मल्लिकार्जुनप्रपत्तिः Shri Mallikarjuna Prapatti

जय जय जय शम्भो ! जम्भभित्पूर्वदेवप्रणतपदसरोजद्वन्द्व ! निर्द्वन्द्व ! बन्धो !जय जय जय जन्मस्थेमसंहारकार !प्रणयसगुणमूर्ते ! पालयास्मान् प्रपन्नान् ॥ १॥

jaya jaya jaya śambho ! jambhabhitpūrvadevapraṇatapadasarojadvandva ! nirdvandva ! bandho !jaya jaya jaya janmasthemasaṃhārakāra !praṇayasaguṇamūrte ! pālayāsmān prapannān || 1||

वधूमुखं वल्गदपाङ्गरेखमखण्डितानन्दकरप्रसादम् ।विलोकयन् विस्फुरदात्मभावस्स मे गतिश्श्रीगिरिसार्वभौमः ॥ २॥

vadhūmukhaṃ valgadapāṅgarekhamakhaṇḍitānandakaraprasādam |vilokayan visphuradātmabhāvassa me gatiśśrīgirisārvabhaumaḥ || 2||

कुरङ्गपाणिः करुणावलोकः सुरोत्तमश्चन्द्रकलावतंसः ।वधूसहायस्सकलेष्टदाता भवत्यसौ श्रीगिरिभाग्यराशिः ॥ ३॥

kuraṅgapāṇiḥ karuṇāvalokaḥ surottamaścandrakalāvataṃsaḥ |vadhūsahāyassakaleṣṭadātā bhavatyasau śrīgiribhāgyarāśiḥ || 3||

सन्ध्यारम्भविजृम्भितं श्रुतिशिरस्थ्सानान्तराधिष्ठितंसप्रेमभ्रमराभिराममसकृत्सद्वासनाशोभितम् ।भोगीन्द्राभरणं समस्तसुमनःपूज्यं गुणाविष्कृतंसेवे श्रीगिरिमल्लिकार्जुनमहालिङ्गं शिवालिङ्गितम् ॥ ४॥

sandhyārambhavijṛmbhitaṃ śrutiśirasthsānāntarādhiṣṭhitaṃsapremabhramarābhirāmamasakṛtsadvāsanāśobhitam |bhogīndrābharaṇaṃ samastasumanaḥpūjyaṃ guṇāviṣkṛtaṃseve śrīgirimallikārjunamahāliṅgaṃ śivāliṅgitam || 4||

या मूलं सचराचरस्य जगतः पुंसः पुराणी सखीव्यक्तात्मा परिपालनाय जगतामाप्तावतारस्थितिः ।दुष्टध्वंससदिष्टदानविधये नानासनाध्यासिनीश्रीशैलाग्रनिवासिनी भवतु मे श्रेयस्करी भ्रामरी ॥ ५॥

yā mūlaṃ sacarācarasya jagataḥ puṃsaḥ purāṇī sakhīvyaktātmā paripālanāya jagatāmāptāvatārasthitiḥ |duṣṭadhvaṃsasadiṣṭadānavidhaye nānāsanādhyāsinīśrīśailāgranivāsinī bhavatu me śreyaskarī bhrāmarī || 5||

यत्तेजः परमाणुरेतदखिलं नानास्फुरन्नामभिःभूतं भावि भवच्चराचरजगद्धत्ते बहिश्चान्तरे ।सा साक्षात् भ्रमराम्बिका शिवसखी श्रीशैलवासोत्सुकादिश्यादाश्रितलोककल्पलतिका श्रेयांसि भूयांसि नः ॥ ६॥

yattejaḥ paramāṇuretadakhilaṃ nānāsphurannāmabhiḥbhūtaṃ bhāvi bhavaccarācarajagaddhatte bahiścāntare |sā sākṣāt bhramarāmbikā śivasakhī śrīśailavāsotsukādiśyādāśritalokakalpalatikā śreyāṃsi bhūyāṃsi naḥ || 6||

शरणं तरुणेन्दुशेखरश्शरणं मे गिरिराजकन्यका ।शरणं पुनरेव तावुभौ शरणं नान्यदुपैमि दैवतम् ॥ ७॥

śaraṇaṃ taruṇenduśekharaśśaraṇaṃ me girirājakanyakā |śaraṇaṃ punareva tāvubhau śaraṇaṃ nānyadupaimi daivatam || 7||

इति श्रीमल्लिकार्जुन प्रपत्तिः समाप्ता ।

iti śrīmallikārjuna prapattiḥ samāptā |