महात्रिपुरसुन्दरीषट्कम् Shri Mahatripurasundarishatkam

मनोज्ञमणिकुण्डलां महितचक्रराजालयांमनोऽम्बुजविहारिणीं परशिवस्य वामाङ्कगाम् ।महाहरिमुखामरप्रणतपादपङ्केरुहांमहात्रिपुरसुन्दरीं मनसि भावये सन्ततम् ॥ १॥

manojñamaṇikuṇḍalāṃ mahitacakrarājālayāṃmano'mbujavihāriṇīṃ paraśivasya vāmāṅkagām |mahāharimukhāmarapraṇatapādapaṅkeruhāṃmahātripurasundarīṃ manasi bhāvaye santatam || 1||

मतङ्गमुनिपूजितां मथितपापसङ्घां जवान्मदारुणितलोचनां मदमुखारिनिर्वापिणीम् ।मनःसु यमिनां सदा स्थितिविहारिणीं मोदतोमहात्रिपुरसुन्दरीं मनसि भावये सन्ततम् ॥ २॥

mataṅgamunipūjitāṃ mathitapāpasaṅghāṃ javānmadāruṇitalocanāṃ madamukhārinirvāpiṇīm |manaḥsu yamināṃ sadā sthitivihāriṇīṃ modatomahātripurasundarīṃ manasi bhāvaye santatam || 2||

विचित्रकविताप्रदां नतततेर्विलम्बं विनाविधीन्द्रहरिवन्दितां विधिनिषेधसक्तार्चिताम् ।विनायकविभावसूद्भवविभासिपार्श्वद्वयांमहात्रिपुरसुन्दरीं मनसि भावये सन्ततम् ॥ ३॥

vicitrakavitāpradāṃ natatatervilambaṃ vināvidhīndraharivanditāṃ vidhiniṣedhasaktārcitām |vināyakavibhāvasūdbhavavibhāsipārśvadvayāṃmahātripurasundarīṃ manasi bhāvaye santatam || 3||

विनिन्दितविभावरीविटसहस्रगर्वाननांविनिर्मितजगत्त्रयीं विधुसमानमन्दस्मिताम् ।विबोधनपटीयसीं विनतसन्ततेः सत्वरंमहात्रिपुरसुन्दरीं मनसि भावये सन्ततम् ॥ ४॥

vininditavibhāvarīviṭasahasragarvānanāṃvinirmitajagattrayīṃ vidhusamānamandasmitām |vibodhanapaṭīyasīṃ vinatasantateḥ satvaraṃmahātripurasundarīṃ manasi bhāvaye santatam || 4||

विमानचरमानिनीविहितपादसेवां मुदाविशालनयनाम्बुजां विधृतचापपाशाङ्कुशाम् ।विशुद्धिसरसीरुहे कृतनिजासनां सर्वदामहात्रिपुरसुन्दरीं मनसि भावये सन्ततम् ॥ ५॥

vimānacaramāninīvihitapādasevāṃ mudāviśālanayanāmbujāṃ vidhṛtacāpapāśāṅkuśām |viśuddhisarasīruhe kṛtanijāsanāṃ sarvadāmahātripurasundarīṃ manasi bhāvaye santatam || 5||

विरागिजनसेवितां विमलबुद्धिसन्दायिनींविराधरिपुपूजितां विविधरत्नभूषोज्ज्वलाम् ।विरिञ्चिहरिसुन्दरीकलितचामरावीजनांमहात्रिपुरसुन्दरीं मनसि भावये सन्ततम् ॥ ६॥

virāgijanasevitāṃ vimalabuddhisandāyinīṃvirādharipupūjitāṃ vividharatnabhūṣojjvalām |viriñciharisundarīkalitacāmarāvījanāṃmahātripurasundarīṃ manasi bhāvaye santatam || 6||

इति शृङ्गेरि श्रीजगद्गुरु श्रीसच्चिदानन्दशिवाभिनवनृसिंहभारतीस्वामिभिः विरचितं श्रीमहात्रिपुरसुन्दरीषट्कं सम्पूर्णम् ।

iti śṛṅgeri śrījagadguru śrīsaccidānandaśivābhinavanṛsiṃhabhāratīsvāmibhiḥ viracitaṃ śrīmahātripurasundarīṣaṭkaṃ sampūrṇam |