बहुरूपगर्भस्तोत्रम् Shri Bahurupagarbha Stotram

ॐ ब्रह्मादिकारणातीतं स्वशक्त्यानन्दनिर्भरम् ।नमामि परमेशानं स्वच्छन्दं वीरनायकम् ॥ १॥

oṃ brahmādikāraṇātītaṃ svaśaktyānandanirbharam |namāmi parameśānaṃ svacchandaṃ vīranāyakam || 1||

कैलासशिखरासीनं देवदेवं जगद्गुरुम् ।पप्रच्छ प्रणता देवी भैरवं विगतामयम् ॥ २॥

kailāsaśikharāsīnaṃ devadevaṃ jagadgurum |papraccha praṇatā devī bhairavaṃ vigatāmayam || 2||

श्रीदेव्युवाचप्रायश्चित्तेषु सर्वेषु समयोल्लङ्घनेषु च ।महाभयेषु घोरेषु तीव्रोपद्रवभूमिषु ॥ ३॥

śrīdevyuvācaprāyaścitteṣu sarveṣu samayollaṅghaneṣu ca |mahābhayeṣu ghoreṣu tīvropadravabhūmiṣu || 3||

छिद्रस्थानेषु सर्वेषु सदुपायं वद प्रभो ।येनायासेन रहितो निर्दोषश्च भवेन्नरः ॥ ४॥

chidrasthāneṣu sarveṣu sadupāyaṃ vada prabho |yenāyāsena rahito nirdoṣaśca bhavennaraḥ || 4||

श्रीभैरवः उवाचशृणु देवि परं गुह्यं रहस्यं परमाद्भुतम् ।सर्वपापप्रशमनं सर्वदुःखनिवारणम् ॥ ५॥

śrībhairavaḥ uvācaśṛṇu devi paraṃ guhyaṃ rahasyaṃ paramādbhutam |sarvapāpapraśamanaṃ sarvaduḥkhanivāraṇam || 5||

प्रायश्चित्तेषु सर्वेषु तीव्रेष्वपि विमोचनम् ।सर्वच्छिद्रापहरणं सर्वार्तिविनिवारकम् ॥ ६॥

prāyaścitteṣu sarveṣu tīvreṣvapi vimocanam |sarvacchidrāpaharaṇaṃ sarvārtivinivārakam || 6||

समयोल्लङ्घने घोरे जपादेव विमोचनम् ।भोगमोक्षप्रदं देवि सर्वसिद्धिफलावहम् ॥ ७॥ (सर्वसिद्धिफलप्रदम्)

samayollaṅghane ghore japādeva vimocanam |bhogamokṣapradaṃ devi sarvasiddhiphalāvaham || 7|| (sarvasiddhiphalapradam)

शतजाप्येन शुद्।ह्ध्यन्ति महापातकिनोऽपि ये ।तदर्धं पातकं हन्ति तत्पादेनोपपातकम् ॥ ८॥

śatajāpyena śud|hdhyanti mahāpātakino'pi ye |tadardhaṃ pātakaṃ hanti tatpādenopapātakam || 8||

कायिकं वाचिकं चैव मानसं स्पर्शदोषजम् ।प्रमादादिच्छया वापि सकृज्जाप्येन शुद्धयति ॥ ९॥

kāyikaṃ vācikaṃ caiva mānasaṃ sparśadoṣajam |pramādādicchayā vāpi sakṛjjāpyena śuddhayati || 9||

यागारम्भे च यागान्ते पठितव्यं प्रयत्नतः ।श्रोतव्यं च सदा भक्त्या परं स्वस्त्ययनं महत् ॥ १०॥

yāgārambhe ca yāgānte paṭhitavyaṃ prayatnataḥ |śrotavyaṃ ca sadā bhaktyā paraṃ svastyayanaṃ mahat || 10||

नित्ये नैमित्तिके काम्ये परस्याप्यात्मनोऽपि वा ।निश्छिद्रकरणं प्रोक्तमभावपरिपूरकम् ॥ ११॥ (प्रोक्तं स्वभावपरिपूरणम्)

nitye naimittike kāmye parasyāpyātmano'pi vā |niśchidrakaraṇaṃ proktamabhāvaparipūrakam || 11|| (proktaṃ svabhāvaparipūraṇam)

द्रव्यहीने मन्त्रहीने ज्ञानयोगविवर्जिते । (यज्ञयोगविवर्जिते)भक्तिश्रद्धाविरहिते शुद्धिशून्ये विशेषतः ॥ १२॥

dravyahīne mantrahīne jñānayogavivarjite | (yajñayogavivarjite)bhaktiśraddhāvirahite śuddhiśūnye viśeṣataḥ || 12||

मनोविक्षेपदोषे च विलोमे पशुवीक्षिते । (विलोपे)विधिहीने प्रमादे च जप्तव्यं सर्वकर्मसु ॥ १३॥

manovikṣepadoṣe ca vilome paśuvīkṣite | (vilope)vidhihīne pramāde ca japtavyaṃ sarvakarmasu || 13||

नातः परतरो मन्त्रो नातः परतरा स्तवः । (स्तुतिः)नातः परतरा काचित्सम्यक्प्रत्यङ्गिरा प्रिये! ॥ १४॥

nātaḥ parataro mantro nātaḥ paratarā stavaḥ | (stutiḥ)nātaḥ paratarā kācitsamyakpratyaṅgirā priye! || 14||

इयं समयविद्यानां राजराजेश्वरीश्वरि ।परमाप्यायनं देवि भैरवस्य प्रकीर्तितम् ॥ १५॥

iyaṃ samayavidyānāṃ rājarājeśvarīśvari |paramāpyāyanaṃ devi bhairavasya prakīrtitam || 15||

प्रीणनं सर्वदेवानां सर्वसौभाग्यवर्धनम् ।स्तवराजमिमं पुण्यं शृणुष्वावहिता देवि! ॥ १६॥ (प्रिये)

prīṇanaṃ sarvadevānāṃ sarvasaubhāgyavardhanam |stavarājamimaṃ puṇyaṃ śṛṇuṣvāvahitā devi! || 16|| (priye)

अथ विनियोगःअस्य श्रीमदघोरभट्टारकसकलस्वच्छन्दभैरवमन्त्रस्यश्रीकालाग्निरुद्रभैरव ऋषिः, पङ्क्तिश्छन्दः,सकलभट्टारकाघोरमूर्तिर्देवता, ॐ बीजं, ह्रीं शक्तिः, कुरु कुरु कीलकं,श्रीबहुरूपगर्भप्रीत्यर्थं पाठे विनियोगः ।(श्री गुरवे नमः ।श्रीमत्स्वच्छन्दभट्टारकाय प्रह्वीभावोऽस्तु ।मद्वंश परम्परागतस्वेष्टदेवाय स्वच्छन्दनाथाय नमो नमः ।अस्य श्रीबहुरूपभट्टारकस्तोत्रस्य श्रीवामदेव ऋषिः,अनुष्टुप्छन्दः, श्रीबहुरूपभट्टारको देवता,आत्मनो वाङ्मनः कायोपार्जितपापनिवारणार्थंचतुर्वर्गसिद्।ह्ध्यर्थे पाठे विनियोगः ॥(अघोरमन्त्रेण न्यासं कृत्वा) ।अघोरेभ्यो अङ्गुष्ठाभ्यां नमः ।अथ घोरेभ्यो तर्जनीभ्यां नमः ।घोरघोरतरीभ्यश्च/तरेभ्यश्च मध्यमाभ्यां नमः ।सर्वतः अनामिकाभ्यां नमः ।शर्व! सर्वेभ्यो कनिष्ठिकाभ्यां नमः ।नमस्ते रुद्ररूपेभ्यः करतलकरपृष्ठाभ्यां नमः ।अघोरेभ्यो हृदयाय नमः ।अथ घोरेभ्यो शिरसे स्वाहा ।घोरघोरतरीभ्यश्च/तरेभ्यश्च शिखायै वषट् ।सर्वतः कवचायहुम् ।शर्व! सर्वेभ्यो नेत्राभ्यां वौषट् ।नमस्ते रुद्ररूपेभ्यः अस्त्राय फट् ।अघोरेभ्योऽथ घोरेभ्यो घोरघोरतरीभ्यश्च (तरेभ्यश्च) ।सर्वतः शर्व! सर्वेभ्यो नमस्ते रुद्ररूपेभ्यः ॥)अथ ध्यानम्वामे खेटकपाशशार्ङ्गविलसद्दण्डं च वीणाष्टिकेबिभ्राणं ध्वजमुद्गरौ स्वनिभदे व्यङ्कं कुठारं करे ।दक्षेऽप्यङ्कुशकन्दलेषुडमरून् वज्रं त्रिशूलाभयान्रुद्रस्थं शरवक्त्रमिन्दुधवलं स्वच्छन्दनाथं स्तुमः ॥(अथ गायत्रीॐ बहुरूपाय विद्महे कोटराक्षाय धीमहि । तन्नोऽघोरः प्रचोदयात् ॥ ३॥

atha viniyogaḥasya śrīmadaghorabhaṭṭārakasakalasvacchandabhairavamantrasyaśrīkālāgnirudrabhairava ṛṣiḥ, paṅktiśchandaḥ,sakalabhaṭṭārakāghoramūrtirdevatā, oṃ bījaṃ, hrīṃ śaktiḥ, kuru kuru kīlakaṃ,śrībahurūpagarbhaprītyarthaṃ pāṭhe viniyogaḥ |(śrī gurave namaḥ |śrīmatsvacchandabhaṭṭārakāya prahvībhāvo'stu |madvaṃśa paramparāgatasveṣṭadevāya svacchandanāthāya namo namaḥ |asya śrībahurūpabhaṭṭārakastotrasya śrīvāmadeva ṛṣiḥ,anuṣṭupchandaḥ, śrībahurūpabhaṭṭārako devatā,ātmano vāṅmanaḥ kāyopārjitapāpanivāraṇārthaṃcaturvargasid|hdhyarthe pāṭhe viniyogaḥ ||(aghoramantreṇa nyāsaṃ kṛtvā) |aghorebhyo aṅguṣṭhābhyāṃ namaḥ |atha ghorebhyo tarjanībhyāṃ namaḥ |ghoraghoratarībhyaśca/tarebhyaśca madhyamābhyāṃ namaḥ |sarvataḥ anāmikābhyāṃ namaḥ |śarva! sarvebhyo kaniṣṭhikābhyāṃ namaḥ |namaste rudrarūpebhyaḥ karatalakarapṛṣṭhābhyāṃ namaḥ |aghorebhyo hṛdayāya namaḥ |atha ghorebhyo śirase svāhā |ghoraghoratarībhyaśca/tarebhyaśca śikhāyai vaṣaṭ |sarvataḥ kavacāyahum |śarva! sarvebhyo netrābhyāṃ vauṣaṭ |namaste rudrarūpebhyaḥ astrāya phaṭ |aghorebhyo'tha ghorebhyo ghoraghoratarībhyaśca (tarebhyaśca) |sarvataḥ śarva! sarvebhyo namaste rudrarūpebhyaḥ ||)atha dhyānamvāme kheṭakapāśaśārṅgavilasaddaṇḍaṃ ca vīṇāṣṭikebibhrāṇaṃ dhvajamudgarau svanibhade vyaṅkaṃ kuṭhāraṃ kare |dakṣe'pyaṅkuśakandaleṣuḍamarūn vajraṃ triśūlābhayānrudrasthaṃ śaravaktramindudhavalaṃ svacchandanāthaṃ stumaḥ ||(atha gāyatrīoṃ bahurūpāya vidmahe koṭarākṣāya dhīmahi | tanno'ghoraḥ pracodayāt || 3||

अथ मूलम्ॐ हूं अघोरेभ्योऽथ घोरेभ्यो घोरघोरतरेभ्यश्च ।सर्वथा शर्व सर्वेभ्यो नमस्ते रुद्ररूपेभ्यः) १०८, ॐ श्रीभैरवः ॥)श्रीभैरव उवाचॐ नमः परमाकाशशायिने परमात्मने ।शिवाय परसंशान्तनिरानन्दपदाय ते ॥ १॥

atha mūlamoṃ hūṃ aghorebhyo'tha ghorebhyo ghoraghoratarebhyaśca |sarvathā śarva sarvebhyo namaste rudrarūpebhyaḥ) 108, oṃ śrībhairavaḥ ||)śrībhairava uvācaoṃ namaḥ paramākāśaśāyine paramātmane |śivāya parasaṃśāntanirānandapadāya te || 1||

अवाच्यायाप्रमेयाय प्रमात्रे विश्वहेतवे ।महासामान्यरूपाय सत्तामात्रैकरूपिणे ॥ २॥

avācyāyāprameyāya pramātre viśvahetave |mahāsāmānyarūpāya sattāmātraikarūpiṇe || 2||

घोषादिदशधा शब्दबीजभूताय शम्भवे ।नमः शान्तोग्रघोरादिमन्त्रसन्दर्भगर्भिणे ॥ ३॥

ghoṣādidaśadhā śabdabījabhūtāya śambhave |namaḥ śāntograghorādimantrasandarbhagarbhiṇe || 3||

रेवतीसङ्गविस्रम्भसमाश्लेषविलासिने ।नमः समरसास्वादपरानन्दोपभोगिने ॥ ४॥

revatīsaṅgavisrambhasamāśleṣavilāsine |namaḥ samarasāsvādaparānandopabhogine || 4||

भोगपाणे नमस्तुभ्यं योगीशपूजितात्मने । (योगीशैः पूजितात्मने)द्वयनिर्दलनोद्योगसमुल्लासितमूर्तये ॥ ५॥

bhogapāṇe namastubhyaṃ yogīśapūjitātmane | (yogīśaiḥ pūjitātmane)dvayanirdalanodyogasamullāsitamūrtaye || 5||

थरत्प्रसरविक्षोभविसृष्टाखिलजन्तवे ।नमो मायास्वरूपाय स्थाणवे परमेष्ठिने ॥ ६॥

tharatprasaravikṣobhavisṛṣṭākhilajantave |namo māyāsvarūpāya sthāṇave parameṣṭhine || 6||

घोरसंसारसम्भोगदायिने स्थितिकारिणे ।कालादिक्षितिपर्यन्तं पालिने विभवे नमः ॥ ७॥

ghorasaṃsārasambhogadāyine sthitikāriṇe |kālādikṣitiparyantaṃ pāline vibhave namaḥ || 7||

रेहणाय महामोहध्वान्तविध्वंसहेतवे ।हृदयाम्बुजसङ्कोचभेदिने शिवभानवे ॥ ८॥ (हृदयाम्भोज)

rehaṇāya mahāmohadhvāntavidhvaṃsahetave |hṛdayāmbujasaṅkocabhedine śivabhānave || 8|| (hṛdayāmbhoja)

भोगमोक्षफलप्राप्तिहेतुयोगविधायिने ।नमः परमनिर्वाणदायिने चन्द्रमौलये ॥ ९॥

bhogamokṣaphalaprāptihetuyogavidhāyine |namaḥ paramanirvāṇadāyine candramaulaye || 9||

घोष्याय सर्वमन्त्राणां सर्ववाङ्मयमूर्तये ।नमः शर्वाय सर्वाय सर्वपापापहारिणे ॥ १०॥ (सर्वपाशापहारिणे)

ghoṣyāya sarvamantrāṇāṃ sarvavāṅmayamūrtaye |namaḥ śarvāya sarvāya sarvapāpāpahāriṇe || 10|| (sarvapāśāpahāriṇe)

रवणाय रवान्ताय नमस्तेऽरावराविणे ।नित्याय सुप्रबुद्धाय सर्वान्तरतमाय ते ॥ ११॥

ravaṇāya ravāntāya namaste'rāvarāviṇe |nityāya suprabuddhāya sarvāntaratamāya te || 11||

घोषाय परनादान्तश्चराय खचराय ते ।नमो वाक्पतये तुभ्यं भवाय भवभेदिने ॥ १२॥

ghoṣāya paranādāntaścarāya khacarāya te |namo vākpataye tubhyaṃ bhavāya bhavabhedine || 12||

रमणाय रतीशाङ्गदाहिने चित्रकर्मिणे ।नमः शैलसुताभर्त्रे विश्वकर्त्रे महात्मने ॥ १३॥

ramaṇāya ratīśāṅgadāhine citrakarmiṇe |namaḥ śailasutābhartre viśvakartre mahātmane || 13||

नमः पारप्रतिष्ठाय सर्वान्तपदगाय ते ।नमः समस्ततत्त्वाध्वव्यापिने चित्स्वरूपिणे ॥ १४॥

namaḥ pārapratiṣṭhāya sarvāntapadagāya te |namaḥ samastatattvādhvavyāpine citsvarūpiṇe || 14||

रेवद्वराय रुद्राय नमस्तेऽरूपरूपिणे ।परापरपरिस्पन्दमन्दिराय नमो नमः ॥ १५॥

revadvarāya rudrāya namaste'rūparūpiṇe |parāparaparispandamandirāya namo namaḥ || 15||

भरिताखिलविश्वाय योगगम्याय ते नमः । (योगगम्याय योगिने)नमः सर्वेश्वरेशाय महाहंसाय शम्भवे ॥ १६॥

bharitākhilaviśvāya yogagamyāya te namaḥ | (yogagamyāya yogine)namaḥ sarveśvareśāya mahāhaṃsāya śambhave || 16||

चर्च्याय चर्चनीयाय चर्चकाय चराय ते ।रवीन्दुसन्धिसंस्थाय महाचक्रेश ते नमः ॥ १७॥

carcyāya carcanīyāya carcakāya carāya te |ravīndusandhisaṃsthāya mahācakreśa te namaḥ || 17||

सर्वानुस्यूतरूपाय सर्वाच्छादकशक्तये ।सर्वभक्षाय सर्वाय नमस्ते सर्ववेदिने ॥ १८॥

sarvānusyūtarūpāya sarvācchādakaśaktaye |sarvabhakṣāya sarvāya namaste sarvavedine || 18||

रम्याय वल्लभाक्रान्तदेहार्धाय विनोदिने ।नमः प्रपन्नदुष्प्राप्यसौभाग्यफलदायिने ॥ १९॥

ramyāya vallabhākrāntadehārdhāya vinodine |namaḥ prapannaduṣprāpyasaubhāgyaphaladāyine || 19||

तन्महेशाय तत्त्वार्थवेदिने भवभेदिने । (भववेदिने)महाभैरवनाथाय भक्तिगम्याय ते नमः ॥ २०॥

tanmaheśāya tattvārthavedine bhavabhedine | (bhavavedine)mahābhairavanāthāya bhaktigamyāya te namaḥ || 20||

शक्तिगर्भप्रबोधाय शरण्यायाशरीरिणे ।शान्तिपुष्ट्यादिसाध्यार्थसाधकाय नमोऽस्तु ते ॥ २१॥

śaktigarbhaprabodhāya śaraṇyāyāśarīriṇe |śāntipuṣṭyādisādhyārthasādhakāya namo'stu te || 21||

रवत्कुण्डलिनीगर्भप्रबोधप्राप्तशक्तये ।उत्स्फोटनापटुप्रौढपरमाक्षरमूर्तये ॥ २२॥

ravatkuṇḍalinīgarbhaprabodhaprāptaśaktaye |utsphoṭanāpaṭuprauḍhaparamākṣaramūrtaye || 22||

समस्तव्यस्तसङ्ग्रस्तरश्मिजालोदरात्मने ।नमस्तुभ्यं महामीनरूपिणे विश्वगर्भिणे ॥ २३॥

samastavyastasaṅgrastaraśmijālodarātmane |namastubhyaṃ mahāmīnarūpiṇe viśvagarbhiṇe || 23||

रेवारणिसमुद्भूतवह्निज्वालावभासिने ।घनीभूतविकल्पात्मविश्वबन्धविलापिने ॥ २४॥ (विश्वबन्धविभेदिने)

revāraṇisamudbhūtavahnijvālāvabhāsine |ghanībhūtavikalpātmaviśvabandhavilāpine || 24|| (viśvabandhavibhedine)

भोगिनीस्यन्दनारूढिप्रौढिमालब्धगर्विणे ।नमस्ते सर्वभक्ष्याय परमामृतलाभिने ॥ २५॥

bhoginīsyandanārūḍhiprauḍhimālabdhagarviṇe |namaste sarvabhakṣyāya paramāmṛtalābhine || 25||

नफकोटिसमावेशभरिताखिलसृष्टये ।नमः शक्तिशरीराय कोटिद्वितयसङ्गिने ॥ २६॥

naphakoṭisamāveśabharitākhilasṛṣṭaye |namaḥ śaktiśarīrāya koṭidvitayasaṅgine || 26||

महामोहमलाक्रान्तजीववर्गप्रबोधिने ।महेश्वराय जगतां नमः कारणबन्धवे ॥ २७॥

mahāmohamalākrāntajīvavargaprabodhine |maheśvarāya jagatāṃ namaḥ kāraṇabandhave || 27||

स्तेनोन्मूलनदक्षैकस्मृतये विश्वमूर्तये ।नमस्तेऽस्तु महादेवनाम्ने परस्वधात्मने ॥ २८॥

stenonmūlanadakṣaikasmṛtaye viśvamūrtaye |namaste'stu mahādevanāmne parasvadhātmane || 28||

रुग्द्राविणे महावीर्यरुरुवंशविनाशिने ।रुद्राय द्राविताशेषबन्धनाय नमोनमः ॥ २९॥

rugdrāviṇe mahāvīryaruruvaṃśavināśine |rudrāya drāvitāśeṣabandhanāya namonamaḥ || 29||

द्रवत्पररसास्वादचर्वणोद्यतशक्तये । (चर्वणोद्युक्तशक्तये)नमस्त्रिदशपूज्याय सर्वकारणहेतवे ॥ ३०॥

dravatpararasāsvādacarvaṇodyataśaktaye | (carvaṇodyuktaśaktaye)namastridaśapūjyāya sarvakāraṇahetave || 30||

रूपातीत नमस्तुभ्यं नमस्ते बहुरूपिणे ।त्र्यम्बकाय त्रिधामान्तश्चारिणे च त्रिचक्षुषे ॥ ३१॥ (चित्रचक्षुषे )

rūpātīta namastubhyaṃ namaste bahurūpiṇe |tryambakāya tridhāmāntaścāriṇe ca tricakṣuṣe || 31|| (citracakṣuṣe )

पेशलोपायलभ्याय भक्तिभाजां महात्मने । (भ्रान्तिभाजां)दुर्लभाय मलाक्रान्तचेतसां तु नमोनमः ॥ ३२॥

peśalopāyalabhyāya bhaktibhājāṃ mahātmane | (bhrāntibhājāṃ)durlabhāya malākrāntacetasāṃ tu namonamaḥ || 32||

भवप्रदाय दुष्टानां भवाय भवभेदिने ।भव्यानां त्वन्मयानां तु सर्वदाय नमोनमः ॥ ३३॥ (तन्मयानां)

bhavapradāya duṣṭānāṃ bhavāya bhavabhedine |bhavyānāṃ tvanmayānāṃ tu sarvadāya namonamaḥ || 33|| (tanmayānāṃ)

अणूनां मुक्तये घोरघोरसंसारदायिने ।घोरातिघोरमूढानां तिरस्कर्त्रे नमोनमः ॥ ३४॥

aṇūnāṃ muktaye ghoraghorasaṃsāradāyine |ghorātighoramūḍhānāṃ tiraskartre namonamaḥ || 34||

(उपसंहारःसर्वकारणकलापकल्पितोल्लाससङ्कुलसमाधिविष्टम् ।हार्दकोकनदसंस्थितामपि तं प्रणौमि शिववल्लभाजाम् ॥सर्वजन्तुहृदयाब्जमण्डलोद्भूतभावमधुपानलन्पटाम् ।वर्णभेदविभवान्तरस्थितां तं प्रणौमी शिववल्लभाजाम् ॥)फलश्रुतिःइत्येवं स्तोत्रराजेशं महाभैरवभाषितम् ।योगिनीनां परं सारं न दद्याद्यस्य कस्यचित् ॥अदीक्षिते शठे क्रूरे निःसत्ये शुचिवर्जिते ।नास्तिके च खले मूर्खे प्रमत्ते विप्लुतौजसे ॥ (विप्लुतेऽलसे)गुरुशास्त्रसदाचारदूषके कलहप्रिये ।निन्दके जम्भके क्षुत्रे समयघ्ने च दाम्भिके ॥ (चुम्भके क्षुद्रेऽसमयज्ञे)दाक्षिण्यरहिते पापे धर्महीने च गर्विते ।भक्तियुक्ते प्रदातव्यं न देयं परदीक्षिते ॥पशूनां सन्निधौ देवि नोच्चार्यं सर्वथा क्वचित् ।अस्यैव स्मृतमात्रस्य विघ्ना नश्यन्ति सर्वशः ॥गुह्यका यातुधानाश्च वेताला राक्षसादयः ।डाकिन्यश्च पिशाचाश्च क्रूरसत्वाश्च पूतनाः ॥नश्यन्ति सर्वे पठितस्तोत्रस्यास्य प्रभावतः ।खेचरी भूचरी चैव डाकिनी शाकिनी तथा ॥ये चान्ये बहुधा भूता दुष्टसत्त्वा भयानकाः ।व्याधिदुर्भिक्षदौर्भाग्यमारीमोहविषादयः ॥गजव्याघ्रादयो भीताः पलायन्ते दिशो दश ।सर्वे दुष्टाः प्रणश्यन्ति चेत्याज्ञा पारमेश्वरी ॥इति श्रीबहुरूपगर्भस्तोत्रं सम्पूर्णम् ।इति शुभम् ।श्रीललितस्वच्छन्दे अथवा वृद्धस्वच्छन्दतन्त्रप्रोक्तं

(upasaṃhāraḥsarvakāraṇakalāpakalpitollāsasaṅkulasamādhiviṣṭam |hārdakokanadasaṃsthitāmapi taṃ praṇaumi śivavallabhājām ||sarvajantuhṛdayābjamaṇḍalodbhūtabhāvamadhupānalanpaṭām |varṇabhedavibhavāntarasthitāṃ taṃ praṇaumī śivavallabhājām ||)phalaśrutiḥityevaṃ stotrarājeśaṃ mahābhairavabhāṣitam |yoginīnāṃ paraṃ sāraṃ na dadyādyasya kasyacit ||adīkṣite śaṭhe krūre niḥsatye śucivarjite |nāstike ca khale mūrkhe pramatte viplutaujase || (viplute'lase)guruśāstrasadācāradūṣake kalahapriye |nindake jambhake kṣutre samayaghne ca dāmbhike || (cumbhake kṣudre'samayajñe)dākṣiṇyarahite pāpe dharmahīne ca garvite |bhaktiyukte pradātavyaṃ na deyaṃ paradīkṣite ||paśūnāṃ sannidhau devi noccāryaṃ sarvathā kvacit |asyaiva smṛtamātrasya vighnā naśyanti sarvaśaḥ ||guhyakā yātudhānāśca vetālā rākṣasādayaḥ |ḍākinyaśca piśācāśca krūrasatvāśca pūtanāḥ ||naśyanti sarve paṭhitastotrasyāsya prabhāvataḥ |khecarī bhūcarī caiva ḍākinī śākinī tathā ||ye cānye bahudhā bhūtā duṣṭasattvā bhayānakāḥ |vyādhidurbhikṣadaurbhāgyamārīmohaviṣādayaḥ ||gajavyāghrādayo bhītāḥ palāyante diśo daśa |sarve duṣṭāḥ praṇaśyanti cetyājñā pārameśvarī ||iti śrībahurūpagarbhastotraṃ sampūrṇam |iti śubham |śrīlalitasvacchande athavā vṛddhasvacchandatantraproktaṃ