शिवस्तुतिः त्रयोदश्याः प्रदोषकाले Trayodashyah Pradoshakale Shiva Stuti

(शिवरहस्यान्तर्गते महादेवाख्ये)शिवपार्वतीसंवादेजय जय विश्वविधान दक्षशिक्षजय जय सर्वसुराधिनाथ शम्भो ।जय जय चारुशशाङ्कभालमौलेजय जय कालकलाविहीनदेह ॥ ६४॥

(śivarahasyāntargate mahādevākhye)śivapārvatīsaṃvādejaya jaya viśvavidhāna dakṣaśikṣajaya jaya sarvasurādhinātha śambho |jaya jaya cāruśaśāṅkabhālamaulejaya jaya kālakalāvihīnadeha || 64||

जय जय कालकलाविहीनदेहजय जय कालमहान्धकासुरारे ।जय जय सामगणादिगण्यमूर्तेजय जय पुण्यफलप्रदोरुविश्वमूर्ते ॥ ६५॥

jaya jaya kālakalāvihīnadehajaya jaya kālamahāndhakāsurāre |jaya jaya sāmagaṇādigaṇyamūrtejaya jaya puṇyaphalapradoruviśvamūrte || 65||

जय जय सोम दिनेश वह्निदृष्टेजय जय नीलगल प्रसीद शम्भो ।जय जय दुरितान्धकासुरारेजय जय विष्णुहराजमृग्यमूर्ते ॥ ६६॥

jaya jaya soma dineśa vahnidṛṣṭejaya jaya nīlagala prasīda śambho |jaya jaya duritāndhakāsurārejaya jaya viṣṇuharājamṛgyamūrte || 66||

जय जय जह्नुसुतोरुशोभिमौलेजय जय गरनीलचारुकण्ठ शूलिन् ।जय जय पङ्कजासनाच्युतेड्यजय जय पातकततिप्रणाशहेतो ॥ ६७॥

jaya jaya jahnusutoruśobhimaulejaya jaya garanīlacārukaṇṭha śūlin |jaya jaya paṅkajāsanācyuteḍyajaya jaya pātakatatipraṇāśaheto || 67||

जय जय कामितसर्वदस्त्वमीशजय जय विश्वपते प्रसीद मह्यम् ।जय जय सामज चर्मवस्त्र शम्भोअनृणं मां कुरु देवमानुषादिमार्गे ॥ ६८॥

jaya jaya kāmitasarvadastvamīśajaya jaya viśvapate prasīda mahyam |jaya jaya sāmaja carmavastra śambhoanṛṇaṃ māṃ kuru devamānuṣādimārge || 68||

॥ इति शिवरहस्यान्तर्गते त्रयोदश्याः प्रदोषकाले शिवस्तुतिः सम्पूर्णा ॥॥ श्रीशिवरहस्यम् । महादेवाख्यः एकादशमांशः । अध्यायः ३० त्रयोदशी प्रदोष पूजाकथनम् । ६४६८॥

|| iti śivarahasyāntargate trayodaśyāḥ pradoṣakāle śivastutiḥ sampūrṇā |||| śrīśivarahasyam | mahādevākhyaḥ ekādaśamāṃśaḥ | adhyāyaḥ 30 trayodaśī pradoṣa pūjākathanam | 6468||

– ॥ श्रीशिवरहस्यम् ।महादेवाख्यः एकादशमांशः ।अध्यायः ३० त्रयोदशी प्रदोष पूजाकथनम् ।६४-६८॥

– || śrīśivarahasyam |mahādevākhyaḥ ekādaśamāṃśaḥ |adhyāyaḥ 30 trayodaśī pradoṣa pūjākathanam | 64-68||