī netā pañcavaṭīpatiḥ |sugrīvaḥ sugrīvasakho hanumatprītamānasaḥ || 32||

सेतुबन्धो रावणारिर्लङ्कादहनतत्परः ।रावण्यरिः पुष्पकस्थो जानकीविरहातुरः ॥ ३३॥

setubandho rāvaṇārirlaṅkādahanatatparaḥ |rāvaṇyariḥ puṣpakastho jānakīvirahāturaḥ || 33||

अयोध्याधिपतिः श्रीमाँल्लवणारिः सुरार्चितः ।सूर्यवंशी चन्द्रवंशी वंशीवाद्यविशारदः ॥ ३४॥

ayodhyādhipatiḥ śrīmām̐llavaṇāriḥ surārcitaḥ |sūryavaṃśī candravaṃśī vaṃśīvādyaviśāradaḥ || 34||

गोपतिर्गोपवृन्देशो गोपो गोपीशतावृतः ।गोकुलेशो गोपपुत्रो गोपालो गोगणाश्रयः ॥ ३५॥

gopatirgopavṛndeśo gopo gopīśatāvṛtaḥ |gokuleśo gopaputro gopālo gogaṇāśrayaḥ || 35||

पूतनारिर्बकारिश्च तृणावर्तनिपातकः ।अघारिर्धेनुकारिश्च प्रलम्बारिर्व्रजेश्वरः ॥ ३६॥

pūtanārirbakāriśca tṛṇāvartanipātakaḥ |aghārirdhenukāriśca pralambārirvrajeśvaraḥ || 36||

अरिष्टहा केशिशत्रुर्व्योमासुरविनाशकृत् ।अग्निपानो दुग्धपानो वृन्दावनलताश्रितः ॥ ३७॥

ariṣṭahā keśiśatrurvyomāsuravināśakṛt |agnipāno dugdhapāno vṛndāvanalatāśritaḥ || 37||

यशोमतिसुतो भव्यो रोहिणीलालितः शिशुः ।रासमण्डलमध्यस्थो रासमण्डलमण्डनः ॥ ३८॥

yaśomatisuto bhavyo rohiṇīlālitaḥ śiśuḥ |rāsamaṇḍalamadhyastho rāsamaṇḍalamaṇḍanaḥ || 38||

गोपिकाशतयूथार्थी शङ्खचूडवधोद्यतः ।गोवर्धनसमुद्धर्ता शक्रजिद्व्रजरक्षकः ॥ ३९॥

gopikāśatayūthārthī śaṅkhacūḍavadhodyataḥ |govardhanasamuddhartā śakrajidvrajarakṣakaḥ || 39||

वृषभानुवरो नन्द आनन्दो नन्दवर्धनः ।नन्दराजसुतः श्रीशः कंसारिः कालियान्तकः ॥ ४०॥

vṛṣabhānuvaro nanda ānando nandavardhanaḥ |nandarājasutaḥ śrīśaḥ kaṃsāriḥ kāliyāntakaḥ || 40||

रजकारिर्मुष्टिकारिः कंसकोदण्डभञ्जनः ।चाणूरारिः कूटहन्ता शलारिस्तोशलान्तकः ॥ ४१॥

rajakārirmuṣṭikāriḥ kaṃsakodaṇḍabhañjanaḥ |cāṇūrāriḥ kūṭahantā śalāristośalāntakaḥ || 41||

कंसभ्रातृनिहन्ता च मल्लयुद्धप्रवर्तकः ।गजहन्ता कंसहन्ता कालहन्ता कलङ्कहा ॥ ४२॥

kaṃsabhrātṛnihantā ca mallayuddhapravartakaḥ |gajahantā kaṃsahantā kālahantā kalaṅkahā || 42||

मागधारिर्यवनहा पाण्डुपुत्रसहायकृत् ।चतुर्भुजः श्यामलाङ्गः सौम्यश्चौपगविप्रियः ॥ ४३॥

māgadhāriryavanahā pāṇḍuputrasahāyakṛt |caturbhujaḥ śyāmalāṅgaḥ saumyaścaupagavipriyaḥ || 43||

युद्धभृदुद्धवसखा मन्त्री मन्त्रविशारदः ।वीरहा वीरमथनः शङ्खचक्रगदाधरः ॥ ४४॥

yuddhabhṛduddhavasakhā mantrī mantraviśāradaḥ |vīrahā vīramathanaḥ śaṅkhacakragadādharaḥ || 44||

रेवतीचित्तहर्ता च रेवतीहर्षवर्द्धनः ।रेवतीप्राणनाथश्च रेवतीप्रियकारकः ॥ ४५॥

revatīcittahartā ca revatīharṣavarddhanaḥ |revatīprāṇanāthaśca revatīpriyakārakaḥ || 45||

ज्योतिर्ज्योतिष्मतीभर्ता रैवताद्रिविहारकृत् ।धृतिनाथो धनाध्यक्षो दानाध्यक्षो धनेश्वरः ॥ ४६॥

jyotirjyotiṣmatībhartā raivatādrivihārakṛt |dhṛtinātho dhanādhyakṣo dānādhyakṣo dhaneśvaraḥ || 46||

मैथिलार्चितपादाब्जो मानदो भक्तवत्सलः ।दुर्योधनगुरुर्गुर्वी गदाशिक्षाकरः क्षमी ॥ ४७॥

maithilārcitapādābjo mānado bhaktavatsalaḥ |duryodhanagururgurvī gadāśikṣākaraḥ kṣamī || 47||

मुरारिर्मदनो मन्दोऽनिरुद्धो धन्विनां वरः ।कल्पवृक्षः कल्पवृक्षी कल्पवृक्षवनप्रभुः ॥ ४८॥

murārirmadano mando'niruddho dhanvināṃ varaḥ |kalpavṛkṣaḥ kalpavṛkṣī kalpavṛkṣavanaprabhuḥ || 48||

स्यमन्तकमणिर्मान्यो गाण्डीवी कौरवेश्वरः ।कुम्भाण्डखण्डनकरः कूपकर्णप्रहारकृत् ॥ ४९॥

syamantakamaṇirmānyo gāṇḍīvī kauraveśvaraḥ |kumbhāṇḍakhaṇḍanakaraḥ kūpakarṇaprahārakṛt || 49||

सेव्यो रैवतजामाता मधुमाधवसेवितः ।बलिष्ठपुष्टसर्वाङ्गो हृष्टः पुष्टः प्रहर्षितः ॥ ५०॥

sevyo raivatajāmātā madhumādhavasevitaḥ |baliṣṭhapuṣṭasarvāṅgo hṛṣṭaḥ puṣṭaḥ praharṣitaḥ || 50||

वाराणसीगतः क्रुद्धः सर्वः पौण्ड्रकघातकः ।सुनन्दी शिखरी शिल्पी द्विविदाङ्गनिषूदनः ॥ ५१॥

vārāṇasīgataḥ kruddhaḥ sarvaḥ pauṇḍrakaghātakaḥ |sunandī śikharī śilpī dvividāṅganiṣūdanaḥ || 51||

हस्तिनापुरसङ्कर्षी रथी कौरवपूजितः ।विश्वकर्मा विश्वधर्मा देवशर्मा दयानिधिः ॥ ५२॥

hastināpurasaṅkarṣī rathī kauravapūjitaḥ |viśvakarmā viśvadharmā devaśarmā dayānidhiḥ || 52||

महाराजच्छत्रधरो महाराजोपलक्षणः ।सिद्धगीतः सिद्धकथः शुक्लचामरवीजितः ॥ ५३॥

mahārājacchatradharo mahārājopalakṣaṇaḥ |siddhagītaḥ siddhakathaḥ śuklacāmaravījitaḥ || 53||

ताराक्षः कीरनासश्च बिम्बोष्ठः सुस्मितच्छविः ।करीन्द्रकरदोर्दण्डः प्रचण्डो मेघमण्डलः ॥ ५४॥

tārākṣaḥ kīranāsaśca bimboṣṭhaḥ susmitacchaviḥ |karīndrakaradordaṇḍaḥ pracaṇḍo meghamaṇḍalaḥ || 54||

कपाटवक्षाः पीनांसः पद्मपादस्फुरद्द्युतिः ।महविभूतिर्भूतेशो बन्धमोक्षी समीक्षणः ॥ ५५॥

kapāṭavakṣāḥ pīnāṃsaḥ padmapādasphuraddyutiḥ |mahavibhūtirbhūteśo bandhamokṣī samīkṣaṇaḥ || 55||

चैद्यशत्रुः शत्रुसन्धो दन्तवक्त्रनिषूदकः ।अजातशत्रुः पापघ्नो हरिदाससहायकृत् ॥ ५६॥

caidyaśatruḥ śatrusandho dantavaktraniṣūdakaḥ |ajātaśatruḥ pāpaghno haridāsasahāyakṛt || 56||

शालबाहुः शाल्वहन्ता तीर्थयायी जनेश्वरः ।नैमिषारण्ययात्रार्थी गोमतीतीरवासकृत् ॥ ५७॥

śālabāhuḥ śālvahantā tīrthayāyī janeśvaraḥ |naimiṣāraṇyayātrārthī gomatītīravāsakṛt || 57||

गण्डकीस्नानवान्स्रग्वी वैजयन्तीविराजितः ।अम्लानपङ्कजधरो विपाशी शोणसम्प्लुतः ॥ ५८॥

gaṇḍakīsnānavānsragvī vaijayantīvirājitaḥ |amlānapaṅkajadharo vipāśī śoṇasamplutaḥ || 58||

प्रयागतीर्थराजश्च सरयूः सेतुबन्धनः ।गयाशिरश्च धनदः पौलस्त्यः पुलहाश्रमः ॥ ५९॥

prayāgatīrtharājaśca sarayūḥ setubandhanaḥ |gayāśiraśca dhanadaḥ paulastyaḥ pulahāśramaḥ || 59||

गङ्गासागरसङ्गार्थी सप्तगोदावरीपतिः ।वेणि भीमरथी गोदा ताम्रपर्णी वटोदका ॥ ६०॥

gaṅgāsāgarasaṅgārthī saptagodāvarīpatiḥ |veṇi bhīmarathī godā tāmraparṇī vaṭodakā || 60||

कृतमाला महापुण्या कावेरी च पयस्विनी ।प्रतीची सुप्रभा वेणी त्रिवेणी सरयूपमा ॥ ६१॥

kṛtamālā mahāpuṇyā kāverī ca payasvinī |pratīcī suprabhā veṇī triveṇī sarayūpamā || 61||

कृष्णा पम्पा नर्मदा च गङ्गा भागीरथी नदी ।सिद्धाश्रमः प्रभासश्च बिन्दुर्बिन्दुसरोवरः ॥ ६२॥

kṛṣṇā pampā narmadā ca gaṅgā bhāgīrathī nadī |siddhāśramaḥ prabhāsaśca bindurbindusarovaraḥ || 62||

पुष्करः सैन्धवो जम्बू नरनारायणाश्रमः ।कुरुक्षेत्रपती रामो जामदग्न्यो महामुनिः ॥ ६३॥

puṣkaraḥ saindhavo jambū naranārāyaṇāśramaḥ |kurukṣetrapatī rāmo jāmadagnyo mahāmuniḥ || 63||

इल्वलात्मजहन्ता च सुदामासौख्यदायकः ।विश्वजिद्विश्वनाथश्च त्रिलोकविजयी जयी ॥ ६४॥

ilvalātmajahantā ca sudāmāsaukhyadāyakaḥ |viśvajidviśvanāthaśca trilokavijayī jayī || 64||

वसन्तमालतीकर्षी गदो गद्यो गदाग्रजः ।गुणार्णवो गुणनिधिर्गुणपात्रो गुणाकरः ॥ ६५॥

vasantamālatīkarṣī gado gadyo gadāgrajaḥ |guṇārṇavo guṇanidhirguṇapātro guṇākaraḥ || 65||

रङ्गवल्लीजलाकारो निर्गुणः सगुणो बृहत् ।दृष्टः श्रुतो भवद्भूतो भविष्यच्चाल्पविग्रहः ॥ ६६॥

raṅgavallījalākāro nirguṇaḥ saguṇo bṛhat |dṛṣṭaḥ śruto bhavadbhūto bhaviṣyaccālpavigrahaḥ || 66||

अनादिरादिरानन्दः प्रत्यग्धामा निरन्तरः ।गुणातीतः समः साम्यः समदृङ्निर्विकल्पकः ॥ ६७॥

anādirādirānandaḥ pratyagdhāmā nirantaraḥ |guṇātītaḥ samaḥ sāmyaḥ samadṛṅnirvikalpakaḥ || 67||

गूढाव्यूढो गुणो गौणो गुणाभासो गुणावृतः ।नित्योऽक्षरो निर्विकारोऽक्षरोऽजस्रसुखोऽमृतः ॥ ६८॥

gūḍhāvyūḍho guṇo gauṇo guṇābhāso guṇāvṛtaḥ |nityo'kṣaro nirvikāro'kṣaro'jasrasukho'mṛtaḥ || 68||

सर्वगः सर्ववित्सार्थः समबुद्धिः समप्रभः ।अक्लेद्योऽच्छेद्य आपूर्णोऽशोष्योऽदाह्योणऽनिवर्तकः ॥ ६९॥

sarvagaḥ sarvavitsārthaḥ samabuddhiḥ samaprabhaḥ |akledyo'cchedya āpūrṇo'śoṣyo'dāhyoṇa'nivartakaḥ || 69||

ब्रह्म ब्रह्मधरो ब्रह्मा ज्ञापको व्यापकः कविः ।अध्यात्मकोऽधिभूतश्चाधिदैवः स्वाश्रयाश्रयः ॥ ७०॥

brahma brahmadharo brahmā jñāpako vyāpakaḥ kaviḥ |adhyātmako'dhibhūtaścādhidaivaḥ svāśrayāśrayaḥ || 70||

महावायुर्महावीरश्चेष्टारूपतनुस्थितः ।प्रेरको बोधको बोधी त्रयोविंशतिको गणः ॥ ७१॥

mahāvāyurmahāvīraśceṣṭārūpatanusthitaḥ |prerako bodhako bodhī trayoviṃśatiko gaṇaḥ || 71||

अंशांशश्च नरावेशोऽवतारो भूपरिस्थितः ।महर्जनस्तपःसत्यं भूर्भुवःस्वरिति त्रिधा ॥ ७२॥

aṃśāṃśaśca narāveśo'vatāro bhūparisthitaḥ |maharjanastapaḥsatyaṃ bhūrbhuvaḥsvariti tridhā || 72||

नैमित्तिकः प्राकृतिक आत्यन्तिकमयो लयः ।सर्गो विसर्गः सर्गादिर्निरोधो रोध ऊतिमान् ॥ ७३॥

naimittikaḥ prākṛtika ātyantikamayo layaḥ |sargo visargaḥ sargādirnirodho rodha ūtimān || 73||

मन्वन्तरावतारश्च मनुर्मनुसुतोऽनघः ।स्वयम्भूः शाम्भवः शङ्कुः स्वायम्भुवसहायकृत् ॥ ७४॥

manvantarāvatāraśca manurmanusuto'naghaḥ |svayambhūḥ śāmbhavaḥ śaṅkuḥ svāyambhuvasahāyakṛt || 74||

सुरालयो देवगिरिर्मेरुर्हेमार्चितो गिरिः ।गिरीशो गणनाथश्च गौरीशो गिरिगह्वरः ॥ ७५॥

surālayo devagirirmerurhemārcito giriḥ |girīśo gaṇanāthaśca gaurīśo girigahvaraḥ || 75||

विन्ध्यस्त्रिकूटो मैनाकः सुवेलः पारिभद्रकः ।पतङ्गः शिशिरः कङ्को जारुधिः शैलसत्तमः ॥ ७६॥

vindhyastrikūṭo mainākaḥ suvelaḥ pāribhadrakaḥ |pataṅgaḥ śiśiraḥ kaṅko jārudhiḥ śailasattamaḥ || 76||

कालञ्जरो बृहत्सानुर्दरीभृन्नन्दिकेश्वरः ।सन्तानस्तरुराजश्च मन्दारः पारिजातकः ॥ ७७॥

kālañjaro bṛhatsānurdarībhṛnnandikeśvaraḥ |santānastarurājaśca mandāraḥ pārijātakaḥ || 77||

जयन्तकृज्जयन्ताङ्गो जयन्तीदिग्जयाकुलः ।वृत्रहा देवलोकश्च शशी कुमुदबान्धवः ॥ ७८॥

jayantakṛjjayantāṅgo jayantīdigjayākulaḥ |vṛtrahā devalokaśca śaśī kumudabāndhavaḥ || 78||

नक्षत्रेशः सुधासिन्धुर्मृगः पुष्यः पुनर्वसुः ।हस्तोऽभिजिच्च श्रवणो वैधृतिर्भास्करोदयः ॥ ७९॥

nakṣatreśaḥ sudhāsindhurmṛgaḥ puṣyaḥ punarvasuḥ |hasto'bhijicca śravaṇo vaidhṛtirbhāskarodayaḥ || 79||

ऐन्द्रः साध्यः शुभः शुक्लो व्यतीपातो ध्रुवः सितः ।शिशुमारो देवमयो ब्रह्मलोको विलक्षणः ॥ ८०॥

aindraḥ sādhyaḥ śubhaḥ śuklo vyatīpāto dhruvaḥ sitaḥ |śiśumāro devamayo brahmaloko vilakṣaṇaḥ || 80||

रामो वैकुण्ठनाथश्च व्यापी वैकुण्ठनायकः ।श्वेतद्वीपो जितपदो लोकालोकाचलाश्रितः ॥ ८१॥

rāmo vaikuṇṭhanāthaśca vyāpī vaikuṇṭhanāyakaḥ |śvetadvīpo jitapado lokālokācalāśritaḥ || 81||

भूमिर्वैकुण्ठदेवश्च कोटिब्रह्माण्डकारकः ।असङ्ख्यब्रह्माण्डपतिर्गोलोकेशो गवां पतिः ॥ ८२॥

bhūmirvaikuṇṭhadevaśca koṭibrahmāṇḍakārakaḥ |asaṅkhyabrahmāṇḍapatirgolokeśo gavāṃ patiḥ || 82||

गोलोकधामधिषणो गोपिकाकण्ठभूषणः ।श्रीधारः श्रीधरो लीलाधरो गिरिधरो धुरी ॥ ८३॥

golokadhāmadhiṣaṇo gopikākaṇṭhabhūṣaṇaḥ |śrīdhāraḥ śrīdharo līlādharo giridharo dhurī || 83||

कुन्तधारी त्रिशूली च बीभत्सी घर्घरस्वनः ।शूलसूच्यर्पितगजो गजचर्मधरो गजी ॥ ८४॥

kuntadhārī triśūlī ca bībhatsī ghargharasvanaḥ |śūlasūcyarpitagajo gajacarmadharo gajī || 84||

अन्त्रमाली मुण्डमाली व्याली दण्डकमण्डलुः ।वेतालभृद्भूतसङ्घः कूष्माण्डगणसंवृतः ॥ ८५॥

antramālī muṇḍamālī vyālī daṇḍakamaṇḍaluḥ |vetālabhṛdbhūtasaṅghaḥ kūṣmāṇḍagaṇasaṃvṛtaḥ || 85||

प्रमथेशः पशुपतिर्मृडानीशो मृडो वृषः ।कृतान्तकालसङ्घारिः कूटः कल्पान्तभैरवः ॥ ८६॥

pramatheśaḥ paśupatirmṛḍānīśo mṛḍo vṛṣaḥ |kṛtāntakālasaṅghāriḥ kūṭaḥ kalpāntabhairavaḥ || 86||

षडाननो वीरभद्रो दक्षयज्ञविघातकः ।खर्पराशी विषाशी च शक्तिहस्तः शिवार्थदः ॥ ८७॥

ṣaḍānano vīrabhadro dakṣayajñavighātakaḥ |kharparāśī viṣāśī ca śaktihastaḥ śivārthadaḥ || 87||

पिनाकटङ्कारकरश्चलज्झङ्कारनूपुरः ।पण्डितस्तर्कविद्वान्वै वेदपाठी श्रुतीश्वरः ॥ ८८॥

pinākaṭaṅkārakaraścalajjhaṅkāranūpuraḥ |paṇḍitastarkavidvānvai vedapāṭhī śrutīśvaraḥ || 88||

वेदान्तकृत्साङ्ख्यशास्त्री मीमांसी कणनामभाक् ।काणादिर्गौतमो वादी वादो नैयायिको नयः ॥ ८९॥

vedāntakṛtsāṅkhyaśāstrī mīmāṃsī kaṇanāmabhāk |kāṇādirgautamo vādī vādo naiyāyiko nayaḥ || 89||

वैशेषिको धर्मशास्त्री सर्वशास्त्रार्थतत्त्वगः ।वैयाकरणकृच्छन्दो वैयासः प्राकृतिर्वचः ॥ ९०॥

vaiśeṣiko dharmaśāstrī sarvaśāstrārthatattvagaḥ |vaiyākaraṇakṛcchando vaiyāsaḥ prākṛtirvacaḥ || 90||

पाराशरीसंहितावित्काव्यकृन्नाटकप्रदः ।पौराणिकः स्मृतिकरो वैद्यो विद्याविशारदः ॥ ९१॥

pārāśarīsaṃhitāvitkāvyakṛnnāṭakapradaḥ |paurāṇikaḥ smṛtikaro vaidyo vidyāviśāradaḥ || 91||

अलङ्कारो लक्षणार्थो व्यङ्ग्यविद्धनवद्ध्वनिः ।वाक्यस्फोटः पदस्फोटः स्फोटवृत्तिश्च सार्थवित् ॥ ९२॥

alaṅkāro lakṣaṇārtho vyaṅgyaviddhanavaddhvaniḥ |vākyasphoṭaḥ padasphoṭaḥ sphoṭavṛttiśca sārthavit || 92||

शृङ्गार उज्ज्वलः स्वच्छोऽद्भुतो हास्यो भयानकः ।अश्वत्थो यवभोजी च यवक्रीतो यवाशनः ॥ ९३॥

śṛṅgāra ujjvalaḥ svaccho'dbhuto hāsyo bhayānakaḥ |aśvattho yavabhojī ca yavakrīto yavāśanaḥ || 93||

प्रह्लादरक्षकः स्निग्ध ऐलवंशविवर्द्धनः ।गताधिरम्बरीषाङ्गो विगाधिर्गाधिनां वरः ॥ ९४॥

prahlādarakṣakaḥ snigdha ailavaṃśavivarddhanaḥ |gatādhirambarīṣāṅgo vigādhirgādhināṃ varaḥ || 94||

नानामणिसमाकीर्णो नानारत्नविभूषणः ।नानापुष्पधरः पुष्पी पुष्पधन्वा प्रपुष्पितः ॥ ९५॥

nānāmaṇisamākīrṇo nānāratnavibhūṣaṇaḥ |nānāpuṣpadharaḥ puṣpī puṣpadhanvā prapuṣpitaḥ || 95||

नानाचन्दनगन्धाढ्यो नानापुष्परसार्चितः ।नानावर्णमयो वर्णो नानावस्त्रधरः सदा ॥ ९६॥

nānācandanagandhāḍhyo nānāpuṣparasārcitaḥ |nānāvarṇamayo varṇo nānāvastradharaḥ sadā || 96||

नानापद्मकरः कौशी नानाकौशेयवेषधृक् ।रत्नकम्बलधारी च धौतवस्त्रसमावृतः ॥ ९७॥

nānāpadmakaraḥ kauśī nānākauśeyaveṣadhṛk |ratnakambaladhārī ca dhautavastrasamāvṛtaḥ || 97||

उत्तरीयधरः पर्णो घनकञ्चुकसङ्घवान् ।पीतोष्णीषः सितोष्णीषो रक्तोष्णीषो दिगम्बरः ॥ ९८॥

uttarīyadharaḥ parṇo ghanakañcukasaṅghavān |pītoṣṇīṣaḥ sitoṣṇīṣo raktoṣṇīṣo digambaraḥ || 98||

दिव्याङ्गो दिव्यरचनो दिव्यलोकविलोकितः ।सर्वोपमो निरुपमो गोलोकाङ्गीकृताङ्गणः ॥ ९९॥

divyāṅgo divyaracano divyalokavilokitaḥ |sarvopamo nirupamo golokāṅgīkṛtāṅgaṇaḥ || 99||

कृतस्वोत्सङ्गगोलोकः कुण्डलीभूत आस्थितः ।माथुरो माथुरादर्शी चलत्खञ्जनलोचनः ॥ १००॥

kṛtasvotsaṅgagolokaḥ kuṇḍalībhūta āsthitaḥ |māthuro māthurādarśī calatkhañjanalocanaḥ || 100||

दधिहर्ता दुग्धहरो नवनीतसिताशनः ।तक्रभुक् तक्रहारी च दधिचौर्यकृतश्रमः ॥ १०१॥

dadhihartā dugdhaharo navanītasitāśanaḥ |takrabhuk takrahārī ca dadhicauryakṛtaśramaḥ || 101||

प्रभावतीबद्धकरो दामी दामोदरो दमी ।सिकताभूमिचारी च बालकेलिर्व्रजार्भकः ॥ १०२॥

prabhāvatībaddhakaro dāmī dāmodaro damī |sikatābhūmicārī ca bālakelirvrajārbhakaḥ || 102||

धूलिधूसरसर्वाङ्गः काकपक्षधरः सुधीः ।मुक्तकेशो वत्सवृन्दः कालिन्दीकूलवीक्षणः ॥ १०३॥

dhūlidhūsarasarvāṅgaḥ kākapakṣadharaḥ sudhīḥ |muktakeśo vatsavṛndaḥ kālindīkūlavīkṣaṇaḥ || 103||

जलकोलाहली कूली पङ्कप्राङ्गणलेपकः ।श्रीवृन्दावनसञ्चारी वंशीवटतटस्थितः ॥ १०४॥

jalakolāhalī kūlī paṅkaprāṅgaṇalepakaḥ |śrīvṛndāvanasañcārī vaṃśīvaṭataṭasthitaḥ || 104||

महावननिवासी च लोहार्गलवनाधिपः ।साधुः प्रियतमः साध्यः साध्वीशो गतसाध्वसः ॥ १०५॥

mahāvananivāsī ca lohārgalavanādhipaḥ |sādhuḥ priyatamaḥ sādhyaḥ sādhvīśo gatasādhvasaḥ || 105||

रङ्गनाथो विठ्ठलेशो मुक्तिनाथोऽघनाशकः ।सुकिर्तिः सुयशाः स्फीतो यशस्वी रङ्गरञ्जनः ॥ १०६॥

raṅganātho viṭhṭhaleśo muktinātho'ghanāśakaḥ |sukirtiḥ suyaśāḥ sphīto yaśasvī raṅgarañjanaḥ || 106||

रागषट्को रागपुत्रो रागिणीरमणोत्सुकः ।दीपको मेघमल्हारः श्रीरागो मालकोशकः ॥ १०७॥

rāgaṣaṭko rāgaputro rāgiṇīramaṇotsukaḥ |dīpako meghamalhāraḥ śrīrāgo mālakośakaḥ || 107||

हिन्दोलो भैरवाख्यश्च स्वरजातिस्मरो मृदुः ।तालो मानप्रमाणश्च स्वरगम्यः कलाक्षरः ॥ १०८॥

hindolo bhairavākhyaśca svarajātismaro mṛduḥ |tālo mānapramāṇaśca svaragamyaḥ kalākṣaraḥ || 108||

शमी श्यामी शतानन्दः शतयामः शतक्रतुः ।जागरः सुप्त आसुप्तः सुषुप्तः स्वप्न उर्वरः ॥ १०९॥

śamī śyāmī śatānandaḥ śatayāmaḥ śatakratuḥ |jāgaraḥ supta āsuptaḥ suṣuptaḥ svapna urvaraḥ || 109||

ऊर्जः स्फूर्जो निर्जरश्च विज्वरो ज्वरवर्जितः ।ज्वरजिज्ज्वरकर्ता च ज्वरयुक् त्रिज्वरो ज्वरः ॥ ११०॥

ūrjaḥ sphūrjo nirjaraśca vijvaro jvaravarjitaḥ |jvarajijjvarakartā ca jvarayuk trijvaro jvaraḥ || 110||

जाम्बवान् जम्बुकाशङ्की जम्बूद्वीपो द्विपारिहा ।शाल्मलिः शाल्मलिद्वीपः प्लक्षः प्लक्षवनेश्वरः ॥ १११॥

jāmbavān jambukāśaṅkī jambūdvīpo dvipārihā |śālmaliḥ śālmalidvīpaḥ plakṣaḥ plakṣavaneśvaraḥ || 111||

कुशधारी कुशः कौशी कौशिकः कुशविग्रहः ।कुशस्थलीपतिः काशीनाथो भैरवशासनः ॥ ११२॥

kuśadhārī kuśaḥ kauśī kauśikaḥ kuśavigrahaḥ |kuśasthalīpatiḥ kāśīnātho bhairavaśāsanaḥ || 112||

दाशार्हः सात्वतो वृष्णिर्भोजोऽन्धकनिवासकृत् ।अन्धको दुन्दुभिर्द्योतः प्रद्योतः सात्वतां पतिः ॥ ११३॥

dāśārhaḥ sātvato vṛṣṇirbhojo'ndhakanivāsakṛt |andhako dundubhirdyotaḥ pradyotaḥ sātvatāṃ patiḥ || 113||

शूरसेनोऽनुविषयो भोजवृष्ण्यन्धकेश्वरः ।आहुकः सर्वनीतिज्ञ उग्रसेनो महोग्रवाक् ॥ ११४॥

śūraseno'nuviṣayo bhojavṛṣṇyandhakeśvaraḥ |āhukaḥ sarvanītijña ugraseno mahogravāk || 114||

उग्रसेनप्रियः प्रार्थ्यः पार्थो यदुसभापतिः ।सुधर्माधिपतिः सत्त्वं वृष्णिचक्रावृतो भिषक् ॥ ११५॥

ugrasenapriyaḥ prārthyaḥ pārtho yadusabhāpatiḥ |sudharmādhipatiḥ sattvaṃ vṛṣṇicakrāvṛto bhiṣak || 115||

सभाशीलः सभादीपः सभाग्निश्च सभारविः ।सभाचन्द्रः सभाभासः सभादेवः सभापतिः ॥ ११६॥

sabhāśīlaḥ sabhādīpaḥ sabhāgniśca sabhāraviḥ |sabhācandraḥ sabhābhāsaḥ sabhādevaḥ sabhāpatiḥ || 116||

प्रजार्थदः प्रजाभर्ता प्रजापालनतत्परः ।द्वारकादुर्गसञ्चारी द्वारकाग्रहविग्रहः ॥ ११७॥

prajārthadaḥ prajābhartā prajāpālanatatparaḥ |dvārakādurgasañcārī dvārakāgrahavigrahaḥ || 117||

द्वारकादुःखसंहर्ता द्वारकाजनमङ्गलः ।जगन्माता जगत्त्राता जगद्भर्ता जगत्पिता ॥ ११८॥

dvārakāduḥkhasaṃhartā dvārakājanamaṅgalaḥ |jaganmātā jagattrātā jagadbhartā jagatpitā || 118||

जगद्बन्धुर्जगद्भ्राता जगन्मित्रो जगत्सखः ।ब्रह्मण्यदेवो ब्रह्मण्यो ब्रह्मपादरजो दधत् ॥ ११९॥

jagadbandhurjagadbhrātā jaganmitro jagatsakhaḥ |brahmaṇyadevo brahmaṇyo brahmapādarajo dadhat || 119||

ब्रह्मपादरजःस्पर्शी ब्रह्मपादनिषेवकः ।विप्राङ्घ्रिजलपूताङ्गो विप्रसेवापरायणः ॥ १२०॥

brahmapādarajaḥsparśī brahmapādaniṣevakaḥ |viprāṅghrijalapūtāṅgo viprasevāparāyaṇaḥ || 120||

विप्रमुख्यो विप्रहितो विप्रगीतमहाकथः ।विप्रपादजलार्द्राङ्गो विप्रपादोदकप्रियः ॥ १२१॥

vipramukhyo viprahito vipragītamahākathaḥ |viprapādajalārdrāṅgo viprapādodakapriyaḥ || 121||

विप्रभक्तो विप्रगुरुर्विप्रो विप्रपदानुगः ।अक्षौहिणीवृतो योद्धा प्रतिमापञ्चसंयुतः ॥ १२२॥

viprabhakto vipragururvipro viprapadānugaḥ |akṣauhiṇīvṛto yoddhā pratimāpañcasaṃyutaḥ || 122||

चतुरोंऽगिराः पद्मवर्ती सामन्तोद्धृतपादुकः ।गजकोटिप्रयायी च रथकोटिजयध्वजः ॥ १२३॥

caturoṃ'girāḥ padmavartī sāmantoddhṛtapādukaḥ |gajakoṭiprayāyī ca rathakoṭijayadhvajaḥ || 123||

महारथश्चातिरथो जैत्रं स्यन्दनमास्थितः ।नारायणास्त्री ब्रह्मास्त्री रणश्लाघी रणोद्भटः ॥ १२४॥

mahārathaścātiratho jaitraṃ syandanamāsthitaḥ |nārāyaṇāstrī brahmāstrī raṇaślāghī raṇodbhaṭaḥ || 124||

मदोत्कटो युद्धवीरो देवासुरभङ्करः ।करिकर्णमरुत्प्रेजत्कुन्तलव्याप्तकुण्डलः ॥ १२५॥

madotkaṭo yuddhavīro devāsurabhaṅkaraḥ |karikarṇamarutprejatkuntalavyāptakuṇḍalaḥ || 125||

अग्रगो वीरसम्मर्दो मर्दलो रणदुर्मदः ।भटः प्रतिभटः प्रोच्यो बाणवर्षी सुतोयदः ॥ १२६॥

agrago vīrasammardo mardalo raṇadurmadaḥ |bhaṭaḥ pratibhaṭaḥ procyo bāṇavarṣī sutoyadaḥ || 126||

खड्गखण्डितसर्वाङ्गः षोडशाब्दः षडक्षरः ।वीरघोषः क्लिष्टवपुर्वज्राङ्गो वज्रभेदनः ॥ १२७॥

khaḍgakhaṇḍitasarvāṅgaḥ ṣoḍaśābdaḥ ṣaḍakṣaraḥ |vīraghoṣaḥ kliṣṭavapurvajrāṅgo vajrabhedanaḥ || 127||

रुग्णवज्रो भग्नदण्डः शत्रुनिर्भर्त्सनोद्यतः ।अट्टहासः पट्टधरः पट्टराज्ञीपतिः पटुः ॥ १२८॥

rugṇavajro bhagnadaṇḍaḥ śatrunirbhartsanodyataḥ |aṭṭahāsaḥ paṭṭadharaḥ paṭṭarājñīpatiḥ paṭuḥ || 128||

कलः पटहवादित्रो हुङ्कारो गर्जितस्वनः ।साधुर्भक्तपराधीनः स्वतन्त्रः साधुभूषणः ॥ १२९॥

kalaḥ paṭahavāditro huṅkāro garjitasvanaḥ |sādhurbhaktaparādhīnaḥ svatantraḥ sādhubhūṣaṇaḥ || 129||

अस्वतन्त्रः साधुमयः साधुग्रस्तमना मनाक् ।साधुप्रियः साधुधनः साधुज्ञातिः सुधाघनः ॥ १३०॥

asvatantraḥ sādhumayaḥ sādhugrastamanā manāk |sādhupriyaḥ sādhudhanaḥ sādhujñātiḥ sudhāghanaḥ || 130||

साधुचारी साधुचित्तः साधुवासी शुभास्पदः ।इति नाम्नां सहस्रं तु बलभद्रस्य कीर्तितम् ॥ १३१॥

sādhucārī sādhucittaḥ sādhuvāsī śubhāspadaḥ |iti nāmnāṃ sahasraṃ tu balabhadrasya kīrtitam || 131||

सर्वसिद्धिप्रदं नॄणां चतुर्वर्गफलप्रदम् ।शतवारं पठेद्यस्तु स विद्यावान् भवेदिह ॥ १३२॥

sarvasiddhipradaṃ nṝṇāṃ caturvargaphalapradam |śatavāraṃ paṭhedyastu sa vidyāvān bhavediha || 132||

इन्दिरां च विभूतिं चाभिजनं रूपमेव च ।बलमोजश्च पठनात्सर्वं प्राप्नोति मानवः ॥ १३३॥

indirāṃ ca vibhūtiṃ cābhijanaṃ rūpameva ca |balamojaśca paṭhanātsarvaṃ prāpnoti mānavaḥ || 133||

गङ्गाकूलेऽथ कालिन्दिकूले देवालये तथा ।सहस्रावर्तपाठेन बलात्सिद्धिः प्रजायते ॥ १३४॥

gaṅgākūle'tha kālindikūle devālaye tathā |sahasrāvartapāṭhena balātsiddhiḥ prajāyate || 134||

पुत्रार्थी लभते पुत्रं धनार्थी लभते धनम् ।बन्धात्प्रमुच्यते बद्धो रोगी रोगान्निवर्तते ॥ १३५॥

putrārthī labhate putraṃ dhanārthī labhate dhanam |bandhātpramucyate baddho rogī rogānnivartate || 135||

अयुतावर्तपाठे च पुरश्चर्याविधानतः ।होमतर्पणगोदानविप्रार्चनकृतोद्यमात् ॥ १३६॥

ayutāvartapāṭhe ca puraścaryāvidhānataḥ |homatarpaṇagodānaviprārcanakṛtodyamāt || 136||

पटलं पद्धतिं स्तोत्रं कवचं तु विधाय च ।महामण्डलभर्ता स्यान्मण्डितो मण्डलेश्वरैः ॥ १३७॥

paṭalaṃ paddhatiṃ stotraṃ kavacaṃ tu vidhāya ca |mahāmaṇḍalabhartā syānmaṇḍito maṇḍaleśvaraiḥ || 137||

मत्तेभकर्णप्रहिता मदगन्धेन विह्वला ।अलङ्करोति तद्द्वारां भ्रमद्भृङ्गावली भृशम् ॥ १३८॥

mattebhakarṇaprahitā madagandhena vihvalā |alaṅkaroti taddvārāṃ bhramadbhṛṅgāvalī bhṛśam || 138||

निष्कारणः पठेद्यस्तु प्रीत्यर्थं रेवतीपतेः ।नाम्नां सहस्रं राजेन्द्र स जीवन्मुक्त उच्यते ॥ १३९॥

niṣkāraṇaḥ paṭhedyastu prītyarthaṃ revatīpateḥ |nāmnāṃ sahasraṃ rājendra sa jīvanmukta ucyate || 139||

सदा वसेत्तस्य गृहे बलभद्रोऽच्युताग्रजः ।महापातक्यपि जनः पठेन्नामसहस्रकम् ॥ १४०॥

sadā vasettasya gṛhe balabhadro'cyutāgrajaḥ |mahāpātakyapi janaḥ paṭhennāmasahasrakam || 140||

छित्त्वा मेरुसमं पापं भुक्त्वा सर्वसुखं त्विह ।परात्परं महाराज गोलोकं धाम याति हि ॥ १४१॥

chittvā merusamaṃ pāpaṃ bhuktvā sarvasukhaṃ tviha |parātparaṃ mahārāja golokaṃ dhāma yāti hi || 141||

श्रीनारद उवाचइति श्रुत्वाच्युताग्रजस्य बलदेवस्य पञ्चाङ्गंधृतिमान् धार्तराष्ट्रः सपर्यया सहितया परयाभक्त्या प्राड्विपाकं पूजयामास ।तमनुज्ञाप्याशिषं दत्वा प्राड्विपाको मुनीन्द्रोगजाह्वयात्स्वाश्रमं जगाम ॥ १४२॥

śrīnārada uvācaiti śrutvācyutāgrajasya baladevasya pañcāṅgaṃdhṛtimān dhārtarāṣṭraḥ saparyayā sahitayā parayābhaktyā prāḍvipākaṃ pūjayāmāsa |tamanujñāpyāśiṣaṃ datvā prāḍvipāko munīndrogajāhvayātsvāśramaṃ jagāma || 142||

भगवतोऽनन्तस्य बलभद्रस्य परब्रह्मणः कथांयः शृणुते श्रावयते तयाऽऽनन्दमयो भवति ॥ १४३॥

bhagavato'nantasya balabhadrasya parabrahmaṇaḥ kathāṃyaḥ śṛṇute śrāvayate tayā''nandamayo bhavati || 143||

इदं मया ते कथितं नृपेन्द्र सर्वार्थदं श्रीबलभद्रखण्डम् ।शृणोति यो धाम हरेः स याति विशोकमानन्दमखण्डरूपम् ॥ १४४॥

idaṃ mayā te kathitaṃ nṛpendra sarvārthadaṃ śrībalabhadrakhaṇḍam |śṛṇoti yo dhāma hareḥ sa yāti viśokamānandamakhaṇḍarūpam || 144||

इति श्रीगर्गसंहितायां बलभद्रखण्डे प्राड्विपाकदुर्योधनसंवादेबलभद्रसहस्रनामवर्णनं नाम त्रयोदशोऽध्यायः ॥ ग\। सं\। अधाय १३॥

iti śrīgargasaṃhitāyāṃ balabhadrakhaṇḍe prāḍvipākaduryodhanasaṃvādebalabhadrasahasranāmavarṇanaṃ nāma trayodaśo'dhyāyaḥ || ga\| saṃ\| adhāya 13||