शिवस्तोत्रम् (शुक्राचार्यकृतं ब्रह्माण्डपुराणान्तर्गतम् तदा तिर्यक्स्थितस्त्वेवं तुष्टुवे नीललोहितम्) Shukracharyakritam Shiva Stotram

तदा तिर्यक्स्थितस्त्वेवं तुष्टुवे नीललोहितम् ।शुक्र उवाच ।नमोऽस्तु शितिकण्ठाय सुराद्याय सुवर्चसे ॥ २, ७२\।१६३॥लेलिहानाय लेह्याय वत्सराय जगत्पते ।कपर्दिने ह्यूर्द्ध्वरोम्णे हर्यक्षवरदाय च ॥ २, ७२\।१६४॥संस्तुताय सुतीर्थाय देवदेवाय रंहसे ।उष्णीषिणे सुवक्त्राय सहस्राक्षाय मीढुषे ॥ २, ७२\।१६५॥वसुरेताय रुद्राय तपसे चीरवाससे ।निःस्वाय मुक्तकेशाय सेनान्ये रोहिताय च ॥ २, ७२\।१६६॥कवये राजवृद्धाय तक्षकक्रीडनाय च ।गिरिशायार्कनेत्राय यतये चाज्यपाय च ॥ २, ७२\।१६७॥सुवृत्ताय सुहस्ताय धन्विने भार्गवाय च ।सहस्रबाहवे चैव सहस्रामलचक्षुषे ॥ २, ७२\।१६८॥सहस्रकुक्षये चैव सहस्रचरणाय च ।सहस्रशिरसे चैव बहुरूपाय वेधसे ॥ २, ७२\।१६९॥भवाय विश्वरूपाय श्वेताय पुरुषाय च ।निषङ्गिणे कवचिने सूक्ष्माय क्षपणाय च ॥ २, ७२\।१७०॥ताम्राय चैव भीमाय उग्राय च शिवाय च ।महादेवाय सर्वाय विश्वरूपशिवाय च ॥ २, ७२\।१७१॥हिरण्याय वसिष्ठाय वर्षाय मध्यमाय च ।धाम्ने चैव पिशङ्गाय पिङ्गलायारुणाय च ॥ २, ७२\।१७२॥पिनाकिने चेषुमते चित्राय रोहिताय च ।दुन्दुभ्यायैकपादाय अर्हाय बुद्धये तथा ।मृगव्याधाय सर्वाय स्थाणवे भीषणाय च ॥ २, ७२\।१७३॥बहुरूपाय चोग्राय त्रिनेत्रायेश्वराय च ।कपिलायैकवीराय मृत्यवे त्र्यम्बकाय च ॥ २, ७२\।१७४॥वास्तोष्पते पिनाकाय शङ्कराय शिवाय च ।आरण्याय गृहस्थाय यतिने बह्मचारिणे ॥ २, ७२\।१७५॥साङ्ख्याय चैव योगाय ध्यानिने दीक्षिताय च ।अन्तर्हिताय सर्वाय तप्याय व्यापिने तथा ॥ २, ७२\।१७६॥बुद्धाय चैव शुद्धाय मुक्ताय केवलाय च ।रोधसे चैकितानाय ब्रह्मिष्ठाय महर्षये ॥ २, ७२\।१७७॥चतुष्पादाय मेध्याय वर्मिणे शीघ्रगाय च ।शिखण्डिने कपालाय दण्डिने विश्वमेधसे ॥ २, ७२\।१७८॥अप्रतीताय दीप्ताय भास्कराय सुमेधसे ।क्रूराय विकृतायैव बीभत्साय शिवाय च ॥ २, ७२\।१७९॥शुचये परिधानाय सद्योजाताय मृत्यवे ।पिशिताशाय शर्वाय मेघाय वैद्युताय च ॥ २, ७२\।१८०॥दक्षाय च जघन्याय लोकानामीश्वराय च ।अनामयाय चेध्माय हिरण्यायैकचक्षुषे ॥ २, ७२\।१८१॥श्रेष्ठाय वामदेवाय ईशानाय च धीमते ।महाकल्पाय दीप्ताय रोदनाय हसाय च ॥ २, ७२\।१८२॥दृढधन्विने कवचिने रथिने च वरूथिने ।भृगुनाथाय शुक्राय गह्वरिष्ठाय धीमते ॥ २, ७२\।१८३॥अमोघाय प्रशान्ताय सदा विप्रप्रियाय च ।दिग्वासः कृत्तिवासाय भगघ्नाय नमोऽस्तु ते ॥ २, ७२\।१८४॥पशूनां पतये चैव भूतानां पतये नमः ।

tadā tiryaksthitastvevaṃ tuṣṭuve nīlalohitam |śukra uvāca |namo'stu śitikaṇṭhāya surādyāya suvarcase || 2, 72\|163||lelihānāya lehyāya vatsarāya jagatpate |kapardine hyūrddhvaromṇe haryakṣavaradāya ca || 2, 72\|164||saṃstutāya sutīrthāya devadevāya raṃhase |uṣṇīṣiṇe suvaktrāya sahasrākṣāya mīḍhuṣe || 2, 72\|165||vasuretāya rudrāya tapase cīravāsase |niḥsvāya muktakeśāya senānye rohitāya ca || 2, 72\|166||kavaye rājavṛddhāya takṣakakrīḍanāya ca |giriśāyārkanetrāya yataye cājyapāya ca || 2, 72\|167||suvṛttāya suhastāya dhanvine bhārgavāya ca |sahasrabāhave caiva sahasrāmalacakṣuṣe || 2, 72\|168||sahasrakukṣaye caiva sahasracaraṇāya ca |sahasraśirase caiva bahurūpāya vedhase || 2, 72\|169||bhavāya viśvarūpāya śvetāya puruṣāya ca |niṣaṅgiṇe kavacine sūkṣmāya kṣapaṇāya ca || 2, 72\|170||tāmrāya caiva bhīmāya ugrāya ca śivāya ca |mahādevāya sarvāya viśvarūpaśivāya ca || 2, 72\|171||hiraṇyāya vasiṣṭhāya varṣāya madhyamāya ca |dhāmne caiva piśaṅgāya piṅgalāyāruṇāya ca || 2, 72\|172||pinākine ceṣumate citrāya rohitāya ca |dundubhyāyaikapādāya arhāya buddhaye tathā |mṛgavyādhāya sarvāya sthāṇave bhīṣaṇāya ca || 2, 72\|173||bahurūpāya cogrāya trinetrāyeśvarāya ca |kapilāyaikavīrāya mṛtyave tryambakāya ca || 2, 72\|174||vāstoṣpate pinākāya śaṅkarāya śivāya ca |āraṇyāya gṛhasthāya yatine bahmacāriṇe || 2, 72\|175||sāṅkhyāya caiva yogāya dhyānine dīkṣitāya ca |antarhitāya sarvāya tapyāya vyāpine tathā || 2, 72\|176||buddhāya caiva śuddhāya muktāya kevalāya ca |rodhase caikitānāya brahmiṣṭhāya maharṣaye || 2, 72\|177||catuṣpādāya medhyāya varmiṇe śīghragāya ca |śikhaṇḍine kapālāya daṇḍine viśvamedhase || 2, 72\|178||apratītāya dīptāya bhāskarāya sumedhase |krūrāya vikṛtāyaiva bībhatsāya śivāya ca || 2, 72\|179||śucaye paridhānāya sadyojātāya mṛtyave |piśitāśāya śarvāya meghāya vaidyutāya ca || 2, 72\|180||dakṣāya ca jaghanyāya lokānāmīśvarāya ca |anāmayāya cedhmāya hiraṇyāyaikacakṣuṣe || 2, 72\|181||śreṣṭhāya vāmadevāya īśānāya ca dhīmate |mahākalpāya dīptāya rodanāya hasāya ca || 2, 72\|182||dṛḍhadhanvine kavacine rathine ca varūthine |bhṛgunāthāya śukrāya gahvariṣṭhāya dhīmate || 2, 72\|183||amoghāya praśāntāya sadā viprapriyāya ca |digvāsaḥ kṛttivāsāya bhagaghnāya namo'stu te || 2, 72\|184||paśūnāṃ pataye caiva bhūtānāṃ pataye namaḥ |

प्रभवे ऋग्यजुःसाम्ने स्वाहायै च सुधाय च ॥ २, ७२\।१८५॥वषट्कारतमायैव तुभ्यं मन्त्रात्मने नमः ।

prabhave ṛgyajuḥsāmne svāhāyai ca sudhāya ca || 2, 72\|185||vaṣaṭkāratamāyaiva tubhyaṃ mantrātmane namaḥ |

स्रष्ट्रे धात्रे तथा कर्त्रे हर्त्रे च क्षपणाय च ॥ २, ७२\।१८६॥भूतभव्यभवेशाय तुभ्यं कर्मात्मने नमः ।

sraṣṭre dhātre tathā kartre hartre ca kṣapaṇāya ca || 2, 72\|186||bhūtabhavyabhaveśāya tubhyaṃ karmātmane namaḥ |

वसवे चैव साध्याय रुद्रादित्याश्विनाय च ॥ २, ७२\।१८७॥विश्वाय मरुते चैव तुभ्यं देवात्मने नमः ।

vasave caiva sādhyāya rudrādityāśvināya ca || 2, 72\|187||viśvāya marute caiva tubhyaṃ devātmane namaḥ |

अग्नीषोमविधिज्ञाय पशुमन्त्रौषधाय च ॥ २, ७२\।१८८॥दक्षिणावभृथायैव तुभ्यं यज्ञात्मने नमः ।

agnīṣomavidhijñāya paśumantrauṣadhāya ca || 2, 72\|188||dakṣiṇāvabhṛthāyaiva tubhyaṃ yajñātmane namaḥ |

तपसे चैव सत्याय त्यागाय च शमाय च ॥ २, ७२\।१८९॥अहिंसायाथ लोभाय सुवेषायानिशाय च ।सर्वभूतात्प्रभूताय तुभ्यं योगात्मने नमः ॥ २, ७२\।१९०॥पृथिव्यै चान्तरिक्षाय महसे त्रिदिवाय च ।जनस्तपाय सत्याय तुभ्यं लोकात्मने नमः ॥ २, ७२\।१९१॥अव्यक्तायाथ महते भूतायैवेन्द्रियाय च ।तन्मात्रायाथ महते तुभ्यं तत्त्वात्मने नमः ॥ २, ७२\।१९२॥नित्याय चाप्यलिङ्गाय सूक्ष्माय चेतराय च ।शुद्धाय विभवे चैव तुभ्यं नित्यात्मने नमः ॥ २, ७२\।१९३॥नमस्ते त्रिषु लोकेषु स्वरन्तेषु भुवादिषु ।सत्यान्तमहराद्येषु चतुर्षु च नमोऽस्तु ते ॥ २, ७२\।१९४॥नामस्तोत्रे मया ह्यस्मिन्यदसद्व्याहृतं प्रभो ।मद्भक्त इति ब्रह्मण्य सर्वं तत्क्षन्तुमर्हसि ॥ २, ७२\।१९५॥

tapase caiva satyāya tyāgāya ca śamāya ca || 2, 72\|189||ahiṃsāyātha lobhāya suveṣāyāniśāya ca |sarvabhūtātprabhūtāya tubhyaṃ yogātmane namaḥ || 2, 72\|190||pṛthivyai cāntarikṣāya mahase tridivāya ca |janastapāya satyāya tubhyaṃ lokātmane namaḥ || 2, 72\|191||avyaktāyātha mahate bhūtāyaivendriyāya ca |tanmātrāyātha mahate tubhyaṃ tattvātmane namaḥ || 2, 72\|192||nityāya cāpyaliṅgāya sūkṣmāya cetarāya ca |śuddhāya vibhave caiva tubhyaṃ nityātmane namaḥ || 2, 72\|193||namaste triṣu lokeṣu svaranteṣu bhuvādiṣu |satyāntamaharādyeṣu caturṣu ca namo'stu te || 2, 72\|194||nāmastotre mayā hyasminyadasadvyāhṛtaṃ prabho |madbhakta iti brahmaṇya sarvaṃ tatkṣantumarhasi || 2, 72\|195||

इति श्रीब्रह्माण्डपुराणे मध्यमभागे द्विसप्ततितमाध्यायान्तर्गतंशुक्राचार्यकृतं शिवस्तोत्रं समाप्तम् ।

iti śrībrahmāṇḍapurāṇe madhyamabhāge dvisaptatitamādhyāyāntargataṃśukrācāryakṛtaṃ śivastotraṃ samāptam |

ब्रह्माण्डपुराण ।मध्यभाग ।उपोद्धात ।अध्याय ७२/१६३१९५॥

brahmāṇḍapurāṇa |madhyabhāga |upoddhāta |adhyāya 72/163195||

ब्रह्माण्डपुराण ।मध्यभाग ।उपोद्धात ।अध्याय ७२/१६३-१९५॥

brahmāṇḍapurāṇa |madhyabhāga |upoddhāta |adhyāya 72/163-195||