कुमारभुजङ्गप्रयातस्तोत्रम् Kumarabhujangaprayata Stotram

(शिवरहस्यान्तर्गते ईशाख्ये)देवा ऊचुः ।मुखे वारणेन्द्रं नखेचार्धचन्द्रंमुखे पूर्णचन्द्रं कृपासान्द्रनेत्रम् ।कृतस्तुत्युपेन्द्रं पदाब्जाननेन्द्रंभजामोऽस्ततन्द्रं कथङ्कारमेतम् ॥ ३०॥

(śivarahasyāntargate īśākhye)devā ūcuḥ |mukhe vāraṇendraṃ nakhecārdhacandraṃmukhe pūrṇacandraṃ kṛpāsāndranetram |kṛtastutyupendraṃ padābjānanendraṃbhajāmo'statandraṃ kathaṅkārametam || 30||

नमामोऽभ्रगङ्गातरङ्गाङ्गसङ्गंसशृङ्गारमोङ्कारपाथोजभृङ्गम् ।शिवोत्सङ्गसङ्गं शिवस्यान्तरङ्गंकिरातीगणोल्लासिवल्लीभुजङ्गम् ॥ ३१॥

namāmo'bhragaṅgātaraṅgāṅgasaṅgaṃsaśṛṅgāramoṅkārapāthojabhṛṅgam |śivotsaṅgasaṅgaṃ śivasyāntaraṅgaṃkirātīgaṇollāsivallībhujaṅgam || 31||

करे शक्तिमन्तं हरे भक्तिमन्तंशरे जन्मवन्तं हरित्पावनं तंउदारेऽवनन्तं सदारं वसन्तंसदोङ्कारमन्तर्भजामो गुहं तम् ॥ ३२॥

kare śaktimantaṃ hare bhaktimantaṃśare janmavantaṃ haritpāvanaṃ taṃudāre'vanantaṃ sadāraṃ vasantaṃsadoṅkāramantarbhajāmo guhaṃ tam || 32||

शरच्चन्द्रषट्कस्फुरद्वक्त्रबिम्बंप्रबालप्रवालप्रभामण्डलस्थम् ।रुचा धूतमित्रं कृपाशीतनेत्रंभजामः सदा देवसेनाकलत्रम् ॥ ३३॥

śaraccandraṣaṭkasphuradvaktrabimbaṃprabālapravālaprabhāmaṇḍalastham |rucā dhūtamitraṃ kṛpāśītanetraṃbhajāmaḥ sadā devasenākalatram || 33||

विधे स्वागतं किं हरे मङ्गलं किंसखेदानुषङ्गं कुतो दृश्यतेऽङ्गम् ।क्व वैरी समानीयतां मे शताङ्गम् ।क्रुधैवं वदन्तं भजामो गुहं तम् ॥ ३४॥

vidhe svāgataṃ kiṃ hare maṅgalaṃ kiṃsakhedānuṣaṅgaṃ kuto dṛśyate'ṅgam |kva vairī samānīyatāṃ me śatāṅgam |krudhaivaṃ vadantaṃ bhajāmo guhaṃ tam || 34||

क्व शूरः क्व वा तारकः सिह्मवक्त्रःक्व वेत्यट्टहासप्रभिन्नाण्डभित्ति ।हठान्नीलकण्ठेन्द्रकण्ठाधिरूढंभजामो मुदा रक्षितारं कुमारम् ॥ ३५॥

kva śūraḥ kva vā tārakaḥ sihmavaktraḥkva vetyaṭṭahāsaprabhinnāṇḍabhitti |haṭhānnīlakaṇṭhendrakaṇṭhādhirūḍhaṃbhajāmo mudā rakṣitāraṃ kumāram || 35||

भवद्गर्भदासर्भकान् दीनबन्धोह्यव प्रेमयुक्तान् हिनः क्षिप्रमंहः । (?)न चेत्तेऽपकीर्तिः अतः स्वामिनं स्वंभजामो धुनीमो भवामोऽद्य भक्ताः ॥ ३६॥

bhavadgarbhadāsarbhakān dīnabandhohyava premayuktān hinaḥ kṣipramaṃhaḥ | (?)na cette'pakīrtiḥ ataḥ svāminaṃ svaṃbhajāmo dhunīmo bhavāmo'dya bhaktāḥ || 36||

द्विषड्बाहुदण्डं द्विषट्चारुगण्डंद्विषट्कर्णषण्डं त्रिषण्णेत्रतुण्डम् ।हतक्रौञ्चगोत्रं धृतब्रह्मसूत्रंभवप्रीतिपात्रं भजामः सुगात्रम् ॥ ३७॥

dviṣaḍbāhudaṇḍaṃ dviṣaṭcārugaṇḍaṃdviṣaṭkarṇaṣaṇḍaṃ triṣaṇṇetratuṇḍam |hatakrauñcagotraṃ dhṛtabrahmasūtraṃbhavaprītipātraṃ bhajāmaḥ sugātram || 37||

प्रसीद प्रसीद प्रभो तारकारेप्रसीद प्रसीद भवामो निरीहाः ।प्रपन्ना विपन्नाः पुरा तार खिन्नाःभवामोऽद्य भिन्नास्त्वया दुःखनुन्नाः ॥ ३८॥

prasīda prasīda prabho tārakāreprasīda prasīda bhavāmo nirīhāḥ |prapannā vipannāḥ purā tāra khinnāḥbhavāmo'dya bhinnāstvayā duḥkhanunnāḥ || 38||

किमर्थं सुरार्थं कृता नानुकम्पानिलिम्पाः पुरा तारदुःखाभिकम्पाः ।भवत्पादमोद प्रभावाद्धि सौधेवसामो विशामः प्रमोदोरुसिन्धुम् ॥ ३९॥

kimarthaṃ surārthaṃ kṛtā nānukampānilimpāḥ purā tāraduḥkhābhikampāḥ |bhavatpādamoda prabhāvāddhi saudhevasāmo viśāmaḥ pramodorusindhum || 39||

उरोन्यस्तहारं शिरोन्यस्तहीरंदयासिन्धुपूरं शिवज्ञानसारम् ।पराभूततारं भवाम्भोधिपारंसुरा जालसौरं भजामः कुमारम् ॥ ४०॥

uronyastahāraṃ śironyastahīraṃdayāsindhupūraṃ śivajñānasāram |parābhūtatāraṃ bhavāmbhodhipāraṃsurā jālasauraṃ bhajāmaḥ kumāram || 40||

गुरूणां गुरुं देवसेनासमेतंपरेषां परं केकियानेन यान्तम् ।कटाक्षार्धपातं कुरुष्वाद्य भद्रंओङ्कारमुद्रं भजामोऽस्तनिद्रम् ॥ ४१॥

gurūṇāṃ guruṃ devasenāsametaṃpareṣāṃ paraṃ kekiyānena yāntam |kaṭākṣārdhapātaṃ kuruṣvādya bhadraṃoṅkāramudraṃ bhajāmo'stanidram || 41||

शताङ्गं विहङ्गं कृतारातिभङ्गंसुधीचित्ररङ्गं महापापभङ्गम् ।कुजे प्रेमभाजं भुजे सर्पराजंसमाजाधिपं त्वां भजामो नताजम् ॥ ४२॥

śatāṅgaṃ vihaṅgaṃ kṛtārātibhaṅgaṃsudhīcitraraṅgaṃ mahāpāpabhaṅgam |kuje premabhājaṃ bhuje sarparājaṃsamājādhipaṃ tvāṃ bhajāmo natājam || 42||

नमस्ते नमस्ते शिवप्रेममूर्तेनमस्ते नमस्ते त्रयीगीतकीर्ते ।नमस्ते नमस्ते हृतत्रैदशार्तेनमस्ते नमस्ते सुराभीष्टपूर्ते ॥ ४३॥

namaste namaste śivapremamūrtenamaste namaste trayīgītakīrte |namaste namaste hṛtatraidaśārtenamaste namaste surābhīṣṭapūrte || 43||

सुराणां पुरस्ताद्यदि त्वत्पदाब्जंसमस्तापदस्ता निरस्ता भवेयुः ।करस्था विमुक्तिर्हृदिस्था सुभक्तिःशिवस्थेशभक्तिर्भवेत्सत्यमेतत् ॥ ४४॥

surāṇāṃ purastādyadi tvatpadābjaṃsamastāpadastā nirastā bhaveyuḥ |karasthā vimuktirhṛdisthā subhaktiḥśivastheśabhaktirbhavetsatyametat || 44||

क्वचिद्भूतसङ्गं क्वचित्प्रेतसङ्गंक्वचिद्व्याधिसङ्गं क्वचिद्धातुसङ्गम् ।क्वचित्क्षुद्र पुङ्खानुपुङ्खप्रसङ्गंसमुच्चाटयन्तं भजामो गुहं तम् ॥ ४५॥

kvacidbhūtasaṅgaṃ kvacitpretasaṅgaṃkvacidvyādhisaṅgaṃ kvaciddhātusaṅgam |kvacitkṣudra puṅkhānupuṅkhaprasaṅgaṃsamuccāṭayantaṃ bhajāmo guhaṃ tam || 45||

भवानेव पाता भवानेव नेताभवानेव दाता भवान् दुःखहर्ता ।इति त्वत्कटाक्षं प्रतीक्ष्याऽऽवसामसहस्वापराधं कृपापारसिन्धो ॥ ४६॥

bhavāneva pātā bhavāneva netābhavāneva dātā bhavān duḥkhahartā |iti tvatkaṭākṣaṃ pratīkṣyā''vasāmasahasvāparādhaṃ kṛpāpārasindho || 46||

न मन्यामहे त्वत्पदाब्जात्सुधन्यंनचान्यं भजामो न चान्यं नमामः ।त्वया पालनीया वयं पालकत्वंसमस्तं सुराणां तवास्ते व हस्ते ॥ ४७॥

na manyāmahe tvatpadābjātsudhanyaṃnacānyaṃ bhajāmo na cānyaṃ namāmaḥ |tvayā pālanīyā vayaṃ pālakatvaṃsamastaṃ surāṇāṃ tavāste va haste || 47||

त्वमेवास्य कर्ता त्वमेवास्य धर्तात्वमेवास्य भर्ता त्वदन्यं न यामः ।भवाम्भोधिमग्ना दयाम्भोनिधे नःसमुद्धर्तुमर्हस्यतोऽप्यर्हणीयः ॥ ४८॥

tvamevāsya kartā tvamevāsya dhartātvamevāsya bhartā tvadanyaṃ na yāmaḥ |bhavāmbhodhimagnā dayāmbhonidhe naḥsamuddhartumarhasyato'pyarhaṇīyaḥ || 48||

बलारे किरीटं गृहाणाच्युतेमंगृहाणातपत्रं विधे हारजलम् ।इति प्रौढवाचं वदन्तं निवेशंजनन्या विशन्तं भजामोऽनुयामः ॥ ४९॥

balāre kirīṭaṃ gṛhāṇācyutemaṃgṛhāṇātapatraṃ vidhe hārajalam |iti prauḍhavācaṃ vadantaṃ niveśaṃjananyā viśantaṃ bhajāmo'nuyāmaḥ || 49||

भवत्पादतोऽन्यन्नहि प्रार्थयामःभवे भक्तितोऽन्यत् क्वचिन्नार्थयामः ।त्वया शिक्षणीया उतारक्षणीयात्वयोपेक्षणीया न वा मोक्षणीया ॥ ५०॥

bhavatpādato'nyannahi prārthayāmaḥbhave bhaktito'nyat kvacinnārthayāmaḥ |tvayā śikṣaṇīyā utārakṣaṇīyātvayopekṣaṇīyā na vā mokṣaṇīyā || 50||

पिता त्वं गुरुस्त्वं च माता च नित्यंक्षुधार्ता भवर्तिप्रपन्नाः स्म दीनाः ।कटाक्षावलोकेऽप्युपेक्षा यदिस्याद्गतिः का सुराणां विभो भूसुराणाम् ॥ ५१॥

pitā tvaṃ gurustvaṃ ca mātā ca nityaṃkṣudhārtā bhavartiprapannāḥ sma dīnāḥ |kaṭākṣāvaloke'pyupekṣā yadisyādgatiḥ kā surāṇāṃ vibho bhūsurāṇām || 51||

(फलम्)भुजङ्गं पठन् यः कुमारस्य नित्यंस भुक्तः समुक्तः स वै मुक्तियुक्तः ।सुपुत्रैः कलत्रैश्च मित्रैश्च युक्तोलभेत श्रियं चारु भाग्यैर्वरैश्च ॥ ५२॥

(phalam)bhujaṅgaṃ paṭhan yaḥ kumārasya nityaṃsa bhuktaḥ samuktaḥ sa vai muktiyuktaḥ |suputraiḥ kalatraiśca mitraiśca yuktolabheta śriyaṃ cāru bhāgyairvaraiśca || 52||

॥ इति शिवरहस्यान्तर्गते देवैः कृतं कुमारभुजङ्गप्रयातस्तोत्रं सम्पूर्णम् ॥॥ श्रीशिवरहस्यम् । ईशाख्यः द्वादशमांशः । अध्यायः २३ (भुजङ्गकथनम्) शिवसमागमः । ३०५२ ॥

|| iti śivarahasyāntargate devaiḥ kṛtaṃ kumārabhujaṅgaprayātastotraṃ sampūrṇam |||| śrīśivarahasyam | īśākhyaḥ dvādaśamāṃśaḥ | adhyāyaḥ 23 (bhujaṅgakathanam) śivasamāgamaḥ | 3052 ||

– ॥ श्रीशिवरहस्यम् ।ईशाख्यः द्वादशमांशः ।अध्यायः २३ (भुजन्गकथनम्) शिवसमागमः ।३०-५२ ॥

– || śrīśivarahasyam |īśākhyaḥ dvādaśamāṃśaḥ |adhyāyaḥ 23 (bhujangakathanam) śivasamāgamaḥ | 30-52 ||