बटुकभैरवसहस्रनामस्तोत्रम् ३ बकारादि Shri Batukabhairava Bakaradi Sahasranamastotram 3

उक्तं च भैरवयामलतन्त्रे ।श्रीपार्वत्युवाच ।यद्गुह्यं परमाख्यातं त्रिषु लोकेषु दुर्लभम् ।कोटिग्रन्थेषु गोप्यं यत्सूचितं न प्रकाशितम् ॥ १॥

uktaṃ ca bhairavayāmalatantre |śrīpārvatyuvāca |yadguhyaṃ paramākhyātaṃ triṣu lokeṣu durlabham |koṭigrantheṣu gopyaṃ yatsūcitaṃ na prakāśitam || 1||

सर्वसम्पत्प्रदं पुण्यं सर्वापत्क्षयकारकम् ।तदहं श्रोतुमिच्छामि बटुकस्य महात्मनः ॥ २॥

sarvasampatpradaṃ puṇyaṃ sarvāpatkṣayakārakam |tadahaṃ śrotumicchāmi baṭukasya mahātmanaḥ || 2||

नाम्नां सहस्र दिव्यानां बकाराख्यं महात्मनाम् ।कृपया वद देवेश यद्यहं तव वल्लम्भा ॥ ३॥

nāmnāṃ sahasra divyānāṃ bakārākhyaṃ mahātmanām |kṛpayā vada deveśa yadyahaṃ tava vallambhā || 3||

श्रीमहादेव उवाच ।सूचितं मे त्वयि स्नेहादप्रकाश्यं कुलेश्वरि ।नाम्नां सहस्रं कोटीनां सारतः सारमुत्तमम् ॥ ४॥

śrīmahādeva uvāca |sūcitaṃ me tvayi snehādaprakāśyaṃ kuleśvari |nāmnāṃ sahasraṃ koṭīnāṃ sārataḥ sāramuttamam || 4||

न वक्तव्यं त्वया देवि चित्तस्थं मम पार्वति ।अप्रकाश्यतमं देवि प्राणेभ्यो ये परे प्रिये ॥ ५॥

na vaktavyaṃ tvayā devi cittasthaṃ mama pārvati |aprakāśyatamaṃ devi prāṇebhyo ye pare priye || 5||

ब्रह्मभैरवोवाच ।इत्युक्त्वा भगवान्देवो बोध्यः स्वात्मानमात्मना ।पुलकाञ्चितसर्वाङ्गो न च किञ्चिदुवाचह ॥ ६॥

brahmabhairavovāca |ityuktvā bhagavāndevo bodhyaḥ svātmānamātmanā |pulakāñcitasarvāṅgo na ca kiñciduvācaha || 6||

श्रीपार्वत्युवाच ।देवदेव महादेव भक्तानुग्रहकारक ।नाम्नां सहस्रं दिव्यानां बकाराख्यं शुभप्रदम् ॥ ७॥

śrīpārvatyuvāca |devadeva mahādeva bhaktānugrahakāraka |nāmnāṃ sahasraṃ divyānāṃ bakārākhyaṃ śubhapradam || 7||

गोप्यं तु सर्वगोप्यानां वद मे परमेश्वर ।अप्रकाश्यं कुलेशान यद्यहं प्राण वल्लभा ॥ ८॥

gopyaṃ tu sarvagopyānāṃ vada me parameśvara |aprakāśyaṃ kuleśāna yadyahaṃ prāṇa vallabhā || 8||

श्रीमहादेव उवाच ।शृणु देवि महागुह्यं रहस्यं परमाद्भुतम् ।न कस्यचिन्मया ख्यातमद्यापि प्राणवल्लभे ॥ ९॥

śrīmahādeva uvāca |śṛṇu devi mahāguhyaṃ rahasyaṃ paramādbhutam |na kasyacinmayā khyātamadyāpi prāṇavallabhe || 9||

सुखसम्पत्प्रदं देवि धनधान्यजयप्रदम् ।भूतग्रहपिशाचानां स्मरणादेव नाशनम् ॥ १०॥

sukhasampatpradaṃ devi dhanadhānyajayapradam |bhūtagrahapiśācānāṃ smaraṇādeva nāśanam || 10||

कृत्याद्रोहादिशमनं बालग्रहनिवारणम् ।चतुर्वर्गचतुर्भद्रगदमेतन्न संशयः ॥ ११॥

kṛtyādrohādiśamanaṃ bālagrahanivāraṇam |caturvargacaturbhadragadametanna saṃśayaḥ || 11||

बटुकस्येह नामानि प्रयुतान्यर्बुदानि च ।सारात्सारतरं शेषं सहस्रं शृणु यत्नतः ॥ १२॥

baṭukasyeha nāmāni prayutānyarbudāni ca |sārātsārataraṃ śeṣaṃ sahasraṃ śṛṇu yatnataḥ || 12||

सुधासिन्धुमणिद्वीपे पारिजातवनावृते ।प्रक्षालयतु भूमध्ये शेतभूतस्थमीश्वरम् ॥ १३॥

sudhāsindhumaṇidvīpe pārijātavanāvṛte |prakṣālayatu bhūmadhye śetabhūtasthamīśvaram || 13||

विपरीतरतासक्तं कौमारं विलसद्धृदि ।चतुर्बाहुं त्रिनयनमञ्जनाद्विसमप्रभम् ॥ १४॥

viparītaratāsaktaṃ kaumāraṃ vilasaddhṛdi |caturbāhuṃ trinayanamañjanādvisamaprabham || 14||

जटाजूटधरं देवं शशाङ्ककृतशेखरम् ।भुजङ्गमेखलायुक्तं दिग्वाससमनाकुलम् ॥ १५॥

jaṭājūṭadharaṃ devaṃ śaśāṅkakṛtaśekharam |bhujaṅgamekhalāyuktaṃ digvāsasamanākulam || 15||

डमरुं च कपालं च वरं शूलं क्रमात्करैः ।दधतं च कटैर्दन्तैः करालवदनं विभुम् ॥ १६॥

ḍamaruṃ ca kapālaṃ ca varaṃ śūlaṃ kramātkaraiḥ |dadhataṃ ca kaṭairdantaiḥ karālavadanaṃ vibhum || 16||

ध्यात्वैवं साधकस्तुष्टो जपेत्सिद्धिमवाप्नुयात् ।ब्रह्मभैरव उवाच ।नाम्ना सहस्रं दिव्यानां बटुकस्य महात्मनः ॥ १७॥

dhyātvaivaṃ sādhakastuṣṭo japetsiddhimavāpnuyāt |brahmabhairava uvāca |nāmnā sahasraṃ divyānāṃ baṭukasya mahātmanaḥ || 17||

वक्ष्यामि तत्त्वतः सम्यक् सारेभ्यः सारमुत्तमम् ।सर्वमङ्गलमाङ्गल्यं सर्वोपद्रवनाशनम् ॥ १८॥

vakṣyāmi tattvataḥ samyak sārebhyaḥ sāramuttamam |sarvamaṅgalamāṅgalyaṃ sarvopadravanāśanam || 18||

सर्वपापहरं पुण्यं साधकानां सुखप्रदम् ।आयुः पुष्टिश्रीकरं च पुत्रपौत्रादिवर्धनम् ॥ १९॥

sarvapāpaharaṃ puṇyaṃ sādhakānāṃ sukhapradam |āyuḥ puṣṭiśrīkaraṃ ca putrapautrādivardhanam || 19||

बटुकस्तोत्रमुख्यस्य महादेव ऋषिः स्मृतः ।महाबटुकभैरवो देवता परिकीर्तिता ॥ २०॥

baṭukastotramukhyasya mahādeva ṛṣiḥ smṛtaḥ |mahābaṭukabhairavo devatā parikīrtitā || 20||

छन्दो विराट् सर्वकार्ये सिद्।ह्ध्यर्थे साधकस्य तु ।बटुकस्य चतुर्थ्येतं विनियोगः प्रकीर्तितः ॥ २१॥

chando virāṭ sarvakārye sid|hdhyarthe sādhakasya tu |baṭukasya caturthyetaṃ viniyogaḥ prakīrtitaḥ || 21||

महादेवेन यत्प्रोक्तं पार्वत्यै सर्वमङ्गलम् ।सर्वशत्रुक्षयकरं सर्वापद्विनिवारणम् ॥ २२॥

mahādevena yatproktaṃ pārvatyai sarvamaṅgalam |sarvaśatrukṣayakaraṃ sarvāpadvinivāraṇam || 22||

सर्ववेदाङ्गमुख्यं च सारात्सारांशमुत्तमम् ।देवदेवेन यत्प्रोक्तं हिमाचलसुतां प्रति ॥ २३॥

sarvavedāṅgamukhyaṃ ca sārātsārāṃśamuttamam |devadevena yatproktaṃ himācalasutāṃ prati || 23||

अत्युग्रकृतिभूताङ्गीं कारुण्यात्प्रीतचेतसा ।तदेव ते प्रवक्ष्यामि गुरुभक्ताय साम्प्रतम् ॥ २४॥

atyugrakṛtibhūtāṅgīṃ kāruṇyātprītacetasā |tadeva te pravakṣyāmi gurubhaktāya sāmpratam || 24||

अतियत्नान्मया प्राप्तं दक्षिणाक्रमयोगतः ।तदहं सम्प्रवक्ष्यामि यच्छ्रुतं परमाद्भुतम् ॥ २५॥

atiyatnānmayā prāptaṃ dakṣiṇākramayogataḥ |tadahaṃ sampravakṣyāmi yacchrutaṃ paramādbhutam || 25||

कुलीनाय च शान्ताय भक्ताय च सुबुद्धये ।धनमानप्रदात्रे च देवार्चनरताय च ॥ २६॥

kulīnāya ca śāntāya bhaktāya ca subuddhaye |dhanamānapradātre ca devārcanaratāya ca || 26||

देवतामानत्यक्ताय धर्मबुद्धिपराय च ।वदान्याय च योग्याय प्रणयायादृतात्मने ॥ २७॥

devatāmānatyaktāya dharmabuddhiparāya ca |vadānyāya ca yogyāya praṇayāyādṛtātmane || 27||

गोत्रप्रदेयमाज्ञप्तमिति देव्या पुरो मम ।अतस्तुभ्यं प्रवक्ष्यामि करुणार्द्रे महात्मने ॥ २८॥

gotrapradeyamājñaptamiti devyā puro mama |atastubhyaṃ pravakṣyāmi karuṇārdre mahātmane || 28||

बटुकस्य च देवस्य मदोन्मत्तस्य शूलिनः ।स्तोत्रं सहस्रनामाख्यं बकाराख्यं सुसंयुतम् ॥ २९॥

baṭukasya ca devasya madonmattasya śūlinaḥ |stotraṃ sahasranāmākhyaṃ bakārākhyaṃ susaṃyutam || 29||

यस्य स्मरणमात्रेण श्रवणेन प्रयत्नतः ।पठनात्पाठनाद्वापि सर्वसिद्धिमुपालभेत् ॥ ३०॥

yasya smaraṇamātreṇa śravaṇena prayatnataḥ |paṭhanātpāṭhanādvāpi sarvasiddhimupālabhet || 30||

यत्र स्थितमिदं स्तोत्रं तत्र श्रीस्सर्वतो मुखी ।तत्र सर्वत्र विजयो भवत्येव न संशयः ॥ ३१॥

yatra sthitamidaṃ stotraṃ tatra śrīssarvato mukhī |tatra sarvatra vijayo bhavatyeva na saṃśayaḥ || 31||

तत्र लोका वशे सर्वे सर्वेषां भैरवस्य तु ।उपमन्यो बहुत्वेकं न वाच्यं यस्य कस्यचित् ॥ ३२॥

tatra lokā vaśe sarve sarveṣāṃ bhairavasya tu |upamanyo bahutvekaṃ na vācyaṃ yasya kasyacit || 32||

गुरुं सन्तोष्य यत्नेन पठितव्यं समाहितैः ॥ ३३॥

guruṃ santoṣya yatnena paṭhitavyaṃ samāhitaiḥ || 33||

ब्रह्मभैरव उवाच ।ॐ अस्य श्रीबटुकभैरवस्य बकाराख्यसहस्रनामस्तोत्रस्य ।महादेव ऋषिः । अनुष्टुप् छन्दः । श्रीबटुकभैरवो देवता ।बं बीजम् । ह्रीं शक्तिः । क्लीं कीलकम् ।ममाभीष्टसिद्।ह्ध्यर्थे पाठे विनियोगः ।महादेवर्षये नमः शिरसि ।अनुष्टुपछन्दसे नमः मुखे ।श्रीबटुकभैरवदेवतायै नमः हृदये ।बं बीजाय नमः गुह्ये ।ह्रीं शक्तये नमः पादयोः ।ह्रीं कीलकाय नमो नाभौ ।विनियोगाय नमः सर्वोगे ।करषडङ्गन्यासः ।ॐ बां ईशानाय नमः अङ्गुष्ठाभ्याम् ॥ॐ बीं तत्पुरुष नमः तर्जनीभ्याम् ॥ॐ बूं अघोराय नमः मध्यमाभ्याम् ॥ॐ बैं वामदेवाय नमः अनामिकाभ्याम् ॥ॐ बौं सद्योजाताय नमः कनिष्ठिकाभ्याम् ॥ॐ बः रौद्राय नमः करतलकरपृष्ठाभ्यां नमः ।एवं हृदयादि न्यासः ।ध्यानं तु कामनाविषयेण ध्यात्वा सात्त्विकराजसतामसं च ।ॐ बं बं बं बटुको वीरो बां बां बां बटुकस्तथा ।बीं बीं बीं बटुको वीरो बूं बूं बूं बटुकस्तथा ॥ ३४॥

brahmabhairava uvāca |oṃ asya śrībaṭukabhairavasya bakārākhyasahasranāmastotrasya |mahādeva ṛṣiḥ | anuṣṭup chandaḥ | śrībaṭukabhairavo devatā |baṃ bījam | hrīṃ śaktiḥ | klīṃ kīlakam |mamābhīṣṭasid|hdhyarthe pāṭhe viniyogaḥ |mahādevarṣaye namaḥ śirasi |anuṣṭupachandase namaḥ mukhe |śrībaṭukabhairavadevatāyai namaḥ hṛdaye |baṃ bījāya namaḥ guhye |hrīṃ śaktaye namaḥ pādayoḥ |hrīṃ kīlakāya namo nābhau |viniyogāya namaḥ sarvoge |karaṣaḍaṅganyāsaḥ |oṃ bāṃ īśānāya namaḥ aṅguṣṭhābhyām ||oṃ bīṃ tatpuruṣa namaḥ tarjanībhyām ||oṃ būṃ aghorāya namaḥ madhyamābhyām ||oṃ baiṃ vāmadevāya namaḥ anāmikābhyām ||oṃ bauṃ sadyojātāya namaḥ kaniṣṭhikābhyām ||oṃ baḥ raudrāya namaḥ karatalakarapṛṣṭhābhyāṃ namaḥ |evaṃ hṛdayādi nyāsaḥ |dhyānaṃ tu kāmanāviṣayeṇa dhyātvā sāttvikarājasatāmasaṃ ca |oṃ baṃ baṃ baṃ baṭuko vīro bāṃ bāṃ bāṃ baṭukastathā |bīṃ bīṃ bīṃ baṭuko vīro būṃ būṃ būṃ baṭukastathā || 34||

बैं बैं बैं बटुकः क्रोध्यो बौं बौं बौं बटुकस्तथा ।बः बः बः बटुको रावो ब्रः ब्रः ब्रः शब्दतत्परः ॥ ३५॥

baiṃ baiṃ baiṃ baṭukaḥ krodhyo bauṃ bauṃ bauṃ baṭukastathā |baḥ baḥ baḥ baṭuko rāvo braḥ braḥ braḥ śabdatatparaḥ || 35||

बं यतित बिं बध्वारो बं हृदिः बं प्रीतिकारकः ।वज्रायुधो वज्रहस्तो वज्रायुधभयावहः ॥ ३६॥

baṃ yatita biṃ badhvāro baṃ hṛdiḥ baṃ prītikārakaḥ |vajrāyudho vajrahasto vajrāyudhabhayāvahaḥ || 36||

वज्रायुधाङ्गसम्पृष्टो वज्रायुधपदः सदा ।वज्रायुधस्तुतो वज्री बुधराधवरः स्मृतः ॥ ३७॥

vajrāyudhāṅgasampṛṣṭo vajrāyudhapadaḥ sadā |vajrāyudhastuto vajrī budharādhavaraḥ smṛtaḥ || 37||

वज्रायुधः सुखकरो वज्रायुधसुखप्रदः ।वज्रायुधो वज्रश्रेष्ठो वज्रायुधगतिः स्मृतः ॥ ३८॥

vajrāyudhaḥ sukhakaro vajrāyudhasukhapradaḥ |vajrāyudho vajraśreṣṭho vajrāyudhagatiḥ smṛtaḥ || 38||

वज्रायुधः प्राणत्रातो वज्रायुधसुखप्रदः ।वज्रायुधो वज्रश्रेष्ठो वज्रायुधगतिः स्मृतः ।वज्रायुधः प्राणत्रातो वज्रायुधपदः स्मृतः ॥ ३९॥

vajrāyudhaḥ prāṇatrāto vajrāyudhasukhapradaḥ |vajrāyudho vajraśreṣṭho vajrāyudhagatiḥ smṛtaḥ |vajrāyudhaḥ prāṇatrāto vajrāyudhapadaḥ smṛtaḥ || 39||

वज्रहस्तो वज्रपादो वज्रदंष्ट्राग्रजिह्वकः ।वज्रमुखो वज्रकुलो वज्रस्थपिङ्गलः स्मृतः ।वज्रायुधप्रियसखो वज्रायुधो वज्रप्रीतिहा ॥ ४०॥

vajrahasto vajrapādo vajradaṃṣṭrāgrajihvakaḥ |vajramukho vajrakulo vajrasthapiṅgalaḥ smṛtaḥ |vajrāyudhapriyasakho vajrāyudho vajraprītihā || 40||

वज्रायुधप्राणित्रातो वज्रायुधवरप्रदः ।वज्रायुधातिशमनो वज्रायुधविधारकः ॥ ४१॥

vajrāyudhaprāṇitrāto vajrāyudhavarapradaḥ |vajrāyudhātiśamano vajrāyudhavidhārakaḥ || 41||

वज्रायुधप्राणदाता वज्रायुधपरायणः ।वज्रविज्ञानसम्भावो वज्रसेव्यो वरप्रदः ॥ ४२॥

vajrāyudhaprāṇadātā vajrāyudhaparāyaṇaḥ |vajravijñānasambhāvo vajrasevyo varapradaḥ || 42||

वज्रसेव्यप्रियः प्राणो वज्रसेव्यप्रियः सदा ।वज्रप्रियो वज्रमयो वज्रतेजप्रवर्त्तकः ॥ ४३॥

vajrasevyapriyaḥ prāṇo vajrasevyapriyaḥ sadā |vajrapriyo vajramayo vajratejapravarttakaḥ || 43||

वज्रनिधिर्वत्रप्राणो वज्रसेन्यवरप्रदः ।वज्राधीशो वज्रधरो बन्धुपुष्पाजयोद्भवः ॥ ४४॥

vajranidhirvatraprāṇo vajrasenyavarapradaḥ |vajrādhīśo vajradharo bandhupuṣpājayodbhavaḥ || 44||

बन्धुपुष्पप्रतीकाशो बन्धुद्रुमसमागमः ।बन्धुपुष्पश्च बन्धूम्रः बन्धुपुष्पजयोद्भवः ॥ ४५॥

bandhupuṣpapratīkāśo bandhudrumasamāgamaḥ |bandhupuṣpaśca bandhūmraḥ bandhupuṣpajayodbhavaḥ || 45||

बन्धुपुष्पप्रपूजश्च बन्धुपुष्पस्वरूपकः ।बन्धुपुष्पप्रतीकाशो बन्धूकारुण्यविग्रहः ॥ ४६॥

bandhupuṣpaprapūjaśca bandhupuṣpasvarūpakaḥ |bandhupuṣpapratīkāśo bandhūkāruṇyavigrahaḥ || 46||

बन्धूकारुणनीलो भूः बन्धूकपुष्पवासिनः ।बन्धूककुसुमस्निग्धो बन्धूकसुमनोत्सवः ॥ ४७॥

bandhūkāruṇanīlo bhūḥ bandhūkapuṣpavāsinaḥ |bandhūkakusumasnigdho bandhūkasumanotsavaḥ || 47||

बन्धूकपुष्पकिरणो बन्धूकपुष्पपालकः ।बन्धूकसुमनोध्येयो बन्धूकसुमनप्रभः ॥ ४८॥

bandhūkapuṣpakiraṇo bandhūkapuṣpapālakaḥ |bandhūkasumanodhyeyo bandhūkasumanaprabhaḥ || 48||

बन्धूकसुमनज्ञाता बन्धूककुसुमाधरः ।बन्धूककुसुमोल्लासो बन्धूकपुष्पवर्षिणी ॥ ४९॥

bandhūkasumanajñātā bandhūkakusumādharaḥ |bandhūkakusumollāso bandhūkapuṣpavarṣiṇī || 49||

बन्धूककुसुमानन्दो बन्धूकवनवासिनः ।बन्धूककुसुमोत्साहो बन्धूकपुष्परूपकः ॥ ५०॥

bandhūkakusumānando bandhūkavanavāsinaḥ |bandhūkakusumotsāho bandhūkapuṣparūpakaḥ || 50||