दशमयीबालात्रिपुरसुन्दरीस्तोत्रम् Dashamayi Balatripurasundari Stotram

श्रीकाली बगलामुखी च ललिता धूमावती भैरवीमातङ्गी भुवनेश्वरी च कमला श्रीवज्रवैरोचनी ।तारा पूर्वमहापदेन कथिता विद्या स्वयं शम्भुनालीलारूपमयी च देशदशधा बाला तु मां पातु सा ॥ १॥

śrīkālī bagalāmukhī ca lalitā dhūmāvatī bhairavīmātaṅgī bhuvaneśvarī ca kamalā śrīvajravairocanī |tārā pūrvamahāpadena kathitā vidyā svayaṃ śambhunālīlārūpamayī ca deśadaśadhā bālā tu māṃ pātu sā || 1||

श्यामां श्यामघनावभासरुचिरां नीलालकालङ्कृतांबिम्बोष्ठीं बलशत्रुवन्दितपदां बालार्ककोटिप्रभाम् ।त्रासत्राणकृपाणमुण्डदधतीं भक्ताय दानोद्यतांवन्दे सङ्कटनाशिनीं भगवतीं बालां स्वयं कालिकाम् ॥ २॥

śyāmāṃ śyāmaghanāvabhāsarucirāṃ nīlālakālaṅkṛtāṃbimboṣṭhīṃ balaśatruvanditapadāṃ bālārkakoṭiprabhām |trāsatrāṇakṛpāṇamuṇḍadadhatīṃ bhaktāya dānodyatāṃvande saṅkaṭanāśinīṃ bhagavatīṃ bālāṃ svayaṃ kālikām || 2||

ब्रह्मास्त्रां सुमुखीं बकारविभवां बालां बलाकीनिभांहस्तन्यस्तसमस्तवैरिरसनामन्ये दधानां गदाम् ।पीतां भूषणगन्धमाल्यरुचिरां पीताम्बराङ्गां वरांवन्दे सङ्कटनाशिनीं भगवतीं बालां च बगलामुखीम् ॥ ३॥

brahmāstrāṃ sumukhīṃ bakāravibhavāṃ bālāṃ balākīnibhāṃhastanyastasamastavairirasanāmanye dadhānāṃ gadām |pītāṃ bhūṣaṇagandhamālyarucirāṃ pītāmbarāṅgāṃ varāṃvande saṅkaṭanāśinīṃ bhagavatīṃ bālāṃ ca bagalāmukhīm || 3||

बालार्कश्रुतिभास्वरां त्रिनयनां मन्दस्मितां सन्मुखींवामे पाशधनुर्धरां सुविभवां बाणं तथा दक्षिणे ।पारावारविहारिणीं परमयीं पद्मासने संस्थितांवन्दे सङ्कटनाशिनीं भगवतीं बालां स्वयं षोडशीम् ॥ ४॥

bālārkaśrutibhāsvarāṃ trinayanāṃ mandasmitāṃ sanmukhīṃvāme pāśadhanurdharāṃ suvibhavāṃ bāṇaṃ tathā dakṣiṇe |pārāvāravihāriṇīṃ paramayīṃ padmāsane saṃsthitāṃvande saṅkaṭanāśinīṃ bhagavatīṃ bālāṃ svayaṃ ṣoḍaśīm || 4||

दीर्घां दीर्घकुचामुदग्रदशनां दुष्टच्छिदां देवतांक्रव्यादां कुटिलेक्षणां च कुटिलां काकध्वजां क्षुत्कृशाम् ।देवीं शूर्पकरां मलीनवसनां तां पिप्पलादार्चिताम् ।बालां सङ्कटनाशिनीं भगवतीं ध्यायामि धूमावतीम् ॥ ५॥

dīrghāṃ dīrghakucāmudagradaśanāṃ duṣṭacchidāṃ devatāṃkravyādāṃ kuṭilekṣaṇāṃ ca kuṭilāṃ kākadhvajāṃ kṣutkṛśām |devīṃ śūrpakarāṃ malīnavasanāṃ tāṃ pippalādārcitām |bālāṃ saṅkaṭanāśinīṃ bhagavatīṃ dhyāyāmi dhūmāvatīm || 5||

उद्यत्कोटिदिवाकरप्रतिभटां बालार्कभाकर्पटांमालापुस्तकपाशमङ्कुशधरां दैत्येन्द्रमुण्डस्रजाम् ।पीनोत्तुङ्गपयोधरां त्रिनयनां ब्रह्मादिभिः संस्तुतांबालां सङ्कटनाशिनीं भगवतीं श्रीभैरवीं धीमहि ॥ ६॥

udyatkoṭidivākarapratibhaṭāṃ bālārkabhākarpaṭāṃmālāpustakapāśamaṅkuśadharāṃ daityendramuṇḍasrajām |pīnottuṅgapayodharāṃ trinayanāṃ brahmādibhiḥ saṃstutāṃbālāṃ saṅkaṭanāśinīṃ bhagavatīṃ śrībhairavīṃ dhīmahi || 6||

वीणावादनतत्परां त्रिनयनां मन्दस्मितां सन्मुखींवामे पाशधनुर्धरां तु निकरे बाणं तथा दक्षिणे ।पारावारविहारिणीं परमयीं ब्रह्मासने संस्थितांवन्दे सङ्कटनाशिनीं भगवतीं मातङ्गिनीं बालिकाम् ॥ ७॥

vīṇāvādanatatparāṃ trinayanāṃ mandasmitāṃ sanmukhīṃvāme pāśadhanurdharāṃ tu nikare bāṇaṃ tathā dakṣiṇe |pārāvāravihāriṇīṃ paramayīṃ brahmāsane saṃsthitāṃvande saṅkaṭanāśinīṃ bhagavatīṃ mātaṅginīṃ bālikām || 7||

उद्यत्सूर्यनिभां च इन्दुमुकुटामिन्दीवरे संस्थितांहस्ते चारुवराभयं च दधतीं पाशं तथा चाङ्कुशम् ।चित्रालङ्कृतमस्तकां त्रिनयनां ब्रह्मादिभिः सेवितांवन्दे सङ्कटनाशिनीं च भुवनेशीमादिबालां भजे ॥ ८॥

udyatsūryanibhāṃ ca indumukuṭāmindīvare saṃsthitāṃhaste cāruvarābhayaṃ ca dadhatīṃ pāśaṃ tathā cāṅkuśam |citrālaṅkṛtamastakāṃ trinayanāṃ brahmādibhiḥ sevitāṃvande saṅkaṭanāśinīṃ ca bhuvaneśīmādibālāṃ bhaje || 8||

देवीं काञ्चनसन्निभां त्रिनयनां फुल्लारविन्दस्थितांबिभ्राणां वरमब्जयुग्ममभयं हस्तैः किरीटोज्ज्वलाम् ।प्रालेयाचलसन्निभैश्च करिभिरासिञ्च्यमानां सदाबालां सङ्कटनाशिनीं भगवतीं लक्ष्मीम्भजे चेन्दिराम् ॥ ९॥

devīṃ kāñcanasannibhāṃ trinayanāṃ phullāravindasthitāṃbibhrāṇāṃ varamabjayugmamabhayaṃ hastaiḥ kirīṭojjvalām |prāleyācalasannibhaiśca karibhirāsiñcyamānāṃ sadābālāṃ saṅkaṭanāśinīṃ bhagavatīṃ lakṣmīmbhaje cendirām || 9||

स्वच्छिन्नं स्वशिरो विकीर्णकुटिलं वामे करे विभ्रतींतृप्तास्यस्वशरीरजैश्च रुधिरैः सन्तर्पयन्तीं सखीम् ।सद्भक्ताय वरप्रदाननिरतां प्रेतासनाध्यासिनींबालां सङ्कटनाशिनीं भगवतीं श्रीछिन्नमस्तां भजे ॥ १०॥

svacchinnaṃ svaśiro vikīrṇakuṭilaṃ vāme kare vibhratīṃtṛptāsyasvaśarīrajaiśca rudhiraiḥ santarpayantīṃ sakhīm |sadbhaktāya varapradānaniratāṃ pretāsanādhyāsinīṃbālāṃ saṅkaṭanāśinīṃ bhagavatīṃ śrīchinnamastāṃ bhaje || 10||

उग्रामेकजटामनन्तसुखदां दूर्वादलाभामजांकर्त्रीखड्गकपालनीलकमलान् हस्तैर्वहन्तीं शिवाम् ।कण्ठे मुण्डस्रजां करालवदनां कञ्जासने संस्थितांवन्दे सङ्कटनाशिनीं भगवतीं बालां स्वयं तारिणीम् ॥ ११॥

ugrāmekajaṭāmanantasukhadāṃ dūrvādalābhāmajāṃkartrīkhaḍgakapālanīlakamalān hastairvahantīṃ śivām |kaṇṭhe muṇḍasrajāṃ karālavadanāṃ kañjāsane saṃsthitāṃvande saṅkaṭanāśinīṃ bhagavatīṃ bālāṃ svayaṃ tāriṇīm || 11||

मुखे श्रीमातङ्गी तदनु किल तारा च नयनेतदन्तर्गा काली भ्रुकुटिसदने भैरवि परा ।कटौ छिन्ना धूमावती जय कुचेन्दौ कमलजापदांशे ब्रह्मास्त्रा जयति किल बाला दशमयी ॥ १२॥

mukhe śrīmātaṅgī tadanu kila tārā ca nayanetadantargā kālī bhrukuṭisadane bhairavi parā |kaṭau chinnā dhūmāvatī jaya kucendau kamalajāpadāṃśe brahmāstrā jayati kila bālā daśamayī || 12||

विराजन् मन्दारद्रुमकुसुमहारस्तनतटीपरित्रासत्राणास्फटिकगुटिकापुस्तकवरा ।गले रेखास्तिस्रो गमकगतिगीतैकनिपुणासदापीलाहाला जयति किल बाला दशमयी ॥ १३॥

virājan mandāradrumakusumahārastanataṭīparitrāsatrāṇāsphaṭikaguṭikāpustakavarā |gale rekhāstisro gamakagatigītaikanipuṇāsadāpīlāhālā jayati kila bālā daśamayī || 13||

इति श्रीमेरुतन्त्रे दशमयीबालात्रिपुरसुन्दरीस्तोत्रं सम्पूर्णम् ॥

iti śrīmerutantre daśamayībālātripurasundarīstotraṃ sampūrṇam ||