हाटकेश्वराष्टकम् Shri Hatakeshvara Ashtakam

जटातटान्तरोलसत्सुरापगोर्मिभास्वरंललाटनेत्रमिन्दुनाविराजमानशेखरम् ।लसद्विभूतिभूषितं फणीन्द्रहारमीश्वरंनमामि नाटकेश्वरं भजामि हाटकेश्वरम् ॥ १॥

jaṭātaṭāntarolasatsurāpagormibhāsvaraṃlalāṭanetramindunāvirājamānaśekharam |lasadvibhūtibhūṣitaṃ phaṇīndrahāramīśvaraṃnamāmi nāṭakeśvaraṃ bhajāmi hāṭakeśvaram || 1||

पुरान्धकादिदाहकं मनोभवप्रदाहकंमहाधराशिनाशकमभीप्सितार्थदायकम् ।जगत्त्रयैककारकं विभाकरं विदारकंनमामि नाटकेश्वरं भजामि हाटकेश्वरम् ॥ २॥

purāndhakādidāhakaṃ manobhavapradāhakaṃmahādharāśināśakamabhīpsitārthadāyakam |jagattrayaikakārakaṃ vibhākaraṃ vidārakaṃnamāmi nāṭakeśvaraṃ bhajāmi hāṭakeśvaram || 2||

मदीय मानसस्थले सदास्तु ते पदद्वयंमदीय वक्त्रपङ्कजे शिवेति चाक्षरद्वयम् ।मदीय लोचनाग्रतः सदार्धचन्द्रविग्रहंनमामि नाटकेश्वरं भजामि हाटकेश्वरम् ॥ ३॥

madīya mānasasthale sadāstu te padadvayaṃmadīya vaktrapaṅkaje śiveti cākṣaradvayam |madīya locanāgrataḥ sadārdhacandravigrahaṃnamāmi nāṭakeśvaraṃ bhajāmi hāṭakeśvaram || 3||

भजन्ति हाटकेश्वरं सुभक्तिभावतोत्रयेभवन्ति हाटकेश्वरः प्रमाणमात्र नागरः ।धनेन तेज साधिका कुलेन चाखिलोन्नतानमामि नाटकेश्वरं भजामि हाटकेश्वरम् ॥ ४॥

bhajanti hāṭakeśvaraṃ subhaktibhāvatotrayebhavanti hāṭakeśvaraḥ pramāṇamātra nāgaraḥ |dhanena teja sādhikā kulena cākhilonnatānamāmi nāṭakeśvaraṃ bhajāmi hāṭakeśvaram || 4||

सदाशिवोऽहमित्यहर्निशं भजेत यो जनःसदा शिवं करोति तं न संशयोत्र कश्चन ।अहो दयालुता महेश्वरस्य दृश्यतां बुधानमामि नाटकेश्वरं भजामि हाटकेश्वरम् ॥ ५॥

sadāśivo'hamityaharniśaṃ bhajeta yo janaḥsadā śivaṃ karoti taṃ na saṃśayotra kaścana |aho dayālutā maheśvarasya dṛśyatāṃ budhānamāmi nāṭakeśvaraṃ bhajāmi hāṭakeśvaram || 5||

धराधरात्मजापते त्रिलोचनेश शङ्करगिरीश चन्द्रशेखराहिराज भूषणेश्वरः ।महेश नन्दिवाहनेति सङ्घटन्नहर्निशंनमामि नाटकेश्वरं भजामि हाटकेश्वरम् ॥ ६॥

dharādharātmajāpate trilocaneśa śaṅkaragirīśa candraśekharāhirāja bhūṣaṇeśvaraḥ |maheśa nandivāhaneti saṅghaṭannaharniśaṃnamāmi nāṭakeśvaraṃ bhajāmi hāṭakeśvaram || 6||

महेश पाहि मां मुदा गिरीश पाहि मां सदाभवार्णवे निमज्जितो त्वमेवमेऽसि तारकः ।करावलम्बनं झटित्य होधुनां प्रदीयतांनमामि नाटकेश्वरं भजामि हाटकेश्वरम् ॥ ७॥

maheśa pāhi māṃ mudā girīśa pāhi māṃ sadābhavārṇave nimajjito tvamevame'si tārakaḥ |karāvalambanaṃ jhaṭitya hodhunāṃ pradīyatāṃnamāmi nāṭakeśvaraṃ bhajāmi hāṭakeśvaram || 7||

धराधरेश्वरेश्वरं शिवं निधीश्वरेश्वरंसुरासुरेश्वरं रमापतिश्वरं महेश्वरम् ।प्रचण्ड चण्डीकेश्वरं विनीत नन्दिकेश्वरंनमामि नाटकेश्वरं भजामि हाटकेश्वरम् ॥ ८॥

dharādhareśvareśvaraṃ śivaṃ nidhīśvareśvaraṃsurāsureśvaraṃ ramāpatiśvaraṃ maheśvaram |pracaṇḍa caṇḍīkeśvaraṃ vinīta nandikeśvaraṃnamāmi nāṭakeśvaraṃ bhajāmi hāṭakeśvaram || 8||

हाटकेशस्य भक्त्या यो हाटकेशाष्टकं पठेत् ।हाटकेश प्रसादेन हाटकेशत्वमाप्नुयात् ॥इति श्रीहाटकेश्वराष्टकं सम्पूर्णम् ।

hāṭakeśasya bhaktyā yo hāṭakeśāṣṭakaṃ paṭhet |hāṭakeśa prasādena hāṭakeśatvamāpnuyāt ||iti śrīhāṭakeśvarāṣṭakaṃ sampūrṇam |