सुब्रह्मण्यषट्कम् २ अथवा गुहस्वामिस्तोत्रम् Shri Subrahmanya Ashatkam or Guhasvami Stotram

तव श्रीमन्मूर्तिं कलयितुमनीशोऽहमधुना(श्रीमन्मूर्ते दर्शनविहीनोऽहम्)भवत्पादाम्भोजं भवभयहरं यामि शरणम् ।अतः सत्याद्रीश प्रमथगणनाथात्मज विभोगुहस्वामिन् दीने वितर (वितनु) मयि कारुण्यमनिशम् ॥ १॥

tava śrīmanmūrtiṃ kalayitumanīśo'hamadhunā(śrīmanmūrte darśanavihīno'ham)bhavatpādāmbhojaṃ bhavabhayaharaṃ yāmi śaraṇam |ataḥ satyādrīśa pramathagaṇanāthātmaja vibhoguhasvāmin dīne vitara (vitanu) mayi kāruṇyamaniśam || 1||

अगस्त्यप्रष्ठानाममलहृदयाब्जैकनिलयंसकृद्वा न ध्यातं पदकमलयुग्मं तव मया ।तथापि श्रीसन्धिस्थलनिलय देवेश वरदगुहस्वामिन् दीने वितर मयि कारुण्यमनिशम् ॥ २॥

agastyapraṣṭhānāmamalahṛdayābjaikanilayaṃsakṛdvā na dhyātaṃ padakamalayugmaṃ tava mayā |tathāpi śrīsandhisthalanilaya deveśa varadaguhasvāmin dīne vitara mayi kāruṇyamaniśam || 2||

रणे हत्वा शक्त्या सकलदितिजांस्तारकमुखान्हरिब्रह्मेन्द्राणामपि सुरमुनीनां भुवि नृणाम् ।मुदं कुर्वाणः श्रीशिवशिखरिनाथ त्वमखिलांगुहस्वामिन् दीने वितर मयि कारुण्यमनिशम् ॥ ३॥

raṇe hatvā śaktyā sakaladitijāṃstārakamukhānharibrahmendrāṇāmapi suramunīnāṃ bhuvi nṛṇām |mudaṃ kurvāṇaḥ śrīśivaśikharinātha tvamakhilāṃguhasvāmin dīne vitara mayi kāruṇyamaniśam || 3||

भवायानन्दाब्धेः श्रुतिनिकरमूलार्थमखिलंविमथ्य व्याहर्तुं कमलजमशक्तं स्वयमपि ।ब्रुवाणस्त्वं स्वामिन् क्षितिधरपते देशिक गुरोगुहस्वामिन् दीने वितर मयि कारुण्यमनिशम् ॥ ४॥

bhavāyānandābdheḥ śrutinikaramūlārthamakhilaṃvimathya vyāhartuṃ kamalajamaśaktaṃ svayamapi |bruvāṇastvaṃ svāmin kṣitidharapate deśika guroguhasvāmin dīne vitara mayi kāruṇyamaniśam || 4||

शरद्राकाजैवातृकविमलषड्वक्त्रविलसद्द्विषड्बाहो शक्त्या विदलितमहाक्रौञ्चशिखरिन् ।हृदब्जस्थ श्रीहृल्लकगिरिपते सर्वविदुषांगुहस्वामिन् दीने वितर मयि कारुण्यमनिशम् ॥ ५॥

śaradrākājaivātṛkavimalaṣaḍvaktravilasaddviṣaḍbāho śaktyā vidalitamahākrauñcaśikharin |hṛdabjastha śrīhṛllakagiripate sarvaviduṣāṃguhasvāmin dīne vitara mayi kāruṇyamaniśam || 5||

महान्तं केकीन्द्रं वरद निजमारुह्य दिविषद्गणानां सर्वेषामभयद मुनीनां च भजताम् ।वलारातेः कन्यारमण बहुपुण्याचलपतेगुहस्वामिन् दीने वितर मयि कारुण्यमनिशम् ॥ ६॥

mahāntaṃ kekīndraṃ varada nijamāruhya diviṣadgaṇānāṃ sarveṣāmabhayada munīnāṃ ca bhajatām |valārāteḥ kanyāramaṇa bahupuṇyācalapateguhasvāmin dīne vitara mayi kāruṇyamaniśam || 6||

इति श्रीसुब्रह्मण्यषट्कं अथवा गुहस्वामिस्तोत्रं सम्पूर्णम् ।

iti śrīsubrahmaṇyaṣaṭkaṃ athavā guhasvāmistotraṃ sampūrṇam |