आद्यास्तोत्रम् Adya Shtotram

ॐ नम आद्यायै ।शृणु वत्स प्रवक्ष्यामि आद्यास्तोत्रं महाफलम् ।यः पठेत् सततं भक्त्या स एव विष्णुवल्लभः ॥ १॥

oṃ nama ādyāyai |śṛṇu vatsa pravakṣyāmi ādyāstotraṃ mahāphalam |yaḥ paṭhet satataṃ bhaktyā sa eva viṣṇuvallabhaḥ || 1||

मृत्युर्व्याधिभयं तस्य नास्ति किञ्चित् कलौ युगे ।अपुत्रा लभते पुत्रं त्रिपक्षं श्रवणं यदि ॥ २॥

mṛtyurvyādhibhayaṃ tasya nāsti kiñcit kalau yuge |aputrā labhate putraṃ tripakṣaṃ śravaṇaṃ yadi || 2||

द्वौ मासौ बन्धनान्मुक्ति विप्रवक्त्रात् श्रुतं यदि ।मृतवत्सा जीववत्सा षण्मासं श्रवणं यदि ॥ ३॥

dvau māsau bandhanānmukti vipravaktrāt śrutaṃ yadi |mṛtavatsā jīvavatsā ṣaṇmāsaṃ śravaṇaṃ yadi || 3||

नौकायां सङ्कटे युद्धे पठनाज्जयमाप्नुयात् ।लिखित्वा स्थापयेद्।ह्गेहे नाग्निचौरभयं क्वचित् ॥ ४॥

naukāyāṃ saṅkaṭe yuddhe paṭhanājjayamāpnuyāt |likhitvā sthāpayed|hgehe nāgnicaurabhayaṃ kvacit || 4||

राजस्थाने जयी नित्यं प्रसन्नाः सर्वदेवता ।ॐ ह्रीं ब्रह्माणी ब्रह्मलोके च वैकुण्ठे सर्वमङ्गला ॥ ५॥

rājasthāne jayī nityaṃ prasannāḥ sarvadevatā |oṃ hrīṃ brahmāṇī brahmaloke ca vaikuṇṭhe sarvamaṅgalā || 5||

इन्द्राणी अमरावत्यामम्बिका वरुणालये ।यमालये कालरूपा कुबेरभवने शुभा ॥ ६॥

indrāṇī amarāvatyāmambikā varuṇālaye |yamālaye kālarūpā kuberabhavane śubhā || 6||

महानन्दाग्निकोने च वायव्यां मृगवाहिनी ।नैरृत्यां रक्तदन्ता च ऐशाण्यां शूलधारिणी ॥ ७॥

mahānandāgnikone ca vāyavyāṃ mṛgavāhinī |nairṛtyāṃ raktadantā ca aiśāṇyāṃ śūladhāriṇī || 7||

पाताले वैष्णवीरूपा सिंहले देवमोहिनी ।सुरसा च मणीद्विपे लङ्कायां भद्रकालिका ॥ ८॥

pātāle vaiṣṇavīrūpā siṃhale devamohinī |surasā ca maṇīdvipe laṅkāyāṃ bhadrakālikā || 8||

रामेश्वरी सेतुबन्धे विमला पुरुषोत्तमे ।विरजा औड्रदेशे च कामाक्ष्या नीलपर्वते ॥ ९॥

rāmeśvarī setubandhe vimalā puruṣottame |virajā auḍradeśe ca kāmākṣyā nīlaparvate || 9||

कालिका वङ्गदेशे च अयोध्यायां महेश्वरी ।वाराणस्यामन्नपूर्णा गयाक्षेत्रे गयेश्वरी ॥ १०॥

kālikā vaṅgadeśe ca ayodhyāyāṃ maheśvarī |vārāṇasyāmannapūrṇā gayākṣetre gayeśvarī || 10||

कुरुक्षेत्रे भद्रकाली व्रजे कात्यायनी परा ।द्वारकायां महामाया मथुरायां माहेश्वरी ॥ ११॥

kurukṣetre bhadrakālī vraje kātyāyanī parā |dvārakāyāṃ mahāmāyā mathurāyāṃ māheśvarī || 11||

क्षुधा त्वं सर्वभूतानां वेला त्वं सागरस्य च ।नवमी शुक्लपक्षस्य कृष्णसैकादशी परा ॥ १२॥

kṣudhā tvaṃ sarvabhūtānāṃ velā tvaṃ sāgarasya ca |navamī śuklapakṣasya kṛṣṇasaikādaśī parā || 12||

दक्षसा दुहिता देवी दक्षयज्ञविनाशिनी ।रामस्य जानकी त्वं हि रावणध्वंसकारिणी ॥ १३॥

dakṣasā duhitā devī dakṣayajñavināśinī |rāmasya jānakī tvaṃ hi rāvaṇadhvaṃsakāriṇī || 13||

चण्डमुण्डवधे देवी रक्तबीजविनाशिनी ।निशुम्भशुम्भमथिनी मधुकैटभघातिनी ॥ १४॥

caṇḍamuṇḍavadhe devī raktabījavināśinī |niśumbhaśumbhamathinī madhukaiṭabhaghātinī || 14||

विष्णुभक्तिप्रदा दुर्गा सुखदा मोक्षदा सदा ।आद्यास्तवमिमं पुण्यं यः पठेत् सततं नरः ॥ १५॥

viṣṇubhaktipradā durgā sukhadā mokṣadā sadā |ādyāstavamimaṃ puṇyaṃ yaḥ paṭhet satataṃ naraḥ || 15||

सर्वज्वरभयं न स्यात् सर्वव्याधिविनाशनम् ।कोटितीर्थफलं तस्य लभते नात्र संशयः ॥ १६॥

sarvajvarabhayaṃ na syāt sarvavyādhivināśanam |koṭitīrthaphalaṃ tasya labhate nātra saṃśayaḥ || 16||

जया मे चाग्रतः पातु विजया पातु पृष्ठतः ।नारायणी शीर्षदेशे सर्वाङ्गे सिंहवाहिनी ॥ १७॥

jayā me cāgrataḥ pātu vijayā pātu pṛṣṭhataḥ |nārāyaṇī śīrṣadeśe sarvāṅge siṃhavāhinī || 17||

शिवदूती उग्रचण्डा प्रत्यङ्गे परमेश्वरी ।विशालाक्षी महामाया कौमारी सङ्खिनी शिवा ॥ १८॥

śivadūtī ugracaṇḍā pratyaṅge parameśvarī |viśālākṣī mahāmāyā kaumārī saṅkhinī śivā || 18||

चक्रिणी जयधात्री च रणमत्ता रणप्रिया ।दुर्गा जयन्ती काली च भद्रकाली महोदरी ॥ १९॥

cakriṇī jayadhātrī ca raṇamattā raṇapriyā |durgā jayantī kālī ca bhadrakālī mahodarī || 19||

नारसिंही च वाराही सिद्धिदात्री सुखप्रदा ।भयङ्करी महारौद्री महाभयविनाशिनी ॥ २०॥

nārasiṃhī ca vārāhī siddhidātrī sukhapradā |bhayaṅkarī mahāraudrī mahābhayavināśinī || 20||

इति ब्रह्मयामले ब्रह्मनारदसंवादे आद्यास्तोत्रं समाप्तम् ॥॥ ॐ नम आद्यायै ॐ नम आद्यायै ॐ नम आद्यायै ॥

iti brahmayāmale brahmanāradasaṃvāde ādyāstotraṃ samāptam |||| oṃ nama ādyāyai oṃ nama ādyāyai oṃ nama ādyāyai ||