गुह्यकालीकवचम् विश्वमङ्गल Vishvamangala Guhyakalikavacham

विनियोगःॐ अस्य श्रीविश्वमङ्गलनाम्नो गुह्यकाली महावज्र कवचस्यसंवर्तऋषिरनुष्टुप्छन्दः, एकवक्त्रादि शतवक्त्रान्ता गुह्यकालीदेवता, फ्रें बीजं, फ्रेंशक्तिः, छ्रीं कीलकं सर्वाभीष्टसिद्धिपूर्वकात्मरक्षणे जपे विनियोगः ॥ॐ फ्रें पातु शिरः सिद्धिकराली कालिका मम ।ह्रीं छ्रीं ललाटं मे सिद्धिविकरालि सदावतु ॥ १॥

viniyogaḥoṃ asya śrīviśvamaṅgalanāmno guhyakālī mahāvajra kavacasyasaṃvartaṛṣiranuṣṭupchandaḥ, ekavaktrādi śatavaktrāntā guhyakālīdevatā, phreṃ bījaṃ, phreṃśaktiḥ, chrīṃ kīlakaṃ sarvābhīṣṭasiddhipūrvakātmarakṣaṇe jape viniyogaḥ ||oṃ phreṃ pātu śiraḥ siddhikarālī kālikā mama |hrīṃ chrīṃ lalāṭaṃ me siddhivikarāli sadāvatu || 1||

श्रीं क्लीं मुखं चण्डयोगेश्वरी रक्षतु सर्वदा ।हूं स्त्रीं कर्णै वज्रकापालिनी मे कालिकाऽवतु ॥ २॥

śrīṃ klīṃ mukhaṃ caṇḍayogeśvarī rakṣatu sarvadā |hūṃ strīṃ karṇai vajrakāpālinī me kālikā'vatu || 2||

ऐं क्रौं हनू कालसङ्कर्षणा मे पातु कालिका ।क्रीं क्रौं भ्रुवावुग्रचण्डा कालिका मे सदावतु ॥ ३॥

aiṃ krauṃ hanū kālasaṅkarṣaṇā me pātu kālikā |krīṃ krauṃ bhruvāvugracaṇḍā kālikā me sadāvatu || 3||

हां क्षौं नेत्रे सिद्धिलक्ष्मीरवतु प्रत्यहं मम ।हूं ह्रौं नासां चण्डकापालिनी मे सर्वदावतु ॥ ४॥

hāṃ kṣauṃ netre siddhilakṣmīravatu pratyahaṃ mama |hūṃ hrauṃ nāsāṃ caṇḍakāpālinī me sarvadāvatu || 4||

आं ईं ओष्ठाधरौ पातु सदा समयकुब्जिका ।ग्लूं ग्लौं दन्तान् राजराजेश्वरी मे रक्षतात् सदा ॥ ५॥

āṃ īṃ oṣṭhādharau pātu sadā samayakubjikā |glūṃ glauṃ dantān rājarājeśvarī me rakṣatāt sadā || 5||

जूं सः सदा मे रसनां पातु श्रीजयभैरवी ।स्फ्रें स्फ्रें पातु स्वर्णकूटेश्वरी मे चिबुकं सदा ॥ ६॥

jūṃ saḥ sadā me rasanāṃ pātu śrījayabhairavī |sphreṃ sphreṃ pātu svarṇakūṭeśvarī me cibukaṃ sadā || 6||

ब्लूं ब्लौं कण्ठं रक्षतु मे सर्वदा तुम्बुरेश्वरी ।क्ष्रूं क्ष्रौं मे राजमातङ्गी स्कन्धौ रक्षतु सर्वदा ॥ ७॥

blūṃ blauṃ kaṇṭhaṃ rakṣatu me sarvadā tumbureśvarī |kṣrūṃ kṣrauṃ me rājamātaṅgī skandhau rakṣatu sarvadā || 7||

फ्रां फ्रौं भुजौ वज्रचण्डेश्वरी रक्षतु मे सदा ।स्त्रैं स्त्रौं वक्षःस्थलं जयझङ्केश्वरी मम ॥ ८॥

phrāṃ phrauṃ bhujau vajracaṇḍeśvarī rakṣatu me sadā |straiṃ strauṃ vakṣaḥsthalaṃ jayajhaṅkeśvarī mama || 8||

फिं फां करौ रक्षतु मे शिवदूती च सर्वदा ।छ्रैं छौं मे जठरं पातु फेत्कारी घोरराविणी ॥ ९॥

phiṃ phāṃ karau rakṣatu me śivadūtī ca sarvadā |chraiṃ chauṃ me jaṭharaṃ pātu phetkārī ghorarāviṇī || 9||

स्त्रैं स्त्रौं गुह्येश्वरि नाभिं मम रक्षतु सर्वदा ।क्षुं क्षौं पार्श्वो सदापातु बाभुवी घोररूपिणी ॥ १०॥

straiṃ strauṃ guhyeśvari nābhiṃ mama rakṣatu sarvadā |kṣuṃ kṣauṃ pārśvo sadāpātu bābhuvī ghorarūpiṇī || 10||

ग्रूं ग्रौं कुलेश्वरी पातु मम पृष्ठं च सर्वदा ।क्लूं क्लौं कटिं रक्षतु मे भीमादेवी भयानका ॥ ११॥

grūṃ grauṃ kuleśvarī pātu mama pṛṣṭhaṃ ca sarvadā |klūṃ klauṃ kaṭiṃ rakṣatu me bhīmādevī bhayānakā || 11||

हैं हौं मे रक्षतादूरू सर्वदा चण्डखेचरी ।स्फ्रों स्फ्रौं मे जानुनी पातु कोरङ्गी भीषणानना ॥ १२॥

haiṃ hauṃ me rakṣatādūrū sarvadā caṇḍakhecarī |sphroṃ sphrauṃ me jānunī pātu koraṅgī bhīṣaṇānanā || 12||

त्रीं श्रीं जङ्घायुगं पातु तामसी सर्वदा मम ।ज्रैं ज्रौं पादौ महाविद्या सर्वदा मम रक्षतु ॥ १३॥

trīṃ śrīṃ jaṅghāyugaṃ pātu tāmasī sarvadā mama |jraiṃ jrauṃ pādau mahāvidyā sarvadā mama rakṣatu || 13||

ड्रीं ठ्रीं वागीश्वरी सर्वान् सन्धीन् देहस्य मेऽवतु ।ख्रें ख्रौं शराराधातून्मे कामाख्या सर्वदावतु ॥ १४॥

ḍrīṃ ṭhrīṃ vāgīśvarī sarvān sandhīn dehasya me'vatu |khreṃ khrauṃ śarārādhātūnme kāmākhyā sarvadāvatu || 14||

ब्रीं ब्रूं कात्यायनी पातु दशवायूंस्तनूद्भवान् ।ज्लूं ज्लौं पातु महालक्ष्मीः खान्येकादश सर्वदा ॥ १५॥

brīṃ brūṃ kātyāyanī pātu daśavāyūṃstanūdbhavān |jlūṃ jlauṃ pātu mahālakṣmīḥ khānyekādaśa sarvadā || 15||

ऐं औं अनूक्तं यत्स्थानं शरीरेऽन्तर्बहिश्च मे ।तत्सर्वं सर्वदा पातु हरसिद्धा हरप्रिया ॥ १६॥

aiṃ auṃ anūktaṃ yatsthānaṃ śarīre'ntarbahiśca me |tatsarvaṃ sarvadā pātu harasiddhā harapriyā || 16||

फ्रें छ्रीं ह्रीं स्त्री हूं शरीरसकलं सर्वदा मम ।गुह्यकाली दिवारात्रौ सन्ध्यासु परिरक्षतु ॥ १७॥

phreṃ chrīṃ hrīṃ strī hūṃ śarīrasakalaṃ sarvadā mama |guhyakālī divārātrau sandhyāsu parirakṣatu || 17||

इति ते कवचं प्रोक्तं नाम्ना च विश्वमङ्गलम् ।सर्वेभ्यः कवचेभ्यस्तु श्रेष्ठं सारतरं परम् ॥ १८॥

iti te kavacaṃ proktaṃ nāmnā ca viśvamaṅgalam |sarvebhyaḥ kavacebhyastu śreṣṭhaṃ sārataraṃ param || 18||

इदं पठित्वा त्वं देहं भस्मनैवावगुण्ठ्य च ।तत्तत्स्थानेषु विन्यस्य वद्धवादः कवचं दृढम् ॥ १९॥

idaṃ paṭhitvā tvaṃ dehaṃ bhasmanaivāvaguṇṭhya ca |tattatsthāneṣu vinyasya vaddhavādaḥ kavacaṃ dṛḍham || 19||

दशवारान् मनुः जप्त्वा यन्त्र कुत्रापि गच्छतु ।समरे निपतच्छस्त्रेऽरण्ये स्वापदसङ्कुले ॥ २०॥

daśavārān manuḥ japtvā yantra kutrāpi gacchatu |samare nipatacchastre'raṇye svāpadasaṅkule || 20||

श्मशाने प्रेतभूताढ्यकान्तारे दस्युसङ्कुले ।राजद्वारे सपिशुने गह्वरे सर्पवेष्टिते ॥ २१॥

śmaśāne pretabhūtāḍhyakāntāre dasyusaṅkule |rājadvāre sapiśune gahvare sarpaveṣṭite || 21||

तस्य भीतिर्न कुत्रापि चरतः पृथिवीमिमाम् ।न च व्याधिभयं तस्य नैव तस्करजं भयम् ॥ २२॥

tasya bhītirna kutrāpi carataḥ pṛthivīmimām |na ca vyādhibhayaṃ tasya naiva taskarajaṃ bhayam || 22||

नाग्न्युत्पातो नैव भूतप्रेतजः सङ्कटस्तथा ।विद्युद्वर्षोपलभयं न कदापि प्रबाधते ॥ २३॥

nāgnyutpāto naiva bhūtapretajaḥ saṅkaṭastathā |vidyudvarṣopalabhayaṃ na kadāpi prabādhate || 23||

न दुर्भिक्षभयं चास्य न च मारिभयं तथा ।कृत्याभिचारजा दोषाः स्पृशन्त्येनं कदापि न ॥ २४॥

na durbhikṣabhayaṃ cāsya na ca māribhayaṃ tathā |kṛtyābhicārajā doṣāḥ spṛśantyenaṃ kadāpi na || 24||

सहस्रं जपतश्चास्य पुरश्चरणमुच्यते ।तत्कृत्वा तु प्रयुञ्जीत सर्वस्मिन्नपि कर्मणि ॥ २५॥

sahasraṃ japataścāsya puraścaraṇamucyate |tatkṛtvā tu prayuñjīta sarvasminnapi karmaṇi || 25||

वश्यकार्यो मोहने च मारणोच्चाटने तथा ।स्तम्भने च तथा द्वेषे तथा कृत्याभिचारयोः ॥ २६॥

vaśyakāryo mohane ca māraṇoccāṭane tathā |stambhane ca tathā dveṣe tathā kṛtyābhicārayoḥ || 26||

दुर्गभङ्गे तथा युद्धे परचक्र निवारणे ।एतत् प्रयोगात् सर्वाणि कार्याणि परिसाधयेत् ॥ २७॥

durgabhaṅge tathā yuddhe paracakra nivāraṇe |etat prayogāt sarvāṇi kāryāṇi parisādhayet || 27||

भूतावेशं नाशयति विवादे जयति द्विषः ।सङ्कटं तरति क्षिप्रं कलहे जयमाप्नुयात् ॥ २८॥

bhūtāveśaṃ nāśayati vivāde jayati dviṣaḥ |saṅkaṭaṃ tarati kṣipraṃ kalahe jayamāpnuyāt || 28||

यदीच्छेत् महतीं लक्ष्मी तनयानायुरेव च ।विद्यां कान्तिं तथौन्नत्यं यश आरोग्यमेव ॥ २९॥

yadīcchet mahatīṃ lakṣmī tanayānāyureva ca |vidyāṃ kāntiṃ tathaunnatyaṃ yaśa ārogyameva || 29||

भोगान् सौख्यं विघ्नहानिमनालस्यं महोदयम् ।अधीहि कवचं नित्यममुनामुञ्च च प्रिये ॥ ३०॥

bhogān saukhyaṃ vighnahānimanālasyaṃ mahodayam |adhīhi kavacaṃ nityamamunāmuñca ca priye || 30||

कवचेनामुना सर्वं संसाधयति साधकः ।यद् यद् ध्यायति चित्तेन सिद्धं तत्तत्पुरः स्थितम् ॥ ३१॥

kavacenāmunā sarvaṃ saṃsādhayati sādhakaḥ |yad yad dhyāyati cittena siddhaṃ tattatpuraḥ sthitam || 31||

दुर्धटं घटयत्येतत् कवचं विश्वमङ्गलम् ।विश्वस्य मङ्गलं यस्मादतो वै विश्वमङ्गलम् ॥ ३२॥

durdhaṭaṃ ghaṭayatyetat kavacaṃ viśvamaṅgalam |viśvasya maṅgalaṃ yasmādato vai viśvamaṅgalam || 32||

सान्निध्यकारकं गुह्यकाल्या एतत् प्रकीर्तितम् ।भुक्तवा भोगानघं हत्वा देहान्ते मोक्षमाप्नुयात् ॥ ३३॥

sānnidhyakārakaṃ guhyakālyā etat prakīrtitam |bhuktavā bhogānaghaṃ hatvā dehānte mokṣamāpnuyāt || 33||

॥ इति विश्वमङ्गल गुह्यकालीकवचम् ॥

|| iti viśvamaṅgala guhyakālīkavacam ||