लक्ष्मीहयाननसुप्रभातम् Shri Lakshmihayanana Suprabhatam

कौसल्या सुप्रजाराम! पूर्वा सन्ध्या प्रवर्तते ।उत्तिष्ठ नरशार्दूल! कर्तव्यं दैवमाह्निकम् ॥ १॥

kausalyā suprajārāma! pūrvā sandhyā pravartate |uttiṣṭha naraśārdūla! kartavyaṃ daivamāhnikam || 1||

उत्तिष्ठोत्तिष्ठ वागीश! उत्तिष्ठ तुरगानन ।उत्तिष्ठ रमया स्वामिन्! मद्बुद्धिं विशदां कुरु ॥ २॥

uttiṣṭhottiṣṭha vāgīśa! uttiṣṭha turagānana |uttiṣṭha ramayā svāmin! madbuddhiṃ viśadāṃ kuru || 2||

मातर्हयाननकृपापयसां प्रदात्रि!सूरीन्द्रसंस्तुतपदे! करुणाम्बुराशे!।वाचां विदूरमहिमास्पद चारुशीले!वागीशभव्यदयिते! तव सुप्रभातम् ॥ ३॥

mātarhayānanakṛpāpayasāṃ pradātri!sūrīndrasaṃstutapade! karuṇāmburāśe!|vācāṃ vidūramahimāspada cāruśīle!vāgīśabhavyadayite! tava suprabhātam || 3||

तव सुप्रभातमधुना दयानिधे!वरकिङ्किणीध्वनित वेदसुस्वरे!।अमराङ्गनामधुरगान बोधिते!दरहासभासि! तुरगाननप्रिये!॥ ४॥

tava suprabhātamadhunā dayānidhe!varakiṅkiṇīdhvanita vedasusvare!|amarāṅganāmadhuragāna bodhite!darahāsabhāsi! turagānanapriye!|| 4||

कप्यासशब्दविवृतिं यतिराड्विधायश्री भाष्यकारबिरुदं भवदीयमूर्तिम् ।वाण्या अवाप्य भवदर्चनलालसोऽसौलक्ष्मी हयानन! विभो! तव सुप्रभातम् ॥ ५॥

kapyāsaśabdavivṛtiṃ yatirāḍvidhāyaśrī bhāṣyakārabirudaṃ bhavadīyamūrtim |vāṇyā avāpya bhavadarcanalālaso'saulakṣmī hayānana! vibho! tava suprabhātam || 5||

वेदेषु राक्षसहृतेषु विमूढबुद्धिःप्रत्यर्पितेषु दयया भवता हि धाता ।प्राज्ञो निवेदयति देव! कृतज्ञतां स्वांलक्ष्मीहयानन! विभो! तव सुप्रभातम् ॥ ६॥

vedeṣu rākṣasahṛteṣu vimūḍhabuddhiḥpratyarpiteṣu dayayā bhavatā hi dhātā |prājño nivedayati deva! kṛtajñatāṃ svāṃlakṣmīhayānana! vibho! tava suprabhātam || 6||

आराधिता सततमेव बुधैश्च वाणीपाण्डित्य सत्कवनभाषणशक्तियुक्तीः ।तेषां प्रकल्पयितुमाश्रयते भवन्तंलक्ष्मीहयानन! विभो! तव सुप्रभातम् ॥ ७॥

ārādhitā satatameva budhaiśca vāṇīpāṇḍitya satkavanabhāṣaṇaśaktiyuktīḥ |teṣāṃ prakalpayitumāśrayate bhavantaṃlakṣmīhayānana! vibho! tava suprabhātam || 7||

वास्तोष्पतिर्दितिसुतैरपहन्यमानांत्रातुं धिया महितया सुरराज्यलक्ष्मीम् ।त्वां सेवते समधिगन्तुमहीनबुद्धिंलक्ष्मीहयानन! विभो! तव सुप्रभातम् ॥ ८॥

vāstoṣpatirditisutairapahanyamānāṃtrātuṃ dhiyā mahitayā surarājyalakṣmīm |tvāṃ sevate samadhigantumahīnabuddhiṃlakṣmīhayānana! vibho! tava suprabhātam || 8||

इन्द्राग्निकालनिकषात्मज पाशिवायुयक्षाधिराजगिरिशास्तव दासभूताः ।शक्त्या तवैव हि दिशः प्रभवन्ति पातुंलक्ष्मीहयानन! विभो! तव सुप्रभातम् ॥ ९॥

indrāgnikālanikaṣātmaja pāśivāyuyakṣādhirājagiriśāstava dāsabhūtāḥ |śaktyā tavaiva hi diśaḥ prabhavanti pātuṃlakṣmīhayānana! vibho! tava suprabhātam || 9||

प्राचीं दिशं भजति भास्कर एष रक्तःगाढं तमो विगतमाविकसन्ति सद्यः ।पूजासुमानि मधुमन्ति तवार्चनायलक्ष्मीहयानन! विभो! तव सुप्रभातम् ॥ १०॥

prācīṃ diśaṃ bhajati bhāskara eṣa raktaḥgāḍhaṃ tamo vigatamāvikasanti sadyaḥ |pūjāsumāni madhumanti tavārcanāyalakṣmīhayānana! vibho! tava suprabhātam || 10||

पद्मोदरे मृदुल शीतलडोलिकायांनिद्रासुखं समनुभूय नितान्ततृप्तम् ।एतन्मराळमिथुनं विधुनोति पक्षौलक्ष्मीहयानन! विभो! तव सुप्रभातम् ॥ ११॥

padmodare mṛdula śītalaḍolikāyāṃnidrāsukhaṃ samanubhūya nitāntatṛptam |etanmarāḷamithunaṃ vidhunoti pakṣaulakṣmīhayānana! vibho! tava suprabhātam || 11||

तेजो जहाति विधुरुत्पलतारकाभिःसूर्योऽम्बरं समधिगच्छति बाल एषः ।आवाति मन्दपवनः क्रमुकीवनान्तात्लक्ष्मीहयानन! विभो! तव सुप्रभातम् ॥ १२॥

tejo jahāti vidhurutpalatārakābhiḥsūryo'mbaraṃ samadhigacchati bāla eṣaḥ |āvāti mandapavanaḥ kramukīvanāntātlakṣmīhayānana! vibho! tava suprabhātam || 12||

आदाय दर्पणमिमं कपिलां च धेनुंमत्तं गजं वृषभराजमपां च कुम्भम् ।त्वां सेवितुं धृतधियः मुनयश्च देवाःलक्ष्मीहयानन! विभो! तव सुप्रभातम्।॥ १३॥

ādāya darpaṇamimaṃ kapilāṃ ca dhenuṃmattaṃ gajaṃ vṛṣabharājamapāṃ ca kumbham |tvāṃ sevituṃ dhṛtadhiyaḥ munayaśca devāḥlakṣmīhayānana! vibho! tava suprabhātam||| 13||

आपूरयन्ति मुरलीर्मृदुगोपबालाःगायन्ति पुष्पमधुपानविमत्त भृङ्गाः ।अर्घ्येण भास्करममी प्रणमन्ति विप्राःलक्ष्मीहयानन! विभो! तव सुप्रभातम् ॥ १४॥

āpūrayanti muralīrmṛdugopabālāḥgāyanti puṣpamadhupānavimatta bhṛṅgāḥ |arghyeṇa bhāskaramamī praṇamanti viprāḥlakṣmīhayānana! vibho! tava suprabhātam || 14||

वेदापहार्यसुरभञ्जक! मत्स्यरूप!मन्थाद्रिभारवह! कूर्म! महा वराह!।श्रीमन्नृसिंह! बलिभञ्जक! वामनाख्य!लक्ष्मीहयानन! विभो! तव सुप्रभातम् ॥ १५॥

vedāpahāryasurabhañjaka! matsyarūpa!manthādribhāravaha! kūrma! mahā varāha!|śrīmannṛsiṃha! balibhañjaka! vāmanākhya!lakṣmīhayānana! vibho! tava suprabhātam || 15||

भूभारभूतकुनृपान्तक! भार्गवाख्य!स्वामिन्! दशाननविलुण्ठन! सौम्यरूप!।शेषांशभूत! बलराम! विनीलवासः!लक्ष्मीहयानन! विभो! तव सुप्रभातम् ॥ १६॥

bhūbhārabhūtakunṛpāntaka! bhārgavākhya!svāmin! daśānanaviluṇṭhana! saumyarūpa!|śeṣāṃśabhūta! balarāma! vinīlavāsaḥ!lakṣmīhayānana! vibho! tava suprabhātam || 16||

गीतोपदेशविमलीकृत पार्थचेतः!धर्मापदेश मृदुताखिलधूर्तबुद्धे!।कल्पक्षये खलविनाशक! कल्किरूप!लक्ष्मीहयानन! विभो! तव सुप्रभातम् ॥ १७॥

gītopadeśavimalīkṛta pārthacetaḥ!dharmāpadeśa mṛdutākhiladhūrtabuddhe!|kalpakṣaye khalavināśaka! kalkirūpa!lakṣmīhayānana! vibho! tava suprabhātam || 17||

वागीश! वाक्प्रद! तमोहर! जाड्यनाश!सारस्वतप्रद! जपप्रिय! वेदवेद्य!।अज्ञाननाशक! विधीन्द्रसमर्चिताङ्घ्रे!लक्ष्मीहयानन! विभो! तव सुप्रभातम् ॥ १८॥

vāgīśa! vākprada! tamohara! jāḍyanāśa!sārasvataprada! japapriya! vedavedya!|ajñānanāśaka! vidhīndrasamarcitāṅghre!lakṣmīhayānana! vibho! tava suprabhātam || 18||

गोविन्द! केशव! निरीश! शरण्य! विष्णो!लोकत्रयेश! पर! पारग! शान्त! दान्त!।श्रेयःप्रदाच्युत! विधिस्तुत! नित्यतृप्त!लक्ष्मीहयानन! विभो! तव सुप्रभातम् ॥ १९॥

govinda! keśava! nirīśa! śaraṇya! viṣṇo!lokatrayeśa! para! pāraga! śānta! dānta!|śreyaḥpradācyuta! vidhistuta! nityatṛpta!lakṣmīhayānana! vibho! tava suprabhātam || 19||

पूर्णेन्दुसौम्य! शिव! शान्तिद! हंस! योगिन्!वेदान्तपारग! पुराण! शरण्य! जीव!।जाड्यापहारि! निरुपद्रव! सर्वसाक्षिन्!लक्ष्मीहयानन! विभो! तव सुप्रभातम् ॥ २०॥

pūrṇendusaumya! śiva! śāntida! haṃsa! yogin!vedāntapāraga! purāṇa! śaraṇya! jīva!|jāḍyāpahāri! nirupadrava! sarvasākṣin!lakṣmīhayānana! vibho! tava suprabhātam || 20||

धर्मो यदा खलजनाल्लभते स्मनाशंसंवर्धतेऽधिकमधर्म अनाहतात्मा ।सङ्कल्प्यमामिह सृजामि न संशयोऽस्तीत्युक्तं त्वया खलु विभो! तव सुप्रभातम् ॥ २१॥

dharmo yadā khalajanāllabhate smanāśaṃsaṃvardhate'dhikamadharma anāhatātmā |saṅkalpyamāmiha sṛjāmi na saṃśayo'stītyuktaṃ tvayā khalu vibho! tava suprabhātam || 21||

त्राणाय साधु विततेर्मम दर्शनेनदुष्कर्मचारनिरतान् विनिहन्तु माशु ।संस्थापनार्थमपि धर्मततेर्भवामीत्युक्तं त्वया खलु विभो! तव सुप्रभातम् ॥ २२॥

trāṇāya sādhu vitatermama darśanenaduṣkarmacāraniratān vinihantu māśu |saṃsthāpanārthamapi dharmataterbhavāmītyuktaṃ tvayā khalu vibho! tava suprabhātam || 22||

संशुद्धधीर्घनविभापरिपूर्णदेह!विज्ञानदानविधये दृढबद्धदीक्ष!।कारुण्यपूर्ण! जय! देहभृतां शरण्य!लक्ष्मीहयानन! विभो! तव सुप्रभातम् ॥ २३॥

saṃśuddhadhīrghanavibhāparipūrṇadeha!vijñānadānavidhaye dṛḍhabaddhadīkṣa!|kāruṇyapūrṇa! jaya! dehabhṛtāṃ śaraṇya!lakṣmīhayānana! vibho! tava suprabhātam || 23||

शीतास्त्वदीयकरुणाप्रभवाः कटाक्षाःवाणीं दिशन्तु पुरुषश्रवणेन्द्रियाणाम् ।आप्यायनीममृतकल्परुचिं सदा मेलक्ष्मीहयानन! विभो! तव सुप्रभातम् ॥ २४॥

śītāstvadīyakaruṇāprabhavāḥ kaṭākṣāḥvāṇīṃ diśantu puruṣaśravaṇendriyāṇām |āpyāyanīmamṛtakalparuciṃ sadā melakṣmīhayānana! vibho! tava suprabhātam || 24||

वेदास्त्वदीयमहिमानमपौरुषेयाःनाद्यापि नूनमधिगन्तु ममी समर्थाः ।त्वामल्पया स्तुतिपरो न बिभेमि वाचालक्ष्मीहयानन! विभो! तव सुप्रभातम् ॥ २५॥

vedāstvadīyamahimānamapauruṣeyāḥnādyāpi nūnamadhigantu mamī samarthāḥ |tvāmalpayā stutiparo na bibhemi vācālakṣmīhayānana! vibho! tava suprabhātam || 25||

लक्ष्म्या वसन् मम हृदन्तरपुण्डरीकेआभासनीतिबहुलै रविकम्पनीयम् ।शङ्काकलङ्करहितं वद ते स्वरूपंलक्ष्मीहयानन! विभो! तव सुप्रभातम् ॥ २६॥

lakṣmyā vasan mama hṛdantarapuṇḍarīkeābhāsanītibahulai ravikampanīyam |śaṅkākalaṅkarahitaṃ vada te svarūpaṃlakṣmīhayānana! vibho! tava suprabhātam || 26||

एकेन शङ्खमपरेण करेण चक्रंव्याख्यानचिह्नमितरेण परेण पुस्तम् ।धृत्वा श्रिया सह वसन् सितपुण्डरीकेमां रक्ष ज्ञानद! विभो! तव सुप्रभातम् ॥ २७॥

ekena śaṅkhamapareṇa kareṇa cakraṃvyākhyānacihnamitareṇa pareṇa pustam |dhṛtvā śriyā saha vasan sitapuṇḍarīkemāṃ rakṣa jñānada! vibho! tava suprabhātam || 27||

इत्थं हयानन विभोरिह सुप्रभातंलक्ष्म्यायुतस्य सितपद्मनिविष्टमूर्तेः ।ये मानवाः पठितुमादरपूर्णचित्ताःते प्राप्नुवन्ति कवितां च वचोविलासम् ॥ २८॥

itthaṃ hayānana vibhoriha suprabhātaṃlakṣmyāyutasya sitapadmaniviṣṭamūrteḥ |ye mānavāḥ paṭhitumādarapūrṇacittāḥte prāpnuvanti kavitāṃ ca vacovilāsam || 28||

इति श्रीलक्ष्मीहयाननसुप्रभातं सम्पूर्णम् ।श्रीलक्ष्मीहयवदनार्पणमस्तु ।

iti śrīlakṣmīhayānanasuprabhātaṃ sampūrṇam |śrīlakṣmīhayavadanārpaṇamastu |