ब्रह्मास्त्रमहाविद्याबगलामुखीस्तोत्रम् Shri Brahmastra Mahavidya Bagulamukhi Stotram

श्री गणेशाय नमः ।ॐ अस्य श्रीबगलामुखीस्तोत्रस्य भगवान् नारद ऋषिः ।त्रिष्टुप्छन्दः । श्रीबगुलामुखी देवता ।ह्लीं बीजम् । स्वाहा शक्तिः ।मम सन्निहितानामसन्निहितानां विरोधिनां दुष्टानांवाङ्मुखबुद्धीनां स्तम्भनार्थेश्रीमहामायाबगलामुखीवरप्रसादसिद्धयर्थे जपे विनियोगः । (पाठे विनियोगः)करन्यासः ।ॐ ह्लीं अङ्गुष्ठाभ्यां नमः ।ॐ बगलामुखी तर्जनीभ्यां स्वाहा ।ॐ सर्वदुष्टानां मध्यमाभ्यां वषट् ।ॐ वाचं मुखं पदं स्तम्भय अनामिकाभ्यां हुम् ।ॐ जिह्वां कीलय कीलय कनिष्ठिकाभ्यां वौषट् ।ॐ बुद्धिं विनाशय ह्लीं ॐ स्वाहा करतलकरपृष्ठाभ्यां फट् ॥ऋष्यादिन्यासः ।ॐ नारदऋषये नमः शिरसि ।ॐ त्रिष्टुप् छन्दसे नमः मुखे ।ॐ श्रीबगलामुखीदेवतायै नमः हृदये ।ॐ ह्लीं बीजाय नमः गुह्ये ।ॐ स्वाहा शक्तये नमः पादयोः ।ॐ विनियोगाय नमः सर्वाङ्गे ।इति ऋष्यादिन्यासः ॥हृदयादिषडङ्गन्यासः ।ॐ ह्लीं हृदयाय नमः ।ॐ बगलामुखी शिरसे स्वाहा ।ॐ सर्वदुष्टानां शिखायै वषट् ।ॐ वाचं मुखं स्तम्भय कवचाय हुम् ।ॐ जिह्वां कीलय कीलय नेत्रत्रयाय वौषट् ।ॐ बुद्धिं विनाशय ह्लीं ॐ स्वाहा अस्त्राय फट् ।इति हृदयादिषडङ्गन्यासः ।ॐ ह्लीं क्लीं ऐं इति दिग्बन्धः ॥अथ ध्यानंसौवर्णासनसंस्थितां त्रिनयनां पीतांशुकोल्लासिनींहेमाभाङ्गरुचिं शशाङ्कमुकुटां सच्चम्पकस्रग्युताम् ।हस्तैर्मुद्गरपाशवज्ररसनाः सम्बिभ्रतीं भूषणैःव्याप्ताङ्गीं बगलामुखीं त्रिजगतां संस्तम्भिनीं चिन्तयेत् ॥जपमन्त्रःॐ ह्लीं बगलामुखिं सर्वदुष्टानां वाचं मुखं पदं स्तम्भयजिह्वां कीलय बुद्धिं विनाशय ह्लीं ॐ स्वाहा ।अथ स्तोत्रंमध्येसुधाब्धि मणिमण्डपरत्नवेद्यांसिंहासनोपरिगतां परिपीतवर्णाम् ।पीताम्बराभरणमाल्यविभूषिताङ्गींदेवीं नमामि धृतमुद्गरवैरिजिह्वाम् ॥ १॥

śrī gaṇeśāya namaḥ |oṃ asya śrībagalāmukhīstotrasya bhagavān nārada ṛṣiḥ |triṣṭupchandaḥ | śrībagulāmukhī devatā |hlīṃ bījam | svāhā śaktiḥ |mama sannihitānāmasannihitānāṃ virodhināṃ duṣṭānāṃvāṅmukhabuddhīnāṃ stambhanārtheśrīmahāmāyābagalāmukhīvaraprasādasiddhayarthe jape viniyogaḥ | (pāṭhe viniyogaḥ)karanyāsaḥ |oṃ hlīṃ aṅguṣṭhābhyāṃ namaḥ |oṃ bagalāmukhī tarjanībhyāṃ svāhā |oṃ sarvaduṣṭānāṃ madhyamābhyāṃ vaṣaṭ |oṃ vācaṃ mukhaṃ padaṃ stambhaya anāmikābhyāṃ hum |oṃ jihvāṃ kīlaya kīlaya kaniṣṭhikābhyāṃ vauṣaṭ |oṃ buddhiṃ vināśaya hlīṃ oṃ svāhā karatalakarapṛṣṭhābhyāṃ phaṭ ||ṛṣyādinyāsaḥ |oṃ nāradaṛṣaye namaḥ śirasi |oṃ triṣṭup chandase namaḥ mukhe |oṃ śrībagalāmukhīdevatāyai namaḥ hṛdaye |oṃ hlīṃ bījāya namaḥ guhye |oṃ svāhā śaktaye namaḥ pādayoḥ |oṃ viniyogāya namaḥ sarvāṅge |iti ṛṣyādinyāsaḥ ||hṛdayādiṣaḍaṅganyāsaḥ |oṃ hlīṃ hṛdayāya namaḥ |oṃ bagalāmukhī śirase svāhā |oṃ sarvaduṣṭānāṃ śikhāyai vaṣaṭ |oṃ vācaṃ mukhaṃ stambhaya kavacāya hum |oṃ jihvāṃ kīlaya kīlaya netratrayāya vauṣaṭ |oṃ buddhiṃ vināśaya hlīṃ oṃ svāhā astrāya phaṭ |iti hṛdayādiṣaḍaṅganyāsaḥ |oṃ hlīṃ klīṃ aiṃ iti digbandhaḥ ||atha dhyānaṃsauvarṇāsanasaṃsthitāṃ trinayanāṃ pītāṃśukollāsinīṃhemābhāṅgaruciṃ śaśāṅkamukuṭāṃ saccampakasragyutām |hastairmudgarapāśavajrarasanāḥ sambibhratīṃ bhūṣaṇaiḥvyāptāṅgīṃ bagalāmukhīṃ trijagatāṃ saṃstambhinīṃ cintayet ||japamantraḥoṃ hlīṃ bagalāmukhiṃ sarvaduṣṭānāṃ vācaṃ mukhaṃ padaṃ stambhayajihvāṃ kīlaya buddhiṃ vināśaya hlīṃ oṃ svāhā |atha stotraṃmadhyesudhābdhi maṇimaṇḍaparatnavedyāṃsiṃhāsanoparigatāṃ paripītavarṇām |pītāmbarābharaṇamālyavibhūṣitāṅgīṃdevīṃ namāmi dhṛtamudgaravairijihvām || 1||

जिह्वाग्रमादाय करेण देवीं वामेन शत्रून् परिपीडयन्तीम् ।गदाभिधातेन च दक्षिणेन पीताम्बराढ्यां द्विभुजां नमामि ॥ २॥

jihvāgramādāya kareṇa devīṃ vāmena śatrūn paripīḍayantīm |gadābhidhātena ca dakṣiṇena pītāmbarāḍhyāṃ dvibhujāṃ namāmi || 2||

त्रिशूलधारिणीमम्बां सर्वसौभाग्यदायिनीम् ।सर्वशृङ्गारवेशाढ्यां देवीं ध्यात्वा प्रपूजयेत् ॥ ३॥

triśūladhāriṇīmambāṃ sarvasaubhāgyadāyinīm |sarvaśṛṅgāraveśāḍhyāṃ devīṃ dhyātvā prapūjayet || 3||

पीतवस्त्रां त्रिनेत्रां च द्विभुजां हाटकोज्ज्वलाम् ।शिलापर्वतहस्तां च स्मरेत् तां बगलामुखीम् ॥ ४॥

pītavastrāṃ trinetrāṃ ca dvibhujāṃ hāṭakojjvalām |śilāparvatahastāṃ ca smaret tāṃ bagalāmukhīm || 4||

रिपुजिह्वाग्रहां देवीं पीतपुष्पविभूषिताम् ।वैरिनिर्दलनार्थाय स्मरेत्तां बगलामुखीम् ॥ ५॥

ripujihvāgrahāṃ devīṃ pītapuṣpavibhūṣitām |vairinirdalanārthāya smarettāṃ bagalāmukhīm || 5||

गम्भीरां च मदोन्मत्तां स्वर्णकान्तिसमप्रभाम् ।चतुर्भुजां त्रिनेत्रां च कमलासनसंस्थिताम् ॥ ६॥

gambhīrāṃ ca madonmattāṃ svarṇakāntisamaprabhām |caturbhujāṃ trinetrāṃ ca kamalāsanasaṃsthitām || 6||

मुद्गरं दक्षिणे पाशं वामे जिह्वां च वज्रकम् ।पीताम्बरधरां सान्द्रहृढ़पीनपयोधराम् ॥ ७॥

mudgaraṃ dakṣiṇe pāśaṃ vāme jihvāṃ ca vajrakam |pītāmbaradharāṃ sāndrahṛṛhapīnapayodharām || 7||

हेमकुण्डलभूषां च पीतचन्द्रार्धशेखराम् ।पीतभूषणपीताङ्गीं स्वर्णसिंहासने स्थिताम् ॥ ८॥

hemakuṇḍalabhūṣāṃ ca pītacandrārdhaśekharām |pītabhūṣaṇapītāṅgīṃ svarṇasiṃhāsane sthitām || 8||

एवं ध्यात्वा जपेत् स्तोत्रमेकाग्रकृतमानसः ।सर्वसिद्धिमवाप्नोति मन्त्रध्यानपुरःसरम् ॥ ९॥

evaṃ dhyātvā japet stotramekāgrakṛtamānasaḥ |sarvasiddhimavāpnoti mantradhyānapuraḥsaram || 9||

आराध्या जगदम्ब दिव्यकविमिः सामाजिकैः स्तोतृभिःमाल्यैश्चन्दनकुङ्कुमैः परिमलैरभ्यचिता सादरात् ।सम्यङ्न्यासिसमस्तभूत निवहे सौभाग्यशोभाप्रदेश्रीमुग्धे बगले प्रसीद विमले दुःखापहे पाहि माम् ॥ १०॥

ārādhyā jagadamba divyakavimiḥ sāmājikaiḥ stotṛbhiḥmālyaiścandanakuṅkumaiḥ parimalairabhyacitā sādarāt |samyaṅnyāsisamastabhūta nivahe saubhāgyaśobhāpradeśrīmugdhe bagale prasīda vimale duḥkhāpahe pāhi mām || 10||

आनन्दकारिणी देवी रिपुस्तम्भनकारिणी ।मदनोन्मादिनी चैव प्रीतिस्तम्भनकारिणी ॥ ११॥

ānandakāriṇī devī ripustambhanakāriṇī |madanonmādinī caiva prītistambhanakāriṇī || 11||

महाविद्या महामाया साधकस्य फलप्रदा ।यस्याः स्मरणमात्रेण त्रैलोक्यं स्तम्भयेत्क्षणात् ॥ १२॥

mahāvidyā mahāmāyā sādhakasya phalapradā |yasyāḥ smaraṇamātreṇa trailokyaṃ stambhayetkṣaṇāt || 12||

वामे पाशाङ्कुशौ शक्ति तस्याधस्ताद्वरं शुभम् ।दक्षिणे क्रमतो वज्रं गदाजिह्वाऽभयानि च ॥ १३॥

vāme pāśāṅkuśau śakti tasyādhastādvaraṃ śubham |dakṣiṇe kramato vajraṃ gadājihvā'bhayāni ca || 13||

विभ्रतीं संस्मरेन्नित्यं पीतमाल्यानुलेपनाम् ।पीताम्बरधरां देवीं ब्रह्मादिसुरवन्दिताम् ॥ १४॥

vibhratīṃ saṃsmarennityaṃ pītamālyānulepanām |pītāmbaradharāṃ devīṃ brahmādisuravanditām || 14||

केयूराङ्गदकुण्डलभूषां बालार्कद्युतिरञ्जितवेषाम् ।तरुणादित्यसमानप्रतिमां कौशेयांशुकबद्धनितम्बाम् ॥ १५॥

keyūrāṅgadakuṇḍalabhūṣāṃ bālārkadyutirañjitaveṣām |taruṇādityasamānapratimāṃ kauśeyāṃśukabaddhanitambām || 15||

कल्पद्रुमतलनिहितशिलायां प्रमुदितचित्तोल्लसदलकान्ताम् ।पञ्चप्रेतनिकेतनबद्धां भक्तजनेभ्यो वितरणशीलाम् ॥ १६॥

kalpadrumatalanihitaśilāyāṃ pramuditacittollasadalakāntām |pañcapretaniketanabaddhāṃ bhaktajanebhyo vitaraṇaśīlām || 16||

एवंविधां तां बगलां ध्यात्वा मनसि साधकः ।सर्वसम्पत्समृद्।ह्ध्यर्थं स्तोत्रमेतदुदीरयेत् ॥ १७॥

evaṃvidhāṃ tāṃ bagalāṃ dhyātvā manasi sādhakaḥ |sarvasampatsamṛd|hdhyarthaṃ stotrametadudīrayet || 17||

चलत्कनककुण्डलोल्लसितचारुगण्डस्थलांलसत्कनकचम्पकद्युतिमदिन्दुविम्बाननाम् ।गदाहतविपक्षकां कलितलोलजिह्वां चलांस्मरामि बगलामुखी विमुखवाङ्मुखस्तम्भिनीम् ॥ १८॥

calatkanakakuṇḍalollasitacārugaṇḍasthalāṃlasatkanakacampakadyutimadinduvimbānanām |gadāhatavipakṣakāṃ kalitalolajihvāṃ calāṃsmarāmi bagalāmukhī vimukhavāṅmukhastambhinīm || 18||

पीयूषोदधिमध्यचारुविलसद्रत्नोज्ज्वले मण्डपेतत्सिंहासनमूलपातितरिपुं प्रेतासनाध्यासिनीम् ।स्वर्णाभां करपीडितारिरसनां भ्राम्यद्गदां विभ्रमांयस्त्वां ध्यायति यान्ति तस्य विलयं सद्योऽथ सर्वापदः ॥ १६॥

pīyūṣodadhimadhyacāruvilasadratnojjvale maṇḍapetatsiṃhāsanamūlapātitaripuṃ pretāsanādhyāsinīm |svarṇābhāṃ karapīḍitārirasanāṃ bhrāmyadgadāṃ vibhramāṃyastvāṃ dhyāyati yānti tasya vilayaṃ sadyo'tha sarvāpadaḥ || 16||

देवि त्वच्चरणाम्बुजार्चनकृते यः पीतपुष्पाञ्जलिंमुद्रां वामकरे निधाय च पुनर्मन्त्री मनोज्ञाक्षरम् ।पीताध्यानपरोऽथ कुम्भकवशाद् बीजं स्मरेत्पार्थिवतस्यामित्रमुखस्य वाचि हृदये जाड्यं भवेत् तत्क्षणात् ॥ २०॥

devi tvaccaraṇāmbujārcanakṛte yaḥ pītapuṣpāñjaliṃmudrāṃ vāmakare nidhāya ca punarmantrī manojñākṣaram |pītādhyānaparo'tha kumbhakavaśād bījaṃ smaretpārthivatasyāmitramukhasya vāci hṛdaye jāḍyaṃ bhavet tatkṣaṇāt || 20||

मन्त्रस्तावदलं विपक्षदलने स्तोत्रं पवित्रं च तेयन्त्रं वादिनियन्त्रणे त्रिजगतां जैत्रं न चित्रं हि तत् ।मातः श्रीबगलेति नाम ललितं यस्यास्ति जन्तोर्मुखेतन्नामस्मरणेन संसदि मुखस्तम्भो भवेद्वादिनाम् ॥ २१॥

mantrastāvadalaṃ vipakṣadalane stotraṃ pavitraṃ ca teyantraṃ vādiniyantraṇe trijagatāṃ jaitraṃ na citraṃ hi tat |mātaḥ śrībagaleti nāma lalitaṃ yasyāsti jantormukhetannāmasmaraṇena saṃsadi mukhastambho bhavedvādinām || 21||

वादी मूकति रङ्कति क्षितिपतिर्वैश्वानरः शीततिक्रोधी शाम्यति दुर्जनः सुजनति क्षिप्रानुगः खञ्जति ।गर्वी खर्बति सर्वविच्च जडति त्वद्यन्त्ररणायन्त्रितःश्रीनित्ये बगलामुखि प्रतिदिनं कल्याणि तुभ्यं नमः ॥ २२॥

vādī mūkati raṅkati kṣitipatirvaiśvānaraḥ śītatikrodhī śāmyati durjanaḥ sujanati kṣiprānugaḥ khañjati |garvī kharbati sarvavicca jaḍati tvadyantraraṇāyantritaḥśrīnitye bagalāmukhi pratidinaṃ kalyāṇi tubhyaṃ namaḥ || 22||

दुष्टस्तम्भनमुग्रविघ्नशमनं दारिद्र्यविद्रावणंभूभृत्सन्नमनं च यन्मृगदृशां चेतःसमाकर्षणम् ।सौभाग्यैकनिकेतनं समदृशां कारुण्यपूर्णेक्षणेशत्रोर्मारणमाविरस्तु पुरतो मातस्त्वदीयं वपुः ॥ २३॥

duṣṭastambhanamugravighnaśamanaṃ dāridryavidrāvaṇaṃbhūbhṛtsannamanaṃ ca yanmṛgadṛśāṃ cetaḥsamākarṣaṇam |saubhāgyaikaniketanaṃ samadṛśāṃ kāruṇyapūrṇekṣaṇeśatrormāraṇamāvirastu purato mātastvadīyaṃ vapuḥ || 23||

मातर्भञ्जय मद्विपक्षवदनं जिह्वां च सङ्कीलयब्राह्मीं यन्त्रय मुद्रयाशु धिषणामुग्रां गतिं स्तम्भय ।शत्रूंश्चूर्णय चूर्णयाशु गदया गौराङ्गि पीताम्बरेविघ्नौघं बगले हर प्रणमतां कारुण्यपूर्णक्षणे ॥ २४॥

mātarbhañjaya madvipakṣavadanaṃ jihvāṃ ca saṅkīlayabrāhmīṃ yantraya mudrayāśu dhiṣaṇāmugrāṃ gatiṃ stambhaya |śatrūṃścūrṇaya cūrṇayāśu gadayā gaurāṅgi pītāmbarevighnaughaṃ bagale hara praṇamatāṃ kāruṇyapūrṇakṣaṇe || 24||

मातर्भैरवि भद्रकालि विजये वाराहि विश्वाश्रयेश्रीविद्ये समये महेशि बगले कामेशि वामे रमे ।मातङ्गि त्रिपुरे परात्परतरे स्वर्गापवर्गप्रदेदासोऽहं शरणागतोऽस्मि कृपया विश्वेश्वरि त्राहि माम् ॥ २५॥

mātarbhairavi bhadrakāli vijaye vārāhi viśvāśrayeśrīvidye samaye maheśi bagale kāmeśi vāme rame |mātaṅgi tripure parātparatare svargāpavargapradedāso'haṃ śaraṇāgato'smi kṛpayā viśveśvari trāhi mām || 25||

त्वं विद्या परमा त्रिलोकजननी विघ्नौघविध्वंसिनीयोषाकर्षणकारिणी त्रिजगतामानन्दसंवर्धिनी ।दुष्टोच्चाटनकारिणी पशुमनः सम्मोहसन्दायिनीजिह्वाः कीलय वैरिणां विजयसे ब्रह्मास्त्राविद्या परा ॥ २६॥

tvaṃ vidyā paramā trilokajananī vighnaughavidhvaṃsinīyoṣākarṣaṇakāriṇī trijagatāmānandasaṃvardhinī |duṣṭoccāṭanakāriṇī paśumanaḥ sammohasandāyinījihvāḥ kīlaya vairiṇāṃ vijayase brahmāstrāvidyā parā || 26||

मातर्यस्तु मनोरमं स्तवमिमं देव्याः पठेत्सादरंधृत्वा यन्त्रमिदं तथैव समरे बाह्वोः करे वा गले ।राजानो वरयोषितोऽथ करिणः सर्पा मृगेन्द्राः खलास्ते वै यान्ति विमोहिता रिपुगणा लक्ष्मीः स्थिरा सर्वदा ॥ २७॥

mātaryastu manoramaṃ stavamimaṃ devyāḥ paṭhetsādaraṃdhṛtvā yantramidaṃ tathaiva samare bāhvoḥ kare vā gale |rājāno varayoṣito'tha kariṇaḥ sarpā mṛgendrāḥ khalāste vai yānti vimohitā ripugaṇā lakṣmīḥ sthirā sarvadā || 27||

अनुदिनमभिरामं साधको यस्त्रिकालंपठति स भुवनेऽसौ पूज्यते देववर्गैः ।सकलममलकृत्यं तत्त्वद्रष्टा च लोकेभवति परमसिद्धा लोकमाता पराम्बा ॥ २८॥

anudinamabhirāmaṃ sādhako yastrikālaṃpaṭhati sa bhuvane'sau pūjyate devavargaiḥ |sakalamamalakṛtyaṃ tattvadraṣṭā ca lokebhavati paramasiddhā lokamātā parāmbā || 28||

पीतवस्त्रवसनामरिदेहप्रेतजासननिवेशितदेहाम् ।फुल्लपुष्परविलोचनरम्यां दैत्यजालदहनोज्ज्वलभूषाम् ॥ २६॥

pītavastravasanāmaridehapretajāsananiveśitadehām |phullapuṣparavilocanaramyāṃ daityajāladahanojjvalabhūṣām || 26||

पर्यङ्कोपरि लसद्विभुजां कम्बुहेमनतकुण्डललोलाम् ।वैरिनिर्दलनकारणरोषां चिन्तयामि बगलां हृदयाब्जे ॥ ३०॥

paryaṅkopari lasadvibhujāṃ kambuhemanatakuṇḍalalolām |vairinirdalanakāraṇaroṣāṃ cintayāmi bagalāṃ hṛdayābje || 30||

चिन्तयामि सुभुजां शृणिहस्तां सद्भुजां च सुरवन्दितचरणाम् ।षष्ठिसप्ततिशतैर्धृतशस्त्रैर्बाहुभिः परिवृतां बगलाम्बाम् ॥ ३१॥

cintayāmi subhujāṃ śṛṇihastāṃ sadbhujāṃ ca suravanditacaraṇām |ṣaṣṭhisaptatiśatairdhṛtaśastrairbāhubhiḥ parivṛtāṃ bagalāmbām || 31||

चौराणां सङ्कटे च प्रहरणसमये बन्धने वारिमध्येवह्नौ वादे विवादे प्रकुपितनृपतौ दिव्यकाले निशायाम् ।वश्ये वा स्तम्भने वा रिपुवधसमये प्राणबाधे रणे वागच्छंस्तिष्ठंस्त्रिकालं स्तवपठनमिदं कारयेदाशु धीरः ॥ ३२॥

caurāṇāṃ saṅkaṭe ca praharaṇasamaye bandhane vārimadhyevahnau vāde vivāde prakupitanṛpatau divyakāle niśāyām |vaśye vā stambhane vā ripuvadhasamaye prāṇabādhe raṇe vāgacchaṃstiṣṭhaṃstrikālaṃ stavapaṭhanamidaṃ kārayedāśu dhīraḥ || 32||

विद्या लक्ष्मीः सर्वसौभाग्यमायुः पुत्राः सम्पद्राज्यमिष्टं च सिद्धिः ।मातः श्रेयः सर्ववश्यत्वसिद्धिः प्राप्तं सर्वं भूतले त्वत्परेण ॥ ३३॥

vidyā lakṣmīḥ sarvasaubhāgyamāyuḥ putrāḥ sampadrājyamiṣṭaṃ ca siddhiḥ |mātaḥ śreyaḥ sarvavaśyatvasiddhiḥ prāptaṃ sarvaṃ bhūtale tvatpareṇa || 33||

गेहं नाकति गर्वितः प्रणमति स्त्रीसङ्गमो मोक्षतिद्वेषी मित्रति पातकं सुकृतति क्ष्मावल्लभो दासति ।मृत्युर्वैद्यति दूषणं गुणति वै यत्पादसंसेवनात्तां वन्दे भवभीतिभञ्जनकरीं गौरीं गिरीशप्रियाम् ॥ ३४॥

gehaṃ nākati garvitaḥ praṇamati strīsaṅgamo mokṣatidveṣī mitrati pātakaṃ sukṛtati kṣmāvallabho dāsati |mṛtyurvaidyati dūṣaṇaṃ guṇati vai yatpādasaṃsevanāttāṃ vande bhavabhītibhañjanakarīṃ gaurīṃ girīśapriyām || 34||

यत्कृतं जपसन्ध्यानं चिन्तनं परमेश्वरि ।शत्रूणां स्तम्भनार्थाय तद्गृहारण नमोऽस्तु ते ॥ ३५॥

yatkṛtaṃ japasandhyānaṃ cintanaṃ parameśvari |śatrūṇāṃ stambhanārthāya tadgṛhāraṇa namo'stu te || 35||

ब्रह्मास्त्रमेतद्विख्यातं त्रिषु लोकेषु दुर्लभम् ।गुरुभक्ताय दातव्यं न देयं यस्य कस्यचित् ॥ ३६॥

brahmāstrametadvikhyātaṃ triṣu lokeṣu durlabham |gurubhaktāya dātavyaṃ na deyaṃ yasya kasyacit || 36||

पीताम्बरां च द्विभुजां त्रिनेत्रां गात्रकोज्ज्वलाम् ।शिलामुद्गरहस्तां च स्मरेत् तां बगलामुखीम् ॥ ३७॥

pītāmbarāṃ ca dvibhujāṃ trinetrāṃ gātrakojjvalām |śilāmudgarahastāṃ ca smaret tāṃ bagalāmukhīm || 37||

सिद्धिं साध्येऽवगन्तुं गुरुवरवचनेष्वार्हविश्वासभाजांस्वान्तः पद्मासनस्थां वररुचिबगलां ध्यायतां तारतारम् ।गायत्रीपूतवाचां हरिहरमनने तत्पराणां नराणांप्रातर्मध्याह्नकाले स्तवपठनमिदं कार्यसिद्धिप्रदं स्यात् ॥ ३८॥

siddhiṃ sādhye'vagantuṃ guruvaravacaneṣvārhaviśvāsabhājāṃsvāntaḥ padmāsanasthāṃ vararucibagalāṃ dhyāyatāṃ tāratāram |gāyatrīpūtavācāṃ hariharamanane tatparāṇāṃ narāṇāṃprātarmadhyāhnakāle stavapaṭhanamidaṃ kāryasiddhipradaṃ syāt || 38||

इति श्रीरुद्रयामले उत्तरखण्डे श्रीब्रह्मास्त्रमहाविद्याबगलामुखीस्तोत्रं सम्पूर्णम् ।(२) ःरिदयम्(५) ख़वचम् (५ कवचम्स् अरे गिवेन्)

iti śrīrudrayāmale uttarakhaṇḍe śrībrahmāstramahāvidyābagalāmukhīstotraṃ sampūrṇam |(2) ḥridayam(5) ख़vacam (5 kavacams are given)