शिवसहस्रनामस्तोत्रम् (शिवपुराणान्तर्गतम् शिवो हरो मृडो रुद्रः) Shivasahasranamastotram from Shivapurana

सूत उवाच ।श्रूयतां भो ऋषिश्रेष्ठ येन तुष्टो महेश्वरः ।तदहं कथयाम्यद्य शिवं नामसहस्रकम् ॥ १॥

sūta uvāca |śrūyatāṃ bho ṛṣiśreṣṭha yena tuṣṭo maheśvaraḥ |tadahaṃ kathayāmyadya śivaṃ nāmasahasrakam || 1||

श्री विष्णुरुवाच ।ॐ शिवो हरो मृडो रुद्रः पुष्करः पुष्पलोचनः ।अर्थिगम्यः सदाचारः शर्वः शम्भुर्महेश्वरः ॥ २॥

śrī viṣṇuruvāca |oṃ śivo haro mṛḍo rudraḥ puṣkaraḥ puṣpalocanaḥ |arthigamyaḥ sadācāraḥ śarvaḥ śambhurmaheśvaraḥ || 2||

चन्द्रापीडश्चन्द्रमौलिर्विश्वं विश्वम्भरेश्वरः ।वेदान्तसारसन्दोहः कपाली नीललोहितः ॥ ३॥

candrāpīḍaścandramaulirviśvaṃ viśvambhareśvaraḥ |vedāntasārasandohaḥ kapālī nīlalohitaḥ || 3||

ध्यानाधारोऽपरिच्छेद्यो गौरीभर्ता गणेश्वरः ।अष्टमूर्तिर्विश्वमूर्तिस्त्रिवर्गः स्वर्गसाधनः ॥ ४॥

dhyānādhāro'paricchedyo gaurībhartā gaṇeśvaraḥ |aṣṭamūrtirviśvamūrtistrivargaḥ svargasādhanaḥ || 4||

ज्ञानगम्यो दृढप्रज्ञो देवदेवस्त्रिलोचनः ।वामदेवो महादेवः पटुः परिवृढो दृढः ॥ ५॥

jñānagamyo dṛḍhaprajño devadevastrilocanaḥ |vāmadevo mahādevaḥ paṭuḥ parivṛḍho dṛḍhaḥ || 5||

विश्वरूपो विरूपाक्षो वागीशः शुचिसत्तमः ।सर्वप्रमाणसंवादी वृषाङ्को वृषवाहनः ॥ ६॥

viśvarūpo virūpākṣo vāgīśaḥ śucisattamaḥ |sarvapramāṇasaṃvādī vṛṣāṅko vṛṣavāhanaḥ || 6||

ईशः पिनाकी खट्वाङ्गी चित्रवेषश्चिरन्तनः ।तमोहरो महायोगी गोप्ता ब्रह्मा च धूर्जटिः ॥ ७॥ (ब्रह्माण्डहृज्जटी)

īśaḥ pinākī khaṭvāṅgī citraveṣaścirantanaḥ |tamoharo mahāyogī goptā brahmā ca dhūrjaṭiḥ || 7|| (brahmāṇḍahṛjjaṭī)

कालकालः कृत्तिवासाः सुभगः प्रणवात्मकः । (प्रणतात्मकः)उन्नद्ध्रः पुरुषो जुष्यो दुर्वासाः पुरशासनः ॥ ८॥ (उन्नध्रः)

kālakālaḥ kṛttivāsāḥ subhagaḥ praṇavātmakaḥ | (praṇatātmakaḥ)unnaddhraḥ puruṣo juṣyo durvāsāḥ puraśāsanaḥ || 8|| (unnadhraḥ)

दिव्यायुधः स्कन्दगुरुः परमेष्ठी परात्परः ।अनादिमध्यनिधनो गिरीशो गिरिजाधवः ॥ ९॥

divyāyudhaḥ skandaguruḥ parameṣṭhī parātparaḥ |anādimadhyanidhano girīśo girijādhavaḥ || 9||

कुबेरबन्धुः श्रीकण्ठो लोकवर्णोत्तमो मृदुः ।समाधिवेद्यः कोदण्डी नीलकण्ठः परश्वधीः ॥ १०॥

kuberabandhuḥ śrīkaṇṭho lokavarṇottamo mṛduḥ |samādhivedyaḥ kodaṇḍī nīlakaṇṭhaḥ paraśvadhīḥ || 10||

विशालाक्षो मृगव्याधः सुरेशस्सूर्यतापनः ।धर्मधाम क्षमाक्षेत्रं भगवान् भगनेत्रभित् ॥ ११॥ (धर्माध्यक्षः)

viśālākṣo mṛgavyādhaḥ sureśassūryatāpanaḥ |dharmadhāma kṣamākṣetraṃ bhagavān bhaganetrabhit || 11|| (dharmādhyakṣaḥ)

उग्रः पशुपतिस्तार्क्ष्यः प्रियभक्तः परन्तपः ।दाता दयाकरो दक्षः कपर्दी कामशासनः ॥ १२॥

ugraḥ paśupatistārkṣyaḥ priyabhaktaḥ parantapaḥ |dātā dayākaro dakṣaḥ kapardī kāmaśāsanaḥ || 12||

श्मशाननिलयः सूक्ष्मः श्मशानस्थो महेश्वरः ।लोककर्ता मृगपतिर्महाकर्ता महौषधिः ॥ १३॥

śmaśānanilayaḥ sūkṣmaḥ śmaśānastho maheśvaraḥ |lokakartā mṛgapatirmahākartā mahauṣadhiḥ || 13||

सोमपोमृतपः सौम्यो महातेजा महाद्युतिः ।तेजोमयोऽमृतमयोऽन्नमयश्च सुधापतिः ॥ १४॥

somapomṛtapaḥ saumyo mahātejā mahādyutiḥ |tejomayo'mṛtamayo'nnamayaśca sudhāpatiḥ || 14||

उत्तरो गोपतिर्गोप्ता ज्ञानगम्यः पुरातनः ।नीतिः सुनीतिः शुद्धात्मा सोमः सोमरतः सुखी ॥ १५॥

uttaro gopatirgoptā jñānagamyaḥ purātanaḥ |nītiḥ sunītiḥ śuddhātmā somaḥ somarataḥ sukhī || 15||

अजातशत्रुरालोकसम्भाव्यो हव्यवाहनः ।लोककारो वेदकरः सूत्रकारः सनातनः ॥ १६॥

ajātaśatrurālokasambhāvyo havyavāhanaḥ |lokakāro vedakaraḥ sūtrakāraḥ sanātanaḥ || 16||

महर्षिः कपिलाचार्यो विश्वदीप्तिस्त्रिलोचनः ।पिनाकपाणिर्भूदेवः स्वस्तिदः स्वस्तिकृत् सुधीः ॥ १७॥

maharṣiḥ kapilācāryo viśvadīptistrilocanaḥ |pinākapāṇirbhūdevaḥ svastidaḥ svastikṛt sudhīḥ || 17||

धातृधामा धामकरः सर्वगः सर्वगोचरः ।ब्रह्मसृग्विश्वसृक् सर्गः कर्णिकारप्रियः कविः ॥ १८॥

dhātṛdhāmā dhāmakaraḥ sarvagaḥ sarvagocaraḥ |brahmasṛgviśvasṛk sargaḥ karṇikārapriyaḥ kaviḥ || 18||

शाखो विशाखो गोशाखः शिवो भिषगनुत्तमः ।गङ्गाप्लवोदको भव्यः पुष्कलः स्थपतिः स्थिरः ॥ १९॥

śākho viśākho gośākhaḥ śivo bhiṣaganuttamaḥ |gaṅgāplavodako bhavyaḥ puṣkalaḥ sthapatiḥ sthiraḥ || 19||

विजितात्मा विधेयात्मा भूतवाहनसारथिः ।सगणो गणकायश्च सुकीर्तिश्छिन्नसंशयः ॥ २०॥

vijitātmā vidheyātmā bhūtavāhanasārathiḥ |sagaṇo gaṇakāyaśca sukīrtiśchinnasaṃśayaḥ || 20||

कामदेवः कामपालो भस्मोद्धूलितविग्रहः ।भस्मप्रियो भस्मशायी कामी कान्तः कृतागमः ॥ २१॥

kāmadevaḥ kāmapālo bhasmoddhūlitavigrahaḥ |bhasmapriyo bhasmaśāyī kāmī kāntaḥ kṛtāgamaḥ || 21||

समावर्तोऽनिवृत्तात्मा धर्मपुञ्जः सदाशिवः ।अकल्मषश्च पुण्यात्मा चतुर्बाहुर्दुरासदः ॥ २२॥

samāvarto'nivṛttātmā dharmapuñjaḥ sadāśivaḥ |akalmaṣaśca puṇyātmā caturbāhurdurāsadaḥ || 22||

दुर्लभो दुर्गमो दुर्गः सर्वायुधविशारदः ।अध्यात्मयोगनिलयः सुतन्तुस्तन्तुवर्धनः ॥ २३॥

durlabho durgamo durgaḥ sarvāyudhaviśāradaḥ |adhyātmayoganilayaḥ sutantustantuvardhanaḥ || 23||

शुभाङ्गो लोकसारङ्गो जगदीशो जनार्दनः ।भस्मशुद्धिकरो मेरुरोजस्वी शुद्धविग्रहः ॥ २४॥ (भस्मशुद्धिकरोऽभीरु)

śubhāṅgo lokasāraṅgo jagadīśo janārdanaḥ |bhasmaśuddhikaro merurojasvī śuddhavigrahaḥ || 24|| (bhasmaśuddhikaro'bhīru)

असाध्यः साधुसाध्यश्च भृत्यमर्कटरूपधृक् ।हिरण्यरेताः पौराणो रिपुजीवहरो बली ॥ २५॥

asādhyaḥ sādhusādhyaśca bhṛtyamarkaṭarūpadhṛk |hiraṇyaretāḥ paurāṇo ripujīvaharo balī || 25||

महाह्रदो महागर्तः सिद्धो वृन्दारवन्दितः ।व्याघ्रचर्माम्बरो व्याली महाभूतो महानिधिः ॥ २६॥

mahāhrado mahāgartaḥ siddho vṛndāravanditaḥ |vyāghracarmāmbaro vyālī mahābhūto mahānidhiḥ || 26||

अमृतोमृतपः श्रीमान् पाञ्चजन्यः प्रभञ्जनः । (पञ्चजन्यः)पञ्चविंशतितत्त्वस्थः पारिजातः परात्परः ॥ २७॥

amṛtomṛtapaḥ śrīmān pāñcajanyaḥ prabhañjanaḥ | (pañcajanyaḥ)pañcaviṃśatitattvasthaḥ pārijātaḥ parātparaḥ || 27||

सुलभः सुव्रतः शूरो वाङ्मयैकनिधिर्निधिः ।वर्णाश्रमगुरुर्वर्णी शत्रुजिच्छत्रुतापनः ॥ २८॥

sulabhaḥ suvrataḥ śūro vāṅmayaikanidhirnidhiḥ |varṇāśramagururvarṇī śatrujicchatrutāpanaḥ || 28||

आश्रमः क्षपणः क्षामो ज्ञानवानचलेश्वरः । (श्रमणः)प्रमाणभूतो दुर्ज्ञेयः सुवर्णो वायुवाहनः ॥ २९॥

āśramaḥ kṣapaṇaḥ kṣāmo jñānavānacaleśvaraḥ | (śramaṇaḥ)pramāṇabhūto durjñeyaḥ suvarṇo vāyuvāhanaḥ || 29||

धनुर्धरो धनुर्वेदो गुणः शशिगुणाकरः ।सत्यः सत्यपरोऽदीनो धर्माङ्गो धर्मशासनः ॥ ३०॥

dhanurdharo dhanurvedo guṇaḥ śaśiguṇākaraḥ |satyaḥ satyaparo'dīno dharmāṅgo dharmaśāsanaḥ || 30||

अनन्तदृष्टिरानन्दो दण्डो दमयिता दमः ।अभिचार्यो महामायो विश्वकर्मविशारदः ॥ ३१॥

anantadṛṣṭirānando daṇḍo damayitā damaḥ |abhicāryo mahāmāyo viśvakarmaviśāradaḥ || 31||

वीतरागो विनीतात्मा तपस्वी भूतभावनः ।उन्मत्तवेषः प्रच्छन्नो जितकामो जितप्रियः ॥ ३२॥

vītarāgo vinītātmā tapasvī bhūtabhāvanaḥ |unmattaveṣaḥ pracchanno jitakāmo jitapriyaḥ || 32||

कल्याणप्रकृतिः कल्पः सर्वलोकप्रजापतिः ।तरस्वी तारको धीमान् प्रधानः प्रभुरव्ययः ॥ ३३॥

kalyāṇaprakṛtiḥ kalpaḥ sarvalokaprajāpatiḥ |tarasvī tārako dhīmān pradhānaḥ prabhuravyayaḥ || 33||

लोकपालोऽन्तर्हितात्मा कल्पादिः कमलेक्षणः । (लोकपालोऽन्तरात्मा च)वेदशास्त्रार्थतत्वज्ञो नियमो नियताश्रयः ॥ ३४॥

lokapālo'ntarhitātmā kalpādiḥ kamalekṣaṇaḥ | (lokapālo'ntarātmā ca)vedaśāstrārthatatvajño niyamo niyatāśrayaḥ || 34||

चन्द्रः सूर्यः शनिः केतुर्वराङ्गो विद्रुमच्छविः ।भक्तिवश्यः परं ब्रह्मा मृगबाणार्पणोऽनघः ॥ ३५॥ (परब्रह्म)

candraḥ sūryaḥ śaniḥ keturvarāṅgo vidrumacchaviḥ |bhaktivaśyaḥ paraṃ brahmā mṛgabāṇārpaṇo'naghaḥ || 35|| (parabrahma)

अद्रिरद्र्यालयः कान्तः परमात्मा जगद्गुरुः ।सर्वकर्मालयस्तुष्टो मङ्गल्यो मङ्गलावृतः ॥ ३६॥

adriradryālayaḥ kāntaḥ paramātmā jagadguruḥ |sarvakarmālayastuṣṭo maṅgalyo maṅgalāvṛtaḥ || 36||

महातपा दीर्घतपाः स्थविष्ठः स्थविरो धृवः ।अहः संवत्सरो व्याप्तिः प्रमाणं परमं तपः ॥ ३७॥

mahātapā dīrghatapāḥ sthaviṣṭhaḥ sthaviro dhṛvaḥ |ahaḥ saṃvatsaro vyāptiḥ pramāṇaṃ paramaṃ tapaḥ || 37||

संवत्सरकरो मन्त्रः प्रत्ययः सर्वतापनः ।अजः सर्वेस्वरः सिद्धो महातेजा महाबलः ॥ ३८॥

saṃvatsarakaro mantraḥ pratyayaḥ sarvatāpanaḥ |ajaḥ sarvesvaraḥ siddho mahātejā mahābalaḥ || 38||

योगी योग्यो महारेताः सिद्धिः सर्वादिरग्रहः ।वसुर्वसुमनाः सत्यः सर्वपापहरो हरः ॥ ३९॥

yogī yogyo mahāretāḥ siddhiḥ sarvādiragrahaḥ |vasurvasumanāḥ satyaḥ sarvapāpaharo haraḥ || 39||

सुकीर्तिः शोभनः स्रग्वी वेदाङ्गो वेदविन्मुनिः ।भ्राजिष्णुर्भोजनं भोक्ता लोकनाथो दुराधरः ॥ ४०॥

sukīrtiḥ śobhanaḥ sragvī vedāṅgo vedavinmuniḥ |bhrājiṣṇurbhojanaṃ bhoktā lokanātho durādharaḥ || 40||

अमृतः शाश्वतः शान्तो बाणहस्तः प्रतापवान् ।कमण्डलुधरो धन्वी ह्यवाङ्मनसगोचरः ॥ ४१॥

amṛtaḥ śāśvataḥ śānto bāṇahastaḥ pratāpavān |kamaṇḍaludharo dhanvī hyavāṅmanasagocaraḥ || 41||

अतीन्द्रियो महामायः सर्ववासश्चतुष्पथः ।कालयोगी महानादो महोत्साहो महाबलः ॥ ४२॥

atīndriyo mahāmāyaḥ sarvavāsaścatuṣpathaḥ |kālayogī mahānādo mahotsāho mahābalaḥ || 42||

महाबुद्धिर्महावीर्यो भूतचारी पुरन्दरः ।निशाचरः प्रेतचारी महाशक्तिर्महाद्युतिः ॥ ४३॥

mahābuddhirmahāvīryo bhūtacārī purandaraḥ |niśācaraḥ pretacārī mahāśaktirmahādyutiḥ || 43||

अनिर्देश्यवपुः श्रीमान् सर्वाचार्यमनोगतिः ।बहुश्रुतिर्महामायो नियतात्मा ध्रुवोऽध्रुवः ॥ ४४॥

anirdeśyavapuḥ śrīmān sarvācāryamanogatiḥ |bahuśrutirmahāmāyo niyatātmā dhruvo'dhruvaḥ || 44||

ओजस्तेजो द्युतिधरो जनकः सर्वशासकः ।नृत्यप्रियो नृत्यनित्यः प्रकाशात्मा प्रकाशकः ॥४५॥ (नित्यनृत्यः)

ojastejo dyutidharo janakaḥ sarvaśāsakaḥ |nṛtyapriyo nṛtyanityaḥ prakāśātmā prakāśakaḥ ||45|| (nityanṛtyaḥ)

स्पष्टाक्षरो बुधो मन्त्रः समानः सारसम्प्लवः ।युगादिकृद्युगावर्तो गम्भीरो वृषवाहनः ॥ ४६॥

spaṣṭākṣaro budho mantraḥ samānaḥ sārasamplavaḥ |yugādikṛdyugāvarto gambhīro vṛṣavāhanaḥ || 46||

इष्टो विशिष्टः शिष्टेष्टः सुलभः सारशोधनः ।तीर्थरूपस्तीर्थनामा तीर्थदृश्यस्तु तीर्थदः ॥ ४७॥

iṣṭo viśiṣṭaḥ śiṣṭeṣṭaḥ sulabhaḥ sāraśodhanaḥ |tīrtharūpastīrthanāmā tīrthadṛśyastu tīrthadaḥ || 47||

अपां निधिरधिष्ठानं विजयो जयकालवित् । (दुर्जयो)प्रतिष्ठितः प्रमाणज्ञो हिरण्यकवचो हरिः ॥ ४८॥

apāṃ nidhiradhiṣṭhānaṃ vijayo jayakālavit | (durjayo)pratiṣṭhitaḥ pramāṇajño hiraṇyakavaco hariḥ || 48||

विमोचनः सुरगणो विद्येशो बिन्दुसंश्रयः ।वातरूपोऽमलोन्मायी विकर्ता गहनो गुहः ॥ ४९॥

vimocanaḥ suragaṇo vidyeśo bindusaṃśrayaḥ |vātarūpo'malonmāyī vikartā gahano guhaḥ || 49||

करणं कारणं कर्ता सर्वबन्धविमोचनः ।व्यवसायो व्यवस्थानः स्थानदो जगदादिजः ॥ ५०॥

karaṇaṃ kāraṇaṃ kartā sarvabandhavimocanaḥ |vyavasāyo vyavasthānaḥ sthānado jagadādijaḥ || 50||

गुरुदो ललितोऽभेदो भावात्मात्मनि संस्थितः ।वीरेश्वरो वीरभद्रो वीरासनविधिर्गुरुः ॥ ५१॥

gurudo lalito'bhedo bhāvātmātmani saṃsthitaḥ |vīreśvaro vīrabhadro vīrāsanavidhirguruḥ || 51||

वीरचूडामणिर्वेत्ता चिदानन्दो नदीधरः ।आज्ञाधारस्त्रिशूली च शिपिविष्टः शिवालयः ॥ ५२॥

vīracūḍāmaṇirvettā cidānando nadīdharaḥ |ājñādhārastriśūlī ca śipiviṣṭaḥ śivālayaḥ || 52||

वालखिल्यो महावीरस्तिग्मांशुर्बधिरः खगः । (बालखिल्यो)अभिरामः सुशरणः सुब्रह्मण्यः सुधापतिः ॥ ५३॥

vālakhilyo mahāvīrastigmāṃśurbadhiraḥ khagaḥ | (bālakhilyo)abhirāmaḥ suśaraṇaḥ subrahmaṇyaḥ sudhāpatiḥ || 53||

मघवान् कौशिको गोमान् विरामः सर्वसाधनः । मघवाकौशिकोललाटाक्षो विश्वदेहः सारः संसारचक्रभृत् ॥ ५४॥

maghavān kauśiko gomān virāmaḥ sarvasādhanaḥ | maghavākauśikolalāṭākṣo viśvadehaḥ sāraḥ saṃsāracakrabhṛt || 54||

अमोघदण्डी मध्यस्थो हिरण्यो ब्रह्मवर्चसः । (दण्डो)परमार्थः परो मायी शम्बरो व्याघ्रलोचनः ॥ ५५॥ (परोमायः संवरो)

amoghadaṇḍī madhyastho hiraṇyo brahmavarcasaḥ | (daṇḍo)paramārthaḥ paro māyī śambaro vyāghralocanaḥ || 55|| (paromāyaḥ saṃvaro)

रुचिर्बहुरुचिर्वैद्यो वाचस्पतिरहस्पतिः ।रविर्विरोचनः स्कन्दः शास्ता वैवस्वतो यमः ॥ ५६॥

rucirbahurucirvaidyo vācaspatirahaspatiḥ |ravirvirocanaḥ skandaḥ śāstā vaivasvato yamaḥ || 56||

युक्तिरुन्नतकीर्तिश्च सानुरागः पुरञ्जयः ।कैलासाधिपतिः कान्तः सविता रविलोचनः ॥ ५७॥

yuktirunnatakīrtiśca sānurāgaḥ purañjayaḥ |kailāsādhipatiḥ kāntaḥ savitā ravilocanaḥ || 57||

विश्वोत्तमो वीतभयो विश्वभर्ताऽनिवारतः ।नित्यो नियतकल्याणः पुण्यश्रवणकीर्तनः ॥ ५८॥

viśvottamo vītabhayo viśvabhartā'nivārataḥ |nityo niyatakalyāṇaḥ puṇyaśravaṇakīrtanaḥ || 58||

दूरश्रवो विश्वसहो ध्येयो दुस्स्वप्ननाशनः ।उत्तारणो दुष्कृतिहा विज्ञेयो दुस्सहोऽभवः ॥ ५९॥

dūraśravo viśvasaho dhyeyo dussvapnanāśanaḥ |uttāraṇo duṣkṛtihā vijñeyo dussaho'bhavaḥ || 59||

अनादिर्भूर्भुवो लक्ष्मीः किरीटी त्रिदशाधिपः ।विश्वगोप्ता विश्वकर्ता सुवीरो रुचिराङ्गदः ॥ ६०॥

anādirbhūrbhuvo lakṣmīḥ kirīṭī tridaśādhipaḥ |viśvagoptā viśvakartā suvīro rucirāṅgadaḥ || 60||

जननो जनजन्मादिः प्रीतिमान्नीतिमान् ध्रुवः ।वशिष्ठः कश्यपो भानुर्भीमो भीमपराक्रमः ॥ ६१॥

janano janajanmādiḥ prītimānnītimān dhruvaḥ |vaśiṣṭhaḥ kaśyapo bhānurbhīmo bhīmaparākramaḥ || 61||

प्रणवः सत्पथाचारो महाकोशो महाधनः ।जन्माधिपो महादेवः सकलागमपारगः ॥ ६२॥

praṇavaḥ satpathācāro mahākośo mahādhanaḥ |janmādhipo mahādevaḥ sakalāgamapāragaḥ || 62||

तत्त्वं तत्त्वविदेकात्मा विभुर्विष्णुविभूषणः । (विष्णुर्विभू)ऋषिर्ब्राह्मण ऐश्वर्यं जन्ममृत्युजरातिगः ॥ ६३॥

tattvaṃ tattvavidekātmā vibhurviṣṇuvibhūṣaṇaḥ | (viṣṇurvibhū)ṛṣirbrāhmaṇa aiśvaryaṃ janmamṛtyujarātigaḥ || 63||

पञ्चयज्ञसमुत्पत्तिर्विश्वेशो विमलोदयः । (पञ्चतत्त्व)आत्मयोनिरनाद्यन्तो वत्सलो भक्तलोकधृक् ॥ ६४॥ (अनाद्यन्तो ह्यात्मयोनिर्)

pañcayajñasamutpattirviśveśo vimalodayaḥ | (pañcatattva)ātmayoniranādyanto vatsalo bhaktalokadhṛk || 64|| (anādyanto hyātmayonir)

गायत्रीवल्लभः प्रांशुर्विश्वावासः प्रभाकरः ।शिशुर्गिरिरतः सम्राट् सुषेणः सुरशत्रुहा ॥ ६५॥

gāyatrīvallabhaḥ prāṃśurviśvāvāsaḥ prabhākaraḥ |śiśurgirirataḥ samrāṭ suṣeṇaḥ suraśatruhā || 65||

अनेमिरिष्टनेमिश्च मुकुन्दो विगतज्वरः ।स्वयञ्ज्योतिर्महाज्योतिस्तनुज्योतिरचञ्चलः ॥ ६६॥

anemiriṣṭanemiśca mukundo vigatajvaraḥ |svayañjyotirmahājyotistanujyotiracañcalaḥ || 66||

पिङ्गळः कपिलश्मश्रुर्भालनेत्रस्त्रयीतनुः ।ज्ञानस्कन्दो महानीतिर्विश्वोत्पत्तिरुपप्लवः ॥ ६७॥ (स्कन्धो)

piṅgaḷaḥ kapilaśmaśrurbhālanetrastrayītanuḥ |jñānaskando mahānītirviśvotpattirupaplavaḥ || 67|| (skandho)

भगो विवस्वानादित्यो गतपारो बृहस्पतिः ।कल्याणगुणनामा च पापहा पुण्यदर्शनः ॥ ६८॥

bhago vivasvānādityo gatapāro bṛhaspatiḥ |kalyāṇaguṇanāmā ca pāpahā puṇyadarśanaḥ || 68||

उदारकीर्तिरुद्योगी सद्योगी सदसन्मयः । (सदसन्त्रपः)नक्षत्रमाली नाकेशः स्वाधिष्ठानः षडाश्रयः ॥ ६९॥

udārakīrtirudyogī sadyogī sadasanmayaḥ | (sadasantrapaḥ)nakṣatramālī nākeśaḥ svādhiṣṭhānaḥ ṣaḍāśrayaḥ || 69||

पवित्रः पापहारी च मणिपूरो नभोगतिः । (पापनाशश्च)हृत्पुण्डरीकमासीनः शक्रः शान्तो वृषाकपिः ॥ ७०॥

pavitraḥ pāpahārī ca maṇipūro nabhogatiḥ | (pāpanāśaśca)hṛtpuṇḍarīkamāsīnaḥ śakraḥ śānto vṛṣākapiḥ || 70||

उष्णो ग्रहपतिः कृष्णः समर्थोनर्थनाशनः ।अधर्मशत्रुरज्ञेयः पुरुहूतः पुरश्रुतः ॥ ७१॥

uṣṇo grahapatiḥ kṛṣṇaḥ samarthonarthanāśanaḥ |adharmaśatrurajñeyaḥ puruhūtaḥ puraśrutaḥ || 71||

ब्रह्मगर्भो बृहद्गर्भो धर्मधेनुर्धनागमः ।जगद्धितैषी सुगतः कुमारः कुशलागमः ॥ ७२॥

brahmagarbho bṛhadgarbho dharmadhenurdhanāgamaḥ |jagaddhitaiṣī sugataḥ kumāraḥ kuśalāgamaḥ || 72||

हिरण्यवर्णो ज्योतिष्मान्नानाभूतरतो ध्वनिः ।आरोग्यो नयनाध्यक्षो विश्वामित्रो धनेश्वरः ॥ ७३॥ नमना?

hiraṇyavarṇo jyotiṣmānnānābhūtarato dhvaniḥ |ārogyo nayanādhyakṣo viśvāmitro dhaneśvaraḥ || 73|| namanā?

ब्रह्मज्योतिर्वसुधामा महाज्योतिरनुत्तमः । (वसुर्धामा)मातामहो मातरिश्वा नभस्वान्नागहारधृक् ॥ ७४॥

brahmajyotirvasudhāmā mahājyotiranuttamaḥ | (vasurdhāmā)mātāmaho mātariśvā nabhasvānnāgahāradhṛk || 74||

पुलस्त्यः पुलहोऽगस्त्यो जातूकर्ण्यः पराशरः ।निरावरणनिर्वारो वैरञ्च्यो विष्टरश्रवाः ॥ ७५॥

pulastyaḥ pulaho'gastyo jātūkarṇyaḥ parāśaraḥ |nirāvaraṇanirvāro vairañcyo viṣṭaraśravāḥ || 75||

आत्मभूरनिरुद्धोत्रिर्ज्ञानमूर्तिर्महायशाः ।लोकवीराग्रणीर्वीरश्चण्डः सत्यपराक्रमः ॥ ७६॥

ātmabhūraniruddhotrirjñānamūrtirmahāyaśāḥ |lokavīrāgraṇīrvīraścaṇḍaḥ satyaparākramaḥ || 76||

व्यालकल्पो महाकल्पः कल्पवृक्षः कलाधरः ।अलङ्करिष्णुरचलो रोचिष्णुर्विक्रमोन्नतः ॥ ७७॥

vyālakalpo mahākalpaḥ kalpavṛkṣaḥ kalādharaḥ |alaṅkariṣṇuracalo rociṣṇurvikramonnataḥ || 77||

आयुः शब्दपतिर्वाग्मी प्लवनः शिखिसारथिः ।असंसृष्टोऽतिथिः शत्रुप्रमाथी पादपासनः ॥ ७८॥

āyuḥ śabdapatirvāgmī plavanaḥ śikhisārathiḥ |asaṃsṛṣṭo'tithiḥ śatrupramāthī pādapāsanaḥ || 78||

वसुश्रवाः कव्यवाहः प्रतप्तो विश्वभोजनः ।जप्यो जरादिशमनो लोहितश्च तनूनपात् ॥ ७९॥

vasuśravāḥ kavyavāhaḥ pratapto viśvabhojanaḥ |japyo jarādiśamano lohitaśca tanūnapāt || 79||

वृषदश्वो नभोयोनिः सुप्रतीकस्तमिस्रहा । (बृहदश्वो)निदाघस्तपनो मेघभक्षः परपुरञ्जयः ॥ ८०॥

vṛṣadaśvo nabhoyoniḥ supratīkastamisrahā | (bṛhadaśvo)nidāghastapano meghabhakṣaḥ parapurañjayaḥ || 80||

सुखानिलः सुनिष्पन्नः सुरभिः शिशिरात्मकः ।वसन्तो माधवो ग्रीष्मो नभस्यो बीजवाहनः ॥ ८१॥

sukhānilaḥ suniṣpannaḥ surabhiḥ śiśirātmakaḥ |vasanto mādhavo grīṣmo nabhasyo bījavāhanaḥ || 81||

अङ्गिरा गुरुरात्रेयो विमलो विश्वपावनः ।पावनः पुरजिच्छक्रस्त्रैविद्यो वरवाहनः ॥ ८२॥ (नववारणः)

aṅgirā gururātreyo vimalo viśvapāvanaḥ |pāvanaḥ purajicchakrastraividyo varavāhanaḥ || 82|| (navavāraṇaḥ)

मनो बुद्धिरहङ्कारः क्षेत्रज्ञः क्षेत्रपालकः ।जमदग्निर्बलनिधिर्विगालो विश्वगालवः ॥ ८३॥ (बलनिधिः यः?)

mano buddhirahaṅkāraḥ kṣetrajñaḥ kṣetrapālakaḥ |jamadagnirbalanidhirvigālo viśvagālavaḥ || 83|| (balanidhiḥ yaḥ?)

अघोरोऽनुत्तरो यज्ञः श्रेयो निःश्रेयसप्रदः ।शैलो गगनकुन्दाभो दानवारिररिन्दमः ॥ ८४॥

aghoro'nuttaro yajñaḥ śreyo niḥśreyasapradaḥ |śailo gaganakundābho dānavārirarindamaḥ || 84||

चामुण्डो जनकश्चारुर्निश्शल्यो लोकशल्यधृक् ।चतुर्वेदश्चतुर्भावश्चतुरश्चतुरप्रियः ॥ ८५॥

cāmuṇḍo janakaścārurniśśalyo lokaśalyadhṛk |caturvedaścaturbhāvaścaturaścaturapriyaḥ || 85||

आम्नायोऽथ समाम्नायस्तीर्थदेवः शिवालयः ।बहुरूपो महारूपः सर्वरूपश्चराचरः ॥ ८६॥

āmnāyo'tha samāmnāyastīrthadevaḥ śivālayaḥ |bahurūpo mahārūpaḥ sarvarūpaścarācaraḥ || 86||

न्यायनिर्णायको नेयो न्यायगम्यो निरञ्जनः । (न्यायी)सहस्रमूर्धा देवेन्द्रः सर्वशस्त्रप्रभञ्जनः ॥ ८७॥ (शास्त्र)

nyāyanirṇāyako neyo nyāyagamyo nirañjanaḥ | (nyāyī)sahasramūrdhā devendraḥ sarvaśastraprabhañjanaḥ || 87|| (śāstra)

मुण्डी विरूपो विकृतो दण्डी नादी गुणोत्तमः । (मुण्डो दानी)पिङ्गलाक्षो हि बह्वक्षो नीलग्रीवो निरामयः ॥ ८८॥ (जनाध्यक्षो)

muṇḍī virūpo vikṛto daṇḍī nādī guṇottamaḥ | (muṇḍo dānī)piṅgalākṣo hi bahvakṣo nīlagrīvo nirāmayaḥ || 88|| (janādhyakṣo)

सहस्रबाहुः सर्वेशः शरण्यः सर्वलोकधृक् ।पद्मासनः परञ्ज्योतिः पारम्पर्यफलप्रदः ॥ ८९॥

sahasrabāhuḥ sarveśaḥ śaraṇyaḥ sarvalokadhṛk |padmāsanaḥ parañjyotiḥ pāramparyaphalapradaḥ || 89||

पद्मगर्भो महागर्भो विश्वगर्भो विचक्षणः ।परावरज्ञो वरदो वरेण्यश्च महास्वनः ॥ ९०॥

padmagarbho mahāgarbho viśvagarbho vicakṣaṇaḥ |parāvarajño varado vareṇyaśca mahāsvanaḥ || 90||

देवासुरगुरुर्देवो देवासुरनमस्कृतः ।देवासुरमहामित्रो देवासुरमहेस्वरः ॥ ९१॥

devāsuragururdevo devāsuranamaskṛtaḥ |devāsuramahāmitro devāsuramahesvaraḥ || 91||

देवासुरेश्वरो दिव्यो देवासुरमहाश्रयः ।देवदेवोऽनयोऽचिन्त्यो देवतात्मात्मसम्भवः ॥ ९२॥

devāsureśvaro divyo devāsuramahāśrayaḥ |devadevo'nayo'cintyo devatātmātmasambhavaḥ || 92||

सद्यो महासुरव्याधो देवसिंहो दिवाकरः ।विबुधाग्रचरः श्रेष्ठः सर्वदेवोत्तमोत्तमः ॥ ९३॥

sadyo mahāsuravyādho devasiṃho divākaraḥ |vibudhāgracaraḥ śreṣṭhaḥ sarvadevottamottamaḥ || 93||

शिवज्ञानरतः श्रीमान् शिखी श्रीपर्वतप्रियः ।वज्रहस्तः सिद्धखड्गो नरसिंहनिपातनः ॥ ९४॥

śivajñānarataḥ śrīmān śikhī śrīparvatapriyaḥ |vajrahastaḥ siddhakhaḍgo narasiṃhanipātanaḥ || 94||

ब्रह्मचारी लोकचारी धर्मचारी धनाधिपः ।नन्दी नन्दीश्वरोऽनन्तो नग्नव्रतधरः शुचिः ॥ ९५॥

brahmacārī lokacārī dharmacārī dhanādhipaḥ |nandī nandīśvaro'nanto nagnavratadharaḥ śuciḥ || 95||

लिङ्गाध्यक्षः सुराध्यक्षो युगाध्यक्षो युगापहः ।स्वधामा स्वगतः स्वर्गी स्वरः स्वरमयः स्वनः ॥ ९६॥

liṅgādhyakṣaḥ surādhyakṣo yugādhyakṣo yugāpahaḥ |svadhāmā svagataḥ svargī svaraḥ svaramayaḥ svanaḥ || 96||

बाणाध्यक्षो बीजकर्ता कर्मकृद्धर्मसम्भवः । (धर्मकृत्)दम्भो लोभोऽथ वै शम्भुः सर्वभूतमहेश्वरः ॥ ९७॥ (लोभोऽर्थविच्छम्भुः)

bāṇādhyakṣo bījakartā karmakṛddharmasambhavaḥ | (dharmakṛt)dambho lobho'tha vai śambhuḥ sarvabhūtamaheśvaraḥ || 97|| (lobho'rthavicchambhuḥ)

श्मशाननिलयस्त्र्यक्षः सेतुरप्रतिमाकृतिः ।लोकोत्तरस्फुटो लोकस्त्र्यम्बको नागभूषणः ॥ ९८॥

śmaśānanilayastryakṣaḥ seturapratimākṛtiḥ |lokottarasphuṭo lokastryambako nāgabhūṣaṇaḥ || 98||

अन्धकारिर्मखद्वेषी विष्णुकन्धरपातनः । (मयद्वेषी)हीनदोषोऽक्षयगुणो दक्षारिः पूषदन्तभित् ॥ ९९॥

andhakārirmakhadveṣī viṣṇukandharapātanaḥ | (mayadveṣī)hīnadoṣo'kṣayaguṇo dakṣāriḥ pūṣadantabhit || 99||

धूर्जटिः खण्डपरशुः सकलो निष्कलोऽनघः ।अकालः सकलाधारः पाण्डुराभो मृडो नटः ॥ १००॥

dhūrjaṭiḥ khaṇḍaparaśuḥ sakalo niṣkalo'naghaḥ |akālaḥ sakalādhāraḥ pāṇḍurābho mṛḍo naṭaḥ || 100||

पूर्णः पूरयिता पुण्यः सुकुमारः सुलोचनः ।सन्मार्गपः प्रियोऽधूर्तः पुण्यकीर्तिरनामयः ॥ १०१॥

pūrṇaḥ pūrayitā puṇyaḥ sukumāraḥ sulocanaḥ |sanmārgapaḥ priyo'dhūrtaḥ puṇyakīrtiranāmayaḥ || 101||

मनोजवस्तीर्थकरो जटिलो नियमेश्वरः ।जीवितान्तकरो नित्यो वसुरेता वसुप्रदः ॥ १०२॥

manojavastīrthakaro jaṭilo niyameśvaraḥ |jīvitāntakaro nityo vasuretā vasupradaḥ || 102||

सद्गतिः सिद्धिदः सिद्धिः सज्जातिः खलकण्टकः ।कलाधरो महाकालभूतः सत्यपरायणः ॥ १०३॥

sadgatiḥ siddhidaḥ siddhiḥ sajjātiḥ khalakaṇṭakaḥ |kalādharo mahākālabhūtaḥ satyaparāyaṇaḥ || 103||

लोकलावण्यकर्ता च लोकोत्तरसुखालयः ।चन्द्रसञ्जीवनः शास्ता लोकग्राहो महाधिपः ॥ १०४॥

lokalāvaṇyakartā ca lokottarasukhālayaḥ |candrasañjīvanaḥ śāstā lokagrāho mahādhipaḥ || 104||

लोकबन्धुर्लोकनाथः कृतज्ञः कृत्तिभूषितः ।अनपायोऽक्षरः कान्तः सर्वशस्त्रभृतां वरः ॥ १०५॥ (शास्त्र)

lokabandhurlokanāthaḥ kṛtajñaḥ kṛttibhūṣitaḥ |anapāyo'kṣaraḥ kāntaḥ sarvaśastrabhṛtāṃ varaḥ || 105|| (śāstra)

तेजोमयो द्युतिधरो लोकमानी घृणार्णवः ।शुचिस्मितः प्रसन्नात्मा ह्यजेयो दुरतिक्रमः ॥ १०६॥

tejomayo dyutidharo lokamānī ghṛṇārṇavaḥ |śucismitaḥ prasannātmā hyajeyo duratikramaḥ || 106||

ज्योतिर्मयो जगन्नाथो निराकारो जलेश्वरः ।तुम्बवीणो महाकायो विशोकः शोकनाशनः ॥ १०७॥

jyotirmayo jagannātho nirākāro jaleśvaraḥ |tumbavīṇo mahākāyo viśokaḥ śokanāśanaḥ || 107||

त्रिलोकपस्त्रिलोकेशः सर्वशुद्धिरधोक्षजः ।अव्यक्तलक्षणो देवो व्यक्तोऽव्यक्तो विशांपतिः ॥ १०८॥

trilokapastrilokeśaḥ sarvaśuddhiradhokṣajaḥ |avyaktalakṣaṇo devo vyakto'vyakto viśāṃpatiḥ || 108||

परः शिवो वसुर्नासासारो मानधरो यमः ।ब्रह्मा विष्णुः प्रजापालो हंसो हंसगतिर्वयः ॥ १०९॥

paraḥ śivo vasurnāsāsāro mānadharo yamaḥ |brahmā viṣṇuḥ prajāpālo haṃso haṃsagatirvayaḥ || 109||

वेधा विधाता धाता च स्रष्टा हर्ता चतुर्मुखः ।कैलासशिखरावासी सर्वावासी सदागतिः ॥ ११०॥

vedhā vidhātā dhātā ca sraṣṭā hartā caturmukhaḥ |kailāsaśikharāvāsī sarvāvāsī sadāgatiḥ || 110||

हिरण्यगर्भो द्रुहिणो भूतपालोथ भूपतिः ।सद्योगी योगविद्योगी वरदो ब्राह्मणप्रियः ॥ १११॥

hiraṇyagarbho druhiṇo bhūtapālotha bhūpatiḥ |sadyogī yogavidyogī varado brāhmaṇapriyaḥ || 111||

देवप्रियो देवनाथो देवको देवचिन्तकः ।विषमाक्षो विरूपाक्षो वृषदो वृषवर्धनः ॥ ११२॥

devapriyo devanātho devako devacintakaḥ |viṣamākṣo virūpākṣo vṛṣado vṛṣavardhanaḥ || 112||

निर्ममो निरहङ्कारो निर्मोहो निरुपद्रवः ।दर्पहा दर्पदो दृप्तः सर्वार्थपरिवर्तकः ॥ ११३॥

nirmamo nirahaṅkāro nirmoho nirupadravaḥ |darpahā darpado dṛptaḥ sarvārthaparivartakaḥ || 113||

सहस्रार्चिर्भूतिभूषः स्निग्धाकृतिरदक्षिणः ।भूतभव्यभवन्नाथो विभवो भूतिनाशनः ॥ ११४॥

sahasrārcirbhūtibhūṣaḥ snigdhākṛtiradakṣiṇaḥ |bhūtabhavyabhavannātho vibhavo bhūtināśanaḥ || 114||

अर्थोऽनर्थो महाकोशः परकार्यैकपण्डितः ।निष्कण्टकः कृतानन्दो निर्व्याजो व्याजमर्दनः ॥ ११५॥

artho'nartho mahākośaḥ parakāryaikapaṇḍitaḥ |niṣkaṇṭakaḥ kṛtānando nirvyājo vyājamardanaḥ || 115||

सत्त्ववान् सात्त्विकः सत्यः कृतस्नेहः कृतागमः ।अकम्पितो गुणग्राही नैकात्मा नैककर्मकृत् ॥ ११६॥

sattvavān sāttvikaḥ satyaḥ kṛtasnehaḥ kṛtāgamaḥ |akampito guṇagrāhī naikātmā naikakarmakṛt || 116||

सुप्रीतः सुखदः सूक्ष्मः सुकरो दक्षिणानिलः ।नन्दिस्कन्दो धरो धुर्यः प्रकटप्रीतिवर्धनः ॥ ११७॥

suprītaḥ sukhadaḥ sūkṣmaḥ sukaro dakṣiṇānilaḥ |nandiskando dharo dhuryaḥ prakaṭaprītivardhanaḥ || 117||

अपराजितः सर्वसहो गोविन्दः सत्ववाहनः ।अधृतः स्वधृतः सिद्धः पूतमूर्तिर्यशोधनः ॥ ११८॥

aparājitaḥ sarvasaho govindaḥ satvavāhanaḥ |adhṛtaḥ svadhṛtaḥ siddhaḥ pūtamūrtiryaśodhanaḥ || 118||

वाराहशृङ्गधृक् शृङ्गी बलवानेकनायकः ।शृतिप्रकाशः श्रुतिमानेकबन्धुरनेकधृक् ॥ ११९॥

vārāhaśṛṅgadhṛk śṛṅgī balavānekanāyakaḥ |śṛtiprakāśaḥ śrutimānekabandhuranekadhṛk || 119||

श्रीवत्सलः शिवारम्भः शान्तभद्रः समो यशः ।भूयशो भूषणो भूतिर्भूतिकृद् भूतभावनः ॥ १२०॥

śrīvatsalaḥ śivārambhaḥ śāntabhadraḥ samo yaśaḥ |bhūyaśo bhūṣaṇo bhūtirbhūtikṛd bhūtabhāvanaḥ || 120||

अकम्पो भक्तिकायस्तु कालहानिः कलाविभुः ।सत्यव्रती महात्यागी नित्यः शान्तिपरायणः ॥ १२१॥

akampo bhaktikāyastu kālahāniḥ kalāvibhuḥ |satyavratī mahātyāgī nityaḥ śāntiparāyaṇaḥ || 121||

परार्थवृत्तिर्वरदो विरक्तस्तु विशारदः ।शुभदः शुभकर्ता च शुभनामा शुभः स्वयम् ॥ १२२॥

parārthavṛttirvarado viraktastu viśāradaḥ |śubhadaḥ śubhakartā ca śubhanāmā śubhaḥ svayam || 122||

अनर्थितो गुणग्राही ह्यकर्ता कनकप्रभः ।स्वभावभद्रो मध्यस्थः शत्रुघ्नो विघ्ननाशनः ॥ १२३॥

anarthito guṇagrāhī hyakartā kanakaprabhaḥ |svabhāvabhadro madhyasthaḥ śatrughno vighnanāśanaḥ || 123||

शिखण्डी कवची शूली जटी मुण्डी च कुण्डली ।अमृत्युः सर्वदृक् सिंहस्तेजोराशिर्महामणिः ॥ १२४॥

śikhaṇḍī kavacī śūlī jaṭī muṇḍī ca kuṇḍalī |amṛtyuḥ sarvadṛk siṃhastejorāśirmahāmaṇiḥ || 124||

असङ्ख्येयोऽप्रमेयात्मा वीर्यवान् वीर्यकोविदः ।वेद्यश्च वै वियोगात्मा परावरमुनीश्वरः ॥ १२५॥ (सप्तावर)

asaṅkhyeyo'prameyātmā vīryavān vīryakovidaḥ |vedyaśca vai viyogātmā parāvaramunīśvaraḥ || 125|| (saptāvara)

अनुत्तमो दुराधर्षो मधुरः प्रियदर्शनः ।सुरेशः शरणः सर्वः शब्दः प्रतपतां वरः ॥ १२६॥

anuttamo durādharṣo madhuraḥ priyadarśanaḥ |sureśaḥ śaraṇaḥ sarvaḥ śabdaḥ pratapatāṃ varaḥ || 126||

कालपक्षः कालकालः सुकृती कृतवासुकिः ।महेष्वासो महीभर्ता निष्कलङ्को विशृङ्खलः ॥ १२७॥

kālapakṣaḥ kālakālaḥ sukṛtī kṛtavāsukiḥ |maheṣvāso mahībhartā niṣkalaṅko viśṛṅkhalaḥ || 127||

द्युमणिस्तरणिर्धन्यः सिद्धिदः सिद्धिसाधनः ।विश्वतः सम्प्रवृत्तस्तु व्यूढोरस्को महाभुजः ॥ १२८॥

dyumaṇistaraṇirdhanyaḥ siddhidaḥ siddhisādhanaḥ |viśvataḥ sampravṛttastu vyūḍhorasko mahābhujaḥ || 128||

सर्वयोनिर्निराटङ्को नरनारायणप्रियः । (निरातङ्को)निर्लेपो यतिसङ्गात्मा निर्व्यङ्गो व्यङ्गनाशनः ॥ १२९॥

sarvayonirnirāṭaṅko naranārāyaṇapriyaḥ | (nirātaṅko)nirlepo yatisaṅgātmā nirvyaṅgo vyaṅganāśanaḥ || 129||

स्तव्यः स्तवप्रियः स्तोता व्यासमूर्तिर्निराकुलः । (स्तुति)निरवद्यमयोपायो विद्याराशिश्च सत्कृतः ॥ १३१॥

stavyaḥ stavapriyaḥ stotā vyāsamūrtirnirākulaḥ | (stuti)niravadyamayopāyo vidyārāśiśca satkṛtaḥ || 131||

प्रशान्तबुद्धिरक्षुण्णः सङ्ग्रहो नित्यसुन्दरः ।वैयाघ्रधुर्यो धात्रीशः सङ्कल्पः शर्वरीपतिः ॥ १३२॥

praśāntabuddhirakṣuṇṇaḥ saṅgraho nityasundaraḥ |vaiyāghradhuryo dhātrīśaḥ saṅkalpaḥ śarvarīpatiḥ || 132||

परमार्थगुरुर्दत्तः सूरिराश्रितवत्सलः ।सोमो रसज्ञो रसदः सर्वसत्वावलम्बनः ॥ १३२एवं नाम्नां सहस्रेण तुष्टाव हि हरं हरिः ।प्रार्थयामास शम्भुं वै पूजयामास पङ्कजैः ॥ १३३॥

paramārthagururdattaḥ sūrirāśritavatsalaḥ |somo rasajño rasadaḥ sarvasatvāvalambanaḥ || 132evaṃ nāmnāṃ sahasreṇa tuṣṭāva hi haraṃ hariḥ |prārthayāmāsa śambhuṃ vai pūjayāmāsa paṅkajaiḥ || 133||

ततः स कौतुकी शम्भुश्चकार चरितं द्विजाः ।महद्भूतं सुखकरं तदेव शृणुतादरात् ॥ १३४॥

tataḥ sa kautukī śambhuścakāra caritaṃ dvijāḥ |mahadbhūtaṃ sukhakaraṃ tadeva śṛṇutādarāt || 134||

इति श्रीशिवमहापुराणे चतुर्थ्यां कोटिरुद्रसंहितायांशिवसहस्रनामवर्णनं नाम पञ्चत्रिंशोऽध्यायः ॥ ३५॥

iti śrīśivamahāpurāṇe caturthyāṃ koṭirudrasaṃhitāyāṃśivasahasranāmavarṇanaṃ nāma pañcatriṃśo'dhyāyaḥ || 35||