2 (8) Shri Shivashtottarashatanama Stotram

पार्वत्युवाचशरीरार्धमहं शम्भोर्येन प्राप्स्यामि केशव ।तदिदानीं समाचक्ष्व स्तोत्रं शीघ्रफलप्रदम् ॥नारायण उवाच ।अस्ति गुह्यतमं गौरि नाम्नामष्टोत्तरं शतम् ।शम्भोरहं प्रवक्ष्यामि पठतां शीघ्रकामदम् ॥ॐ अस्य श्रीशिवाष्टोत्तरशतदिव्यनामस्तोत्रमालामन्त्रस्य नारायणऋषिः ।अनुष्टुप्छन्दः । श्रीसदाशिवः परमात्मा देवता । गौरी उमा शक्तिः ।श्रीसाम्बसदाशिवप्रीत्यर्थे जपे विनियोगः ॥अथ ध्यानम्शान्ताकारं शिखरिशयनं नीलकण्ठं सुरेशंविश्वधारं स्फटिकसदृशं शुभ्रवर्णं शुभाङ्गम् ।गौरीकान्तं त्रितयनयनं योगिभिर्ध्यानगम्यंवन्दे शम्भुं भवभयहरं सर्वलोकैकनाथम् ॥धवलवपुषमिन्दोर्मण्डले संनिविष्टंभुजगवलयहारं भस्मदिग्धाङ्गमीशम् ।हरिणपरशुपाणिं चारुचन्द्रार्धमौलिंहृदयकमलमध्ये सन्ततं चिन्मयामि ॥श्रीविष्णुरुवाच ।ॐ शिवो महेश्वरश्शम्भुः पिनाकी शशिशेखरः ।वामदेवो विरूपाक्षः कपर्दी नीललोहितः ॥ १॥

pārvatyuvācaśarīrārdhamahaṃ śambhoryena prāpsyāmi keśava |tadidānīṃ samācakṣva stotraṃ śīghraphalapradam ||nārāyaṇa uvāca |asti guhyatamaṃ gauri nāmnāmaṣṭottaraṃ śatam |śambhorahaṃ pravakṣyāmi paṭhatāṃ śīghrakāmadam ||oṃ asya śrīśivāṣṭottaraśatadivyanāmastotramālāmantrasya nārāyaṇaṛṣiḥ |anuṣṭupchandaḥ | śrīsadāśivaḥ paramātmā devatā | gaurī umā śaktiḥ |śrīsāmbasadāśivaprītyarthe jape viniyogaḥ ||atha dhyānamśāntākāraṃ śikhariśayanaṃ nīlakaṇṭhaṃ sureśaṃviśvadhāraṃ sphaṭikasadṛśaṃ śubhravarṇaṃ śubhāṅgam |gaurīkāntaṃ tritayanayanaṃ yogibhirdhyānagamyaṃvande śambhuṃ bhavabhayaharaṃ sarvalokaikanātham ||dhavalavapuṣamindormaṇḍale saṃniviṣṭaṃbhujagavalayahāraṃ bhasmadigdhāṅgamīśam |hariṇaparaśupāṇiṃ cārucandrārdhamauliṃhṛdayakamalamadhye santataṃ cinmayāmi ||śrīviṣṇuruvāca |oṃ śivo maheśvaraśśambhuḥ pinākī śaśiśekharaḥ |vāmadevo virūpākṣaḥ kapardī nīlalohitaḥ || 1||

शङ्करश्शूलपाणिश्च खट्वाङ्गी विष्णुवल्लभः ।शिपिविष्टोऽम्बिकानाथः श्रीकण्ठो भक्तवत्सलः ॥ २॥

śaṅkaraśśūlapāṇiśca khaṭvāṅgī viṣṇuvallabhaḥ |śipiviṣṭo'mbikānāthaḥ śrīkaṇṭho bhaktavatsalaḥ || 2||

भवश्शर्वस्त्रिलोकेशश्शितिकण्ठश्शिवाप्रियः ।उग्रः कपाली कामारिरन्धकासुरसूदनः ॥ ३॥

bhavaśśarvastrilokeśaśśitikaṇṭhaśśivāpriyaḥ |ugraḥ kapālī kāmārirandhakāsurasūdanaḥ || 3||

गङ्गाधरो ललाटाक्षः कालकालः कृपानिधिः ।भीमः परशुहस्तश्च मृगपाणिर्जटाधरः ॥ ४॥

gaṅgādharo lalāṭākṣaḥ kālakālaḥ kṛpānidhiḥ |bhīmaḥ paraśuhastaśca mṛgapāṇirjaṭādharaḥ || 4||

कैलासवासी कवची कठोरस्त्रिपुरान्तकः ।वृषाङ्को वृषभारूढो भस्मोद्धूलितविग्रहः ॥ ५॥

kailāsavāsī kavacī kaṭhorastripurāntakaḥ |vṛṣāṅko vṛṣabhārūḍho bhasmoddhūlitavigrahaḥ || 5||

सामप्रियस्स्वरमयस्त्रयीमूर्तिरनीश्वरः ।सर्वज्ञः परमात्मा च सोमसूर्याग्निलोचनः ॥ ६॥

sāmapriyassvaramayastrayīmūrtiranīśvaraḥ |sarvajñaḥ paramātmā ca somasūryāgnilocanaḥ || 6||

हविर्यज्ञमयस्सोमः पञ्चवक्त्रस्सदाशिवः ।विश्वेश्वरो वीरभद्रो गणनाथः प्रजापतिः ॥ ७॥

haviryajñamayassomaḥ pañcavaktrassadāśivaḥ |viśveśvaro vīrabhadro gaṇanāthaḥ prajāpatiḥ || 7||

हिरण्यरेता दुर्धर्षः गिरीशो गिरिशोऽनघः ।भुजङ्गभूषणो भर्गो गिरिधन्वा गिरिप्रियः ॥ ८॥

hiraṇyaretā durdharṣaḥ girīśo giriśo'naghaḥ |bhujaṅgabhūṣaṇo bhargo giridhanvā giripriyaḥ || 8||

कृत्तिवासा पुरारातिर्भगवान् प्रमथाधिपः ।मृत्युञ्जयस्सूक्ष्मतनुर्जगद्व्यापी जगद्गुरुः ॥ ९॥

kṛttivāsā purārātirbhagavān pramathādhipaḥ |mṛtyuñjayassūkṣmatanurjagadvyāpī jagadguruḥ || 9||

व्योमकेशो महासेनजनकश्चारुविक्रमः ।रुद्रो भूतपतिः स्थाणुरहिर्बुध्न्यो दिगम्बरः ॥ १०॥

vyomakeśo mahāsenajanakaścāruvikramaḥ |rudro bhūtapatiḥ sthāṇurahirbudhnyo digambaraḥ || 10||

अष्टमूर्तिरनेकात्मा सात्त्विकश्शुद्धविग्रहः ।शाश्वतः खण्डपरशुरजः पाशविमोचकः ॥ ११॥

aṣṭamūrtiranekātmā sāttvikaśśuddhavigrahaḥ |śāśvataḥ khaṇḍaparaśurajaḥ pāśavimocakaḥ || 11||

मृडः पशुपतिर्देवो महादेवोऽव्ययो हरिः । (महादेवोऽव्ययः प्रभुः)पूषादन्तभिदव्यग्रो दक्षाध्वरहरो हरः ॥ १२॥

mṛḍaḥ paśupatirdevo mahādevo'vyayo hariḥ | (mahādevo'vyayaḥ prabhuḥ)pūṣādantabhidavyagro dakṣādhvaraharo haraḥ || 12||

भगनेत्रभिदव्यक्तो सहस्राक्षस्सहस्रपात् ।अपवर्गप्रदोऽनन्तस्तारकः परमेश्वरः ॥ १३॥

bhaganetrabhidavyakto sahasrākṣassahasrapāt |apavargaprado'nantastārakaḥ parameśvaraḥ || 13||

॥ इति शिवरहस्यान्तर्गते विष्णुप्रोक्तं शिवाष्टोत्तरशतनामस्तोत्रं सम्पूर्णम् ॥॥ श्रीशिवरहस्यम् । उग्राख्यः सप्तमांशः । अध्यायः १३ । २०३२१५ ॥

|| iti śivarahasyāntargate viṣṇuproktaṃ śivāṣṭottaraśatanāmastotraṃ sampūrṇam |||| śrīśivarahasyam | ugrākhyaḥ saptamāṃśaḥ | adhyāyaḥ 13 | 203215 ||

– ॥ श्रीशिवरहस्यम् । उग्राख्यः सप्तमांशः । अध्यायः १३ । २०३-२१५ ॥फलश्रुतिः ।एतदष्टोत्तरं नाम्नां शतमाम्नायसंमितम् ।(विष्णुना कथितं पूर्वं पार्वत्या इष्टसिद्धये ।)शङ्करस्य प्रिया गौरी जप्त्वा शम्भुप्रसाददम् ॥ १॥

– || śrīśivarahasyam | ugrākhyaḥ saptamāṃśaḥ | adhyāyaḥ 13 | 203-215 ||phalaśrutiḥ |etadaṣṭottaraṃ nāmnāṃ śatamāmnāyasaṃmitam |(viṣṇunā kathitaṃ pūrvaṃ pārvatyā iṣṭasiddhaye |)śaṅkarasya priyā gaurī japtvā śambhuprasādadam || 1||

त्रैकाल्यमन्वहं देवी वर्षमेकं प्रयत्नतः ।अवाप सा शरीरार्धं प्रसादाच्छूलपाणिनः ॥ २॥

traikālyamanvahaṃ devī varṣamekaṃ prayatnataḥ |avāpa sā śarīrārdhaṃ prasādācchūlapāṇinaḥ || 2||

यस्त्रिसन्ध्यं पठेन्नित्यं नाम्नामष्टोत्तरं शतम् ।शतरुद्रत्रिरावृत्या यत्फलं लभते नरः ॥ ३॥

yastrisandhyaṃ paṭhennityaṃ nāmnāmaṣṭottaraṃ śatam |śatarudratrirāvṛtyā yatphalaṃ labhate naraḥ || 3||

तत्फलं प्राप्नुयान्नित्यमेकावृत्त्या नसंशयः ।सकृद्वा नामभिः पूज्य कुलकोटिं समुद्धरेत् ॥ ४॥

tatphalaṃ prāpnuyānnityamekāvṛttyā nasaṃśayaḥ |sakṛdvā nāmabhiḥ pūjya kulakoṭiṃ samuddharet || 4||

बिल्वपत्रैः प्रशस्तैश्च पुष्पैश्च तुलसीदलैः ।तिलाक्षतैर्यजेद्यस्तु जीवन्मुक्तो न संशयः ॥ ५॥

bilvapatraiḥ praśastaiśca puṣpaiśca tulasīdalaiḥ |tilākṣatairyajedyastu jīvanmukto na saṃśayaḥ || 5||

नाम्नामेषां पशुपतेरेकमेवापवर्गदम् ।अन्येषां चावशिष्टाना फलं वक्तुं न शक्यते ॥ ६॥

nāmnāmeṣāṃ paśupaterekamevāpavargadam |anyeṣāṃ cāvaśiṣṭānā phalaṃ vaktuṃ na śakyate || 6||

इति श्रीशिवाष्टोत्तरशतदिव्यनामामृतस्तोत्रं सम्पूर्णम् ॥

iti śrīśivāṣṭottaraśatadivyanāmāmṛtastotraṃ sampūrṇam ||