नारायणाष्टोत्तरशतनामस्तोत्रम् Narayanashtottarashatanamastotram

श्रीगणेशाय नमः ।नारायणाय सुरमण्डनमण्डनाय नारायणाय सकलस्थितिकारणाय ।नारायणाय भवभीतिनिवारणाय नारायणाय प्रभवाय नमो नमस्ते ॥ १॥

śrīgaṇeśāya namaḥ |nārāyaṇāya suramaṇḍanamaṇḍanāya nārāyaṇāya sakalasthitikāraṇāya |nārāyaṇāya bhavabhītinivāraṇāya nārāyaṇāya prabhavāya namo namaste || 1||

नारायणाय शतचन्द्रनिभाननाय नारायणाय मणिकुण्डलधारणाय ।नारायणाय निजभक्तपरायणाय नारायणाय सुभगाय नमो नमस्ते ॥ २॥

nārāyaṇāya śatacandranibhānanāya nārāyaṇāya maṇikuṇḍaladhāraṇāya |nārāyaṇāya nijabhaktaparāyaṇāya nārāyaṇāya subhagāya namo namaste || 2||

नारायणाय सुरलोकप्रपोषकाय नारायणाय खलदुष्टविनाशकाय ।नारायणाय दितिपुत्रविमर्दनाय नारायणाय सुलभाय नमो नमस्ते ॥ ३॥

nārāyaṇāya suralokaprapoṣakāya nārāyaṇāya khaladuṣṭavināśakāya |nārāyaṇāya ditiputravimardanāya nārāyaṇāya sulabhāya namo namaste || 3||

नारायणाय रविमण्डलसंस्थिताय नारायणाय परमार्थप्रदर्शनाय ।नारायणाय अतुलाय अतीन्द्रियाय नारायणाय विरजाय नमो नमस्ते ॥ ४॥

nārāyaṇāya ravimaṇḍalasaṃsthitāya nārāyaṇāya paramārthapradarśanāya |nārāyaṇāya atulāya atīndriyāya nārāyaṇāya virajāya namo namaste || 4||

नारायणाय रमणाय रमावराय नारायणाय रसिकाय रसोत्सुकाय ।नारायणाय रजोवर्जितनिर्मलाय नारायणाय वरदाय नमो नमस्ते ॥ ५॥

nārāyaṇāya ramaṇāya ramāvarāya nārāyaṇāya rasikāya rasotsukāya |nārāyaṇāya rajovarjitanirmalāya nārāyaṇāya varadāya namo namaste || 5||

नारायणाय वरदाय मुरोत्तमाय नारायणाय अखिलान्तरसंस्थिताय ।नारायणाय भयशोकविवर्जिताय नारायणाय प्रबलाय नमो नमस्ते ॥ ६॥

nārāyaṇāya varadāya murottamāya nārāyaṇāya akhilāntarasaṃsthitāya |nārāyaṇāya bhayaśokavivarjitāya nārāyaṇāya prabalāya namo namaste || 6||

नारायणाय निगमाय निरञ्जनाय नारायणाय च हराय नरोत्तमाय ।नारायणाय कटिसूत्रविभूषणाय नारायणाय हरये महते नमस्ते ॥ ७॥

nārāyaṇāya nigamāya nirañjanāya nārāyaṇāya ca harāya narottamāya |nārāyaṇāya kaṭisūtravibhūṣaṇāya nārāyaṇāya haraye mahate namaste || 7||

वारायणाय कटकाङ्गदभूषणाय नारायणाय मणिकौस्तुभशोभनाय ।नारायणाय तुलमौक्तिकभूषणाय नारायणाय च यमाय नमो नमस्ते ॥ ८॥

vārāyaṇāya kaṭakāṅgadabhūṣaṇāya nārāyaṇāya maṇikaustubhaśobhanāya |nārāyaṇāya tulamauktikabhūṣaṇāya nārāyaṇāya ca yamāya namo namaste || 8||

नारायणाय रविकोटिप्रतापनाय नारायणाय शशिकोटिसुशीतलाय ।नारायणाय यमकोटिदुरासदाय नारायणाय करुणाय नमो नमस्ते ॥ ९॥

nārāyaṇāya ravikoṭipratāpanāya nārāyaṇāya śaśikoṭisuśītalāya |nārāyaṇāya yamakoṭidurāsadāya nārāyaṇāya karuṇāya namo namaste || 9||

नारायणाय मुकुटोज्ज्वलसोज्ज्वलाय नारायणाय मणिनूपुरभूषणाय ।नारायणाय ज्वलिताग्निशिखप्रभाय नारायणाय हरये गुरवे नमस्ते ॥ १०॥

nārāyaṇāya mukuṭojjvalasojjvalāya nārāyaṇāya maṇinūpurabhūṣaṇāya |nārāyaṇāya jvalitāgniśikhaprabhāya nārāyaṇāya haraye gurave namaste || 10||

नारायणाय दशकण्ठविमर्दनाय नारायणाय विनतात्मजवाहनाय ।नारायणाय मणिकौस्तुभभूषणाय नारायणाय परमाय नमो नमस्ते ॥ ११॥

nārāyaṇāya daśakaṇṭhavimardanāya nārāyaṇāya vinatātmajavāhanāya |nārāyaṇāya maṇikaustubhabhūṣaṇāya nārāyaṇāya paramāya namo namaste || 11||

नारायणाय विदुराय च माधवाय नारायणाय कमठाय महीधराय ।नारायणाय उरगाधिपमञ्चकाय नारायणाय विरजापतये नमस्ते ॥ १२॥

nārāyaṇāya vidurāya ca mādhavāya nārāyaṇāya kamaṭhāya mahīdharāya |nārāyaṇāya uragādhipamañcakāya nārāyaṇāya virajāpataye namaste || 12||

नारायणाय रविकोटिसमाम्बराय नारायणाय च हराय मनोहराय ।नारायणाय निजधर्मप्रतिष्ठिताय नारायणाय च मखाय नमो नमस्ते ॥ १३॥

nārāyaṇāya ravikoṭisamāmbarāya nārāyaṇāya ca harāya manoharāya |nārāyaṇāya nijadharmapratiṣṭhitāya nārāyaṇāya ca makhāya namo namaste || 13||

नारायणाय भवरोगरसायनाय नारायणाय शिवचापप्रतोटनाय ।नारायणाय निजवानरजीवनाय नारायणाय सुभुजाय नमो नमस्ते ॥ १४॥

nārāyaṇāya bhavarogarasāyanāya nārāyaṇāya śivacāpapratoṭanāya |nārāyaṇāya nijavānarajīvanāya nārāyaṇāya subhujāya namo namaste || 14||

नारायणाय सुरथाय सुहृच्छ्रिताय नारायणाय कुशलाय धुरन्धराय ।नारायणाय गजपाशविमोक्षणाय नारायणाय जनकाय नमो नमस्ते ॥ १५॥

nārāyaṇāya surathāya suhṛcchritāya nārāyaṇāya kuśalāya dhurandharāya |nārāyaṇāya gajapāśavimokṣaṇāya nārāyaṇāya janakāya namo namaste || 15||

नारायणाय निजभृत्यप्रपोषकाय नारायणाय शरणागतपञ्जराय ।नारायणाय पुरुषाय पुरातनाय नारायणाय सुपथाय नमो नमस्ते ॥ १६॥

nārāyaṇāya nijabhṛtyaprapoṣakāya nārāyaṇāya śaraṇāgatapañjarāya |nārāyaṇāya puruṣāya purātanāya nārāyaṇāya supathāya namo namaste || 16||

नारायणाय मणिस्वासनसंस्थिताय नारायणाय शतवीर्यशताननाय ।नारायणाय पवनाय च केशवाय नारायणाय रविभाय नमो नमस्ते ॥ १७॥

nārāyaṇāya maṇisvāsanasaṃsthitāya nārāyaṇāya śatavīryaśatānanāya |nārāyaṇāya pavanāya ca keśavāya nārāyaṇāya ravibhāya namo namaste || 17||

श्रियःपतिर्यज्ञपतिः प्रजापतिर्धियाम्पतिर्लोकपतिर्धरापतिः ।पतिर्गतिश्चान्धकवृष्णिसात्त्वतां प्रसीदतां मे भगवान् सताम्पतिः ॥ १८॥

śriyaḥpatiryajñapatiḥ prajāpatirdhiyāmpatirlokapatirdharāpatiḥ |patirgatiścāndhakavṛṣṇisāttvatāṃ prasīdatāṃ me bhagavān satāmpatiḥ || 18||

त्रिभुवनकमनं तमालवर्णं रविकरगौरवराम्बरं दधाने ।वपुरलककुलावृताननाब्जं विजयसखे रतिरस्तु मेऽनवद्या ॥ १९॥

tribhuvanakamanaṃ tamālavarṇaṃ ravikaragauravarāmbaraṃ dadhāne |vapuralakakulāvṛtānanābjaṃ vijayasakhe ratirastu me'navadyā || 19||

अष्टोत्तराधिकशतानि सुकोमलानि नामानि ये सुकृतिनः सततं स्मरन्ति ।तेऽनेकजन्मकृतपापचयाद्विमुक्ता नारायणेऽव्यवहितां गतिमाप्नुवन्ति ॥ २०॥

aṣṭottarādhikaśatāni sukomalāni nāmāni ye sukṛtinaḥ satataṃ smaranti |te'nekajanmakṛtapāpacayādvimuktā nārāyaṇe'vyavahitāṃ gatimāpnuvanti || 20||

इति नारायणाष्टोत्तरशतनामस्तोत्रं सम्पूर्णम् ॥

iti nārāyaṇāṣṭottaraśatanāmastotraṃ sampūrṇam ||