त्रयोदश्याःप्रदोषकालेशिवध्यानम् त्रयोदश्याः प्रदोषकाले Trayodashyah Pradoshakale Shiva Dhyanam

(शिवरहस्यान्तर्गते महादेवाख्ये)शिवपार्वतीसंवादेनवशक्तिमये रम्ये ध्यायेद्देवमुमापतिम् ।चन्द्रकोटिप्रतीकाशसोमचूडविलोचनम् ॥ १७॥

(śivarahasyāntargate mahādevākhye)śivapārvatīsaṃvādenavaśaktimaye ramye dhyāyeddevamumāpatim |candrakoṭipratīkāśasomacūḍavilocanam || 17||

आपिङ्गलजटाजूट रत्नमौलिविराजितम् ।नीलग्रीवमुदाराङ्गं नागहारोपशोभितम् ॥ १८॥

āpiṅgalajaṭājūṭa ratnamaulivirājitam |nīlagrīvamudārāṅgaṃ nāgahāropaśobhitam || 18||

वरदाभयहस्तं च हरिणं च परश्वधम् ।दधानं नागवलयं केयूराङ्गदमुद्रिकम् ॥ १९॥

varadābhayahastaṃ ca hariṇaṃ ca paraśvadham |dadhānaṃ nāgavalayaṃ keyūrāṅgadamudrikam || 19||

व्याघ्रचर्मपरीधानं रत्नसिह्मासनस्थितंध्यात्वा मद्वामभागे त्वां चिन्तयेद्गिरिकन्यकाम् ।भास्वज्जपाप्रसूनाभामुद्यदर्यमसप्रभांविद्युत्पुञ्जनिभां तन्वीमार्यां नयननन्दिनीम् ॥ २१॥

vyāghracarmaparīdhānaṃ ratnasihmāsanasthitaṃdhyātvā madvāmabhāge tvāṃ cintayedgirikanyakām |bhāsvajjapāprasūnābhāmudyadaryamasaprabhāṃvidyutpuñjanibhāṃ tanvīmāryāṃ nayananandinīm || 21||

बालेन्दुशेखरस्निग्धनीलकुञ्चितकुन्तलाम् ।भृङ्गसङ्घातरुचिरनीलालकविराजिताम् ॥ २२॥

bālenduśekharasnigdhanīlakuñcitakuntalām |bhṛṅgasaṅghātaruciranīlālakavirājitām || 22||

मणिकुण्डलविद्योतिमुखमण्डलविभ्रमाम् ।नवकुङ्कुमपङ्काढ्य भालादर्शसुशोभिताम् ॥ २३॥

maṇikuṇḍalavidyotimukhamaṇḍalavibhramām |navakuṅkumapaṅkāḍhya bhālādarśasuśobhitām || 23||

मधुरस्मितविभ्राजदरुणाधरपल्लवाम् ।कम्बुकण्ठीं शिवामुद्यत्कुचपङ्कजकुड्मलाम् ॥ २४॥

madhurasmitavibhrājadaruṇādharapallavām |kambukaṇṭhīṃ śivāmudyatkucapaṅkajakuḍmalām || 24||

पाशाङ्कुशाभयवरैर्विलसत्करपल्लवाम् ।अनेकरत्न विलसत्कङ्कणाङ्गदमुद्रिकाम् ॥ २५॥

pāśāṅkuśābhayavarairvilasatkarapallavām |anekaratna vilasatkaṅkaṇāṅgadamudrikām || 25||

त्रिवलीविलसन्मध्यां रत्नकाञ्चीगुणान्विताम् ।रत्नामालावरधरां दिव्यचन्दनचर्चिताम् ॥ २६॥

trivalīvilasanmadhyāṃ ratnakāñcīguṇānvitām |ratnāmālāvaradharāṃ divyacandanacarcitām || 26||

दिक्पालवनितामौलिसन्नताङ्घ्रिसरोरुहाम् ।रत्नसिह्मासनारूढां मन्दस्मितमुखाम्बुजाम् ॥ २७॥

dikpālavanitāmaulisannatāṅghrisaroruhām |ratnasihmāsanārūḍhāṃ mandasmitamukhāmbujām || 27||

॥ इति शिवरहस्यान्तर्गते त्रयोदश्याः प्रदोषकाले शिवध्यानं सम्पूर्णम् ॥॥ श्रीशिवरहस्यम् । महादेवाख्यः एकादशमांशः । अध्यायः ३० त्रयोदशी प्रदोष पूजाकथनम् । १७२७॥

|| iti śivarahasyāntargate trayodaśyāḥ pradoṣakāle śivadhyānaṃ sampūrṇam |||| śrīśivarahasyam | mahādevākhyaḥ ekādaśamāṃśaḥ | adhyāyaḥ 30 trayodaśī pradoṣa pūjākathanam | 1727||

– ॥ श्रीशिवरहस्यम् ।महादेवाख्यः एकादशमांशः ।अध्यायः ३० त्रयोदशी प्रदोष पूजाकथनम् ।१७-२७॥

– || śrīśivarahasyam |mahādevākhyaḥ ekādaśamāṃśaḥ |adhyāyaḥ 30 trayodaśī pradoṣa pūjākathanam | 17-27||