बाणाष्टकम् Shri Bana Ashtakam
bāṇāṣṭakam
Shri Bana Ashtakam (बाणाष्टकम्): an eight-verse hymn (aṣṭaka) to Śiva. 9 verses in Sanskrit with Devanagari and IAST.
- Stotra
- Aṣṭakam
- Śiva
- Ashtaka
बाणाष्टकम्
1 / 9
श्रीमत्कपर्दितटिनीतटशोभनायशीतांशुरेखपरिकल्पितशेखराय ।नित्याय निर्मलगुणाय निरञ्जनायनीहारहारधवलाय नमः शिवाय ॥ १॥
śrīmatkaparditaṭinītaṭaśobhanāyaśītāṃśurekhaparikalpitaśekharāya |nityāya nirmalaguṇāya nirañjanāyanīhārahāradhavalāya namaḥ śivāya || 1||
डिण्डीरपिण्डपरिपाण्डुरविग्रहायदीव्यज्जटापटलमण्डितमस्तकाय ।नागेन्द्रकृत्तिवसनाय निरामयायनारायणप्रियतमाय नमः शिवाय ॥ २॥
ḍiṇḍīrapiṇḍaparipāṇḍuravigrahāyadīvyajjaṭāpaṭalamaṇḍitamastakāya |nāgendrakṛttivasanāya nirāmayāyanārāyaṇapriyatamāya namaḥ śivāya || 2||
दर्वीकराकलितकुण्डलमध्यमानं (मण्ड्यमान)गण्डाय चण्डसुरशात्रवदण्डनाय ।आखण्डलादिसुरमण्डलमध्यमान (वन्द्यमान)पादाम्बुजाय वरदाय नमः शिवाय ॥ ३॥
darvīkarākalitakuṇḍalamadhyamānaṃ (maṇḍyamāna)gaṇḍāya caṇḍasuraśātravadaṇḍanāya |ākhaṇḍalādisuramaṇḍalamadhyamāna (vandyamāna)pādāmbujāya varadāya namaḥ śivāya || 3||
कालान्तकाय कमलासनपूजितायकल्याणशैलपरिकल्पितकार्मुकाय ।कन्दर्पदर्पदहनाय कलाधरायकारुण्यपुण्यनयनाय नमः शिवाय ॥ ४॥
kālāntakāya kamalāsanapūjitāyakalyāṇaśailaparikalpitakārmukāya |kandarpadarpadahanāya kalādharāyakāruṇyapuṇyanayanāya namaḥ śivāya || 4||
विश्वेश्वराय वृषभोत्तमवाहनायविध्वस्तदक्षविहरा(विहिता)ध्वरविभ्रमाय ।गङ्गाधराय गजदानवमर्दनायदोर्दण्डदण्डविभवाय नमः शिवाय ॥ ५॥
viśveśvarāya vṛṣabhottamavāhanāyavidhvastadakṣaviharā(vihitā)dhvaravibhramāya |gaṅgādharāya gajadānavamardanāyadordaṇḍadaṇḍavibhavāya namaḥ śivāya || 5||
सोमानलार्कपरिकल्पितलोचनायसोमार्कवह्निमुनिपुङ्गवसेविताय ।भूतेश्वराय भुवनत्रयनायकायभूत्यङ्गरागशुभदाय नमः शिवाय ॥ ६॥
somānalārkaparikalpitalocanāyasomārkavahnimunipuṅgavasevitāya |bhūteśvarāya bhuvanatrayanāyakāyabhūtyaṅgarāgaśubhadāya namaḥ śivāya || 6||
नानाविधागमरहस्यविबोधकायस्वीयानुभावपरिकल्पितभावनाय ।भक्तार भक्तिविवशान्मलनाशनायस्वर्गापवर्गसुखदाय नमः शिवाय ॥ ७॥
nānāvidhāgamarahasyavibodhakāyasvīyānubhāvaparikalpitabhāvanāya |bhaktāra bhaktivivaśānmalanāśanāyasvargāpavargasukhadāya namaḥ śivāya || 7||
लोकत्रयाध्व(घ)हरणोत्सुकमानसायलोकत्रयार्चितपदाय जगन्मयाय ।श्रीभट्टबाणकविसूक्तिविराजितायकैवल्यदाननिपुणाय नमः शिवाय ॥ ८॥
lokatrayādhva(gha)haraṇotsukamānasāyalokatrayārcitapadāya jaganmayāya |śrībhaṭṭabāṇakavisūktivirājitāyakaivalyadānanipuṇāya namaḥ śivāya || 8||
॥ इति श्रीबाणाष्टकं सम्पूर्णम् ॥
|| iti śrībāṇāṣṭakaṃ sampūrṇam ||
॥ इति बाणाष्टकम् सम्पूर्णम् ॥
Recitation complete
- Meaning
- Grammar
Meanings, sources and related recitations appear here once you finish reading.
Questions
How many verses are in Shri Bana Ashtakam?
Shri Bana Ashtakam has 9 verses on this page, each shown with its number, Devanagari text and transliteration, and meaning where available.
Can I read Shri Bana Ashtakam in Telugu, Kannada or Tamil?
Yes. Use the script buttons at the top of the text (देवनागरी, తెలుగు, ಕನ್ನಡ, தமிழ்) to read the same verses in Telugu, Kannada or Tamil script. Turn on IAST for Roman letters with pronunciation marks. Your choice is remembered on this device.
Is there a PDF of Shri Bana Ashtakam?
You do not need a PDF: this page has the complete text, kept up to date when corrections are made, in every script and with meanings. Tap Save to keep it in your library and open it any time.
