ज्ञानामृतरसायनम् Shri Jnanamritarasayanam

श्रीपार्वत्युवाचभगवन् देवदेवेश सर्वपापप्रणाशनम् ।सर्वकामफलस्तोत्रं ज्ञानामृतरसायनम् ॥ १॥

śrīpārvatyuvācabhagavan devadeveśa sarvapāpapraṇāśanam |sarvakāmaphalastotraṃ jñānāmṛtarasāyanam || 1||

महेश्वरं महादेवमीशानं शङ्करं हरम् ।रुद्रं भद्रं शिवं विष्णुं नीलकण्ठं पितामहम् ॥ २॥

maheśvaraṃ mahādevamīśānaṃ śaṅkaraṃ haram |rudraṃ bhadraṃ śivaṃ viṣṇuṃ nīlakaṇṭhaṃ pitāmaham || 2||

उग्रं भीमं शिवं स्थाणुं स्वयम्भूं शम्भुशूलिनम् ।पुरुषं गौरीश्वरं चन्द्रं चन्द्रमौलिं जटाधरम् ॥ ३॥

ugraṃ bhīmaṃ śivaṃ sthāṇuṃ svayambhūṃ śambhuśūlinam |puruṣaṃ gaurīśvaraṃ candraṃ candramauliṃ jaṭādharam || 3||

उमापतिं पशुपतिं विरूपाक्षं वृषध्वजम् ।वृषं गङ्गाधरं शङ्करं(शर्वं)श्रीकण्ठं वृषवाहनम् ॥ ४॥

umāpatiṃ paśupatiṃ virūpākṣaṃ vṛṣadhvajam |vṛṣaṃ gaṅgādharaṃ śaṅkaraṃ(śarvaṃ)śrīkaṇṭhaṃ vṛṣavāhanam || 4||

पिङ्गाक्षजटिलं कृत्तिवाससं गृहाधरं (च गुहाशयम्) ।ऊर्ध्वनेत्रं सहस्राक्षं सहस्रभुजशीर्ष(क)म् ॥ ५॥

piṅgākṣajaṭilaṃ kṛttivāsasaṃ gṛhādharaṃ (ca guhāśayam) |ūrdhvanetraṃ sahasrākṣaṃ sahasrabhujaśīrṣa(ka)m || 5||

मृगाङ्कचिह्नं भस्माङ्गं दशबाहुं त्रिलोचनम् ।त्रिनेत्रं त्रिषु लोकेषु त्र्यम्बकं त्रिपुरान्तकम् ॥ ६॥

mṛgāṅkacihnaṃ bhasmāṅgaṃ daśabāhuṃ trilocanam |trinetraṃ triṣu lokeṣu tryambakaṃ tripurāntakam || 6||

कालं कामाङ्गदहनं मन्त्रकं दैत्यघातकम् ।(ब्रह्मणः) पञ्चमशिरोदक्षयज्ञविनाशनम् ॥ ७॥

kālaṃ kāmāṅgadahanaṃ mantrakaṃ daityaghātakam |(brahmaṇaḥ) pañcamaśirodakṣayajñavināśanam || 7||

पूषदन्तहरं साक्षात्तारकास्यनिपातनम् ।ऊर्ध्वलिङ्गं महालिङ्गं चारुलिङ्गं त्रिलिङ्गिनम् ॥ ८॥

pūṣadantaharaṃ sākṣāttārakāsyanipātanam |ūrdhvaliṅgaṃ mahāliṅgaṃ cāruliṅgaṃ triliṅginam || 8||

वाचस्पतिं दिव्यचक्षुं ब्रह्मस्कन्धाय देशिकं (?) ।ऊर्ध्वरेतं वीतरागं ततो धर्मदृढव्रतम् ॥ ९॥

vācaspatiṃ divyacakṣuṃ brahmaskandhāya deśikaṃ (?) |ūrdhvaretaṃ vītarāgaṃ tato dharmadṛḍhavratam || 9||

जर्झरीडिण्डिमुण्डं च त्रिदण्डिलकुलीजटं (?) ।गजचर्मपरीधानं पललाजिनवाससम् ॥ १०॥

jarjharīḍiṇḍimuṇḍaṃ ca tridaṇḍilakulījaṭaṃ (?) |gajacarmaparīdhānaṃ palalājinavāsasam || 10||

विश्वाननं महावासं मृतवासं चतुष्कलम् ।चर्यारूढं (वि)मानस्थं वानप्रस्थं च शूलिनम् ॥ ११॥

viśvānanaṃ mahāvāsaṃ mṛtavāsaṃ catuṣkalam |caryārūḍhaṃ (vi)mānasthaṃ vānaprasthaṃ ca śūlinam || 11||

कपालखट्वाङ्गहस्तं कङ्कमालाशिरोधरम् ।व्यालोपवीतनिलयं महाकुण्डलिनूपुरम् ॥ १२॥

kapālakhaṭvāṅgahastaṃ kaṅkamālāśirodharam |vyālopavītanilayaṃ mahākuṇḍalinūpuram || 12||

महादंष्ट्रं महाकायं महाशीर्षसुशोभनम् ।महासिद्धं महावीरं सन्नद्धं वीरवन्दितम् ॥ १३॥

mahādaṃṣṭraṃ mahākāyaṃ mahāśīrṣasuśobhanam |mahāsiddhaṃ mahāvīraṃ sannaddhaṃ vīravanditam || 13||

अघोरं घोरसंशिष्टं घोराद्धोरतरं तथा ।हिरण्यवर्णं देवादिं ब्रह्मण्यमभवं भवम् ॥ १४॥

aghoraṃ ghorasaṃśiṣṭaṃ ghorāddhorataraṃ tathā |hiraṇyavarṇaṃ devādiṃ brahmaṇyamabhavaṃ bhavam || 14||

पञ्चाक्षरं पञ्चबीजं पञ्चवक्त्रं सदाशिवम् ।षड्वक्त्रं महागुह्यं कालाग्निं रुद्रतेजसम् ॥ १५॥

pañcākṣaraṃ pañcabījaṃ pañcavaktraṃ sadāśivam |ṣaḍvaktraṃ mahāguhyaṃ kālāgniṃ rudratejasam || 15||

अष्टधा नवधा चैवं दशधा शतधा स्मृतम् ।बहुरूपं महारूपं विश्वरूपं जगद्गुरुम् ॥ १६॥

aṣṭadhā navadhā caivaṃ daśadhā śatadhā smṛtam |bahurūpaṃ mahārūpaṃ viśvarūpaṃ jagadgurum || 16||

कलितं ?? कालोत्पत्तिकुलेश्वरम् ।धन्वन्तरिं ब्रह्मविदं पुण्डरीकं प्रजापतिम् ॥ १७॥

kalitaṃ ?? kālotpattikuleśvaram |dhanvantariṃ brahmavidaṃ puṇḍarīkaṃ prajāpatim || 17||

वेद्यवेदविधात्रर्थं योगज्ञानविचक्षणम् ।ध्यानं ध्येयं च तत्पूज्यं परस्य ज्ञानमुत्तमम् ॥ १८॥

vedyavedavidhātrarthaṃ yogajñānavicakṣaṇam |dhyānaṃ dhyeyaṃ ca tatpūjyaṃ parasya jñānamuttamam || 18||

स्वाहास्वधावषट्कारं (हेमपार्श्वं) हुताशनम् ।यज्ञतीर्थं ?? सर्वतोमुखं (?) ॥ १९॥

svāhāsvadhāvaṣaṭkāraṃ (hemapārśvaṃ) hutāśanam |yajñatīrthaṃ ?? sarvatomukhaṃ (?) || 19||

सकलं निष्कलं शून्यं स्थूलं सूक्ष्मं परापरम् ।अनन्तं ध्येयरहितं तारद्वारवधान्तिकम् ॥ २०॥

sakalaṃ niṣkalaṃ śūnyaṃ sthūlaṃ sūkṣmaṃ parāparam |anantaṃ dhyeyarahitaṃ tāradvāravadhāntikam || 20||

बिन्दुनादकलाक्रान्तं प्राणापानप्रवाहनम् ।परिपूर्णं हतारातिमूर्ध्वमध्यव्यवस्थितम् ॥ २१॥

bindunādakalākrāntaṃ prāṇāpānapravāhanam |paripūrṇaṃ hatārātimūrdhvamadhyavyavasthitam || 21||

मात्रार्थकं मात्रपदमदध्वाध्वा परापरं (?) ।अस्वतन्त्रो स्वतन्त्रोऽयमस्तु नास्तु जयापरं (?) ॥ २२॥

mātrārthakaṃ mātrapadamadadhvādhvā parāparaṃ (?) |asvatantro svatantro'yamastu nāstu jayāparaṃ (?) || 22||

अविदित्वा तु विदितमप्रमाणप्रमाणकम् ।निस्संशयं निरापेक्षं निधानस्थं निरेपनम् ॥ २३॥

aviditvā tu viditamapramāṇapramāṇakam |nissaṃśayaṃ nirāpekṣaṃ nidhānasthaṃ nirepanam || 23||

निर्विकल्पं निष्प्रपञ्चमद्वैतं केवलं प्रभुम् ।व्योमातीतं मनुश्चार्यमनन्तमजमव्ययं (?) ॥ २४॥

nirvikalpaṃ niṣprapañcamadvaitaṃ kevalaṃ prabhum |vyomātītaṃ manuścāryamanantamajamavyayaṃ (?) || 24||

अष्टोत्तरं द्वादशान्तं धनाख्यं शून्यवाचकं (?) ।विष्णुधर्मं विनिष्ठान्तं निस्तरङ्गं निरामयम् ॥ २५॥

aṣṭottaraṃ dvādaśāntaṃ dhanākhyaṃ śūnyavācakaṃ (?) |viṣṇudharmaṃ viniṣṭhāntaṃ nistaraṅgaṃ nirāmayam || 25||

नकिञ्चित् किञ्चिदानन्दं परमात्मानुलेपनम् ।पराभ्यां रत्नमारूढं (पराभ्यन्तरमारूढं) अधिकं तत्परापरम् ॥ २६॥

nakiñcit kiñcidānandaṃ paramātmānulepanam |parābhyāṃ ratnamārūḍhaṃ (parābhyantaramārūḍhaṃ) adhikaṃ tatparāparam || 26||

देवानां परमं देवं प्रणमेयं महेश्वरम् ।संसारदुःखदहनमायुरारोग्यनिर्मितम् ॥ २७॥

devānāṃ paramaṃ devaṃ praṇameyaṃ maheśvaram |saṃsāraduḥkhadahanamāyurārogyanirmitam || 27||

सर्वपापक्षयकरं सर्वरोगनिबर्हणम् ।सन्ततं शृणु तं ह्यस्तु ज्ञानामृतरसायनम् ॥ २८॥

sarvapāpakṣayakaraṃ sarvaroganibarhaṇam |santataṃ śṛṇu taṃ hyastu jñānāmṛtarasāyanam || 28||

तीर्थकोट्यस्तु यज्ञानां मन्त्रकोट्यस्तु यज्ञकम् । (?)??व्रतं पुण्यं स्वाध्यायं मन्त्रनायकम् ॥ २९॥

tīrthakoṭyastu yajñānāṃ mantrakoṭyastu yajñakam | (?)??vrataṃ puṇyaṃ svādhyāyaṃ mantranāyakam || 29||

विश्वेशं च त्रिकालज्ञमणिमादिगुणाष्टकम् ।परापरं परावाप्तिस्वर्गमोक्षप्रदायकम् ॥ ३०॥

viśveśaṃ ca trikālajñamaṇimādiguṇāṣṭakam |parāparaṃ parāvāptisvargamokṣapradāyakam || 30||

अमृताक्षं मृत्युजयमनाढ्यं तं शुभं वृषं (?) ।परमाक्षरमोङ्कारं षडङ्गं मन्त्रनायकम् ॥ ३१॥

amṛtākṣaṃ mṛtyujayamanāḍhyaṃ taṃ śubhaṃ vṛṣaṃ (?) |paramākṣaramoṅkāraṃ ṣaḍaṅgaṃ mantranāyakam || 31||

अवाप्तं मन्त्रदेशाख्यं व्योमरुध्यचतुष्कलम् ।दशबीजं महावज्रं वैदिकं रौद्रवैष्णवम् ॥ ३२॥

avāptaṃ mantradeśākhyaṃ vyomarudhyacatuṣkalam |daśabījaṃ mahāvajraṃ vaidikaṃ raudravaiṣṇavam || 32||

आरूढं तौड्डिकं सौरं भैरवं पापदक्षिणम् ।गोपितं संह्यलं मन्त्रः सर्वमन्त्रप्रवर्तकम् ॥ ३३॥

ārūḍhaṃ tauḍḍikaṃ sauraṃ bhairavaṃ pāpadakṣiṇam |gopitaṃ saṃhyalaṃ mantraḥ sarvamantrapravartakam || 33||

एकं पञ्चाशद्वर्णानां मूलकं वर्णभेदकं (?) ।पञ्चमात्रस्थूलभेदमेकाशीतिदलात्मकम् ॥ ३४॥

ekaṃ pañcāśadvarṇānāṃ mūlakaṃ varṇabhedakaṃ (?) |pañcamātrasthūlabhedamekāśītidalātmakam || 34||

अष्टात्रिंशत्कलाधारं त्रिषष्टिभेदसंस्थितम् ।अनाहतं चतुष्षष्टिकलाभिश्चैकमक्षरम् ॥ ३५॥

aṣṭātriṃśatkalādhāraṃ triṣaṣṭibhedasaṃsthitam |anāhataṃ catuṣṣaṣṭikalābhiścaikamakṣaram || 35||

नित्यस्थितं हंसगर्भं शिवभक्तिं शिवात्मकम् ।आद्यन्तमध्यनिलयं स्तुतिं मिश्रामनोपमम् ॥ ३६॥

nityasthitaṃ haṃsagarbhaṃ śivabhaktiṃ śivātmakam |ādyantamadhyanilayaṃ stutiṃ miśrāmanopamam || 36||

जाग्रत्स्वप्नसुषुप्तिस्थं पूरकं कुम्भरेचकम् ।अविभक्तमनेकैकं नाभूतं च पृथक् पृथक् ॥ ३७॥

jāgratsvapnasuṣuptisthaṃ pūrakaṃ kumbharecakam |avibhaktamanekaikaṃ nābhūtaṃ ca pṛthak pṛthak || 37||

अनेकाधारवदनं मन्त्रशास्त्राङ्गमालयम् ।इच्छाज्ञानङ्क्रियाशक्तिमन्त्रशक्त्यात्मनोदयम् ॥ ३८॥

anekādhāravadanaṃ mantraśāstrāṅgamālayam |icchājñānaṅkriyāśaktimantraśaktyātmanodayam || 38||

दक्षिणोत्तरमध्यस्थं ?? ।हेमकोटीस्तु यो दद्यात्कपिलाकोटयो ददेत् ॥ ३९॥

dakṣiṇottaramadhyasthaṃ ?? |hemakoṭīstu yo dadyātkapilākoṭayo dadet || 39||

महीं काञ्चनसम्पूर्णां रत्नानां सप्तसागरात् ।कुरुक्षेत्रे कनखले चन्द्रसूर्यग्रहे वरे ॥ ४०॥

mahīṃ kāñcanasampūrṇāṃ ratnānāṃ saptasāgarāt |kurukṣetre kanakhale candrasūryagrahe vare || 40||

एतत्सर्वेषु दानेषु यत्पुण्यं फलते फलम् ।तत्फलं लभते मर्त्यः स्तवस्यास्यानुकीर्तनात् ॥ ४१॥

etatsarveṣu dāneṣu yatpuṇyaṃ phalate phalam |tatphalaṃ labhate martyaḥ stavasyāsyānukīrtanāt || 41||

कुलकोटिं समुद्धृत्य शिवलोके महीयते ।सर्वपापविशुद्धात्मा मुक्तिरेव न संशयः ॥ ४२॥

kulakoṭiṃ samuddhṛtya śivaloke mahīyate |sarvapāpaviśuddhātmā muktireva na saṃśayaḥ || 42||

॥ इति श्रीज्ञानामृतरसायनं सम्पूर्णम् ॥

|| iti śrījñānāmṛtarasāyanaṃ sampūrṇam ||