2 (5) Shri Batukabhairava Ashtottarashatanama Shtotram

आपदुद्धारकबटुकभैरवस्तोत्रम्॥ श्रीगणेशाय नमः ॥॥ श्रीउमामहेश्वराभ्यां नमः ॥॥ श्रीगुरवे नमः ॥॥ श्रीभैरवाय नमः ॥मेरुपृष्ठे सुखासीनं देवदेवं त्रिलोचनम् ।शङ्करं परिपप्रच्छ पार्वती परमेश्वरम् ॥ १॥

āpaduddhārakabaṭukabhairavastotram|| śrīgaṇeśāya namaḥ |||| śrīumāmaheśvarābhyāṃ namaḥ |||| śrīgurave namaḥ |||| śrībhairavāya namaḥ ||merupṛṣṭhe sukhāsīnaṃ devadevaṃ trilocanam |śaṅkaraṃ paripapraccha pārvatī parameśvaram || 1||

श्रीपार्वत्युवाचभगवन्सर्वधर्मज्ञ सर्वशास्त्रागमादिषु ।आपदुद्धारणं मन्त्रं सर्वसिद्धिकरं परम् ॥ २॥

śrīpārvatyuvācabhagavansarvadharmajña sarvaśāstrāgamādiṣu |āpaduddhāraṇaṃ mantraṃ sarvasiddhikaraṃ param || 2||

सर्वेषां चैव भूतानां हितार्थं वाञ्छितं मया ।विशेषमतस्तु राज्ञां वै शान्तिपुष्टिप्रसाधनम् ॥ ३॥

sarveṣāṃ caiva bhūtānāṃ hitārthaṃ vāñchitaṃ mayā |viśeṣamatastu rājñāṃ vai śāntipuṣṭiprasādhanam || 3||

अङ्गन्यासकरन्यासदेहन्याससमन्वितम् ।वक्तुमर्हसि देवेश मम हर्षविवर्द्धनम् ॥ ४॥

aṅganyāsakaranyāsadehanyāsasamanvitam |vaktumarhasi deveśa mama harṣavivarddhanam || 4||

शङ्कर उवाचशृणु देवि महामन्त्रमापदुद्धारहेतुकम् ।सर्वदुःखप्रशमनं सर्वशत्रुविनाशनम् ॥ ५॥

śaṅkara uvācaśṛṇu devi mahāmantramāpaduddhārahetukam |sarvaduḥkhapraśamanaṃ sarvaśatruvināśanam || 5||

अपस्मारादि रोगानां ज्वरादीनां विशेषतः ।नाशनं स्मृतिमात्रेण मन्त्रराजमिमं प्रिये ॥ ६॥

apasmārādi rogānāṃ jvarādīnāṃ viśeṣataḥ |nāśanaṃ smṛtimātreṇa mantrarājamimaṃ priye || 6||

ग्रहरोगत्राणनां च नाशनं सुखवर्द्धनम् ।स्नेहाद्वक्ष्यामि तं मन्त्रं सर्वसारमिमं प्रिये ॥ ७॥

graharogatrāṇanāṃ ca nāśanaṃ sukhavarddhanam |snehādvakṣyāmi taṃ mantraṃ sarvasāramimaṃ priye || 7||

सर्वकामार्थदं पुण्यं राज्यं भोगप्रदं नृणाम् ।आपदुद्धारणमिति मन्त्रं वक्ष्याम्यशेषतः ॥ ८॥

sarvakāmārthadaṃ puṇyaṃ rājyaṃ bhogapradaṃ nṛṇām |āpaduddhāraṇamiti mantraṃ vakṣyāmyaśeṣataḥ || 8||

प्रणवं पूर्वमुद्धृत्य देवी प्रणवमुद्धरेत् ।बटुकायेति वै पश्चादापदुद्धारणाय च ॥ ९॥

praṇavaṃ pūrvamuddhṛtya devī praṇavamuddharet |baṭukāyeti vai paścādāpaduddhāraṇāya ca || 9||

कुरु द्वयं ततः पश्चाद्वटुकाय पुनः क्षिपेत् ।देवीं प्रणवमुद्धृत्य मन्त्रोद्धारमिमं प्रिये ॥ १०॥

kuru dvayaṃ tataḥ paścādvaṭukāya punaḥ kṣipet |devīṃ praṇavamuddhṛtya mantroddhāramimaṃ priye || 10||

मन्त्रोद्धारमिदं देवी त्रैलोक्यस्यापि दुर्लभम् ।ॐ ह्रीं बटुकाय आपदुद्धारणाय कुरुकुरु बटुकाय ह्रीं ।अप्रकाश्यमिमं मन्त्रं सर्वशक्तिसमन्वितम् ॥ ११॥

mantroddhāramidaṃ devī trailokyasyāpi durlabham |oṃ hrīṃ baṭukāya āpaduddhāraṇāya kurukuru baṭukāya hrīṃ |aprakāśyamimaṃ mantraṃ sarvaśaktisamanvitam || 11||

स्मरणादेव मन्त्रस्य भूतप्रेतपिशाचकाः ।विद्रवन्त्यतिभीता वै कालरुद्रादिव द्विजाः ॥ १२॥

smaraṇādeva mantrasya bhūtapretapiśācakāḥ |vidravantyatibhītā vai kālarudrādiva dvijāḥ || 12||

पठेद्वा पाठयेद्वापि पूजयेद्वापि पुस्तकम् ।अग्निचौरभयं तस्य ग्रहराजभयं तथा ॥ १३॥

paṭhedvā pāṭhayedvāpi pūjayedvāpi pustakam |agnicaurabhayaṃ tasya graharājabhayaṃ tathā || 13||

न च मारिभयं किञ्चित्सर्वत्रैव सुखी भवेत् ।आयुरारोग्यमैश्वर्यं पुत्रपौत्रादि सम्पदः ॥ १४॥

na ca māribhayaṃ kiñcitsarvatraiva sukhī bhavet |āyurārogyamaiśvaryaṃ putrapautrādi sampadaḥ || 14||

भवन्ति सततं तस्य पुस्तकस्यापि पूजनात् ।न दारिद्र्यं न दौर्भाग्यं नापदां भयमेव च ॥ १५॥

bhavanti satataṃ tasya pustakasyāpi pūjanāt |na dāridryaṃ na daurbhāgyaṃ nāpadāṃ bhayameva ca || 15||

श्रीपार्वत्युवाचय एष भैरवो नाम आपदुद्धारको मतः ।त्वया च कथितो देव भैरवःकल्पवित्तमः ॥ १६॥

śrīpārvatyuvācaya eṣa bhairavo nāma āpaduddhārako mataḥ |tvayā ca kathito deva bhairavaḥkalpavittamaḥ || 16||

तस्य नाम सहस्राणि अयुतान्यर्बुदानि च ।सारं समुद्धृत्य तेषां वै नामाष्टशतकं वद ॥ १७॥

tasya nāma sahasrāṇi ayutānyarbudāni ca |sāraṃ samuddhṛtya teṣāṃ vai nāmāṣṭaśatakaṃ vada || 17||

यानि सङ्कीर्तयन्मर्त्यः सर्वदुःखविवर्जितः ।सर्वान्कामानवाप्नोति साधकःसिद्धिमेव च ॥ १८॥

yāni saṅkīrtayanmartyaḥ sarvaduḥkhavivarjitaḥ |sarvānkāmānavāpnoti sādhakaḥsiddhimeva ca || 18||

ईश्वर उवाचशृणु देवि प्रवक्ष्यामि भैरवस्य महात्मनः ।आपदुद्धारकस्येदं नामाष्टशतमुत्तमम् ॥ १९॥

īśvara uvācaśṛṇu devi pravakṣyāmi bhairavasya mahātmanaḥ |āpaduddhārakasyedaṃ nāmāṣṭaśatamuttamam || 19||

सर्वपापहरं पुण्यं सर्वापत्तिविनाशनम् ।सर्वकामार्थदं देवि साधकानां सुखावहम् ॥ २०॥

sarvapāpaharaṃ puṇyaṃ sarvāpattivināśanam |sarvakāmārthadaṃ devi sādhakānāṃ sukhāvaham || 20||

सर्वमङ्गलमाङ्गल्यं सर्वोपद्रवनाशनम् ।आयुष्करं पुष्टिकरं श्रीकरं च यशस्करम् ॥ २१॥

sarvamaṅgalamāṅgalyaṃ sarvopadravanāśanam |āyuṣkaraṃ puṣṭikaraṃ śrīkaraṃ ca yaśaskaram || 21||

नामाष्टशतकस्यास्य छन्दोऽनुष्टुप् प्रकीर्तितः ।बृहदारण्यको नाम ऋषिर्देवोऽथ भैरवः ॥ २२॥

nāmāṣṭaśatakasyāsya chando'nuṣṭup prakīrtitaḥ |bṛhadāraṇyako nāma ṛṣirdevo'tha bhairavaḥ || 22||

लज्जाबीजं बीजमिति बटुकामेति शक्तिकम् ।प्रणवः कीलकं प्रोक्तमिष्टसिद्धौ नियोजयेत् ॥ २३॥

lajjābījaṃ bījamiti baṭukāmeti śaktikam |praṇavaḥ kīlakaṃ proktamiṣṭasiddhau niyojayet || 23||

अष्टबाहुं त्रिनयनमिति बीजं समाहितः ।शक्तिः ह्रीं कीलकं शेषमिष्टसिद्धौ नियोजयेत् ॥ २४॥

aṣṭabāhuṃ trinayanamiti bījaṃ samāhitaḥ |śaktiḥ hrīṃ kīlakaṃ śeṣamiṣṭasiddhau niyojayet || 24||

ॐ अस्य श्रीमदापदुद्धारक-बटुकभैरवाष्टोत्तरशतनामस्तोत्रस्यबृहदारण्यक ऋषिः । अनुष्टुप् छन्दः।श्रीमदापदुद्धारक-बटुकभैरवो देवता ।बं बीजम् । ह्रीं वटुकाय इति शक्तिः । प्रणवः कीलकम् ।ममाभीष्टसिद्ध्यर्थे जपे विनियोगः ॥॥ ऋष्यादि न्यासः ॥श्रीबृहदारण्यकऋषये नमः (शिरसि)।अनुष्टप् छन्दसे नमः (मुखे)।श्रीबटुकभैरव देवतायै नमः (हृदये)।ॐ बं बीजाय नमः (गुह्ये)।ॐ ह्रीं वटुकायेति शक्तये नमः पादयोः ।ॐ कीलकाय नमः (नाभौ)।विनियोगाय नमः सर्वाङ्गे ।॥ इति ऋष्यादि न्यासः ॥॥ अथ करन्यासः ॥ॐ ह्रां वां ईशानाय नमः अङ्गुष्ठाभ्यां नमः ।ॐ ह्रीं वीं तत्पुरुषाय नमः तर्जनीभ्यां नमः ।ॐ ह्रूं वूं अघोराय नमः मध्यमाभ्यां नमः ।ॐ ह्रैं वैं वामदेवाय नमः अनामिकाभ्यां नमः ।ॐ ह्रौं वौं सद्योजाताय नमः कनिष्ठिकाभ्यां वमः ।ॐ ह्रः वः पञ्चवक्त्राय महादेवाय नमः करतलकरपृष्ठाभ्यां नमः ।॥ इति करन्यासः ॥॥ अथ हृदयादि न्यासः ॥ॐ ह्रां वां ईशानाय नमः हृदयाय नमः ।ॐ ह्रीं वीं तत्पुरुषाय नमः शिरसे स्वाहा ।ॐ ह्रूं वूं अघोराय नमः शिखायै वषट् ।ॐ ह्रैं वैं वामदेवाय नमः कवचाय हुम् ।ॐ ह्रौं वौं सद्योजाताय नमः नेत्रत्रयाय वौषट् ।ॐ ह्रः वः पञ्चवक्त्राय महादेवाय नमः अस्त्राय फट् ।॥ इति हृदयादि न्यासः ॥अथ देहन्यासः ।भैरवं मूर्ध्नि विन्यस्य ललाटे भीमदर्शनम् ।नेत्रयोर्भूतहननं सारमेयानुगं भ्रुवोः ॥ २५॥

oṃ asya śrīmadāpaduddhāraka-baṭukabhairavāṣṭottaraśatanāmastotrasyabṛhadāraṇyaka ṛṣiḥ | anuṣṭup chandaḥ|śrīmadāpaduddhāraka-baṭukabhairavo devatā |baṃ bījam | hrīṃ vaṭukāya iti śaktiḥ | praṇavaḥ kīlakam |mamābhīṣṭasiddhyarthe jape viniyogaḥ |||| ṛṣyādi nyāsaḥ ||śrībṛhadāraṇyakaṛṣaye namaḥ (śirasi)|anuṣṭap chandase namaḥ (mukhe)|śrībaṭukabhairava devatāyai namaḥ (hṛdaye)|oṃ baṃ bījāya namaḥ (guhye)|oṃ hrīṃ vaṭukāyeti śaktaye namaḥ pādayoḥ |oṃ kīlakāya namaḥ (nābhau)|viniyogāya namaḥ sarvāṅge ||| iti ṛṣyādi nyāsaḥ |||| atha karanyāsaḥ ||oṃ hrāṃ vāṃ īśānāya namaḥ aṅguṣṭhābhyāṃ namaḥ |oṃ hrīṃ vīṃ tatpuruṣāya namaḥ tarjanībhyāṃ namaḥ |oṃ hrūṃ vūṃ aghorāya namaḥ madhyamābhyāṃ namaḥ |oṃ hraiṃ vaiṃ vāmadevāya namaḥ anāmikābhyāṃ namaḥ |oṃ hrauṃ vauṃ sadyojātāya namaḥ kaniṣṭhikābhyāṃ vamaḥ |oṃ hraḥ vaḥ pañcavaktrāya mahādevāya namaḥ karatalakarapṛṣṭhābhyāṃ namaḥ ||| iti karanyāsaḥ |||| atha hṛdayādi nyāsaḥ ||oṃ hrāṃ vāṃ īśānāya namaḥ hṛdayāya namaḥ |oṃ hrīṃ vīṃ tatpuruṣāya namaḥ śirase svāhā |oṃ hrūṃ vūṃ aghorāya namaḥ śikhāyai vaṣaṭ |oṃ hraiṃ vaiṃ vāmadevāya namaḥ kavacāya hum |oṃ hrauṃ vauṃ sadyojātāya namaḥ netratrayāya vauṣaṭ |oṃ hraḥ vaḥ pañcavaktrāya mahādevāya namaḥ astrāya phaṭ ||| iti hṛdayādi nyāsaḥ ||atha dehanyāsaḥ |bhairavaṃ mūrdhni vinyasya lalāṭe bhīmadarśanam |netrayorbhūtahananaṃ sārameyānugaṃ bhruvoḥ || 25||

कर्णयोर्भूतनाथं च प्रेतबाहुं कपोलयोः ।नासौष्ठयोश्चैव तथा भस्माङ्गं सर्पविभूषणम् ॥ २६॥

karṇayorbhūtanāthaṃ ca pretabāhuṃ kapolayoḥ |nāsauṣṭhayoścaiva tathā bhasmāṅgaṃ sarpavibhūṣaṇam || 26||

अनादिभूतभाष्यौ च शक्तिहस्तखले न्यसेत् ।स्कन्धयोर्दैत्यशमनं वाह्वोरतुलतेजसः ॥ २७॥

anādibhūtabhāṣyau ca śaktihastakhale nyaset |skandhayordaityaśamanaṃ vāhvoratulatejasaḥ || 27||

पाण्योः कपालिनं न्यस्य हृदये मुण्डमालिनम् ।शान्तं वक्षस्थले न्यस्य स्तनयोः कामचारिणम् ॥ २८॥

pāṇyoḥ kapālinaṃ nyasya hṛdaye muṇḍamālinam |śāntaṃ vakṣasthale nyasya stanayoḥ kāmacāriṇam || 28||

उदरे च सदा तुष्टं क्षेत्रेशं पार्श्वयोस्तथा ।क्षेत्रपालं पृष्ठदेशे क्षेत्रज्ञं नाभिदेशके ॥ २९॥

udare ca sadā tuṣṭaṃ kṣetreśaṃ pārśvayostathā |kṣetrapālaṃ pṛṣṭhadeśe kṣetrajñaṃ nābhideśake || 29||

पापौघनाशनं कट्यां बटुकं लिङ्गदेशके ।गुदे रक्षाकरं न्यस्येत्तथोर्वोर्रक्तलोचनम् ॥ ३०॥

pāpaughanāśanaṃ kaṭyāṃ baṭukaṃ liṅgadeśake |gude rakṣākaraṃ nyasyettathorvorraktalocanam || 30||

जानुनोर्घुर्घुरारावं जङ्घयो रक्तपाणिनम् ।गुल्फयोः पादुकासिद्धं पादपृष्ठे सुरेश्वरम् ॥ ३१॥

jānunorghurghurārāvaṃ jaṅghayo raktapāṇinam |gulphayoḥ pādukāsiddhaṃ pādapṛṣṭhe sureśvaram || 31||

आपादमस्तकं चैव आपदुद्धारकं तथा ।पूर्वे डमरुहस्तं च दक्षिणे दण्डधारिणम् ॥ ३२॥

āpādamastakaṃ caiva āpaduddhārakaṃ tathā |pūrve ḍamaruhastaṃ ca dakṣiṇe daṇḍadhāriṇam || 32||

खड्गहस्ते पश्चिमायां घण्टावादिनमुत्तरे ।आग्नेय्यामग्निवर्णं च नैरृत्ये च दिगम्बरम् ॥ ३३॥

khaḍgahaste paścimāyāṃ ghaṇṭāvādinamuttare |āgneyyāmagnivarṇaṃ ca nairṛtye ca digambaram || 33||

वायव्यां सर्वभूतस्थमैशान्ये चाष्टसिद्धिदम् ।ऊर्ध्वं खेचारिणं न्यस्य पाताले रौद्ररूपिणम् ॥ ३४॥

vāyavyāṃ sarvabhūtasthamaiśānye cāṣṭasiddhidam |ūrdhvaṃ khecāriṇaṃ nyasya pātāle raudrarūpiṇam || 34||

एवं विन्यस्य स्वदेहस्य षडङ्गेषु ततो न्यसेत् ।रुद्रं मुखोष्ठयोर्न्यस्य तर्जन्योश्च दिवाकरम् ॥ ३५॥

evaṃ vinyasya svadehasya ṣaḍaṅgeṣu tato nyaset |rudraṃ mukhoṣṭhayornyasya tarjanyośca divākaram || 35||

शिवं मध्यमयोर्न्यस्य नासिकायां त्रिशूलिनम् ।ब्रह्माणं तु कनिष्ठिक्यां स्तनयोस्त्रिपुरान्तकम् ॥ ३६॥

śivaṃ madhyamayornyasya nāsikāyāṃ triśūlinam |brahmāṇaṃ tu kaniṣṭhikyāṃ stanayostripurāntakam || 36||

मांसासिनं कराग्रे तु करपृष्ठे दिगम्बरम् ।अथ नामाङ्गन्यासः ।हृदये भूतनाथाय आदिनाथाय मूर्द्धनि ॥ ३७॥

māṃsāsinaṃ karāgre tu karapṛṣṭhe digambaram |atha nāmāṅganyāsaḥ |hṛdaye bhūtanāthāya ādināthāya mūrddhani || 37||

आनन्दपादपूर्वाय नाथाय च शिखासु च ।सिद्धसामरनाथाय कवचं विन्यसेत्ततः ॥ ३८॥

ānandapādapūrvāya nāthāya ca śikhāsu ca |siddhasāmaranāthāya kavacaṃ vinyasettataḥ || 38||

सहजानन्दनाथाय न्यसेन्नेत्रत्रयेषु च ।परमानन्दनाथाय अस्त्रं चैव प्रयोजयेत् ॥ ३९॥

sahajānandanāthāya nyasennetratrayeṣu ca |paramānandanāthāya astraṃ caiva prayojayet || 39||

एवं न्यासविधिं कृत्वा यथावत्तदनन्तरम् ।तस्य ध्यानं प्रवक्ष्यामि यथा ध्यात्वा पठेन्नरः ॥ ४०॥

evaṃ nyāsavidhiṃ kṛtvā yathāvattadanantaram |tasya dhyānaṃ pravakṣyāmi yathā dhyātvā paṭhennaraḥ || 40||

शुद्धस्फटिकसङ्काशं नीलाञ्जनसमप्रभम् ।अष्टबाहुं त्रिनयनं चतुर्बाहुं द्विबाहुकम् ॥ ४१॥

śuddhasphaṭikasaṅkāśaṃ nīlāñjanasamaprabham |aṣṭabāhuṃ trinayanaṃ caturbāhuṃ dvibāhukam || 41||

दंष्ट्राकरालवदनं नूपुरारावसङ्कुलम् ।भुजङ्गमेखलं देवमग्निवर्णं शिरोरुहम् ॥ ४२॥

daṃṣṭrākarālavadanaṃ nūpurārāvasaṅkulam |bhujaṅgamekhalaṃ devamagnivarṇaṃ śiroruham || 42||

दिगम्बरं कुमारीशं बटुकाख्यं महाबलम् ।खट्वाङ्गमसिपाशं च शूलं दक्षिणभागतः ॥ ४३॥

digambaraṃ kumārīśaṃ baṭukākhyaṃ mahābalam |khaṭvāṅgamasipāśaṃ ca śūlaṃ dakṣiṇabhāgataḥ || 43||

डमरुं च कपोलं च वरदं भुजगं तथा ।अग्निवर्णं समोपेतं सारमेयसमन्वितम् ॥ ४४॥

ḍamaruṃ ca kapolaṃ ca varadaṃ bhujagaṃ tathā |agnivarṇaṃ samopetaṃ sārameyasamanvitam || 44||

ध्यात्वा जपेत्सुसंस्पृष्टः सर्वान्कामानवाप्नुयात् ॥ध्यात्वा जपेत्सुसंस्पृष्टः सर्वान्कामानवाप्नुयात् ॥मन्त्रमहार्णवे सात्त्विकध्यानम्वन्दे बालं स्फटिकसदृशं कुण्डलोभासिताङ्गंदिव्याकल्पैर्नवमणिमयैः किङ्किणीनूपुराढ्यैः ॥दीप्ताकारं विशदवसनं सुप्रसन्नं त्रिनेत्रंहस्ताग्राभ्याम्बटुकेशं शूलदण्डैर्दधानम् ॥ १॥

dhyātvā japetsusaṃspṛṣṭaḥ sarvānkāmānavāpnuyāt ||dhyātvā japetsusaṃspṛṣṭaḥ sarvānkāmānavāpnuyāt ||mantramahārṇave sāttvikadhyānamvande bālaṃ sphaṭikasadṛśaṃ kuṇḍalobhāsitāṅgaṃdivyākalpairnavamaṇimayaiḥ kiṅkiṇīnūpurāḍhyaiḥ ||dīptākāraṃ viśadavasanaṃ suprasannaṃ trinetraṃhastāgrābhyāmbaṭukeśaṃ śūladaṇḍairdadhānam || 1||

मन्त्रमहार्णवे राजसध्यानम्उद्यद्भास्करसन्निभं त्रिनयनं रक्ताङ्गरागस्रजंस्मेरास्यं वरदं कपालमभयं शूलं दधानं करैः ॥नीलग्रीवमुदारभूषणयुतं शीतांशुखण्डोज्ज्वलंबन्धूकारुणवाससं भयहरं देवं सदा भावये ॥ २॥

mantramahārṇave rājasadhyānamudyadbhāskarasannibhaṃ trinayanaṃ raktāṅgarāgasrajaṃsmerāsyaṃ varadaṃ kapālamabhayaṃ śūlaṃ dadhānaṃ karaiḥ ||nīlagrīvamudārabhūṣaṇayutaṃ śītāṃśukhaṇḍojjvalaṃbandhūkāruṇavāsasaṃ bhayaharaṃ devaṃ sadā bhāvaye || 2||

मन्त्रमहार्णवे तामसध्यानम्ध्यायेन्नीलाद्रिकान्तिं शशिशकलधरं मुण्डमालं महेशंदिग्वस्त्रं पिङ्गलाक्षं डमरुमथ सृणिं खड्गपाशाभयानि ॥नागं घण्टां कपालं करसरसिरुहैर्बिभ्रतं भीमदंष्ट्रं,दिव्याकल्पं त्रिनेत्रं मणिमयविलसत्किङ्किणीनूपुराढ्यम् ॥ ३॥

mantramahārṇave tāmasadhyānamdhyāyennīlādrikāntiṃ śaśiśakaladharaṃ muṇḍamālaṃ maheśaṃdigvastraṃ piṅgalākṣaṃ ḍamarumatha sṛṇiṃ khaḍgapāśābhayāni ||nāgaṃ ghaṇṭāṃ kapālaṃ karasarasiruhairbibhrataṃ bhīmadaṃṣṭraṃ,divyākalpaṃ trinetraṃ maṇimayavilasatkiṅkiṇīnūpurāḍhyam || 3||

॥ इति ध्यानत्रयम् ॥सात्त्विकं ध्यानमाख्यातञ्चतुर्वर्गफलप्रदम् ।राजसं कार्यशुभदं तामसं शत्रुनाशनम् ॥ १॥

|| iti dhyānatrayam ||sāttvikaṃ dhyānamākhyātañcaturvargaphalapradam |rājasaṃ kāryaśubhadaṃ tāmasaṃ śatrunāśanam || 1||

ध्यात्वा जपेत्सुसंहृष्टः सर्वान्कामानवाप्नुयात् ।आयुरारोग्यमैश्वर्यं सिद्ध्यर्थं विनियोजयेत् ॥ २॥

dhyātvā japetsusaṃhṛṣṭaḥ sarvānkāmānavāpnuyāt |āyurārogyamaiśvaryaṃ siddhyarthaṃ viniyojayet || 2||

विनियोगःॐ अस्य श्रीबटुकभैरवनामाष्टशतकस्य आपदुद्धारणस्तोमन्त्रस्य,बृहदारण्यको नाम ऋषिः, श्रीबटुकभैरवो देवता, अनुष्टुप् छन्दः,ह्रीं बीजम्, बटुकायेति शक्तिः, प्रणवः कीलकं, अभीष्टतां सिद्ध्यिर्थेजपे विनियोगः ॥ ह्रीं ह्रौं नमः शिवाय इति नमस्कार मन्त्रः ॥॥ अथ ध्यानम् ॥वन्दे बालं स्फटिकसदृशं कुण्डलोद्भासिवक्त्रंदिव्याकल्पैर्नवमणिमयैः किङ्किणीनूपुराढ्यैः ।दीप्ताकारं विशदवदनं सुप्रसन्नं त्रिनेत्रंहस्ताग्राभ्यां वटुकमनिशं शूलदण्डौ दधानम् ॥करकलितकपालः कुण्डली दण्डपाणिःतरुणतिमिरनीलो व्यालयज्ञोपवीती ।क्रतुसमयसपर्याविघ्नविच्छिप्तिहेतुःजयति वटुकनाथः सिद्धिदः साधकानाम् ॥शुद्धस्फटिकसङ्काशं सहस्रादित्यवर्चसम् ।नीलजीमूतसङ्काशं नीलाञ्जनसमप्रभम् ॥अष्टबाहुं त्रिनयनं चतुर्बाहुं द्विबाहुकम् ।दशबाहुमथोग्रं च दिव्याम्बरपरिग्रहम् ॥दंष्ट्राकरालवदनं नूपुरारावसङ्कुलम् ।भुजङ्गमेखलं देवमग्निवर्णं शिरोरुहम् ॥दिगम्बरमाकुरेशं बटुकाख्यं महाबलम् ।खट्वाङ्गमसिपाशं च शूलं दक्षिणभागतः ॥डमरुं च कपालं च वरदं भुजगं तथा ।आत्मवर्णसमोपेतं सारमेयसमन्वितम् ॥॥ इति ध्यानम् ॥॥ मूलमन्त्रः ॥ॐ ह्रीं बटुकायापदुद्धारणाय कुरु कुरु बटुकाय ह्रीं ॐइसका जप ११ २१ ५१ या १०८ बार करे॥ अथ स्तोत्रम् ॥ॐ ह्रीं भैरवो भूतनाथश्च भूतात्मा भूतभावनः ।क्षेत्रज्ञः क्षेत्रपालश्च क्षेत्रज्ञः क्षत्रियो विराट् ॥ १॥

viniyogaḥoṃ asya śrībaṭukabhairavanāmāṣṭaśatakasya āpaduddhāraṇastomantrasya,bṛhadāraṇyako nāma ṛṣiḥ, śrībaṭukabhairavo devatā, anuṣṭup chandaḥ,hrīṃ bījam, baṭukāyeti śaktiḥ, praṇavaḥ kīlakaṃ, abhīṣṭatāṃ siddhyirthejape viniyogaḥ || hrīṃ hrauṃ namaḥ śivāya iti namaskāra mantraḥ |||| atha dhyānam ||vande bālaṃ sphaṭikasadṛśaṃ kuṇḍalodbhāsivaktraṃdivyākalpairnavamaṇimayaiḥ kiṅkiṇīnūpurāḍhyaiḥ |dīptākāraṃ viśadavadanaṃ suprasannaṃ trinetraṃhastāgrābhyāṃ vaṭukamaniśaṃ śūladaṇḍau dadhānam ||karakalitakapālaḥ kuṇḍalī daṇḍapāṇiḥtaruṇatimiranīlo vyālayajñopavītī |kratusamayasaparyāvighnavicchiptihetuḥjayati vaṭukanāthaḥ siddhidaḥ sādhakānām ||śuddhasphaṭikasaṅkāśaṃ sahasrādityavarcasam |nīlajīmūtasaṅkāśaṃ nīlāñjanasamaprabham ||aṣṭabāhuṃ trinayanaṃ caturbāhuṃ dvibāhukam |daśabāhumathograṃ ca divyāmbaraparigraham ||daṃṣṭrākarālavadanaṃ nūpurārāvasaṅkulam |bhujaṅgamekhalaṃ devamagnivarṇaṃ śiroruham ||digambaramākureśaṃ baṭukākhyaṃ mahābalam |khaṭvāṅgamasipāśaṃ ca śūlaṃ dakṣiṇabhāgataḥ ||ḍamaruṃ ca kapālaṃ ca varadaṃ bhujagaṃ tathā |ātmavarṇasamopetaṃ sārameyasamanvitam |||| iti dhyānam |||| mūlamantraḥ ||oṃ hrīṃ baṭukāyāpaduddhāraṇāya kuru kuru baṭukāya hrīṃ oṃisakā japa 11 21 51 yā 108 bāra kare|| atha stotram ||oṃ hrīṃ bhairavo bhūtanāthaśca bhūtātmā bhūtabhāvanaḥ |kṣetrajñaḥ kṣetrapālaśca kṣetrajñaḥ kṣatriyo virāṭ || 1||

श्मशानवासी मांसाशी खर्पराशी स्मरान्तकः ।रक्तपः पानपः सिद्धः सिद्धिदः सिद्धसेवितः ॥ २॥

śmaśānavāsī māṃsāśī kharparāśī smarāntakaḥ |raktapaḥ pānapaḥ siddhaḥ siddhidaḥ siddhasevitaḥ || 2||

कङ्कालः कालशमनः कलाकाष्ठातनुः कविः ।त्रिनेत्रो बहुनेत्रश्च तथा पिङ्गललोचनः ॥ ३॥

kaṅkālaḥ kālaśamanaḥ kalākāṣṭhātanuḥ kaviḥ |trinetro bahunetraśca tathā piṅgalalocanaḥ || 3||

शूलपाणिः खड्गपाणिः कङ्काली धूम्रलोचनः ।अभीरुर्भैरवीनाथो भूतपो योगिनीपतिः ॥ ४॥

śūlapāṇiḥ khaḍgapāṇiḥ kaṅkālī dhūmralocanaḥ |abhīrurbhairavīnātho bhūtapo yoginīpatiḥ || 4||

धनदोऽधनहारि च धनवान्प्रीतिवर्धनः । प्रतिभानवान्नागहारो नागकेशो व्योमकेशो कपालभृत् ॥ ५॥ नागपाशो

dhanado'dhanahāri ca dhanavānprītivardhanaḥ | pratibhānavānnāgahāro nāgakeśo vyomakeśo kapālabhṛt || 5|| nāgapāśo

कालः कपालमालि च कमनीयः कलानिधिः ।त्रिलोचनो ज्वलन्नेत्रस्त्रिशिखी च त्रिलोकभृत् ॥ ६॥ त्रिलोकपः

kālaḥ kapālamāli ca kamanīyaḥ kalānidhiḥ |trilocano jvalannetrastriśikhī ca trilokabhṛt || 6|| trilokapaḥ

त्रिनेत्रतनयो डिम्भः शान्तः शान्तजनप्रियः ।बटुको बटुवेशश्च खट्वाङ्गवरधारकः ॥ ७॥

trinetratanayo ḍimbhaḥ śāntaḥ śāntajanapriyaḥ |baṭuko baṭuveśaśca khaṭvāṅgavaradhārakaḥ || 7||

भूताध्यक्षो पशुपतिर्भिक्षुकः परिचारकः ।धूर्तो दिगम्बरः शूरो हरिणः पाण्डुलोचनः ॥ ८॥

bhūtādhyakṣo paśupatirbhikṣukaḥ paricārakaḥ |dhūrto digambaraḥ śūro hariṇaḥ pāṇḍulocanaḥ || 8||

प्रशान्तः शान्तिदः शुद्धः शङ्करप्रियबान्धवः ।अष्टमूर्तिर्निधीशश्च ज्ञानचक्षुस्तपोमयः ॥ ९॥

praśāntaḥ śāntidaḥ śuddhaḥ śaṅkarapriyabāndhavaḥ |aṣṭamūrtirnidhīśaśca jñānacakṣustapomayaḥ || 9||

अष्टाधारः षडाधारः सर्पयुक्तः शिखीसखः ।भूधरो भुधराधीशो भूपतिर्भूधरात्मजः ॥ १०॥

aṣṭādhāraḥ ṣaḍādhāraḥ sarpayuktaḥ śikhīsakhaḥ |bhūdharo bhudharādhīśo bhūpatirbhūdharātmajaḥ || 10||

कङ्कालधारी मुण्डी च आन्त्रयज्ञोपवीतवान् ।वरिअतिओन् कपालधारि मुण्डी च नागयज्ञोपवीतवान् ।जृम्भणो मोहनः स्तम्भी मारणः क्षोभणस्तथा ॥ ११॥

kaṅkāladhārī muṇḍī ca āntrayajñopavītavān |variation kapāladhāri muṇḍī ca nāgayajñopavītavān |jṛmbhaṇo mohanaḥ stambhī māraṇaḥ kṣobhaṇastathā || 11||

शुद्धनीलाञ्जनप्रख्यो दैत्यहा मुण्डविभूषितः ।बलिभुग् बलिभुङ्नाथो बालोऽबालपराक्रमः ॥ १२॥

śuddhanīlāñjanaprakhyo daityahā muṇḍavibhūṣitaḥ |balibhug balibhuṅnātho bālo'bālaparākramaḥ || 12||

सर्वापत्तारणो दुर्गो दुष्टभूतनिषेवितः ।कामी कलानिधिः कान्तः कामिनीवशकृद्वशी ॥ १३॥

sarvāpattāraṇo durgo duṣṭabhūtaniṣevitaḥ |kāmī kalānidhiḥ kāntaḥ kāminīvaśakṛdvaśī || 13||

जगद्रक्षाकरोऽनन्तो मायामन्त्रौषधीमयः ।सर्वसिद्धिप्रदो वैद्यः प्रभविष्णुरितीव हि ह्रीं ओम् ॥ १४॥

jagadrakṣākaro'nanto māyāmantrauṣadhīmayaḥ |sarvasiddhiprado vaidyaḥ prabhaviṣṇuritīva hi hrīṃ om || 14||

फलश्रुतिः ।अष्टोत्तरशतं नाम्नां भैरवाय महात्मनः ।मया ते कथितं देवि रहस्यं सर्वकामदम् ॥ १५॥

phalaśrutiḥ |aṣṭottaraśataṃ nāmnāṃ bhairavāya mahātmanaḥ |mayā te kathitaṃ devi rahasyaṃ sarvakāmadam || 15||

य इदं पठति स्तोत्रं नामाष्टशतमुत्तमम् ।न तस्य दुरितं किञ्चिन्न रोगेभ्यो भयं भवेत् ॥ १६॥

ya idaṃ paṭhati stotraṃ nāmāṣṭaśatamuttamam |na tasya duritaṃ kiñcinna rogebhyo bhayaṃ bhavet || 16||

न च मारीभयं किञ्चिन्न च भूतभयं क्वचित् ।न शत्रुभ्यो भयं किञ्चित्प्राप्नुयान्मानवः क्वचित् ॥ १७॥

na ca mārībhayaṃ kiñcinna ca bhūtabhayaṃ kvacit |na śatrubhyo bhayaṃ kiñcitprāpnuyānmānavaḥ kvacit || 17||

पातकेभ्यो भयं नैव यः पठेत्स्तोत्रमुत्तमम् ।मारीभये राजभये तथा चौराग्निजे भये ॥ १८॥

pātakebhyo bhayaṃ naiva yaḥ paṭhetstotramuttamam |mārībhaye rājabhaye tathā caurāgnije bhaye || 18||

औत्पत्तिके महाघोरे तथा दुःखप्रदर्शने ।बन्धने च तथा घोरे पठेत्स्तोत्रमनुत्तमम् ॥ १९॥

autpattike mahāghore tathā duḥkhapradarśane |bandhane ca tathā ghore paṭhetstotramanuttamam || 19||

सर्वं प्रशममायाति भयं भैरवकीर्तनात् ।एकादशसहस्रं तु पुरश्चरणमुच्यते ॥ २०॥

sarvaṃ praśamamāyāti bhayaṃ bhairavakīrtanāt |ekādaśasahasraṃ tu puraścaraṇamucyate || 20||

यस्त्रिसन्ध्यं पठेद्देवि संवत्सरमतन्द्रितः ।स सिद्धिं प्राप्नुयादिष्टां दुर्लभामपि मानवः ॥ २१॥

yastrisandhyaṃ paṭheddevi saṃvatsaramatandritaḥ |sa siddhiṃ prāpnuyādiṣṭāṃ durlabhāmapi mānavaḥ || 21||

षण्मासं भूमिकामस्तु जपित्बा प्राप्नुयान्महीम् ।राजशत्र्युविनाशार्थं पठेन्मासाष्टकं पुनः ॥ २२॥

ṣaṇmāsaṃ bhūmikāmastu japitbā prāpnuyānmahīm |rājaśatryuvināśārthaṃ paṭhenmāsāṣṭakaṃ punaḥ || 22||

रात्रौ वारत्रयं चैव नाशयत्येव शात्रवान् ।जपेन्मासत्रयं मर्त्यो राजानं वशमानयेत् ॥ २३॥

rātrau vāratrayaṃ caiva nāśayatyeva śātravān |japenmāsatrayaṃ martyo rājānaṃ vaśamānayet || 23||

धनार्थी च सुतार्थी च दारार्थी चापि मानवः ।पठेन् (जपेन्) मासत्रयं देवि वारमेकं तथा निशि ॥ २४॥

dhanārthī ca sutārthī ca dārārthī cāpi mānavaḥ |paṭhen (japen) māsatrayaṃ devi vāramekaṃ tathā niśi || 24||

धनं पुत्रं तथा दारान्प्राप्नुयान्नात्र संशयः ।रोगी भयात्प्रमुच्येत बद्धो मुच्येत बन्धनात् ॥ २५॥

dhanaṃ putraṃ tathā dārānprāpnuyānnātra saṃśayaḥ |rogī bhayātpramucyeta baddho mucyeta bandhanāt || 25||

भीतो भयात्प्रमुच्येत देवि सत्यं न संशयः ।निगडिश्चापि बद्धो यः कारागेहे निपातितः ॥ २६॥

bhīto bhayātpramucyeta devi satyaṃ na saṃśayaḥ |nigaḍiścāpi baddho yaḥ kārāgehe nipātitaḥ || 26||

शृङ्खलाबन्धनं प्राप्तं पठेच्चैव दिवानिशि ।यं यं चिन्तयते कामं तं तं प्राप्नोति निश्चितम् ।अप्रकाश्यं परं गुह्यं न देयं यस्य कस्यचित् ॥ २७॥

śṛṅkhalābandhanaṃ prāptaṃ paṭheccaiva divāniśi |yaṃ yaṃ cintayate kāmaṃ taṃ taṃ prāpnoti niścitam |aprakāśyaṃ paraṃ guhyaṃ na deyaṃ yasya kasyacit || 27||

सुकुलीनाय शान्ताय ऋजवे दम्भवर्जिते ।दद्यात्स्तोत्रमिमं पुण्यं सर्वकामफलप्रदम् ॥ २८॥

sukulīnāya śāntāya ṛjave dambhavarjite |dadyātstotramimaṃ puṇyaṃ sarvakāmaphalapradam || 28||

जजाप परमं प्राप्यं भैरवस्य महात्मनः ।भैरवस्य प्रसन्नाभूत्सर्वलोकमहेश्वरी ॥ २९॥

jajāpa paramaṃ prāpyaṃ bhairavasya mahātmanaḥ |bhairavasya prasannābhūtsarvalokamaheśvarī || 29||

भैरवस्तु प्रहृष्टोऽभूत्सर्वगः परमेश्वरः ।जजाप परया भक्त्या सदा सर्वेश्वरेश्वरीम् ॥ ३०॥

bhairavastu prahṛṣṭo'bhūtsarvagaḥ parameśvaraḥ |jajāpa parayā bhaktyā sadā sarveśvareśvarīm || 30||

॥ इति श्रीबटुकभैरवाष्टोत्तरशतनामस्तोत्रं सम्पूर्णम् ॥

|| iti śrībaṭukabhairavāṣṭottaraśatanāmastotraṃ sampūrṇam ||