सुब्रह्मण्यभुजङ्गस्तोत्रम् ३ Shri Kukke Subrahmanya Bhujanga Stotram

गणेशं नमस्कृत्य गौरीकुमारंगजास्यं गुहस्याग्रजातं गभीरम् ।प्रलम्बोदरं शूर्पकर्णं त्रिणेत्रंप्रवक्ष्ये भुजङ्गप्रयातं गुहस्य ॥ १॥

gaṇeśaṃ namaskṛtya gaurīkumāraṃgajāsyaṃ guhasyāgrajātaṃ gabhīram |pralambodaraṃ śūrpakarṇaṃ triṇetraṃpravakṣye bhujaṅgaprayātaṃ guhasya || 1||

पृथक्षट्किरीटस्फुरद्दिव्यरत्न-प्रभाक्षिप्तमार्ताण्डकोटिप्रकाशम् ।चलत्कुण्डलोद्यत्सुगण्डस्थलान्तंमहानर्घहारोज्ज्वलत्कम्बुकण्ठम् ॥ २॥

pṛthakṣaṭkirīṭasphuraddivyaratna-prabhākṣiptamārtāṇḍakoṭiprakāśam |calatkuṇḍalodyatsugaṇḍasthalāntaṃmahānarghahārojjvalatkambukaṇṭham || 2||

शरत्पूर्णचन्द्रप्रभाचारुवक्त्रंविराजल्ललाटं कृपापूर्णनेत्रम् ।लसद्भ्रूसुनासापुटं विद्रुमोष्ठंसुदन्तावलिं सुस्मितं प्रेमपूर्णम् ॥ ३॥

śaratpūrṇacandraprabhācāruvaktraṃvirājallalāṭaṃ kṛpāpūrṇanetram |lasadbhrūsunāsāpuṭaṃ vidrumoṣṭhaṃsudantāvaliṃ susmitaṃ premapūrṇam || 3||

द्विषड्बाहुदण्डाग्रदेदीप्यमानंक्वणत्कङ्कणालङ्कृतोदारहस्तम् ।लसन्मुद्रिकारत्नराजत्कराग्रंक्वणत्किङ्किणीरम्यकाञ्चीकलापम् ॥ ४॥

dviṣaḍbāhudaṇḍāgradedīpyamānaṃkvaṇatkaṅkaṇālaṅkṛtodārahastam |lasanmudrikāratnarājatkarāgraṃkvaṇatkiṅkiṇīramyakāñcīkalāpam || 4||

विशालोदरं विस्फुरत्पूर्णकुक्षिंकटौ स्वर्णसूत्रं तटिद्वर्णगात्रम् ।सुलावण्यनाभीसरस्तीरराजत्-सुशौवालरोमावलीरोचमानम् ॥ ५॥

viśālodaraṃ visphuratpūrṇakukṣiṃkaṭau svarṇasūtraṃ taṭidvarṇagātram |sulāvaṇyanābhīsarastīrarājat-suśauvālaromāvalīrocamānam || 5||

सुकल्लोलवीचीवलीरोचमानंलसन्मध्यसुस्निग्धवासो वसानम् ।स्फुरच्चारुदिव्योरुजङ्घासुगुल्फंविकस्वत्पदाब्जं नखेन्दुप्रभाढ्यम् ॥ ६॥

sukallolavīcīvalīrocamānaṃlasanmadhyasusnigdhavāso vasānam |sphuraccārudivyorujaṅghāsugulphaṃvikasvatpadābjaṃ nakhenduprabhāḍhyam || 6||

द्विषट्पङ्कजाक्षं महाशक्तियुक्तंत्रिलोकप्रशस्तं सुशिक्के पुरस्थम् ।प्रपन्नार्तिनाशं प्रसन्नं फणीशंपरब्रह्मरूपं प्रकाशं परेशम् ॥ ७॥

dviṣaṭpaṅkajākṣaṃ mahāśaktiyuktaṃtrilokapraśastaṃ suśikke purastham |prapannārtināśaṃ prasannaṃ phaṇīśaṃparabrahmarūpaṃ prakāśaṃ pareśam || 7||

कुमारं वरेण्यं शरण्यं सुपुण्यंसुलावण्यपण्यं सुरेशानुवर्ण्यम् ।लसत्पूर्णकारुण्यलक्ष्मीशगण्यंसुकारुण्यमार्याग्रगण्यं नमामि ॥ ८॥

kumāraṃ vareṇyaṃ śaraṇyaṃ supuṇyaṃsulāvaṇyapaṇyaṃ sureśānuvarṇyam |lasatpūrṇakāruṇyalakṣmīśagaṇyaṃsukāruṇyamāryāgragaṇyaṃ namāmi || 8||

स्फुरद्रत्नपीठोपरि भ्राजमानंहृदम्भोजमध्ये महासन्निधानम् ।समावृत्तजानुप्रभाशोभमानंसुरैः सेव्यमानं भजे बर्हियानम् ॥ ९॥

sphuradratnapīṭhopari bhrājamānaṃhṛdambhojamadhye mahāsannidhānam |samāvṛttajānuprabhāśobhamānaṃsuraiḥ sevyamānaṃ bhaje barhiyānam || 9||

ज्वलच्चारुचामीकरादर्शपूर्णंचलच्चामरच्छत्रचित्रध्वजाढ्यम् ।सुवर्णामलान्दोलिकामध्यसंस्थंमहाहीन्द्ररूपं भजे सुप्रतापम् ॥ १०॥

jvalaccārucāmīkarādarśapūrṇaṃcalaccāmaracchatracitradhvajāḍhyam |suvarṇāmalāndolikāmadhyasaṃsthaṃmahāhīndrarūpaṃ bhaje supratāpam || 10||

धनुर्बाणचक्राभयं वज्रखेटंत्रिशूलासिपाशाङ्कुशाभीतिशङ्खम् ।ज्वलत्कुक्कुटं प्रोल्लसद्द्वादशाक्षंप्रशस्तायुधं षण्मुखं तं भजेऽहम् ॥ ११॥

dhanurbāṇacakrābhayaṃ vajrakheṭaṃtriśūlāsipāśāṅkuśābhītiśaṅkham |jvalatkukkuṭaṃ prollasaddvādaśākṣaṃpraśastāyudhaṃ ṣaṇmukhaṃ taṃ bhaje'ham || 11||

स्फुरच्चारुगण्डं द्विषड्बाहुदण्डंश्रितामर्त्यषण्डं सुसम्पत्करण्डम् ।द्विषद्वंशखण्डं सदा दानशौण्डंभवप्रेमपिण्डं भजे सुप्रचण्डम् ॥ १२॥

sphuraccārugaṇḍaṃ dviṣaḍbāhudaṇḍaṃśritāmartyaṣaṇḍaṃ susampatkaraṇḍam |dviṣadvaṃśakhaṇḍaṃ sadā dānaśauṇḍaṃbhavapremapiṇḍaṃ bhaje supracaṇḍam || 12||

सदा दीनपक्षं सुरद्विड्विपक्षंसुमृष्टान्नभक्ष्यप्रदानैकदक्षम् ।श्रितामर्त्यवृक्षं महादैत्यशिक्षंबहुक्षीणपक्षं भजे द्वादशाक्षम् ॥ १३॥

sadā dīnapakṣaṃ suradviḍvipakṣaṃsumṛṣṭānnabhakṣyapradānaikadakṣam |śritāmartyavṛkṣaṃ mahādaityaśikṣaṃbahukṣīṇapakṣaṃ bhaje dvādaśākṣam || 13||

त्रिमूर्तिस्वरूपं त्रयीसत्कलापंत्रिलोकाधिनाथं त्रिणेत्रात्मजातम् ।त्रिशक्त्या प्रयुक्तं सुपुण्यप्रशस्तंत्रिकालज्ञमिष्टार्थदं तं भजेऽहम् ॥ १४॥

trimūrtisvarūpaṃ trayīsatkalāpaṃtrilokādhināthaṃ triṇetrātmajātam |triśaktyā prayuktaṃ supuṇyapraśastaṃtrikālajñamiṣṭārthadaṃ taṃ bhaje'ham || 14||

विराजद्भुजङ्गं विशालोत्तमाङ्गंविशुद्धात्मसङ्गं विवृद्धप्रसङ्गम् ।विचिन्त्यं शुभाङ्गं विकृत्तासुराङ्गंभवव्याधिभङ्गं भजे कुक्कलिङ्गम् ॥ १५॥

virājadbhujaṅgaṃ viśālottamāṅgaṃviśuddhātmasaṅgaṃ vivṛddhaprasaṅgam |vicintyaṃ śubhāṅgaṃ vikṛttāsurāṅgaṃbhavavyādhibhaṅgaṃ bhaje kukkaliṅgam || 15||

गुह स्कन्द गाङ्गेय गौरीसुतेश-प्रिय क्रौञ्चभित्तारकारे सुरेश ।मयूरासनाशेषदोषप्रणाशप्रसीद प्रसीद प्रभो चित्प्रकाश ॥ १६॥

guha skanda gāṅgeya gaurīsuteśa-priya krauñcabhittārakāre sureśa |mayūrāsanāśeṣadoṣapraṇāśaprasīda prasīda prabho citprakāśa || 16||

लपन् देवसेनेश भूतेश शेष-स्वरूपाग्निभूः कार्तिकेयान्नदातः ।यदेत्थं स्मरिष्यामि भक्त्या भवन्तंतदा मे षडास्य प्रसीद प्रसीद ॥ १७॥

lapan devaseneśa bhūteśa śeṣa-svarūpāgnibhūḥ kārtikeyānnadātaḥ |yadetthaṃ smariṣyāmi bhaktyā bhavantaṃtadā me ṣaḍāsya prasīda prasīda || 17||

भुजे शौर्यधैर्यं करे दानधर्मःकटाक्षेऽतिशान्तिः षडास्येषु हास्यम् ।हृदब्जे दया यस्य तं देवमन्यंकुमारान्न जाने न जाने न जाने ॥ १८॥

bhuje śauryadhairyaṃ kare dānadharmaḥkaṭākṣe'tiśāntiḥ ṣaḍāsyeṣu hāsyam |hṛdabje dayā yasya taṃ devamanyaṃkumārānna jāne na jāne na jāne || 18||

महीनिर्जरेशान्महानृत्यतोषात्विहङ्गाधिरूढाद्बिलान्तर्विगूढात् ।महेशात्मजातान्महाभोगिनाथात्गुहाद्दैवमन्यन्न मन्ये न मन्ये ॥ १९॥

mahīnirjareśānmahānṛtyatoṣātvihaṅgādhirūḍhādbilāntarvigūḍhāt |maheśātmajātānmahābhogināthātguhāddaivamanyanna manye na manye || 19||

सुरोत्तुङ्गशृङ्गारसङ्गीतपूर्ण-प्रसङ्गप्रियासङ्गसम्मोहनाङ्ग ।भुजङ्गेश भूतेश भृङ्गेश तुभ्यंनमः कुक्कलिङ्गाय तस्मै नमस्ते ॥ २०॥

surottuṅgaśṛṅgārasaṅgītapūrṇa-prasaṅgapriyāsaṅgasammohanāṅga |bhujaṅgeśa bhūteśa bhṛṅgeśa tubhyaṃnamaḥ kukkaliṅgāya tasmai namaste || 20||

नमः कालकण्ठप्ररूढाय तस्मैनमो नीकलण्ठाधिरूढाय तस्मै ।नमः प्रोल्लसच्चारुचूडाय तस्मैनमो दिव्यरूपाय शान्ताय तस्मै ॥ २१॥

namaḥ kālakaṇṭhaprarūḍhāya tasmainamo nīkalaṇṭhādhirūḍhāya tasmai |namaḥ prollasaccārucūḍāya tasmainamo divyarūpāya śāntāya tasmai || 21||

नमस्ते नमः पार्वतीनन्दनायस्फुरच्चित्रबर्हीकृतस्यन्दनाय ।नमश्चर्चिताङ्गोज्ज्वलच्चन्दनायप्रविच्छेदितप्राणभृद्बन्धनाय ॥ २२॥

namaste namaḥ pārvatīnandanāyasphuraccitrabarhīkṛtasyandanāya |namaścarcitāṅgojjvalaccandanāyapraviccheditaprāṇabhṛdbandhanāya || 22||

नमस्ते नमस्ते जगत्पावनात्त-स्वरूपाय तस्मै जगज्जीवनाय ।नमस्ते नमस्ते जगद्वन्दितायह्यरूपाय तस्मै जगन्मोहनाय ॥ २३॥

namaste namaste jagatpāvanātta-svarūpāya tasmai jagajjīvanāya |namaste namaste jagadvanditāyahyarūpāya tasmai jaganmohanāya || 23||

नमस्ते नमस्ते नमः क्रौञ्चभेत्त्रेनमस्ते नमस्ते नमो विश्वकर्त्रे ।नमस्ते नमस्ते नमो विश्वगोप्त्रेनमस्ते नमस्ते नमो विश्वहन्त्रे ॥ २४॥

namaste namaste namaḥ krauñcabhettrenamaste namaste namo viśvakartre |namaste namaste namo viśvagoptrenamaste namaste namo viśvahantre || 24||

नमस्ते नमस्ते नमो विश्वभर्त्रेनमस्ते नमस्ते नमो विश्वधात्रे ।नमस्ते नमस्ते नमो विश्वनेत्रेनमस्ते नमस्ते नमो विश्वशास्त्रे ॥ २५॥

namaste namaste namo viśvabhartrenamaste namaste namo viśvadhātre |namaste namaste namo viśvanetrenamaste namaste namo viśvaśāstre || 25||

नमस्ते नमश्शेषरूपाय तुभ्यंनमस्ते नमो दिव्यचापाय तुभ्यम् ।नमस्ते नमः सत्प्रतापाय तुभ्यंनमस्ते नमः सत्कलापाय तुभ्यम् ॥ २६॥

namaste namaśśeṣarūpāya tubhyaṃnamaste namo divyacāpāya tubhyam |namaste namaḥ satpratāpāya tubhyaṃnamaste namaḥ satkalāpāya tubhyam || 26||

नमस्ते नमः सत्किरीटाय तुभ्यंनमस्ते नमः स्वर्णपीठाय तुभ्यम् ।नमस्ते नमः सल्ललाटाय तुभ्यंनमस्ते नमो दिव्यरूपाय तुभ्यम् ॥ २७॥

namaste namaḥ satkirīṭāya tubhyaṃnamaste namaḥ svarṇapīṭhāya tubhyam |namaste namaḥ sallalāṭāya tubhyaṃnamaste namo divyarūpāya tubhyam || 27||

नमस्ते नमो लोकरक्षाय तुभ्यंनमस्ते नमो दीनरक्षाय तुभ्यम् ।नमस्ते नमो दैत्यशिक्षाय तुभ्यंनमस्ते नमो द्वादशाक्षाय तुभ्यम् ॥ २८॥

namaste namo lokarakṣāya tubhyaṃnamaste namo dīnarakṣāya tubhyam |namaste namo daityaśikṣāya tubhyaṃnamaste namo dvādaśākṣāya tubhyam || 28||

भुजङ्गाकृते त्वत्प्रियार्थं मयेदंबुजङ्गप्रयातेन वृत्तेन क्लृप्तम् ।तव स्तोत्रमेतत्पवित्रं सुपुण्यंपरानन्दसन्दोहसंवर्धनाय ॥ २९॥

bhujaṅgākṛte tvatpriyārthaṃ mayedaṃbujaṅgaprayātena vṛttena klṛptam |tava stotrametatpavitraṃ supuṇyaṃparānandasandohasaṃvardhanāya || 29||

त्वदन्यत्परं दैवतं नाभिजानेप्रभो पाहि (प्रपोष्या हि) सम्पूर्णदृष्ट्यानुगृह्य ।यथाशक्ति भक्त्या कृतं स्तोत्रमेकंविभो मेऽपराधं क्षमस्वाखिलेश ॥ ३०॥

tvadanyatparaṃ daivataṃ nābhijāneprabho pāhi (prapoṣyā hi) sampūrṇadṛṣṭyānugṛhya |yathāśakti bhaktyā kṛtaṃ stotramekaṃvibho me'parādhaṃ kṣamasvākhileśa || 30||

इदं तारकारेर्गुणस्तोत्रराजंपठन्तस्त्रिकालं प्रपन्ना जना ये ।सुपुत्राष्टभोगानिह त्वेव भुक्त्वालभन्ते तदन्ते परं स्वर्गभोगम् ॥ ३१॥

idaṃ tārakārerguṇastotrarājaṃpaṭhantastrikālaṃ prapannā janā ye |suputrāṣṭabhogāniha tveva bhuktvālabhante tadante paraṃ svargabhogam || 31||

यत्पादाम्बुजसेवया भुवि नराः प्राप्ताः श्रियं निश्चलांयद्।ह्ध्यानेन समाधियोगनिरताः प्रापुः पदं शाश्वतम् ।यच्छक्त्या दनुजेन्द्रतारकभयान्मुक्तास्तमिन्द्रादयःसुब्रह्मण्यमुपास्महे सुरगुरुं त्रैलोक्यचूडामणिम् ॥ ३३॥

yatpādāmbujasevayā bhuvi narāḥ prāptāḥ śriyaṃ niścalāṃyad|hdhyānena samādhiyoganiratāḥ prāpuḥ padaṃ śāśvatam |yacchaktyā danujendratārakabhayānmuktāstamindrādayaḥsubrahmaṇyamupāsmahe suraguruṃ trailokyacūḍāmaṇim || 33||

गाङ्गेयं वह्निगर्भं शरवणजनितं ज्ञानशक्तिं कुमारंब्रह्मण्यं स्कन्ददेवं गुहमचलमिदं रुद्रतेजः स्वरूपम् ।सेनान्यं तारकघ्नं गजमुखसहितं कार्तिकेयं षडास्यंसुब्रह्मण्यं मयूरध्वजरथसहितं देवदेवं नमामि ॥ ३४॥

gāṅgeyaṃ vahnigarbhaṃ śaravaṇajanitaṃ jñānaśaktiṃ kumāraṃbrahmaṇyaṃ skandadevaṃ guhamacalamidaṃ rudratejaḥ svarūpam |senānyaṃ tārakaghnaṃ gajamukhasahitaṃ kārtikeyaṃ ṣaḍāsyaṃsubrahmaṇyaṃ mayūradhvajarathasahitaṃ devadevaṃ namāmi || 34||

॥ इति श्रीमत्परमहंसपरिव्राजकाचार्याभिनवनारायणेन्द्रसरस्वतीपूज्यपादशिष्य श्रीमच्छङ्करभगवत्पादकृतिषुश्रीसुब्रह्मण्यभुजङ्गप्रयातस्तोत्रं सम्पूर्णम् ॥

|| iti śrīmatparamahaṃsaparivrājakācāryābhinavanārāyaṇendrasarasvatīpūjyapādaśiṣya śrīmacchaṅkarabhagavatpādakṛtiṣuśrīsubrahmaṇyabhujaṅgaprayātastotraṃ sampūrṇam ||