मल्लिकार्जुनसुप्रभातम् Shri Mallikarjuna Suprabhatam

प्रातस्स्मरामि गणनाथमनाथबन्धुंसिन्दूरपूरपरिशोभितगण्डयुग्मम् ।उद्दण्डविघ्नपरिखण्डनचण्डदण्डमाखण्डलादिसुरनायकवृन्दवन्द्यम् ॥ १॥

prātassmarāmi gaṇanāthamanāthabandhuṃsindūrapūrapariśobhitagaṇḍayugmam |uddaṇḍavighnaparikhaṇḍanacaṇḍadaṇḍamākhaṇḍalādisuranāyakavṛndavandyam || 1||

कलाभ्यां चूडालङ्कृतशशिकलाभ्यां निजतपःफलाभ्यां भक्तेषु प्रकटितफलाभ्यां भवतु मे ।शिवाभ्यामास्तीकत्रिभुवनशिवाभ्यां हृदि पुनर्भवाभ्यामानन्दस्फुरदनुभवाभ्यां नतिरियम् ॥ २॥

kalābhyāṃ cūḍālaṅkṛtaśaśikalābhyāṃ nijatapaḥphalābhyāṃ bhakteṣu prakaṭitaphalābhyāṃ bhavatu me |śivābhyāmāstīkatribhuvanaśivābhyāṃ hṛdi punarbhavābhyāmānandasphuradanubhavābhyāṃ natiriyam || 2||

नमस्ते नमस्ते महादेव! शम्भो!नमस्ते नमस्ते दयापूर्णसिन्धो!नमस्ते नमस्ते प्रपन्नात्मबन्धो!नमस्ते नमस्ते नमस्ते महेश ॥ ३॥

namaste namaste mahādeva! śambho!namaste namaste dayāpūrṇasindho!namaste namaste prapannātmabandho!namaste namaste namaste maheśa || 3||

शश्वच्छ्रीगिरिमूर्धनि त्रिजगतां रक्षाकृतौ लक्षितांसाक्षादक्षतसत्कटाक्षसरणिश्रीमत्सुधावर्षिणीम् ।सोमार्धाङ्कितमस्तकां प्रणमतां निस्सीमसम्पत्प्रदांसुश्लोकां भ्रमराम्बिकां स्मितमुखीं शम्भोस्सखीं त्वां स्तुमः ॥ ४॥

śaśvacchrīgirimūrdhani trijagatāṃ rakṣākṛtau lakṣitāṃsākṣādakṣatasatkaṭākṣasaraṇiśrīmatsudhāvarṣiṇīm |somārdhāṅkitamastakāṃ praṇamatāṃ nissīmasampatpradāṃsuślokāṃ bhramarāmbikāṃ smitamukhīṃ śambhossakhīṃ tvāṃ stumaḥ || 4||

मातः! प्रसीद, सदया भव, भव्यशीले !लीलालवाकुलितदैत्यकुलापहारे !श्रीचक्रराजनिलये ! श्रुतिगीतकीर्ते !श्रीशैलनाथदयिते ! तव सुप्रभातम् ॥ ५॥

mātaḥ! prasīda, sadayā bhava, bhavyaśīle !līlālavākulitadaityakulāpahāre !śrīcakrarājanilaye ! śrutigītakīrte !śrīśailanāthadayite ! tava suprabhātam || 5||

शम्भो ! सुरेन्द्रनुत ! शङ्कर ! शूलपाणे !चन्द्रावतंस ! शिव ! शर्व ! पिनाकपाणे !गङ्गाधर ! क्रतुपते ! गरुडध्वजाप्त !श्रीमल्लिकार्जुन विभो ! तव सुप्रभातम् ॥ ६॥

śambho ! surendranuta ! śaṅkara ! śūlapāṇe !candrāvataṃsa ! śiva ! śarva ! pinākapāṇe !gaṅgādhara ! kratupate ! garuḍadhvajāpta !śrīmallikārjuna vibho ! tava suprabhātam || 6||

विश्वेश ! विश्वजनसेवित ! विश्वमूर्ते !विश्वम्भर ! त्रिपुरभेदन ! विश्वयोने !फालाक्ष ! भव्यगुण ! भोगिविभूषणेश !श्रीमल्लिकार्जुन विभो ! तव सुप्रभातम् ॥ ७॥

viśveśa ! viśvajanasevita ! viśvamūrte !viśvambhara ! tripurabhedana ! viśvayone !phālākṣa ! bhavyaguṇa ! bhogivibhūṣaṇeśa !śrīmallikārjuna vibho ! tava suprabhātam || 7||

कल्याणरूप ! करुणाकर ! कालकण्ठ !कल्पद्रुमप्रसवपूजित ! कामदायिन् !दुर्नीतिदैत्यदलनोद्यत ! देव देव !श्रीमल्लिकार्जुन विभो ! तव सुप्रभातम् ॥ ८॥

kalyāṇarūpa ! karuṇākara ! kālakaṇṭha !kalpadrumaprasavapūjita ! kāmadāyin !durnītidaityadalanodyata ! deva deva !śrīmallikārjuna vibho ! tava suprabhātam || 8||

गौरीमनोहर ! गणेश्वरसेविताङ्घ्रे !गन्धर्वयक्षसुरकिन्नरगीतकीर्ते !गण्डावलम्बिफणिकुण्डलमण्डितास्य !श्रीमल्लिकार्जुन विभो ! तव सुप्रभातम् ॥ ९॥

gaurīmanohara ! gaṇeśvarasevitāṅghre !gandharvayakṣasurakinnaragītakīrte !gaṇḍāvalambiphaṇikuṇḍalamaṇḍitāsya !śrīmallikārjuna vibho ! tava suprabhātam || 9||

नागेन्द्रभूषण ! निरीहित ! निर्विकार !निर्माय ! निश्चल ! निरर्गल ! नागभेदिन् ।नारायणीप्रिय ! नतेष्टद ! निर्मलात्मन् !श्रीपर्वताधिप ! विभो ! तव सुप्रभातम् ॥ १०॥

nāgendrabhūṣaṇa ! nirīhita ! nirvikāra !nirmāya ! niścala ! nirargala ! nāgabhedin |nārāyaṇīpriya ! nateṣṭada ! nirmalātman !śrīparvatādhipa ! vibho ! tava suprabhātam || 10||

सृष्टं त्वयैव जगदेतदशेषमीश !रक्षाविधिश्च विधिगोचर ! तावकीनः ।संहारशक्तिरपि शङ्कर ! किङ्करी तेश्रीशैलशेखर विभो ! तव सुप्रभातम् ॥ ११॥

sṛṣṭaṃ tvayaiva jagadetadaśeṣamīśa !rakṣāvidhiśca vidhigocara ! tāvakīnaḥ |saṃhāraśaktirapi śaṅkara ! kiṅkarī teśrīśailaśekhara vibho ! tava suprabhātam || 11||

एकस्त्वमेव बहुधा भव ! भासि लोकेनिश्शङ्कधीर्वृषभकेतन ! मल्लिनाथ !श्रीभ्रामरीप्रय ! सुखाश्रय ! लोकनाथ !श्रीशैलशेखर विभो ! तव सुप्रभातम् ॥ १२॥

ekastvameva bahudhā bhava ! bhāsi lokeniśśaṅkadhīrvṛṣabhaketana ! mallinātha !śrībhrāmarīpraya ! sukhāśraya ! lokanātha !śrīśailaśekhara vibho ! tava suprabhātam || 12||

पातालगाङ्गजलमज्जननिर्मलाङ्गाःभस्मत्रिपुण्ड्रसमलङ्कृतफालभागाः ।गायन्ति देवमुनिभक्तजना भवन्तंश्रीमल्लिकार्जुन विभो ! तव सुप्रभातम् ॥ १३॥

pātālagāṅgajalamajjananirmalāṅgāḥbhasmatripuṇḍrasamalaṅkṛtaphālabhāgāḥ |gāyanti devamunibhaktajanā bhavantaṃśrīmallikārjuna vibho ! tava suprabhātam || 13||

सारस्वताम्बुयुतभोगवतीश्रितायाःब्रह्मेशविष्णुगिरिचुम्बितकृष्णवेण्याः ।सोपानमार्गमधिरुह्य भजन्ति भक्ताःश्रीमल्लिकार्जुन विभो ! तव सुप्रभातम् ॥ १४॥

sārasvatāmbuyutabhogavatīśritāyāḥbrahmeśaviṣṇugiricumbitakṛṣṇaveṇyāḥ |sopānamārgamadhiruhya bhajanti bhaktāḥśrīmallikārjuna vibho ! tava suprabhātam || 14||

श्रीमल्लिकार्जुनमहेश्वरसुप्रभातस्तोत्रं पठन्ति भुवि ये मनुजाः प्रभाते ।ते सर्व सौख्यमनुभूय परानवाप्यंश्रीशाम्भवं पदमवाप्य मुदं लभन्ते ॥ १५॥

śrīmallikārjunamaheśvarasuprabhātastotraṃ paṭhanti bhuvi ye manujāḥ prabhāte |te sarva saukhyamanubhūya parānavāpyaṃśrīśāmbhavaṃ padamavāpya mudaṃ labhante || 15||

इति श्रीमल्लिकार्जुनसुप्रभातं सम्पूर्णम् ।

iti śrīmallikārjunasuprabhātaṃ sampūrṇam |