वेङ्कटेशस्तोत्रम् ६ Shri Venkatesha Stotram

क्षेमं मे कमलापतिर्वितरतु श्रीवेङ्कटाद्रीश्वरःकारुण्यामृतवारिधिस्त्रिजगतां क्षेमङ्करो वत्सलः ।श्रीमद्भाष्यकृता सुबोधनिधिना रामानुजस्वामिनाभक्त्या दत्तपरत्वचिह्नविलसद्बाहुर्महावैभवः ॥ १॥

kṣemaṃ me kamalāpatirvitaratu śrīveṅkaṭādrīśvaraḥkāruṇyāmṛtavāridhistrijagatāṃ kṣemaṅkaro vatsalaḥ |śrīmadbhāṣyakṛtā subodhanidhinā rāmānujasvāminābhaktyā dattaparatvacihnavilasadbāhurmahāvaibhavaḥ || 1||

रेखारूपमनोज्ञदिव्यकलशश्रीपाञ्जजन्यध्वजज्ञानाब्जाङ्कुशकल्पचकविलसत्पादारविन्दद्वयम् ।लक्ष्मीदिव्यपदाम्बुजातयुगळीजाज्वल्यमानोल्लसल्लाक्षालक्षितवक्षसं सुशरणं श्रीवेङ्कटेशं भजे ॥ २॥

rekhārūpamanojñadivyakalaśaśrīpāñjajanyadhvajajñānābjāṅkuśakalpacakavilasatpādāravindadvayam |lakṣmīdivyapadāmbujātayugaḷījājvalyamānollasallākṣālakṣitavakṣasaṃ suśaraṇaṃ śrīveṅkaṭeśaṃ bhaje || 2||

सद्योजातमनोज्ञपल्लवलसत्पाण्यम्बुजाभ्यां रमाबिभ्राणौ सभयं तु यस्य चरणौ संवाहनेऽपि क्लमम् ।शीघ्रं किञ्च सरोरुहारुणतलौ मञ्जीरभूषोज्ज्वलौतं देवं श्रितपारिजातमतुलं श्रीवेङ्कटेशं भजे ॥ ३॥

sadyojātamanojñapallavalasatpāṇyambujābhyāṃ ramābibhrāṇau sabhayaṃ tu yasya caraṇau saṃvāhane'pi klamam |śīghraṃ kiñca saroruhāruṇatalau mañjīrabhūṣojjvalautaṃ devaṃ śritapārijātamatulaṃ śrīveṅkaṭeśaṃ bhaje || 3||

ब्रह्मेशादिकिरीटकोटिघटितप्रत्यग्रनानाविधश्रीमद्रत्नमहःप्ररोहनिकरैर्नीराजितश्रीपदम् ।आनन्दाख्यविमानदिव्यनिलये लक्ष्म्या सह क्रीडितंसाक्षान्मन्मथमन्मथं गुणनिधिं श्रीवेङ्कटेशं भजे ॥ ४॥

brahmeśādikirīṭakoṭighaṭitapratyagranānāvidhaśrīmadratnamahaḥprarohanikarairnīrājitaśrīpadam |ānandākhyavimānadivyanilaye lakṣmyā saha krīḍitaṃsākṣānmanmathamanmathaṃ guṇanidhiṃ śrīveṅkaṭeśaṃ bhaje || 4||

श्रीपादौ चरणागतैः प्रथमतो यस्यावगाह्यौ जनैःदेदीप्रावमृतायिताविव शिशोर्मातुः स्तनौ श्रीपतेः ।गोत्रायां विपिने वृषाद्रिशिखरे चित्तेऽप्यनन्यात्मनांवेदान्ते सममाहितौ तमतुलं श्रीवेङ्कटेशं भजे ॥ ५॥

śrīpādau caraṇāgataiḥ prathamato yasyāvagāhyau janaiḥdedīprāvamṛtāyitāviva śiśormātuḥ stanau śrīpateḥ |gotrāyāṃ vipine vṛṣādriśikhare citte'pyananyātmanāṃvedānte samamāhitau tamatulaṃ śrīveṅkaṭeśaṃ bhaje || 5||

अत्यन्तप्रियदर्शनं कमलया प्रारुढवक्षःस्थलंनानाभूषणभूषितं प्रविलसत्पीताम्बरप्रोज्ज्वलम् ।सर्वाभीष्टवरप्रदं प्रणमतां जाज्वल्यमानप्रभंबालार्कोज्ज्वलदिव्यरत्नमकुटं श्रोवेङ्कटेशं भजे ॥ ६॥

atyantapriyadarśanaṃ kamalayā prāruḍhavakṣaḥsthalaṃnānābhūṣaṇabhūṣitaṃ pravilasatpītāmbaraprojjvalam |sarvābhīṣṭavarapradaṃ praṇamatāṃ jājvalyamānaprabhaṃbālārkojjvaladivyaratnamakuṭaṃ śroveṅkaṭeśaṃ bhaje || 6||

अम्भोजामृतसिन्धुजातकलशप्रस्पर्धिदिव्याननंसुभ्रूसुन्दरमध्यचन्द्रविलसत्भालं मनोज्ञस्मितम् ।आकर्णायतलोचनं मणिमयश्रीहारभूषोज्ज्वलंश्रीवत्साङ्कितवक्षसं श्रितनिधि श्रीवेङ्कटेशं भजे ॥ ७॥

ambhojāmṛtasindhujātakalaśapraspardhidivyānanaṃsubhrūsundaramadhyacandravilasatbhālaṃ manojñasmitam |ākarṇāyatalocanaṃ maṇimayaśrīhārabhūṣojjvalaṃśrīvatsāṅkitavakṣasaṃ śritanidhi śrīveṅkaṭeśaṃ bhaje || 7||

सर्वज्ञं कलिकल्मषग्नममलं लक्ष्मीनिवासोरसंशक्तं सन्नतवत्सलं विधिमुखैर्देवैः सदा वन्दितम् ।संसारार्णवतारकाङ्घ्रियुगळं कन्दर्पकोटिप्रभंषाड्गुण्यात्मकदिव्यमङ्गलतनुं श्रीवेङ्कटेशं भजे ॥ ८॥

sarvajñaṃ kalikalmaṣagnamamalaṃ lakṣmīnivāsorasaṃśaktaṃ sannatavatsalaṃ vidhimukhairdevaiḥ sadā vanditam |saṃsārārṇavatārakāṅghriyugaḷaṃ kandarpakoṭiprabhaṃṣāḍguṇyātmakadivyamaṅgalatanuṃ śrīveṅkaṭeśaṃ bhaje || 8||

अन्धः पश्यति दुःखिनस्तु सुखिनो मूकः प्रवक्ति स्फुटम् ।पङ्गुर्धावति वेगतस्तु लभते वन्ध्या च भव्यं मुतम् ।आर्ताश्चापि निरामयास्तु बधिराः शृण्वन्ति सम्यक् ततोयस्यानुग्रहवैभवेन विमलं श्रीवेङ्कटेशं भजे ॥ ९॥

andhaḥ paśyati duḥkhinastu sukhino mūkaḥ pravakti sphuṭam |paṅgurdhāvati vegatastu labhate vandhyā ca bhavyaṃ mutam |ārtāścāpi nirāmayāstu badhirāḥ śṛṇvanti samyak tatoyasyānugrahavaibhavena vimalaṃ śrīveṅkaṭeśaṃ bhaje || 9||

भक्ताभीष्टदभाष्यकारगुरुणा दत्ताब्जचक्रोज्ज्वलद्वाहुं भक्तजनानुभाव्यमनिशं नीलाम्बुदश्यामलम् ।सर्वाधीश्वरता प्रकाशकलसन्मुक्ताकिरीटोज्ज्वलंराकाचन्द्रमुखं दयागुणनिधिं श्रीवेङ्कटेशं भजे ॥ १०॥

bhaktābhīṣṭadabhāṣyakāraguruṇā dattābjacakrojjvaladvāhuṃ bhaktajanānubhāvyamaniśaṃ nīlāmbudaśyāmalam |sarvādhīśvaratā prakāśakalasanmuktākirīṭojjvalaṃrākācandramukhaṃ dayāguṇanidhiṃ śrīveṅkaṭeśaṃ bhaje || 10||

लक्ष्मीगेहभुजान्तरं कलियुगप्रत्यक्षनारायणंसत्यानन्दचिदात्मकं परिनुतं पश्चाननाद्यैर्बुधैः ।श्रीशेषाचलशृङ्गमङ्गलमहाभूषायितश्रीपदंसर्वेषां जगतामभीष्टवरदं श्रीवेङ्कटेशं भजे ॥ ११॥

lakṣmīgehabhujāntaraṃ kaliyugapratyakṣanārāyaṇaṃsatyānandacidātmakaṃ parinutaṃ paścānanādyairbudhaiḥ |śrīśeṣācalaśṛṅgamaṅgalamahābhūṣāyitaśrīpadaṃsarveṣāṃ jagatāmabhīṣṭavaradaṃ śrīveṅkaṭeśaṃ bhaje || 11||

सर्वेषां सुहृदं सुशीलमनघं श्रीमङ्गलाशासनंकुर्वद्भिः परिशुद्धमानसयुतैः श्रीवैष्णवैः संवृतम् ।बिम्बाभाधरमुद्यदिन्दुवदनं कर्णान्तलोलेक्षणंश्रीमद्दिव्यललाटपट्टतिलकं श्रीवेङ्कटेशं भजे ॥ १२॥

sarveṣāṃ suhṛdaṃ suśīlamanaghaṃ śrīmaṅgalāśāsanaṃkurvadbhiḥ pariśuddhamānasayutaiḥ śrīvaiṣṇavaiḥ saṃvṛtam |bimbābhādharamudyadinduvadanaṃ karṇāntalolekṣaṇaṃśrīmaddivyalalāṭapaṭṭatilakaṃ śrīveṅkaṭeśaṃ bhaje || 12||

कौशेयपुष्पितकटीतटमम्बुजाक्षंकान्ताकुचाम्बुरुहकुड्मललोलदृष्टिम् ।कन्दर्पदर्पहरसुन्दरदिव्यमूर्तिंश्रीवेङ्कटेशमगतिः शरणं प्रपद्ये ॥ १३॥

kauśeyapuṣpitakaṭītaṭamambujākṣaṃkāntākucāmburuhakuḍmalaloladṛṣṭim |kandarpadarpaharasundaradivyamūrtiṃśrīveṅkaṭeśamagatiḥ śaraṇaṃ prapadye || 13||

आपादमौलिमभिजातमनोहराङ्गमादित्यकोटिकिरणोज्ज्वलहेतिराजम् ।आताम्रदिव्यमधुराधरपल्लवं चश्रीवेङ्कटेशमगतिः शरणं प्रपद्ये ॥ १४॥

āpādamaulimabhijātamanoharāṅgamādityakoṭikiraṇojjvalahetirājam |ātāmradivyamadhurādharapallavaṃ caśrīveṅkaṭeśamagatiḥ śaraṇaṃ prapadye || 14||

दिव्यैर्दन्तिकरोपमैर्मृदुतरैः सुस्निग्धवर्णैः शुभैःनानाभूषणभूषितैः शुभनखैः कल्याणरेखाञ्चितैः ।वृत्त्तैर्ज्याकिणकर्कशैरभयदैः पीनैश्चतुर्भिः सतांश्रीमद्भाहुभिरायतैर्विलसितं श्रीवेङ्कटेशं भजे ॥ १५॥

divyairdantikaropamairmṛdutaraiḥ susnigdhavarṇaiḥ śubhaiḥnānābhūṣaṇabhūṣitaiḥ śubhanakhaiḥ kalyāṇarekhāñcitaiḥ |vṛtttairjyākiṇakarkaśairabhayadaiḥ pīnaiścaturbhiḥ satāṃśrīmadbhāhubhirāyatairvilasitaṃ śrīveṅkaṭeśaṃ bhaje || 15||

दातारं किल सम्पदां त्वचरणद्वन्द्वाश्रितानां सतांदैत्यानां तु निघातिनं त्रिजगतां नाथं महावत्सलम् ।सिंहस्कन्धमनेकरत्नरचितश्रीहारवक्षःस्थलंश्रीमत्पुण्ड्र्ललल्ललाटफलकं श्रीवेङ्कटेशं भजे ॥ १६॥

dātāraṃ kila sampadāṃ tvacaraṇadvandvāśritānāṃ satāṃdaityānāṃ tu nighātinaṃ trijagatāṃ nāthaṃ mahāvatsalam |siṃhaskandhamanekaratnaracitaśrīhāravakṣaḥsthalaṃśrīmatpuṇḍrlalallalāṭaphalakaṃ śrīveṅkaṭeśaṃ bhaje || 16||

लक्ष्मीनिवास निखिलाश्रितलोकबन्धोवैकुण्ठनाथ निरवद्यगुणैकसिन्धो ।श्रीवेङ्कटेश भुवि विश्रुतदिव्यकीर्तेपाहि प्रपन्नगगतिं शरणागतं माम् ॥ १७॥

lakṣmīnivāsa nikhilāśritalokabandhovaikuṇṭhanātha niravadyaguṇaikasindho |śrīveṅkaṭeśa bhuvi viśrutadivyakīrtepāhi prapannagagatiṃ śaraṇāgataṃ mām || 17||

वरगुणमणिसिन्धुर्वत्सलः श्रीनिवासःकलशजलधिकन्याप्राणनाथो दयालुः ।मणिवरमणिभूषा वत्सजाज्वल्यमानो(मणिवरमाणिः कौस्तुभमणि, वत्सः श्रीवत्सः)वितरतु मम सौख्यं वेङ्कटेशो मुकुन्दः ॥ १८॥

varaguṇamaṇisindhurvatsalaḥ śrīnivāsaḥkalaśajaladhikanyāprāṇanātho dayāluḥ |maṇivaramaṇibhūṣā vatsajājvalyamāno(maṇivaramāṇiḥ kaustubhamaṇi, vatsaḥ śrīvatsaḥ)vitaratu mama saukhyaṃ veṅkaṭeśo mukundaḥ || 18||

कनकमयकिरीटो दिव्यलावण्यसिन्धुःप्रणतवरदबन्धुः पद्मपत्रायताक्षः ।सुलभचरणयुग्मः स्वाश्रितानां कृपालुःवितरतु मम सौख्यं वेङ्कटेशो मुकुन्दः ॥ १९॥

kanakamayakirīṭo divyalāvaṇyasindhuḥpraṇatavaradabandhuḥ padmapatrāyatākṣaḥ |sulabhacaraṇayugmaḥ svāśritānāṃ kṛpāluḥvitaratu mama saukhyaṃ veṅkaṭeśo mukundaḥ || 19||

मरतकगिरिमूर्तिमङ्गलानां निवासःस्फटिकमकुटमूर्धा पीतकौशेयवासः ।कनकवलयभूषाप्रोज्ज्वलद्दिव्यबाहुःवितरतु मम सौख्यं वेङ्कटेशो मुकुन्दः ॥ २०॥

maratakagirimūrtimaṅgalānāṃ nivāsaḥsphaṭikamakuṭamūrdhā pītakauśeyavāsaḥ |kanakavalayabhūṣāprojjvaladdivyabāhuḥvitaratu mama saukhyaṃ veṅkaṭeśo mukundaḥ || 20||

सरसिजमुखपाणिः सर्वलोकैकनाथःविकचकमलनेत्रः श्यामलः कोमलाङ्गः ।जलजचरणयुग्मः श्रीनिवासो दयालुःवितरतु मम सौख्यं वेङ्कटेशो मुकुन्दः ॥ २१॥

sarasijamukhapāṇiḥ sarvalokaikanāthaḥvikacakamalanetraḥ śyāmalaḥ komalāṅgaḥ |jalajacaraṇayugmaḥ śrīnivāso dayāluḥvitaratu mama saukhyaṃ veṅkaṭeśo mukundaḥ || 21||

विधिविबुधनियन्ता विश्वभक्तार्तिरहन्ताविनतविविधजातिक्षेमकल्यणमन्ता ।विमलमधुरमन्दस्मेरदिव्याननाब्जोवितरतु मम सौख्यं वेङ्कटेशो मुकुन्दः ॥ २२॥

vidhivibudhaniyantā viśvabhaktārtirahantāvinatavividhajātikṣemakalyaṇamantā |vimalamadhuramandasmeradivyānanābjovitaratu mama saukhyaṃ veṅkaṭeśo mukundaḥ || 22||

अत्यर्कानलदीप्तमुत्तमपदं वैकुण्ठमत्यद्भुतंत्यक्त्वानुग्रहकाम्यया प्रणमतां लक्ष्म्या सह क्रीडितः ।श्रीमद्वेङ्कट भूधरे मणिगणैर्नानाविधैर्धातुभिर्देदीप्रे भगवान् समास्तु गुणवान् क्षेमकरः सर्वदा ॥ २३॥

atyarkānaladīptamuttamapadaṃ vaikuṇṭhamatyadbhutaṃtyaktvānugrahakāmyayā praṇamatāṃ lakṣmyā saha krīḍitaḥ |śrīmadveṅkaṭa bhūdhare maṇigaṇairnānāvidhairdhātubhirdedīpre bhagavān samāstu guṇavān kṣemakaraḥ sarvadā || 23||

भक्तानां दोषभोग्यः प्रवरगुणनिधिर्मङ्गलानां निवासःविख्यातः सर्वधाता सरसिजनयनो वेदवेदान्तवेद्यः ।शेषाद्रौ शेषतस्पे जलधितनयया सार्धमिन्दीराक्ष्याकीडन् देवाधिराजो मम तु वितरतान्मङ्गलं श्रीनिवासः ॥ २४॥

bhaktānāṃ doṣabhogyaḥ pravaraguṇanidhirmaṅgalānāṃ nivāsaḥvikhyātaḥ sarvadhātā sarasijanayano vedavedāntavedyaḥ |śeṣādrau śeṣataspe jaladhitanayayā sārdhamindīrākṣyākīḍan devādhirājo mama tu vitaratānmaṅgalaṃ śrīnivāsaḥ || 24||

विधिशिवविबुधैन्द्रप्राणिरक्षैकदीक्षोविविधकलिनिहन्ता वत्सलः स्वाश्रितेषु ।श्रुतहृदयनिवासः शीलवान् पङ्कजाक्षोविलसतु मम चित्ते वेङ्कटेशो मुकुन्दः ॥ २५॥

vidhiśivavibudhaindraprāṇirakṣaikadīkṣovividhakalinihantā vatsalaḥ svāśriteṣu |śrutahṛdayanivāsaḥ śīlavān paṅkajākṣovilasatu mama citte veṅkaṭeśo mukundaḥ || 25||

मरतकमणिरत्नस्फाटिकच्छन्नदिव्यप्रवरकनकभूषाभूषितः संश्रितार्थम् ।नयनसुभगदिव्यश्यामकल्याणगात्रोविलसतु मम चित्ते वेङ्कटेशो मुकुन्दः ॥ २६॥

maratakamaṇiratnasphāṭikacchannadivyapravarakanakabhūṣābhūṣitaḥ saṃśritārtham |nayanasubhagadivyaśyāmakalyāṇagātrovilasatu mama citte veṅkaṭeśo mukundaḥ || 26||

वरद निखिलबन्धो क्षान्तिसौशील्यसिन्धोकमलनयन विष्णो शङ्खचक्रासिपाणे ।दिवि भुवि मम बन्धो श्रीपते वेङ्कटेशश्रितजनशुभकल्प श्रीनिधे त्राहि दासम् ॥ २७॥

varada nikhilabandho kṣāntisauśīlyasindhokamalanayana viṣṇo śaṅkhacakrāsipāṇe |divi bhuvi mama bandho śrīpate veṅkaṭeśaśritajanaśubhakalpa śrīnidhe trāhi dāsam || 27||

दिवि भुवि मम सौख्यं सम्प्रयच्छ प्रयच्छश्रुतिशिरसि विदीप्त श्रीनिधे वेङ्कटेश ।चलमतिमविनीतं मां च कन्दर्पवश्यंतव किल दयनीयं पाहि पाहि प्रसीद ॥ २८॥

divi bhuvi mama saukhyaṃ samprayaccha prayacchaśrutiśirasi vidīpta śrīnidhe veṅkaṭeśa |calamatimavinītaṃ māṃ ca kandarpavaśyaṃtava kila dayanīyaṃ pāhi pāhi prasīda || 28||

कलौ लोकनाथ प्रशस्त प्रशस्तप्रियं वेङ्कटेश प्रयच्छ प्रयच्छ ।हरे दीनबन्धो प्रसीद प्रसीदसदा वेङ्कटेशं स्मरामि स्मरामि ॥ २९॥

kalau lokanātha praśasta praśastapriyaṃ veṅkaṭeśa prayaccha prayaccha |hare dīnabandho prasīda prasīdasadā veṅkaṭeśaṃ smarāmi smarāmi || 29||

स्वामिपुष्करिणीतीरे श्रीमद्वेङ्कटभूधरे ।वसते रमया सार्धं वेङ्कटेशाय मङ्गलम् ॥ ३०॥

svāmipuṣkariṇītīre śrīmadveṅkaṭabhūdhare |vasate ramayā sārdhaṃ veṅkaṭeśāya maṅgalam || 30||

इति श्रीवेङ्कटेशस्तोत्रं सम्पूर्णम् ।

iti śrīveṅkaṭeśastotraṃ sampūrṇam |