कालभैरवपञ्चरत्नस्तुतिः Shri Kalabhairavapancharatnastutih

खड्गं कपालं डमरुं त्रिशूलं हस्ताम्बुजे सन्दधतं त्रिणेत्रम् ।दिगम्बरं भस्मविभूषिताङ्गं नमाम्यहं भैरवमिन्दुचूडम् ॥ १॥

khaḍgaṃ kapālaṃ ḍamaruṃ triśūlaṃ hastāmbuje sandadhataṃ triṇetram |digambaraṃ bhasmavibhūṣitāṅgaṃ namāmyahaṃ bhairavaminducūḍam || 1||

कवित्वदं सत्वरमेव मोदान्नतालये शम्भुमनोऽभिरामम् ।नमामि यानीकृतसारमेयं भवाब्धिपारं गमयन्तमाशु ॥ २॥

kavitvadaṃ satvarameva modānnatālaye śambhumano'bhirāmam |namāmi yānīkṛtasārameyaṃ bhavābdhipāraṃ gamayantamāśu || 2||

जरादिदुःखौघविभेददक्षं विरागिसंसेव्यपदारविन्दम् ।नराधिपत्वप्रदमाशु नन्त्रे सुराधिपं भैरवमानतोऽस्मि ॥ ३॥

jarādiduḥkhaughavibhedadakṣaṃ virāgisaṃsevyapadāravindam |narādhipatvapradamāśu nantre surādhipaṃ bhairavamānato'smi || 3||

शमादिसम्पत्प्रदमानतेभ्यो रमाधवाद्यर्चितपादपद्मम् ।समाधिनिष्ठैस्तरसाधिगम्यं नमाम्यहं भैरवमादिनाथम् ॥ ४॥

śamādisampatpradamānatebhyo ramādhavādyarcitapādapadmam |samādhiniṣṭhaistarasādhigamyaṃ namāmyahaṃ bhairavamādinātham || 4||

गिरामगम्यं मनसोऽपि दूरं चराचरस्य प्रभवादिहेतुम् ।कराक्षिपच्छून्यमथापि रम्यं परावरं भैरवमानतोऽस्मि ॥ ५॥

girāmagamyaṃ manaso'pi dūraṃ carācarasya prabhavādihetum |karākṣipacchūnyamathāpi ramyaṃ parāvaraṃ bhairavamānato'smi || 5||

इति शृङ्गेरि श्रीजगद्गुरु श्रीसच्चिदानन्दशिवाभिनवनृसिंहभारतीस्वामिभिः विरचिता श्रीकालभैरवपञ्चरत्नस्तुतिः सम्पूर्णा ।

iti śṛṅgeri śrījagadguru śrīsaccidānandaśivābhinavanṛsiṃhabhāratīsvāmibhiḥ viracitā śrīkālabhairavapañcaratnastutiḥ sampūrṇā |