शिवस्तुतिः सुन्दरकृता १ Sundarakrita Shiva Stuti

(शिवरहस्यान्तर्गते सदाशिवाख्ये)सुन्दरः उवाच ।नाकनायक विनायकस्तुत गरलभक्षक हारतक्षककुक्षिसंस्थितलोकरक्षक वीक्षणक्षण(क्षत मन्मथान्तक ।पाकमुनिसुतजीवदायक हस्तशस्तविरिञ्चिमस्तकपाहि मामखिलपातकान्तक देव देव भवाम्बुधेः ॥ ३७॥

(śivarahasyāntargate sadāśivākhye)sundaraḥ uvāca |nākanāyaka vināyakastuta garalabhakṣaka hāratakṣakakukṣisaṃsthitalokarakṣaka vīkṣaṇakṣaṇa(kṣata manmathāntaka |pākamunisutajīvadāyaka hastaśastaviriñcimastakapāhi māmakhilapātakāntaka deva deva bhavāmbudheḥ || 37||

सुखतारकाव मदुन्मुखप्रभ पार्श्वषण्मुखदुःखभर्जक सर्गसर्जक तर्जितासुर गर्जनोर्जितवर्जिताखिलपाप तापनिवारकाव मखोन्मुखोत्सुक लेखशिक्षक गाङ्गतुङ्गजटोत्तमाङ्गसुसङ्ग बालकुरङ्ग किणधरलिङ्गसङ्ग भस्मधूसरिताङ्गाहस्करारुणितेक्षण क्षतपापस्मर तस्करोत्तमधनप्रभूत्तम कन्धरेश्वर भूरथस्थित चन्द्रखण्डशिरोमणे ॥ ३८॥

sukhatārakāva madunmukhaprabha pārśvaṣaṇmukhaduḥkhabharjaka sargasarjaka tarjitāsura garjanorjitavarjitākhilapāpa tāpanivārakāva makhonmukhotsuka lekhaśikṣaka gāṅgatuṅgajaṭottamāṅgasusaṅga bālakuraṅga kiṇadharaliṅgasaṅga bhasmadhūsaritāṅgāhaskarāruṇitekṣaṇa kṣatapāpasmara taskarottamadhanaprabhūttama kandhareśvara bhūrathasthita candrakhaṇḍaśiromaṇe || 38||

गजचर्मवर्म चराचरास्थित विष्णुचक्रविदायकपञ्चवक्त्र चतुर्मुखस्तुत छन्द साङ्गणदायक छादिताखिलविश्व जगज्जन्मस्थितिविनाशनाव जञ्जपूक वरप्रदायक ॥ ३९॥

gajacarmavarma carācarāsthita viṣṇucakravidāyakapañcavaktra caturmukhastuta chanda sāṅgaṇadāyaka chāditākhilaviśva jagajjanmasthitivināśanāva jañjapūka varapradāyaka || 39||

झणझण इव(नव) नूपुरोत्तमपादपङ्कज टङ्ककर हरदेवतटिनीजूट जठरीलोक कुण्ठितपापवृन्द विकुण्डपूजितपादमृड हर डमरुध्वाननदित भुवनडम्बर कुण्डलीश्वर कुण्डलप्रियचण्डभानुसुतार्तिदायक मण्डलीकृतपर्वताधिप चण्डदण्डितवैरिपुरवरखण्डनोद्धतकाण्ड गुरुतरमुण्डषण्डविराजितेश्वरखाण्डवाशनलोचन ॥ ४०॥

jhaṇajhaṇa iva(nava) nūpurottamapādapaṅkaja ṭaṅkakara haradevataṭinījūṭa jaṭharīloka kuṇṭhitapāpavṛnda vikuṇḍapūjitapādamṛḍa hara ḍamarudhvānanadita bhuvanaḍambara kuṇḍalīśvara kuṇḍalapriyacaṇḍabhānusutārtidāyaka maṇḍalīkṛtaparvatādhipa caṇḍadaṇḍitavairipuravarakhaṇḍanoddhatakāṇḍa gurutaramuṇḍaṣaṇḍavirājiteśvarakhāṇḍavāśanalocana || 40||

पुण्डरीकत्वचाविभूषित वेतण्डवरशुण्डगुरुरम्यभुजदण्ड धारितवरकोदण्ड पण्डितोत्तम भण्डजन हर कर्मकाण्डनिषूदन भक्तिदृढतरमुक्तिदायक (दृढतरभक्तिमुक्तिदायक) गूढपाद्वर, मूढजनतागाढहृत्तमोभेदकार्क ॥ ४१॥

puṇḍarīkatvacāvibhūṣita vetaṇḍavaraśuṇḍagururamyabhujadaṇḍa dhāritavarakodaṇḍa paṇḍitottama bhaṇḍajana hara karmakāṇḍaniṣūdana bhaktidṛḍhataramuktidāyaka (dṛḍhatarabhaktimuktidāyaka) gūḍhapādvara, mūḍhajanatāgāḍhahṛttamobhedakārka || 41||

विभूषणीकृतपन्नगेश्वर नगोत्तमवास गुणगणनन्दितानन ताम्यमानभवस्थितावन, ताम्रसंस्थित, तस्कराधिप, दीनसदयसनाथनाथितमन्मथान्तक दन्दशूकफणामणिद्युतिरञ्जिताङ्ग दारिद्र(दारिद्र्य)नाशक, देव देव दयानिधे ॥ ४२॥

vibhūṣaṇīkṛtapannageśvara nagottamavāsa guṇagaṇananditānana tāmyamānabhavasthitāvana, tāmrasaṃsthita, taskarādhipa, dīnasadayasanāthanāthitamanmathāntaka dandaśūkaphaṇāmaṇidyutirañjitāṅga dāridra(dāridrya)nāśaka, deva deva dayānidhe || 42||

मानवाद्य (मामवाद्य) धनाधिपप्रिय धेनुपुत्र रथप्रियाध्वरशिक्षकावननायकाव विनायकप्रियवाहपूजिताम्बुजपाद नानताखिलमुक्तिदायकपापभयहर पन्नगप्रिय पत्ररथवर पूज्यमानपदाम्बुज फाणिताखिलवेदजाल फणीश्वरोत्तमबन्धमोचन बन्धुरालक बिल्वपूजितबाणलिङ्गविहारशङ्कर ॥ ४३॥

mānavādya (māmavādya) dhanādhipapriya dhenuputra rathapriyādhvaraśikṣakāvananāyakāva vināyakapriyavāhapūjitāmbujapāda nānatākhilamuktidāyakapāpabhayahara pannagapriya patrarathavara pūjyamānapadāmbuja phāṇitākhilavedajāla phaṇīśvarottamabandhamocana bandhurālaka bilvapūjitabāṇaliṅgavihāraśaṅkara || 43||

भद्रदायक भस्मभूषित भक्तिदायक भीम भूम महेश्वरेश्वरमन्मथान्तक विश्वसृग्वर हस्तशस्तकमस्तक यक्षपक्षविवर्जितक्षण यक्ष्मरोगविनाशक राजराजकलाविराजितमस्तकसर्वदेवललाम सोम भवहर भीमलोचन लालितोत्तम हस्तशूलसलीलकीलितविश्वक ॥ ४४॥

bhadradāyaka bhasmabhūṣita bhaktidāyaka bhīma bhūma maheśvareśvaramanmathāntaka viśvasṛgvara hastaśastakamastaka yakṣapakṣavivarjitakṣaṇa yakṣmarogavināśaka rājarājakalāvirājitamastakasarvadevalalāma soma bhavahara bhīmalocana lālitottama hastaśūlasalīlakīlitaviśvaka || 44||

षण्मुखस्तुत षड्जमध्यग पापपण्डविशोषण सर्वमुनिगणहृत्पाथोजविहारभृङ्गवरोत्तम । सामजप्रिय कृत्तिधारणसामसंस्तुत देव भवहर हारभूतविषोल्बण सत्फणी(णि) गणशोभित ॥ ४५॥

ṣaṇmukhastuta ṣaḍjamadhyaga pāpapaṇḍaviśoṣaṇa sarvamunigaṇahṛtpāthojavihārabhṛṅgavarottama | sāmajapriya kṛttidhāraṇasāmasaṃstuta deva bhavahara hārabhūtaviṣolbaṇa satphaṇī(ṇi) gaṇaśobhita || 45||

हावभावविलासवैभव हारिताखिलविष्टपत्रय क्षत्रियान्तकरामपूजितदक्षयज्ञविनाशनाव माम् । लोकशिक्षक भिक्षिताखिलमौनिपक्षगत्र्यक्ष जगदध्यक्ष मामव पाहि माम् । पाहिमामखिलार्तिनाशन हेमहेश्वर किङ्करस्तव शङ्करोऽपि भवेद्वरदयेक्षणात् ॥ ४६॥

hāvabhāvavilāsavaibhava hāritākhilaviṣṭapatraya kṣatriyāntakarāmapūjitadakṣayajñavināśanāva mām | lokaśikṣaka bhikṣitākhilamaunipakṣagatryakṣa jagadadhyakṣa māmava pāhi mām | pāhimāmakhilārtināśana hemaheśvara kiṅkarastava śaṅkaro'pi bhavedvaradayekṣaṇāt || 46||

रक्ष मां शिव त्र्यक्ष रक्षक पक्षपातदृशा पाहि मां तवापराधिनंभवमूढं धाष्टर्यपरायणम् । या तवाप्यधिवक्तृता शिव महेश्वर पाहिमामवाङ्मनोविषयानतेः स्तुतिरियं श्रुतिमौलिजैः । भक्तितःशशिशेखर महेश्वरेश्वर पाहि माम् ॥ ४७॥

rakṣa māṃ śiva tryakṣa rakṣaka pakṣapātadṛśā pāhi māṃ tavāparādhinaṃbhavamūḍhaṃ dhāṣṭaryaparāyaṇam | yā tavāpyadhivaktṛtā śiva maheśvara pāhimāmavāṅmanoviṣayānateḥ stutiriyaṃ śrutimaulijaiḥ | bhaktitaḥśaśiśekhara maheśvareśvara pāhi mām || 47||

॥ इति शिवरहस्यान्तर्गते सुन्दरकृता शिवस्तुतिः सम्पूर्णा ॥॥ श्रीशिवरहस्यम् । सदाशिवाख्यः नवमांशः । अध्यायः १८ सुन्दरस्यशापः । ३७४७॥

|| iti śivarahasyāntargate sundarakṛtā śivastutiḥ sampūrṇā |||| śrīśivarahasyam | sadāśivākhyaḥ navamāṃśaḥ | adhyāyaḥ 18 sundarasyaśāpaḥ | 3747||

– ॥ श्रीशिवरहस्यम् ।सदाशिवाख्यः नवमांशः ।अध्यायः १८ सुन्दरस्यशापः ।३७-४७॥

– || śrīśivarahasyam |sadāśivākhyaḥ navamāṃśaḥ |adhyāyaḥ 18 sundarasyaśāpaḥ | 37-47||