बटुकभैरवापराधक्षमापन स्तोत्रम् Shri Batukabhairava Aparadha Kshamapana Stotram

ॐ गुरोः सेवां त्यक्त्वा गुरुवचनशक्तोऽपि न भवेभवत्पूजाध्यानाज्जपहवनयागाद्विरहितः ।त्वदर्च्चानिर्माणे क्वचिदपि न यत्नं व कृतवान्जगज्जालग्रसतो झटिति कुरु हार्द्दं मयि विभो ॥ १॥

oṃ guroḥ sevāṃ tyaktvā guruvacanaśakto'pi na bhavebhavatpūjādhyānājjapahavanayāgādvirahitaḥ |tvadarccānirmāṇe kvacidapi na yatnaṃ va kṛtavānjagajjālagrasato jhaṭiti kuru hārddaṃ mayi vibho || 1||

प्रभो दुर्गासूनो तव शरणतां सोऽधिगतवान्कृपालो दुःखार्तः कमपि भवदन्यं प्रकथये ।सुहृत्सम्पत्तेऽहं सरलविरलः साधकजनस्त्वदन्यः कस्त्राता भवदहनदाहं शमयति ॥ २॥

prabho durgāsūno tava śaraṇatāṃ so'dhigatavānkṛpālo duḥkhārtaḥ kamapi bhavadanyaṃ prakathaye |suhṛtsampatte'haṃ saralaviralaḥ sādhakajanastvadanyaḥ kastrātā bhavadahanadāhaṃ śamayati || 2||

वदान्यो मान्यस्त्वं विविधजनपालो भवसि वैदयालुर्दीनार्तान् भवजलधिपारं गमयसि ।अतस्त्वत्तो याचे नतिनियमतोऽकिञ्चनधनःसदा भूयाद्भावः पदनलिनयोस्ते तिमिरहा ॥ ३॥

vadānyo mānyastvaṃ vividhajanapālo bhavasi vaidayālurdīnārtān bhavajaladhipāraṃ gamayasi |atastvatto yāce natiniyamato'kiñcanadhanaḥsadā bhūyādbhāvaḥ padanalinayoste timirahā || 3||

अजापूर्वो विप्रो मिलपदपरो योऽतिपतितोमहामूर्खो दुष्टो वृजननिरतः पामरनृपः ।असत्पानासक्तो यवनयुवतीव्रातरमणःप्रभावात्त्वन्नाम्नः परमपदवीं सोऽप्यधिगतः ॥ ४॥

ajāpūrvo vipro milapadaparo yo'tipatitomahāmūrkho duṣṭo vṛjananirataḥ pāmaranṛpaḥ |asatpānāsakto yavanayuvatīvrātaramaṇaḥprabhāvāttvannāmnaḥ paramapadavīṃ so'pyadhigataḥ || 4||

दयां दीर्घां दीने बटुक कुरु विश्वम्भर मयिन चान्यस्सन्त्राता परमशिव मां पालय विभो ।महाश्चर्यं प्राप्तस्तव सरलदृष्ट्या विरहितःकृपापूर्णैर्नेत्रैः कजदलनिमैर्माखचयतात् ॥ ५॥

dayāṃ dīrghāṃ dīne baṭuka kuru viśvambhara mayina cānyassantrātā paramaśiva māṃ pālaya vibho |mahāścaryaṃ prāptastava saraladṛṣṭyā virahitaḥkṛpāpūrṇairnetraiḥ kajadalanimairmākhacayatāt || 5||

सहस्ये किं हंसो नहि तपति दीनं जनचयङ्घनान्ते किं चन्द्रोऽसमकरनिपातो भुवितले ।कृपादृष्टेस्तेहं भयहर विभो किं विरहितोजले वा हर्म्ये वा घनरसमुयातो न विषमः ॥ ६॥ घनरसनिपातो

sahasye kiṃ haṃso nahi tapati dīnaṃ janacayaṅghanānte kiṃ candro'samakaranipāto bhuvitale |kṛpādṛṣṭestehaṃ bhayahara vibho kiṃ virahitojale vā harmye vā ghanarasamuyāto na viṣamaḥ || 6|| ghanarasanipāto

त्रिमूर्तिस्त्वं गीतो हरिहरविधातात्मकगुणोनिराकारः शुद्धः परतरपरः सोऽप्यविषयः ।दयारूपं शान्तं मुनिगणनुतं भक्तदयितंकदा पश्यामि त्वां कुटिलकचशोभित्रिनयनम् ॥ ७॥

trimūrtistvaṃ gīto hariharavidhātātmakaguṇonirākāraḥ śuddhaḥ parataraparaḥ so'pyaviṣayaḥ |dayārūpaṃ śāntaṃ munigaṇanutaṃ bhaktadayitaṃkadā paśyāmi tvāṃ kuṭilakacaśobhitrinayanam || 7||

तपोयोगं सांख्यं यमनियमचेतः प्रयजनंन कौलार्च्चाचक्रं हरिहरविधीनां प्रियतमम् । प्रियतरम्न जाने ते भक्तिं परममुनिमार्गं मधुविधिंतथाप्येषा वाणी परिरटति नित्यं तव यशः ॥ ८॥

tapoyogaṃ sāṃkhyaṃ yamaniyamacetaḥ prayajanaṃna kaulārccācakraṃ hariharavidhīnāṃ priyatamam | priyataramna jāne te bhaktiṃ paramamunimārgaṃ madhuvidhiṃtathāpyeṣā vāṇī pariraṭati nityaṃ tava yaśaḥ || 8||

न मे कांक्षा धर्मे न वसुनिचये राज्यनिवहेन मे स्त्रीणां भोगे सखिसुतकुटुम्बेषु न च मे ।यदा यद्यद्भाव्यं भवतु भगवन् पूर्वसुकृतान्ममैतत्तु प्रार्थ्यं तव विमलभक्तिः प्रभवतात् ॥ ९॥

na me kāṃkṣā dharme na vasunicaye rājyanivahena me strīṇāṃ bhoge sakhisutakuṭumbeṣu na ca me |yadā yadyadbhāvyaṃ bhavatu bhagavan pūrvasukṛtānmamaitattu prārthyaṃ tava vimalabhaktiḥ prabhavatāt || 9||

कियाँस्तेस्मद्भारः पतितपतिताँस्तारयसि भो !मदन्यः कः पापी यजनविमुखः पाठरहितः ।दृढो मे विश्वासस्तव नियतिरुद्धारविषयासदा स्याद् विश्रम्भः क्वचिदपि मृषा मा च भवतात् ॥ १०॥

kiyām̐stesmadbhāraḥ patitapatitām̐stārayasi bho !madanyaḥ kaḥ pāpī yajanavimukhaḥ pāṭharahitaḥ |dṛḍho me viśvāsastava niyatiruddhāraviṣayāsadā syād viśrambhaḥ kvacidapi mṛṣā mā ca bhavatāt || 10||

भवद्भावाद्भिन्नो व्यसननिरतः को मदपरोमदान्धः पापात्मा बटुक ! शिव ! ते नामरहितः ।उदारात्मन्बन्धो नहि तवकतुल्यः कलुषहापुनस्सञ्चिन्त्यैवं कुरु हृदि यथाचेच्छसि तथा ॥ ११॥

bhavadbhāvādbhinno vyasananirataḥ ko madaparomadāndhaḥ pāpātmā baṭuka ! śiva ! te nāmarahitaḥ |udārātmanbandho nahi tavakatulyaḥ kaluṣahāpunassañcintyaivaṃ kuru hṛdi yathācecchasi tathā || 11||

जपान्ते स्नानान्ते ह्युषसि च निशीथे पठति यो वर् जपतिमहासौख्यं देवो वितरति नु तस्मै प्रमुदितः ।अहोरात्रं पार्श्वे परिवसति भक्तानुगमनोवयोन्ते संहृष्टः परिनयति भक्तान् स्वभुवनम् ॥ १२॥

japānte snānānte hyuṣasi ca niśīthe paṭhati yo var japatimahāsaukhyaṃ devo vitarati nu tasmai pramuditaḥ |ahorātraṃ pārśve parivasati bhaktānugamanovayonte saṃhṛṣṭaḥ parinayati bhaktān svabhuvanam || 12||

इति श्रीसिद्धयोगीश्वरश्रीघनैयालालशिषेणात्मारामेण विरचितंबटुकभैरवप्रार्थनापराधक्षमापन स्तोत्र ॥

iti śrīsiddhayogīśvaraśrīghanaiyālālaśiṣeṇātmārāmeṇa viracitaṃbaṭukabhairavaprārthanāparādhakṣamāpana stotra ||