मल्लिकार्जुनस्तोत्रम् Shri Mallikarjuna Stotram

श्रीकण्ठादिसमस्तरुद्रनमितो वामार्धजानिः शिवःप्रालेयाचलहारहीरकुमुदक्षीराब्धितुल्यप्रभः ।विष्वक्सेनविघातमस्तमकुटीरत्नप्रभाभास्वरःश्रीमत्पर्वतमल्लिकार्जुनमहादेवः शिवो मे गतिः ॥ १॥

śrīkaṇṭhādisamastarudranamito vāmārdhajāniḥ śivaḥprāleyācalahārahīrakumudakṣīrābdhitulyaprabhaḥ |viṣvaksenavighātamastamakuṭīratnaprabhābhāsvaraḥśrīmatparvatamallikārjunamahādevaḥ śivo me gatiḥ || 1||

इन्द्राद्यामरयातुधानकरवल्लीवेल्लिताशीविषाधीशाकर्षितमन्दरागमथिताम्भोराशिजातस्फुर ।त्कीलासंहितविस्फुलिङ्गगरलग्रासैकशाम्यद्भयःश्रीमत्पर्वतमल्लिकार्जुनमहादेवः शिवो मे गतिः ॥ २॥

indrādyāmarayātudhānakaravallīvellitāśīviṣādhīśākarṣitamandarāgamathitāmbhorāśijātasphura |tkīlāsaṃhitavisphuliṅgagaralagrāsaikaśāmyadbhayaḥśrīmatparvatamallikārjunamahādevaḥ śivo me gatiḥ || 2||

उद्यद्भासुरकासरासुरभुजादर्पाद्रिदम्भोलिभृत्पाटीरामरधेनुनायकककुद्विन्यस्तहस्ताम्बुजः ।नीहाराचलकन्यकावहनपादद्वन्द्वपादोरुहःश्रीमत्पर्वतमल्लिकार्जुनमहादेवः शिवो मे गतिः ॥ ३॥

udyadbhāsurakāsarāsurabhujādarpādridambholibhṛtpāṭīrāmaradhenunāyakakakudvinyastahastāmbujaḥ |nīhārācalakanyakāvahanapādadvandvapādoruhaḥśrīmatparvatamallikārjunamahādevaḥ śivo me gatiḥ || 3||

नीरेजासनमुख्यनिर्जरशिरःप्रच्छन्नपादद्वयःसर्वज्ञत्रिपुरासुराहितगणाम्भोदौघझञ्झानिलः ।मार्कण्डेयमहामुनीश्वरनुतप्रख्यातचारित्रकःश्रीमत्पर्वतमल्लिकार्जुनमहादेवः शिवो मे गतिः ॥ ४॥

nīrejāsanamukhyanirjaraśiraḥpracchannapādadvayaḥsarvajñatripurāsurāhitagaṇāmbhodaughajhañjhānilaḥ |mārkaṇḍeyamahāmunīśvaranutaprakhyātacāritrakaḥśrīmatparvatamallikārjunamahādevaḥ śivo me gatiḥ || 4||

सद्भक्तावलिमानसाम्बुरुहचञ्चच्चञ्चरीको मृडःक्रीडाबन्धुरपाणिहृत्कमलपोतः कर्णगोकर्णराट् ।चक्री चक्रसमस्तभूषणगणः कोलासुरध्वंसकःश्रीमत्पर्वतमल्लिकार्जुनमहादेवः शिवो मे गतिः ॥ ५॥

sadbhaktāvalimānasāmburuhacañcaccañcarīko mṛḍaḥkrīḍābandhurapāṇihṛtkamalapotaḥ karṇagokarṇarāṭ |cakrī cakrasamastabhūṣaṇagaṇaḥ kolāsuradhvaṃsakaḥśrīmatparvatamallikārjunamahādevaḥ śivo me gatiḥ || 5||

कल्याणाचलकार्मुकप्रथितदुग्धाम्भोधिकन्यामनःकञ्जातभ्रमरायमाणविलसद्गोविन्दसन्मार्गणः ।धात्रीस्यन्दनभासमाननलिनीजात(प्त)त्रयीसैन्धवःश्रीमत्पर्वतमल्लिकार्जुनमहादेवः शिवो मे गतिः ॥ ६॥

kalyāṇācalakārmukaprathitadugdhāmbhodhikanyāmanaḥkañjātabhramarāyamāṇavilasadgovindasanmārgaṇaḥ |dhātrīsyandanabhāsamānanalinījāta(pta)trayīsaindhavaḥśrīmatparvatamallikārjunamahādevaḥ śivo me gatiḥ || 6||

गोराजोत्तमवाहनः शशिकलालङ्कारजूटः सदापद्मानायकसायकस्त्रिभुवनाधीशः पशूनां पतिः ।भक्ताभीष्टफलप्रदानचतुरः कारुण्यपाथोनिधिःश्रीमत्पर्वतमल्लिकार्जुनमहादेवः शिवो मे गतिः ॥ ७॥

gorājottamavāhanaḥ śaśikalālaṅkārajūṭaḥ sadāpadmānāyakasāyakastribhuvanādhīśaḥ paśūnāṃ patiḥ |bhaktābhīṣṭaphalapradānacaturaḥ kāruṇyapāthonidhiḥśrīmatparvatamallikārjunamahādevaḥ śivo me gatiḥ || 7||

पातालामरवाहिनीवरजलक्रीडासमेतः सदारम्भाकननवाटिकाविहरणोद्युक्तस्त्रयीगोचरः ।फालाक्षो भ्रमराम्बिकाहृदयपङ्केजातपुष्पन्धयःश्रीमत्पर्वतमल्लिकार्जुनमहादेवः शिवो मे गतिः ॥ ८॥

pātālāmaravāhinīvarajalakrīḍāsametaḥ sadārambhākananavāṭikāviharaṇodyuktastrayīgocaraḥ |phālākṣo bhramarāmbikāhṛdayapaṅkejātapuṣpandhayaḥśrīmatparvatamallikārjunamahādevaḥ śivo me gatiḥ || 8||

॥ इति श्रीमल्लिकार्जुनस्तोत्रं सम्पूर्णम् ॥

|| iti śrīmallikārjunastotraṃ sampūrṇam ||