कमलात्मिकोपनिषत् Kamalatmika Upanishad

अथ लोकान् पर्यटन्सनत्कुमारोह वैदेहः पुण्यचित्ताँल्लोकानतीत्यवैष्णवन्धाम दिव्यगणोपेतं विद्रुमवेदिकामणिमुक्तागणार्च्चितम्प्राप ।

atha lokān paryaṭansanatkumāroha vaidehaḥ puṇyacittām̐llokānatītyavaiṣṇavandhāma divyagaṇopetaṃ vidrumavedikāmaṇimuktāgaṇārccitamprāpa |

तत्रापश्यन्महामायां परार्द्।ह्ध्यवस्त्रीभरणोत्तरीयां पर्यङ्कस्थां पारेचरन्तीमादिदेवं भगवन्तं परमेश्वरन्दृष्ट्वा चताङ्गद्गदवाक्प्रफुल्लरोमा स्तोतुमुपचक्रमे ॥

tatrāpaśyanmahāmāyāṃ parārd|hdhyavastrībharaṇottarīyāṃ paryaṅkasthāṃ pārecarantīmādidevaṃ bhagavantaṃ parameśvarandṛṣṭvā catāṅgadgadavākpraphullaromā stotumupacakrame ||

वाचंमे दिशतु श्रीर्देवी मनो मे दिशतु वैष्णवी ।ओजस्तेजो बलन्दाक्ष्यम्बुद्धेर्वैभवमस्तु मे ॥

vācaṃme diśatu śrīrdevī mano me diśatu vaiṣṇavī |ojastejo balandākṣyambuddhervaibhavamastu me ||

त्वत्प्रसादाद्भगवति प्रज्ञानं मे ध्रुवं भवेत् ।शन्नो दिशतु श्रीर्दैवी महामाया वैष्णवीशक्तिराद्यायामासाद्य स्वयमादिदेवो भगवान्परावरज्ञस्त्रिधासम्भिन्नोलोकांस्त्रीन्सृजत्यवत्यत्ति च ।यद्भ्रूविक्षेपबलमापन्नो ह्यब्जयोनिस्तदितरे चामरा मुख्याःसृष्टिचक्रप्रणेतारस्सम्बभूवुः ॥ या वै वरदा स्वोपाया सुप्रसन्नासुखयति सहस्रपुरुषान् ये लोकाः सन्ततमानमन्ति शिरसा हृदये न चतामेकाँल्लोकपूज्यान्न ते दुर्गतिँय्यान्ति भूताः ।

tvatprasādādbhagavati prajñānaṃ me dhruvaṃ bhavet |śanno diśatu śrīrdaivī mahāmāyā vaiṣṇavīśaktirādyāyāmāsādya svayamādidevo bhagavānparāvarajñastridhāsambhinnolokāṃstrīnsṛjatyavatyatti ca |yadbhrūvikṣepabalamāpanno hyabjayonistaditare cāmarā mukhyāḥsṛṣṭicakrapraṇetārassambabhūvuḥ || yā vai varadā svopāyā suprasannāsukhayati sahasrapuruṣān ye lokāḥ santatamānamanti śirasā hṛdaye na catāmekām̐llokapūjyānna te durgatim̐yyānti bhūtāḥ |

अथ महत्या संवृद्।ह्ध्या साम्राज्येन पुत्रैः पौत्रैरन्वितो भूमिपृष्ठेशतं समास्त इज्याभिरिष्ट्वा देवान् पितॄन् मनुष्यानथभूरिदक्षिणाभिस्त्वत्प्रसादान्महान्तो गच्छन्तिवैष्णवँल्लोकमपुनर्भवाय ये राजर्षयो ब्रह्मर्षयस्तेपिचासत्कृत्त्वां प्रागसन्त एव सुखमामनन्ति नान्यः पन्थाविद्यतेऽयनाय किम्पुनरिहादिदेवोभगवान्नारायणस्त्वामाधिदेवाखिलङ्करोति किंवर्णये त्वांसहस्रकृत्वो नमस्ते य इमा ऋचः पठन्ति प्रातरुत्थायभूरिदानतेषाङ्किञ्चिदिह यावशिष्टंय्यदैश्वर्यन्दुर्ल्लभम्प्राणिनां हि ।

atha mahatyā saṃvṛd|hdhyā sāmrājyena putraiḥ pautrairanvito bhūmipṛṣṭheśataṃ samāsta ijyābhiriṣṭvā devān pitṝn manuṣyānathabhūridakṣiṇābhistvatprasādānmahānto gacchantivaiṣṇavam̐llokamapunarbhavāya ye rājarṣayo brahmarṣayastepicāsatkṛttvāṃ prāgasanta eva sukhamāmananti nānyaḥ panthāvidyate'yanāya kimpunarihādidevobhagavānnārāyaṇastvāmādhidevākhilaṅkaroti kiṃvarṇaye tvāṃsahasrakṛtvo namaste ya imā ṛcaḥ paṭhanti prātarutthāyabhūridānateṣāṅkiñcidiha yāvaśiṣṭaṃyyadaiśvaryandurllabhamprāṇināṃ hi |

इति कमलात्मिकोपनिषत्समाप्ता ॥

iti kamalātmikopaniṣatsamāptā ||