शिवाष्टकम् स्कन्दकृतं Skandakritam Shiva Ashtakam

जय जय मङ्गलतरसुन्दरतममङ्गलापतेजय जय विश्वविधानसंस्थितिनिध(धा)नशिक्षणचणबन्धुतरसुन्दर(सिन्धुर)वरकृत्तिवसन मुनिवृन्दविनुतनिन्दितमखसंहृते सुरनन्दितगणपुरमारकभवशोषणगरलाशन शमनभयकम्पितमुनिपोतकशरणअरुणाधिपकरुणाकर जनतारणतरणिस्थितसुरकारणमारशोषण त्रिगुणनिगमगणपोषणचरणशरणं भव शरणं भव शरणं भव दयया ॥ १॥

jaya jaya maṅgalatarasundaratamamaṅgalāpatejaya jaya viśvavidhānasaṃsthitinidha(dhā)naśikṣaṇacaṇabandhutarasundara(sindhura)varakṛttivasana munivṛndavinutaninditamakhasaṃhṛte surananditagaṇapuramārakabhavaśoṣaṇagaralāśana śamanabhayakampitamunipotakaśaraṇaaruṇādhipakaruṇākara janatāraṇataraṇisthitasurakāraṇamāraśoṣaṇa triguṇanigamagaṇapoṣaṇacaraṇaśaraṇaṃ bhava śaraṇaṃ bhava śaraṇaṃ bhava dayayā || 1||

निगमागमवचनातिग यमिमानसगगनान्तरवयुनस्थितिसुरकारण मारशोषणभवनाशन वरहारक दहनामलनयनमननातिग वृषवाहनगमन भवनाशन वसिताशकसुरभूसुरनिकरावन पितृकाननविहृते दहराकृतिकुहरातिगवरभूधरशयन खरशीतजकरसंस्थित मुरभेदनशरधारणपुरनाशन निगमव्रजतुरगोत्तम उरगाधिपकृतशिञ्जनिवरकार्मुकमृगधृक् कुलिशायुधमुखदैवतभटरक्षणचतुरशरणं भव शरणं भव शरणं भव दयया ॥ २॥

nigamāgamavacanātiga yamimānasagaganāntaravayunasthitisurakāraṇa māraśoṣaṇabhavanāśana varahāraka dahanāmalanayanamananātiga vṛṣavāhanagamana bhavanāśana vasitāśakasurabhūsuranikarāvana pitṛkānanavihṛte daharākṛtikuharātigavarabhūdharaśayana kharaśītajakarasaṃsthita murabhedanaśaradhāraṇapuranāśana nigamavrajaturagottama uragādhipakṛtaśiñjanivarakārmukamṛgadhṛk kuliśāyudhamukhadaivatabhaṭarakṣaṇacaturaśaraṇaṃ bhava śaraṇaṃ bhava śaraṇaṃ bhava dayayā || 2||

दहनानिलतपनामरवरभूसुर जलनायकशमनाकृतविनतेकलिताखिलचरजङ्गम जगतामवन (जनतावन)जननादिक ललितोत्तमचरित भरितानतवरतात जनतापहृतेविनतात्मजवाहनार्चन जनितातुलदययाविकचाम्बुजनिभलोचनरथसंवहनप्रदविधिमौलिजफलकामलशयभूषित भगवन्पवनानलवलमारणबलशोषण तृणचालनमपि कृतेकृणुते न हि निखिलागमशिरसंस्तुतचरितशरणं भव शरणं भव शरणं भव दयया ॥ ३॥

dahanānilatapanāmaravarabhūsura jalanāyakaśamanākṛtavinatekalitākhilacarajaṅgama jagatāmavana (janatāvana)jananādika lalitottamacarita bharitānatavaratāta janatāpahṛtevinatātmajavāhanārcana janitātuladayayāvikacāmbujanibhalocanarathasaṃvahanapradavidhimaulijaphalakāmalaśayabhūṣita bhagavanpavanānalavalamāraṇabalaśoṣaṇa tṛṇacālanamapi kṛtekṛṇute na hi nikhilāgamaśirasaṃstutacaritaśaraṇaṃ bhava śaraṇaṃ bhava śaraṇaṃ bhava dayayā || 3||

व(क)रुणालयमथनोद्भवगरलोत्थितमहसा सुरकिन्नरहरवलानहरिसायकरभसा(सुरकिन्नरहरवग्लनहरिसायकरभसा, सुरकिन्नरपरिपालनहरिसायकरभसा)कवलीकृतगरसम्भवनलिनामलशुभकन्धर जलदोपम भगवन्मधुमारणनयनामलनलिनार्चितपदपङ्कजलुलिताम्बुधिचुलुकीकृतघटसम्भवनुतितोषितयतिमानसवरभूषण फणिकङ्कण भगवन्दुरितापह चलितामलललितेन्दुकलालवविमलीकृतजगतेशरणं भव शरणं भव शरणं भव दयया ॥ ४॥

va(ka)ruṇālayamathanodbhavagaralotthitamahasā surakinnaraharavalānaharisāyakarabhasā(surakinnaraharavaglanaharisāyakarabhasā, surakinnaraparipālanaharisāyakarabhasā)kavalīkṛtagarasambhavanalināmalaśubhakandhara jaladopama bhagavanmadhumāraṇanayanāmalanalinārcitapadapaṅkajalulitāmbudhiculukīkṛtaghaṭasambhavanutitoṣitayatimānasavarabhūṣaṇa phaṇikaṅkaṇa bhagavanduritāpaha calitāmalalalitendukalālavavimalīkṛtajagateśaraṇaṃ bhava śaraṇaṃ bhava śaraṇaṃ bhava dayayā || 4||

मखसन्मुखहवनाशन मुखतर्पितहविभक्षण विबुधव्रजनलिनोत्थितमहिमातिग परिपूजनरहितातुलमन्युकृतेमननोत्थितगणगर्जनपरितर्जनसुरभर्जन विधिनन्दनकृतशिक्षणपरिपूरितदुरिवान्तक गजमारणकरणअगजाधिप भुजगाधिपशयनार्पित विधिमौलिजकलितस्रजबलभिन्मतभगदैवतनयनाम्बुजनाशकृतेशरणं भव शरणं भव शरणं भव दयया ॥ ५॥

makhasanmukhahavanāśana mukhatarpitahavibhakṣaṇa vibudhavrajanalinotthitamahimātiga paripūjanarahitātulamanyukṛtemananotthitagaṇagarjanaparitarjanasurabharjana vidhinandanakṛtaśikṣaṇaparipūritadurivāntaka gajamāraṇakaraṇaagajādhipa bhujagādhipaśayanārpita vidhimaulijakalitasrajabalabhinmatabhagadaivatanayanāmbujanāśakṛteśaraṇaṃ bhava śaraṇaṃ bhava śaraṇaṃ bhava dayayā || 5||

जटिलालक मृगनायकमदपाटन जनिताम्बरकटिशोभितव(त)टसंस्थित निगमागमभटगोषक(घोषित) सुरनायकत्रुटिताखिलजगदुद्भवघटकर्पर हरिशर(हरिसायक) ((बल))कर्षण पुरदाहन भगवन्पटुताकृतिनिखिलस्थितिकटुकीभव(कृत)जलधेभवदागमजगदुद्गम(द्भव)जलदालयवहनत्रिपुरान्तक शमितान्तक शमितान्धक शमिताखिलदुःख विभोशरणं भव शरणं भव शरणं भव दयया ॥ ६॥

jaṭilālaka mṛganāyakamadapāṭana janitāmbarakaṭiśobhitava(ta)ṭasaṃsthita nigamāgamabhaṭagoṣaka(ghoṣita) suranāyakatruṭitākhilajagadudbhavaghaṭakarpara hariśara(harisāyaka) ((bala))karṣaṇa puradāhana bhagavanpaṭutākṛtinikhilasthitikaṭukībhava(kṛta)jaladhebhavadāgamajagadudgama(dbhava)jaladālayavahanatripurāntaka śamitāntaka śamitāndhaka śamitākhiladuḥkha vibhośaraṇaṃ bhava śaraṇaṃ bhava śaraṇaṃ bhava dayayā || 6||

पवनाशनमणिकङ्कणगरलाशन मधुसूदनबलनाशन यमुनानुजभवनाशनसिकताशनतनयामल गणसत्तम गुणबन्धुर हृदयानन मुनिसत्तमविनुतगण(गुण)गर्जितवदनायित शशिधामककृतनेत्रकउडुनायकशिखरामर वरनायककुमुदाकरसमुदायजततलोचन द्विरदाननसुतहर्षदतरुणेन्दुललाममसृणारुणनखजोत्पल कलिकायितसुरजालकमकुटीतटघटिताम्बुजपादशरणं भव शरणं भव शरणं भव दयया ॥ ७॥

pavanāśanamaṇikaṅkaṇagaralāśana madhusūdanabalanāśana yamunānujabhavanāśanasikatāśanatanayāmala gaṇasattama guṇabandhura hṛdayānana munisattamavinutagaṇa(guṇa)garjitavadanāyita śaśidhāmakakṛtanetrakauḍunāyakaśikharāmara varanāyakakumudākarasamudāyajatatalocana dviradānanasutaharṣadataruṇendulalāmamasṛṇāruṇanakhajotpala kalikāyitasurajālakamakuṭītaṭaghaṭitāmbujapādaśaraṇaṃ bhava śaraṇaṃ bhava śaraṇaṃ bhava dayayā || 7||

अखिलाण्डजशुकतुण्डजघटनोत्थित मधुरायितसुखतन्द्रिजरससारसपदनामजमुनिगीतविनोद कनकाम्बुजजनिताखिलजग(जन)खण्डनयमदण्डन शशिखण्डन कलितामलशिरसेमृदुमण्डित उरगेश्वरकृतकुण्डलविधिखण्डनशिखण्डवरलोचन (शिखिडम्बरकृतलोचन) वडवानलकृतजिह्वकशिखिवाहनकृतबोधन श्रुतिमण्डलशिरसेपुरदण्डन नगकोदण्डजहरिशरकर्षणाखण्डलकरभञ्जनमुनिमण्डलकृतरक्षणखण्डपरशो तण्डुनन्दिगणभृङ्गिचण्डिकृततालमद्दलजघुङ्घुमध्वनि((ज))मड्डुघर्घरितरङ्गनाट्यपर जह्नुजाविततनीरतीरविलसच्छिवलिङ्गशरणं भव शरणं भव शरणं भव दयया ॥ ८॥

akhilāṇḍajaśukatuṇḍajaghaṭanotthita madhurāyitasukhatandrijarasasārasapadanāmajamunigītavinoda kanakāmbujajanitākhilajaga(jana)khaṇḍanayamadaṇḍana śaśikhaṇḍana kalitāmalaśirasemṛdumaṇḍita urageśvarakṛtakuṇḍalavidhikhaṇḍanaśikhaṇḍavaralocana (śikhiḍambarakṛtalocana) vaḍavānalakṛtajihvakaśikhivāhanakṛtabodhana śrutimaṇḍalaśirasepuradaṇḍana nagakodaṇḍajahariśarakarṣaṇākhaṇḍalakarabhañjanamunimaṇḍalakṛtarakṣaṇakhaṇḍaparaśo taṇḍunandigaṇabhṛṅgicaṇḍikṛtatālamaddalajaghuṅghumadhvani((ja))maḍḍughargharitaraṅganāṭyapara jahnujāvitatanīratīravilasacchivaliṅgaśaraṇaṃ bhava śaraṇaṃ bhava śaraṇaṃ bhava dayayā || 8||

॥ इति शिवरहस्यान्तर्गते माहेश्वराख्ये स्कन्दकृतं शिवाष्टकम् ॥॥ श्रीशिवरहस्यम् । माहेश्वराख्यः प्रथमांशः । अध्यायः १० । ३१०॥

|| iti śivarahasyāntargate māheśvarākhye skandakṛtaṃ śivāṣṭakam |||| śrīśivarahasyam | māheśvarākhyaḥ prathamāṃśaḥ | adhyāyaḥ 10 | 310||

– ॥ श्रीशिवरहस्यम् ।माहेश्वराख्यः प्रथमांशः ।अध्यायः १० ।३-१०॥

– || śrīśivarahasyam |māheśvarākhyaḥ prathamāṃśaḥ |adhyāyaḥ 10 | 3-10||