मार्गसहायलिङ्गस्तुतिः Shri Margasahayalinga Stutih
mārgasahāyaliṅgastutiḥ
Shri Margasahayalinga Stutih (मार्गसहायलिङ्गस्तुतिः): a hymn of praise (stuti) to Śiva, by Sri Appayya Dixitar. 8 verses in Sanskrit with Devanagari and IAST.
- Stotra
- Stuti
- Śiva
- Stuti
मार्गसहायलिङ्गस्तुतिः
1 / 8
॥ श्रीमदप्पय्यदीक्षितेन्द्रविरचिता ॥पयोनदीतीरनिवासलिङ्गं बालार्ककोटिप्रतिमं त्रिनेत्रम् ।पद्मासनेनार्चितदिव्यलिङ्गं वन्दामहे मार्गसहायलिङ्गम् ॥ १॥
|| śrīmadappayyadīkṣitendraviracitā ||payonadītīranivāsaliṅgaṃ bālārkakoṭipratimaṃ trinetram |padmāsanenārcitadivyaliṅgaṃ vandāmahe mārgasahāyaliṅgam || 1||
गङ्गातरङ्गोल्लसदुत्तमाङ्गं गजेन्द्रचर्माम्बरभूषिताङ्गम् ।गौरीमुखाम्भोजविलोलभृङ्गं वन्दामहे मार्गसहायलिङ्गम् ॥ २॥
gaṅgātaraṅgollasaduttamāṅgaṃ gajendracarmāmbarabhūṣitāṅgam |gaurīmukhāmbhojavilolabhṛṅgaṃ vandāmahe mārgasahāyaliṅgam || 2||
सुकङ्कणीभूतमहाभुजङ्गं संज्ञानसम्पूर्णनिजान्तरङ्गम् ।सूर्येन्दु बिम्बानलभूषिताङ्गं वन्दामहे मार्गसहायलिङ्गम् ॥ ३॥
sukaṅkaṇībhūtamahābhujaṅgaṃ saṃjñānasampūrṇanijāntaraṅgam |sūryendu bimbānalabhūṣitāṅgaṃ vandāmahe mārgasahāyaliṅgam || 3||
भक्तिप्रियं भावविलोलभृङ्गं भक्तानुकूलामलभूषिताङ्गम् ।भावैकलोकान्तरमादिलिङ्गं वन्दामहे मार्गसहायलिङ्गम् ॥ ४॥
bhaktipriyaṃ bhāvavilolabhṛṅgaṃ bhaktānukūlāmalabhūṣitāṅgam |bhāvaikalokāntaramādiliṅgaṃ vandāmahe mārgasahāyaliṅgam || 4||
सामप्रियं सौम्यमहेशलिङ्गं सामप्रदं सौम्यकटाक्षलिङ्गम् ।वामाङ्गसौन्दर्यविलोलिताङ्गं वन्दामहे मार्गसहायलिङ्गम् ॥ ५॥
sāmapriyaṃ saumyamaheśaliṅgaṃ sāmapradaṃ saumyakaṭākṣaliṅgam |vāmāṅgasaundaryavilolitāṅgaṃ vandāmahe mārgasahāyaliṅgam || 5||
पञ्चाक्षरीभूतसहस्रलिङ्गं पञ्चामृतस्नानपरायणाङ्गम् ।पञ्चामृताम्भोजविलोलभृङ्गं वन्दामहे मार्गसहायलिङ्गम् ॥ ६॥
pañcākṣarībhūtasahasraliṅgaṃ pañcāmṛtasnānaparāyaṇāṅgam |pañcāmṛtāmbhojavilolabhṛṅgaṃ vandāmahe mārgasahāyaliṅgam || 6||
वन्दे सुराराधितपादपद्मं श्रीश्यामवल्लीरमणं महेशम् ।वन्दे महामेरुशरासनं शिवं वन्दे सदा मार्गसहायलिङ्गम् ॥ ७॥
vande surārādhitapādapadmaṃ śrīśyāmavallīramaṇaṃ maheśam |vande mahāmeruśarāsanaṃ śivaṃ vande sadā mārgasahāyaliṅgam || 7||
॥ इति श्रीमार्गसहायलिङ्गस्तुतिः सम्पूर्णा ॥॥ ॐ तत्सत् ॥
|| iti śrīmārgasahāyaliṅgastutiḥ sampūrṇā |||| oṃ tatsat ||
॥ इति मार्गसहायलिङ्गस्तुतिः सम्पूर्णम् ॥
Recitation complete
- Meaning
- Grammar
Meanings, sources and related recitations appear here once you finish reading.
Questions
How many verses are in Shri Margasahayalinga Stutih?
Shri Margasahayalinga Stutih has 8 verses on this page, each shown with its number, Devanagari text and transliteration, and meaning where available.
Can I read Shri Margasahayalinga Stutih in Telugu, Kannada or Tamil?
Yes. Use the script buttons at the top of the text (देवनागरी, తెలుగు, ಕನ್ನಡ, தமிழ்) to read the same verses in Telugu, Kannada or Tamil script. Turn on IAST for Roman letters with pronunciation marks. Your choice is remembered on this device.
Is there a PDF of Shri Margasahayalinga Stutih?
You do not need a PDF: this page has the complete text, kept up to date when corrections are made, in every script and with meanings. Tap Save to keep it in your library and open it any time.
Who composed Shri Margasahayalinga Stutih?
Sri Appayya Dixitar.
