विष्णुस्तोत्रम् शौनकप्रोक्तम् Shaunakaproktam Vishnu Stotram

विष्णवे विष्णवे नित्यं विष्णवे विष्णवे नमः ।जिष्णवे जिष्णवे सर्वं जिष्णवे जिष्णवे नमः ॥ ३॥

viṣṇave viṣṇave nityaṃ viṣṇave viṣṇave namaḥ |jiṣṇave jiṣṇave sarvaṃ jiṣṇave jiṣṇave namaḥ || 3||

नमामि विष्णुं बुद्धिस्थमहङ्कारगतं हरिंचित्तस्थमीशमव्यक्तमनन्तमपराजितम् ।विष्णुमीड्यमशेषेशमनादिनिधनं विभुम् ॥ ४॥

namāmi viṣṇuṃ buddhisthamahaṅkāragataṃ hariṃcittasthamīśamavyaktamanantamaparājitam |viṣṇumīḍyamaśeṣeśamanādinidhanaṃ vibhum || 4||

विष्णुश्चित्तगतो यन्मे विष्णुर्बुद्धिगतश्च यत् ।यच्चाहङ्कारगो विष्णुर्यद्विष्णुर्मयि संस्थितः ॥ ५॥

viṣṇuścittagato yanme viṣṇurbuddhigataśca yat |yaccāhaṅkārago viṣṇuryadviṣṇurmayi saṃsthitaḥ || 5||

करोति कर्तृभूतोऽसौ स्थावरस्य चरस्य च ।तत्पापं नाशमायातु तस्मिन्नेव विचिन्तिते ॥ ६॥

karoti kartṛbhūto'sau sthāvarasya carasya ca |tatpāpaṃ nāśamāyātu tasminneva vicintite || 6||

ध्यातो हरति यः पापं स्वप्ने दृष्टः शुभावहः ।तमुपेन्द्रमहं विष्णुं नतोऽस्म्यार्तिहरं हरिम् ॥ ७॥

dhyāto harati yaḥ pāpaṃ svapne dṛṣṭaḥ śubhāvahaḥ |tamupendramahaṃ viṣṇuṃ nato'smyārtiharaṃ harim || 7||

जगत्यस्मिन्निराधारे मज्जमाने तमस्यधः ।हस्तावलम्बदं विष्णुं प्रणतोऽस्मि परात्परम् ॥ ८॥

jagatyasminnirādhāre majjamāne tamasyadhaḥ |hastāvalambadaṃ viṣṇuṃ praṇato'smi parātparam || 8||

सर्वेश्वरेश्वर विभो परमात्मन्नधोक्षज ।हृषीकेश हृषीकेश हृषीकेश नमोऽस्तु ते ॥ ९॥

sarveśvareśvara vibho paramātmannadhokṣaja |hṛṣīkeśa hṛṣīkeśa hṛṣīkeśa namo'stu te || 9||

नृसिंहानन्त गोविन्द भूतभावन केशव ।दुरुक्तं दुष्कृतं ध्यातं प्रशमाग्र्य नमोऽस्तु ते ॥ १०॥

nṛsiṃhānanta govinda bhūtabhāvana keśava |duruktaṃ duṣkṛtaṃ dhyātaṃ praśamāgrya namo'stu te || 10||

यन्मया चिन्तितं दुष्टं स्वचित्त्ववशवर्तिना ।नरकावहमत्युग्रं तच्छमं नय केशव ॥ ११॥

yanmayā cintitaṃ duṣṭaṃ svacittvavaśavartinā |narakāvahamatyugraṃ tacchamaṃ naya keśava || 11||

ब्रह्मण्यदेव गोविन्द परमार्थपरायण ।जगन्नाथ जगद्धातः पापं प्रशमयाच्युत ॥ १२॥

brahmaṇyadeva govinda paramārthaparāyaṇa |jagannātha jagaddhātaḥ pāpaṃ praśamayācyuta || 12||

यच्चापराह्ने पूर्वाह्ने मध्याह्ने च तथा निशि ।कायेन मनसा वाचा कृतं पापमजानता ॥ १३॥

yaccāparāhne pūrvāhne madhyāhne ca tathā niśi |kāyena manasā vācā kṛtaṃ pāpamajānatā || 13||

जानता वा हृषीकेश पुण्डरीकाक्ष माधव ।नामत्रयोच्चारणतस्तत्प्रयातु मम क्षयम् ॥ १४॥

jānatā vā hṛṣīkeśa puṇḍarīkākṣa mādhava |nāmatrayoccāraṇatastatprayātu mama kṣayam || 14||

शारीरं मे हृषीकेश पुण्डरीकाक्ष मानसम् ।पापं प्रशमयाद्य त्वं वाक्कृतं मम माधव ॥ १५॥

śārīraṃ me hṛṣīkeśa puṇḍarīkākṣa mānasam |pāpaṃ praśamayādya tvaṃ vākkṛtaṃ mama mādhava || 15||

यद्व्रजन्यत्स्वपन्भुञ्जन्यदुत्तिष्ठन्यदास्थितः ।कृतवांश्चापि यच्चाहं कायेन मनसा गिरा ॥ १६॥

yadvrajanyatsvapanbhuñjanyaduttiṣṭhanyadāsthitaḥ |kṛtavāṃścāpi yaccāhaṃ kāyena manasā girā || 16||

महत्स्वल्पमतिस्थूलं कुयोनिनरकावहम् ।यातु प्रशमनं सर्वं वासुदेवस्य कीर्तनात् ॥ १७॥

mahatsvalpamatisthūlaṃ kuyoninarakāvaham |yātu praśamanaṃ sarvaṃ vāsudevasya kīrtanāt || 17||

परं ब्रह्म परं धाम पवित्रं परमं च यत् ।तस्मिन्सङ्कीर्तिते विष्णोः पादे पापं प्रणश्यतु ॥ १८॥

paraṃ brahma paraṃ dhāma pavitraṃ paramaṃ ca yat |tasminsaṅkīrtite viṣṇoḥ pāde pāpaṃ praṇaśyatu || 18||

सूरयो यत्प्रवेक्ष्यन्ति ह्यपुनर्भवकाङ्क्षिणः ।ममाखिलं दह त्वं हि तद्विष्णोः परमं पदम् ॥ १९॥

sūrayo yatpravekṣyanti hyapunarbhavakāṅkṣiṇaḥ |mamākhilaṃ daha tvaṃ hi tadviṣṇoḥ paramaṃ padam || 19||

यत्प्राप्य न निन्वर्तन्ते गन्धस्पर्शादिवर्जितम् ।पापं प्रणाशयत्वद्य तद्विष्णोः परमं पदम् ॥ २०॥

yatprāpya na ninvartante gandhasparśādivarjitam |pāpaṃ praṇāśayatvadya tadviṣṇoḥ paramaṃ padam || 20||

सदसद्यत्तथा व्यक्ताव्यक्तरूपमजाजरम्?प्रणमामि जगद्धाम तद्विष्णोः परमं पदम् ॥ २१॥

sadasadyattathā vyaktāvyaktarūpamajājaram?praṇamāmi jagaddhāma tadviṣṇoḥ paramaṃ padam || 21||

शारीरे मानसे चैव पापे वाग्जे च पार्थिवकृते सम्यङ्नरो भक्त्या पठेच्छ्रद्धासमन्वितः ।मुच्यते सर्वपापेभ्यः कृष्णनामप्रकीर्तनात् ॥ २२॥

śārīre mānase caiva pāpe vāgje ca pārthivakṛte samyaṅnaro bhaktyā paṭhecchraddhāsamanvitaḥ |mucyate sarvapāpebhyaḥ kṛṣṇanāmaprakīrtanāt || 22||

उच्चार्यमाने चैतस्मिन्देवदेवस्य संस्तवे ।विलयं पापमायाति भाण्डमाममिवाम्भसि ॥ २३॥

uccāryamāne caitasmindevadevasya saṃstave |vilayaṃ pāpamāyāti bhāṇḍamāmamivāmbhasi || 23||

तस्मात्सञ्चिन्तिते पापे समनन्तरमेव ते ।जप्तव्यमेतत्पापस्य प्रशमाय महीपते ॥ २४॥

tasmātsañcintite pāpe samanantarameva te |japtavyametatpāpasya praśamāya mahīpate || 24||

इति विष्णुधर्मेषु त्रिनवतितमोऽध्यायान्तर्गतं शौनकप्रोक्तंविष्णुस्तोत्रं सम्पूर्णम् ।

iti viṣṇudharmeṣu trinavatitamo'dhyāyāntargataṃ śaunakaproktaṃviṣṇustotraṃ sampūrṇam |