शिवनामकल्पलतालवालः शिवाष्टोत्तरशतनामावली १ Shivanama Kalpalatalavalah

(१ शार्दूलविक्रीडित)ॐ मोक्षस्यैकनिदानमब्जनयनब्रह्मेन्द्रचन्द्रादिभिर्देवैः प्राणपदीकृतं कलिमलप्रध्वंसि धर्माङ्कुरः ।भारत्यापि सुदुर्निरूपमहिम त्रय्यन्तरे गोपितंवक्तुर्मङ्गलदं शिवेति विमलं नामैव नस्तारकम् ॥ १/१॥(२ स्रग्धरा)आनन्त्यौदार्यसत्यादृति(दति)मृतिहृतिभिः स्वल्पसेवातितोषात्संकष्टोच्छित्त्युपेच्चाभय(मय)हितवचनैरुत्तमत्वाच्च शम्भुः ।सेव्यो विष्णूपमन्युद्रुहिणमुनिसुतश्रीदमन्थेच्छुदेवैर्दक्षश्रीरामवेदैरशिशुपशुवधूराक्षसैः साक्षिभिर्नः ॥ २/२॥(३ स्रग्धरा)नाथ त्वच्छक्तितत्त्वाव्ययचरितभगव्यूहमूर्त्यङ्गसाङ्गप्रत्यङ्गोपाङ्गकृत्यागमभजनकलांशादिनिष्कर्षमूढाः ।त्वन्नामापि त्यजामो यदि दुरितहरं सान्ववायाः कृतार्थीःकेनोपायेन जायेमहि कलिहतके जन्मभाजो वयं हि (जन्मनित्यामतत्र) ॥ ३/३॥(४ शिखरिणी)शिवेति द्वौ वर्णो परपदपतद्धंसगरुतौतटौ संसाराब्धेः स्वविषयकबोधाङ्कुरदले ।श्रुतेरन्तर्गोपायिततररहस्यब्रुवचरौ (रहस्याहृतिचरौ)घरट्टग्रावाणौ भवविटपिबीजौघदलने ॥ ४/४॥(५ शार्दूलविक्रीडित)स्वामिन्कर्मणि कायिके न जरसा शक्तोऽस्मि नो मानसेचाञ्चल्यान्मनसो न निर्धनतया पूर्तेष्टदानादिके ।तस्माद्वाचिकमेव कर्म विदुषां साध्यं विदित्वा भवन्नाम्नमष्टशतं निरुच्य जनुषः साफल्यमीहेतमाम्(तराम्) ॥ ५/५॥(६ आर्या)शिवनामकल्पवल्ल्याः शिवचरितानन्दकाननभवायाः ।रुचिरं रत्नावालं रचये सत्पद्यरत्नवरैः ॥ ६/६॥ॐ शिवाय नमः । १।

(1 śārdūlavikrīḍita)oṃ mokṣasyaikanidānamabjanayanabrahmendracandrādibhirdevaiḥ prāṇapadīkṛtaṃ kalimalapradhvaṃsi dharmāṅkuraḥ |bhāratyāpi sudurnirūpamahima trayyantare gopitaṃvakturmaṅgaladaṃ śiveti vimalaṃ nāmaiva nastārakam || 1/1||(2 sragdharā)ānantyaudāryasatyādṛti(dati)mṛtihṛtibhiḥ svalpasevātitoṣātsaṃkaṣṭocchittyupeccābhaya(maya)hitavacanairuttamatvācca śambhuḥ |sevyo viṣṇūpamanyudruhiṇamunisutaśrīdamanthecchudevairdakṣaśrīrāmavedairaśiśupaśuvadhūrākṣasaiḥ sākṣibhirnaḥ || 2/2||(3 sragdharā)nātha tvacchaktitattvāvyayacaritabhagavyūhamūrtyaṅgasāṅgapratyaṅgopāṅgakṛtyāgamabhajanakalāṃśādiniṣkarṣamūḍhāḥ |tvannāmāpi tyajāmo yadi duritaharaṃ sānvavāyāḥ kṛtārthīḥkenopāyena jāyemahi kalihatake janmabhājo vayaṃ hi (janmanityāmatatra) || 3/3||(4 śikhariṇī)śiveti dvau varṇo parapadapataddhaṃsagarutautaṭau saṃsārābdheḥ svaviṣayakabodhāṅkuradale |śruterantargopāyitatararahasyabruvacarau (rahasyāhṛticarau)gharaṭṭagrāvāṇau bhavaviṭapibījaughadalane || 4/4||(5 śārdūlavikrīḍita)svāminkarmaṇi kāyike na jarasā śakto'smi no mānasecāñcalyānmanaso na nirdhanatayā pūrteṣṭadānādike |tasmādvācikameva karma viduṣāṃ sādhyaṃ viditvā bhavannāmnamaṣṭaśataṃ nirucya januṣaḥ sāphalyamīhetamām(tarām) || 5/5||(6 āryā)śivanāmakalpavallyāḥ śivacaritānandakānanabhavāyāḥ |ruciraṃ ratnāvālaṃ racaye satpadyaratnavaraiḥ || 6/6||oṃ śivāya namaḥ | 1|

(शिखरिणी)प्रकृत्या नैर्मल्यादमलगुणयोगादपि शमाज्जगत्याधारत्वाद्भजदमृतदानाच्च भवतः ।बलादिच्छाशक्तेः प्रथितपुरि भद्रश्रव इतिप्रतीतस्त्वं लिङ्गे त्रिपुरहर ! तस्मादसि शिवः ॥ १/७॥ॐ महेश्वराय नमः । २।

(śikhariṇī)prakṛtyā nairmalyādamalaguṇayogādapi śamājjagatyādhāratvādbhajadamṛtadānācca bhavataḥ |balādicchāśakteḥ prathitapuri bhadraśrava itipratītastvaṃ liṅge tripurahara ! tasmādasi śivaḥ || 1/7||oṃ maheśvarāya namaḥ | 2|

(वंशस्था)तवेश्वरत्वं त्रिजगद्विलक्षणंत्वमीश्वराणां महतामपीश्वरः ।जगत्तिरोधानकरः श्रुतीरितःत्वं पञ्चविंशोऽपि परो महेश्वरः ॥ २/८॥ॐ शम्भवे नमः । ३।

(vaṃśasthā)taveśvaratvaṃ trijagadvilakṣaṇaṃtvamīśvarāṇāṃ mahatāmapīśvaraḥ |jagattirodhānakaraḥ śrutīritaḥtvaṃ pañcaviṃśo'pi paro maheśvaraḥ || 2/8||oṃ śambhave namaḥ | 3|

(उपगीति)शं भावयसि च भवसे शं च भवसि चेति वा देवः ।त्वं देवदारुविपिने लिङ्गे प्रथितोऽस्यतः शम्भुः ॥ ३/९॥ॐ पिनाकिने नमः । ४।

(upagīti)śaṃ bhāvayasi ca bhavase śaṃ ca bhavasi ceti vā devaḥ |tvaṃ devadāruvipine liṅge prathito'syataḥ śambhuḥ || 3/9||oṃ pinākine namaḥ | 4|

(वसन्ततिलका)नाकोऽपि येन पिहितो मुनिकण्वमूर्धवल्मीकवेणुजधनुस्त्रितयाग्रजन्मा ।यः सप्तशीर्षफणिरूप उदारकर्मीचापस्तमावहसि नाथ ततः पिनाकी ॥ ४/१०॥ॐ शशिशेखराय नमः । ५।

(vasantatilakā)nāko'pi yena pihito munikaṇvamūrdhavalmīkaveṇujadhanustritayāgrajanmā |yaḥ saptaśīrṣaphaṇirūpa udārakarmīcāpastamāvahasi nātha tataḥ pinākī || 4/10||oṃ śaśiśekharāya namaḥ | 5|

(द्रुतविलम्बित)मतिमयोऽखिलजीवसमष्टिरप्यमेथि दक्षमखे हिमर्गुर्वृथा (हिमगुथा) ।इति धिया दयया विधृतस्त्वयाशिरसि तेन भवान् शशिशेखरः ॥ ५/११॥ॐ वामदेवाय नमः । ६।

(drutavilambita)matimayo'khilajīvasamaṣṭirapyamethi dakṣamakhe himargurvṛthā (himaguthā) |iti dhiyā dayayā vidhṛtastvayāśirasi tena bhavān śaśiśekharaḥ || 5/11||oṃ vāmadevāya namaḥ | 6|

(शालिनी)वामार्धेन क्रीडसि त्वं त्रिलोकीवक्राचारो वल्गुमोदोऽसि तस्मात् ।विश्वोत्तीर्णः स्रष्ट्टतामप्यतीतःप्रेयानात्मा कथ्यसे वामदेवः ॥ ६/१२॥ॐ विरूपाक्षाय नमः । ७।

(śālinī)vāmārdhena krīḍasi tvaṃ trilokīvakrācāro valgumodo'si tasmāt |viśvottīrṇaḥ sraṣṭṭatāmapyatītaḥpreyānātmā kathyase vāmadevaḥ || 6/12||oṃ virūpākṣāya namaḥ | 7|

(गीति)विषमाणि विविधशक्तीन्यक्षीणि विलक्षणानि वाक्षाणि ।हर ! हेमकूटशैले लिङ्गे व्यक्तोऽस्यतो विरूपाक्षः ॥ ७/१३॥ॐ कपर्दिने नमः । ८।

(gīti)viṣamāṇi vividhaśaktīnyakṣīṇi vilakṣaṇāni vākṣāṇi |hara ! hemakūṭaśaile liṅge vyakto'syato virūpākṣaḥ || 7/13||oṃ kapardine namaḥ | 8|

(मेघविस्फूर्हिता)नदीपूरैः शोधादथ सुरधुनीशोधनात्तत्प्रदानात्कचग्रन्थेर्भेदोऽतिशयितगुणः स्यात्कपर्दो वराटः ।तदाधारः पूरस्थगनमपि तत्पावनं तत्प्रकाशक्षमत्वं मैरालीं प्रथयसि तनुं छागलाण्डे कपर्दीम् ॥ ८/१४॥ॐ नीललोहिताय नमः । ९।

(meghavisphūrhitā)nadīpūraiḥ śodhādatha suradhunīśodhanāttatpradānātkacagrantherbhedo'tiśayitaguṇaḥ syātkapardo varāṭaḥ |tadādhāraḥ pūrasthaganamapi tatpāvanaṃ tatprakāśakṣamatvaṃ mairālīṃ prathayasi tanuṃ chāgalāṇḍe kapardīm || 8/14||oṃ nīlalohitāya namaḥ | 9|

(ललिता)नेमाङ्गनं प्रकृतिपूरुषं रवेरन्तश्च रूपयुगवेद्वपुस्तव ।वेधोऽलिकाम्बुकणतोऽरुणासिताज्जातः शिव त्वमिति नीललोहितः ॥ ९/१५॥ॐ शङ्कराय नमः । १०।

(lalitā)nemāṅganaṃ prakṛtipūruṣaṃ raverantaśca rūpayugavedvapustava |vedho'likāmbukaṇato'ruṇāsitājjātaḥ śiva tvamiti nīlalohitaḥ || 9/15||oṃ śaṅkarāya namaḥ | 10|

(पथ्यावक्त्र)कर एव सुखं धत्से भक्तानां कुरुषे च तत् ।पीठे चन्द्रपुराभिख्ये नाम्ना ख्यातोऽसि शङ्करः ॥ १०/१६॥ॐ शूलपाणये नमः । ११।

(pathyāvaktra)kara eva sukhaṃ dhatse bhaktānāṃ kuruṣe ca tat |pīṭhe candrapurābhikhye nāmnā khyāto'si śaṅkaraḥ || 10/16||oṃ śūlapāṇaye namaḥ | 11|

(औपच्छन्दसिक)शिव तृप्तपुरस्य(स्थ) लिङ्गमध्येप्रकटस्संस्त्रिगुणात्मकाललोकैः ।शुचिशक्तिदशादिभिस्त्रिशूलंविदधत्त्वं प्रथितोऽसि शूलपाणिः ॥ ११/१७॥ॐ खट्वाङ्गिने नमः । १२।

(aupacchandasika)śiva tṛptapurasya(stha) liṅgamadhyeprakaṭassaṃstriguṇātmakālalokaiḥ |śuciśaktidaśādibhistriśūlaṃvidadhattvaṃ prathito'si śūlapāṇiḥ || 11/17||oṃ khaṭvāṅgine namaḥ | 12|

(शम्भु)द्रुहिणस्यैकं वदनं मिथ्यावचनं दृष्ट्वा सद्यश्छिन्नम् ।न ततो वेधोमरणं शम्भोः क्व पुनर्हिंसाजन्यं पापम् ॥अथ दण्डार्थं(र्धं) वहसि त्वं तज्जनशिक्षार्थं खट्वाया वा ।चरणं यत्तट्विमलं सत्त्वं प्रथितस्तेन त्वं खट्वाङ्गी ॥ १२/१८॥ॐ विष्णुवल्लभाय नमः । १३।

(śambhu)druhiṇasyaikaṃ vadanaṃ mithyāvacanaṃ dṛṣṭvā sadyaśchinnam |na tato vedhomaraṇaṃ śambhoḥ kva punarhiṃsājanyaṃ pāpam ||atha daṇḍārthaṃ(rdhaṃ) vahasi tvaṃ tajjanaśikṣārthaṃ khaṭvāyā vā |caraṇaṃ yattaṭvimalaṃ sattvaṃ prathitastena tvaṃ khaṭvāṅgī || 12/18||oṃ viṣṇuvallabhāya namaḥ | 13|

(वैतालीय)वितरन् हरये तपस्यते पदरेखाजनितं सुदर्शनम् ।वपुरर्धमपि प्रियाय ते प्रथितस्त्वं भुवि विष्णुवल्लभः ॥ १३/१९॥ॐ शिपिविष्टाय नमः । १४।

(vaitālīya)vitaran haraye tapasyate padarekhājanitaṃ sudarśanam |vapurardhamapi priyāya te prathitastvaṃ bhuvi viṣṇuvallabhaḥ || 13/19||oṃ śipiviṣṭāya namaḥ | 14|

(तोटक)पशवः परमात्मनि धीविरहात्द्विपदोऽपि नराश्च सुराः शिपयः ।तदनुग्रहकृद्धृदयं प्रविशन्प्रथितोऽसि विभो शिपिविष्ट इति ॥ १४/२०॥ॐ अम्बिकानाथाय नमः । १५।

(toṭaka)paśavaḥ paramātmani dhīvirahātdvipado'pi narāśca surāḥ śipayaḥ |tadanugrahakṛddhṛdayaṃ praviśanprathito'si vibho śipiviṣṭa iti || 14/20||oṃ ambikānāthāya namaḥ | 15|

(आर्या)नाथसि हिमाचलमुमां मनसा तां नाथसेऽथ तन्नाथः ।(नाथसि हिमाचलमुमां मनसा तां नाथसे तन्नाथः) ।प्रकटोऽसि देविकायां लिङ्गे तेनाम्बिकानाथः ॥ १५/२१॥ॐ श्रीकण्ठाय नमः । १६।

(āryā)nāthasi himācalamumāṃ manasā tāṃ nāthase'tha tannāthaḥ |(nāthasi himācalamumāṃ manasā tāṃ nāthase tannāthaḥ) |prakaṭo'si devikāyāṃ liṅge tenāmbikānāthaḥ || 15/21||oṃ śrīkaṇṭhāya namaḥ | 16|

(विद्युन्माला)क्ष्वेलं गङ्गामिन्दोर्लेखामाद्योत्थां वा कान्तिं कण्ठे ।बिभ्रन्माण्डल्ये(व्ये)शे लिङ्गे विख्यातोऽसि त्वं श्रीकण्ठः ॥ १६/२२॥ॐ भक्तवत्सलाय नमः । १७।

(vidyunmālā)kṣvelaṃ gaṅgāmindorlekhāmādyotthāṃ vā kāntiṃ kaṇṭhe |bibhranmāṇḍalye(vye)śe liṅge vikhyāto'si tvaṃ śrīkaṇṭhaḥ || 16/22||oṃ bhaktavatsalāya namaḥ | 17|

(इन्द्रवंशा)दासानुरस्यावपसीति तर्णकान्भक्तात्मकानोदनबालकोभयम् ।पोषाय गृह्णास्यथ तेषु सौहृदंपुष्णासि तस्मादसि भक्तवत्सलः ॥ १७/२३॥ॐ भवाय नमः । १८।

(indravaṃśā)dāsānurasyāvapasīti tarṇakānbhaktātmakānodanabālakobhayam |poṣāya gṛhṇāsyatha teṣu sauhṛdaṃpuṣṇāsi tasmādasi bhaktavatsalaḥ || 17/23||oṃ bhavāya namaḥ | 18|

(उद्गीति)सत्तामात्रमधिष्ठानमुपादानमसि विश्वस्य ।सलिलस्याधिष्ठात्री मूर्तिस्तव तेन विश्रुतोऽसि भवः ॥ १८/२४॥ॐ शर्वाय नमः । १९।

(udgīti)sattāmātramadhiṣṭhānamupādānamasi viśvasya |salilasyādhiṣṭhātrī mūrtistava tena viśruto'si bhavaḥ || 18/24||oṃ śarvāya namaḥ | 19|

(उपेन्द्रवज्रा)यदेतदाभाति बहुप्रकारंजगत्तदन्ते सकलं शृणासि ।अधिष्ठितो मध्यमदेशलिङ्गेधरण्यधिष्ठातृतयापि शर्वः ॥ १९/२५॥ॐ त्रिलोकीशाय नमः । २०।

(upendravajrā)yadetadābhāti bahuprakāraṃjagattadante sakalaṃ śṛṇāsi |adhiṣṭhito madhyamadeśaliṅgedharaṇyadhiṣṭhātṛtayāpi śarvaḥ || 19/25||oṃ trilokīśāya namaḥ | 20|

(आर्यागीति)ऊर्ध्वाधोमध्यभुवाम्अमरासुरमानवप्रकरनिबिडानाम् ।अन्तर्यमनात् त्रिपुटीसाक्षितया शङ्कर त्रिलोकीशस्त्वम् ॥ २०/२६॥ॐ शितिकण्ठाय नमः । २१।

(āryāgīti)ūrdhvādhomadhyabhuvāmamarāsuramānavaprakaranibiḍānām |antaryamanāt tripuṭīsākṣitayā śaṅkara trilokīśastvam || 20/26||oṃ śitikaṇṭhāya namaḥ | 21|

(अर्धाङ्गी)दधदधिगलमिन्द्रपविप्रहृतिप्रभवं कालम् ।कालञ्जरैगिरिशि(शे)खरे प्रथितस्त्वं शितिकण्ठः ॥ २१/२७॥ॐ शिवाप्रियाय नमः । २२।

(ardhāṅgī)dadhadadhigalamindrapaviprahṛtiprabhavaṃ kālam |kālañjaraigiriśi(śe)khare prathitastvaṃ śitikaṇṭhaḥ || 21/27||oṃ śivāpriyāya namaḥ | 22|

(प्रमाणिका)वति(मति)र्धृतिः कृतिर्बलं शरीरमिन्द्रियं मनः ।समस्तमेव ते शिवा भवानतः शिवाप्रियः ॥ २२/२८॥ॐ उग्राय नमः । २३।

(pramāṇikā)vati(mati)rdhṛtiḥ kṛtirbalaṃ śarīramindriyaṃ manaḥ |samastameva te śivā bhavānataḥ śivāpriyaḥ || 22/28||oṃ ugrāya namaḥ | 23|

(मत्ता)उच्यस्यन्तर्निखिलजनानामुद्गच्छस्यप्यथ जगदूर्ध्वम् ।प्रव्यक्तः सन् कनखललिङ्गे वायोरन्तर्वससि तदुग्रः ॥ २३/२९॥ॐ कपालिने नमः । २४।

(mattā)ucyasyantarnikhilajanānāmudgacchasyapyatha jagadūrdhvam |pravyaktaḥ san kanakhalaliṅge vāyorantarvasasi tadugraḥ || 23/29||oṃ kapāline namaḥ | 24|

(मालिनी)कमलभवकरोटिव्रातमालाधरत्वात्तदधिकबलशाली भासि कङ्कालनाथः ।परशिव (परमशिव) करवीरक्षेत्रमध्यस्थ(स्य)लिङ्गेनिवससि सुरवन्द्यो नामतस्त्वं कपाली ॥ २४/३०॥ॐ कामारये नमः । २५।

(mālinī)kamalabhavakaroṭivrātamālādharatvāttadadhikabalaśālī bhāsi kaṅkālanāthaḥ |paraśiva (paramaśiva) karavīrakṣetramadhyastha(sya)liṅgenivasasi suravandyo nāmatastvaṃ kapālī || 24/30||oṃ kāmāraye namaḥ | 25|

(कर्पूर)कर्पूरश्वेत त्वं कामेच्छोर्दूरे निष्कामाना(णा)मासन्नः ।दर्पं कन्दर्पस्य प्रक्षिण्वन् विख्यातोऽभूर्लोके कामारिः ॥ २५/३१॥ॐ अन्धकासुरसूदनाय नमः । २६।

(karpūra)karpūraśveta tvaṃ kāmecchordūre niṣkāmānā(ṇā)māsannaḥ |darpaṃ kandarpasya prakṣiṇvan vikhyāto'bhūrloke kāmāriḥ || 25/31||oṃ andhakāsurasūdanāya namaḥ | 26|

(विबुधप्रिया)लीलया जगदम्बया पिहितेषु ते नयनेष्वभूदन्धकारत एव यः स तु भैरवेण निषूदितः ।तादृशः कृपया त्वया शिव गाणपत्यमवापितःप्रेमवानपि नामतः पुनरन्धकासुरसूदनः ॥ २६/३२॥ॐ गङ्गाधराय नमः । २७।

(vibudhapriyā)līlayā jagadambayā pihiteṣu te nayaneṣvabhūdandhakārata eva yaḥ sa tu bhairaveṇa niṣūditaḥ |tādṛśaḥ kṛpayā tvayā śiva gāṇapatyamavāpitaḥpremavānapi nāmataḥ punarandhakāsurasūdanaḥ || 26/32||oṃ gaṅgādharāya namaḥ | 27|

(मालाधर)अमरतटिनी निजं बलमवेक्ष्य गवाद्भवच्छिरसि गगनादपी(वा)पतदतीव वेगोद्धुरा ।पटुतरजटाटवीमुपगता न दृष्टा क्वचित्परमशिव तां दधन्निगदितोऽसि गङ्गाधरः ॥ २७/३३॥ॐ ललाटाक्षाय नमः । २८।

(mālādhara)amarataṭinī nijaṃ balamavekṣya gavādbhavacchirasi gaganādapī(vā)patadatīva vegoddhurā |paṭutarajaṭāṭavīmupagatā na dṛṣṭā kvacitparamaśiva tāṃ dadhannigadito'si gaṅgādharaḥ || 27/33||oṃ lalāṭākṣāya namaḥ | 28|

(भुजगशिशुभृता)उडुशशिरविसंहर्ता प्रलयसमयसप्तार्चिः ।तमुपरि नयने विभ्रद्भव भवसि ललाटाक्षः ॥ २८/३४॥ॐ कालकालाय नमः । २९।

(bhujagaśiśubhṛtā)uḍuśaśiravisaṃhartā pralayasamayasaptārciḥ |tamupari nayane vibhradbhava bhavasi lalāṭākṣaḥ || 28/34||oṃ kālakālāya namaḥ | 29|

(गुणाङ्गी)मार्कण्डेयः कालमुखाद्विमुक्तोदग्धो रुद्रः काल इति प्रसिद्धः ।तुर्यां मूर्तिं बिभ्रदुमादि(धि)नाथप्रख्यातोऽसि त्वं भुवि कालकालः ॥ २९/३५॥ॐ कृपानिधये नमः । ३०।

(guṇāṅgī)mārkaṇḍeyaḥ kālamukhādvimuktodagdho rudraḥ kāla iti prasiddhaḥ |turyāṃ mūrtiṃ bibhradumādi(dhi)nāthaprakhyāto'si tvaṃ bhuvi kālakālaḥ || 29/35||oṃ kṛpānidhaye namaḥ | 30|

(शुद्धविराज्)दैतेयेषु जलन्धरादिषुस्वीयानामपकारकेष्वपि ।सालोक्यादिपदानि दित्ससित्वं ख्यातोऽसि ततः कृपानिधिः ॥ ३०/३६॥ॐ भीमाय नमः । ३१।

(śuddhavirāj)daiteyeṣu jalandharādiṣusvīyānāmapakārakeṣvapi |sālokyādipadāni ditsasitvaṃ khyāto'si tataḥ kṛpānidhiḥ || 30/36||oṃ bhīmāya namaḥ | 31|

(शोभा)भिया वातो वाति ज्वलनदिनकरौ शक्रमृत्युप्रचेतो(ज्वलदिनकरौ, ज्वलतिदिनकरः)मुखा देवास्त्वत्तो भयचकितहृदस्तत्पराः स्वस्वकार्ये ।नभोऽधिष्ठात्री ते तनुर(रि)तिविपुला सप्तगोदावरे चप्रतीतस्त्वं लिङ्गे गिरिवरतनयानाथ तेनासि भीमः ॥ ३१/३७॥ॐ परशुहस्ताय नमः । ३२।

(śobhā)bhiyā vāto vāti jvalanadinakarau śakramṛtyupraceto(jvaladinakarau, jvalatidinakaraḥ)mukhā devāstvatto bhayacakitahṛdastatparāḥ svasvakārye |nabho'dhiṣṭhātrī te tanura(ri)tivipulā saptagodāvare capratītastvaṃ liṅge girivaratanayānātha tenāsi bhīmaḥ || 31/37||oṃ paraśuhastāya namaḥ | 32|

(कुमारललिता)अमोघचरितत्वं व्यनक्ति परशुस्ते ।शिवागमवचोभिस्ततः परशुहस्तः ॥ ३२/३८॥ॐ मृगपाणये नमः । ३३।

(kumāralalitā)amoghacaritatvaṃ vyanakti paraśuste |śivāgamavacobhistataḥ paraśuhastaḥ || 32/38||oṃ mṛgapāṇaye namaḥ | 33|

(रुक्मवती)दारुवनस्थैस्त्वभिचरद्भिः प्रेषित एणो वेदशरीरः ।याचनमुद्रा वा तव हस्ते तत्प्रथितोऽसि त्वं मृगपाणिः ॥ ३३/३९॥ॐ जटाधराय नमः । ३४।

(rukmavatī)dāruvanasthaistvabhicaradbhiḥ preṣita eṇo vedaśarīraḥ |yācanamudrā vā tava haste tatprathito'si tvaṃ mṛgapāṇiḥ || 33/39||oṃ jaṭādharāya namaḥ | 34|

(हरिणी)द्वि(वि)विधतनुको दक्षध्वंसे बभूविथ यः पुरामृगमनुययावे(थै)कोऽन्यस्तु स्थितो मखमण्डपे ।अखिलसरितः पारावारान् पविचतरान् घ(ध)रान्शिरसि कचतापन्नान् बिभ्रच्छ्रुतोऽसि (विभ्रन् श्रुतोसि) जटाधरः ॥ ३४/४०॥ॐ कैलासवासिने नमः । ३५।

(hariṇī)dvi(vi)vidhatanuko dakṣadhvaṃse babhūvitha yaḥ purāmṛgamanuyayāve(thai)ko'nyastu sthito makhamaṇḍape |akhilasaritaḥ pārāvārān pavicatarān gha(dha)rānśirasi kacatāpannān bibhracchruto'si (vibhran śrutosi) jaṭādharaḥ || 34/40||oṃ kailāsavāsine namaḥ | 35|

(भुजङ्गप्रयात)हरेर्मूर्ध्नि मेरौ हिमे मन्दराद्रौभवत्केलिभूमौ(म्यो) भवत्कर्मगम्याः(भवत्केलिगम्याः) ।तदूर्ध्वं परा ज्ञानलभ्यास्ति तासुस्थितत्वेन जातोऽसि कैलासवासी ॥ ३५/४१॥ॐ कवचिने नमः । ३६।

(bhujaṅgaprayāta)harermūrdhni merau hime mandarādraubhavatkelibhūmau(myo) bhavatkarmagamyāḥ(bhavatkeligamyāḥ) |tadūrdhvaṃ parā jñānalabhyāsti tāsusthitatvena jāto'si kailāsavāsī || 35/41||oṃ kavacine namaḥ | 36|

(भ्रमरविलसिता)वर्माभावे पर(रे)शरनयनैःस्पृश्यो दृश्यो भवति हि सकलः ।स्वातन्त्र्येण द्वयमपि तिरयन्दुष्प्रापत्वात्प्रभवसि कवची ॥ ३६/४२॥ॐ कठोराय नमः । ३७।

(bhramaravilasitā)varmābhāve para(re)śaranayanaiḥspṛśyo dṛśyo bhavati hi sakalaḥ |svātantryeṇa dvayamapi tirayanduṣprāpatvātprabhavasi kavacī || 36/42||oṃ kaṭhorāya namaḥ | 37|

(वातोर्मी)घोरैका ते तनुरन्या शिवेतिद्वे ते बिभ्रज्जगतां रक्षकोऽसि ।दुष्टा जीवा दमनेनैव रक्ष्याःपूर्णत्वाद्वा कथितस्त्वं कठोरः ॥ ३७/४३॥ॐ त्रिपुरान्तकाय नमः । ३८।

(vātormī)ghoraikā te tanuranyā śivetidve te bibhrajjagatāṃ rakṣako'si |duṣṭā jīvā damanenaiva rakṣyāḥpūrṇatvādvā kathitastvaṃ kaṭhoraḥ || 37/43||oṃ tripurāntakāya namaḥ | 38|

(भाराक्रान्ता)स्थूलं लिङ्गं करणमिति(पि) यत्त्रयं वपुषां नृणांभक्तानां चेत्तदखिलमपि त्वमन्तयसि (त्वं मतयसि) क्षणात् ।यद्वा नाथ त्रिपुरदहनादलौकिकचर्ययाश्रीशैलेऽसि प्रर्थि(थि)ततनुमानिति त्रिपुरान्तकः ॥ ३८/४४॥ॐ वृषाङ्काय नमः । ३९।

(bhārākrāntā)sthūlaṃ liṅgaṃ karaṇamiti(pi) yattrayaṃ vapuṣāṃ nṛṇāṃbhaktānāṃ cettadakhilamapi tvamantayasi (tvaṃ matayasi) kṣaṇāt |yadvā nātha tripuradahanādalaukikacaryayāśrīśaile'si prarthi(thi)tatanumāniti tripurāntakaḥ || 38/44||oṃ vṛṣāṅkāya namaḥ | 39|

(स्वागत्)त्वं गवामनयतः कुपितोऽपिप्रार्थितोऽसि सुकृतेन वृषेण ।तेन तद्ध्वजरथो (तेन ध्वजरथो) वृषशैलेविश्रुतोऽस्यभिधयापि (विश्रुतोऽस्यभियापि) वृषाङ्कः ॥ ३९/४५॥ॐ वृषभारूढाय नमः । ४०।

(svāgat)tvaṃ gavāmanayataḥ kupito'piprārthito'si sukṛtena vṛṣeṇa |tena taddhvajaratho (tena dhvajaratho) vṛṣaśaileviśruto'syabhidhayāpi (viśruto'syabhiyāpi) vṛṣāṅkaḥ || 39/45||oṃ vṛṣabhārūḍhāya namaḥ | 40|

(गोवृष)नन्द्यारोहात् त्रैपुरदाहे हरिणा पृष्टेवेदाश्वानां गोवृषरूपैः समुपात्तत्वात् ।धर्मज्ञानैश्वर्यविरागेषु निरूढत्वाद्विख्यातोऽसि त्वं सुरवृन्दे वृषभारूढः ॥ ४०/४६॥ॐ भस्मोद्धूलितविग्रहाय नमः । ४१।

(govṛṣa)nandyārohāt traipuradāhe hariṇā pṛṣṭevedāśvānāṃ govṛṣarūpaiḥ samupāttatvāt |dharmajñānaiśvaryavirāgeṣu nirūḍhatvādvikhyāto'si tvaṃ suravṛnde vṛṣabhārūḍhaḥ || 40/46||oṃ bhasmoddhūlitavigrahāya namaḥ | 41|

(पादाकुलक)स्वाङ्गे भस्म विलिम्पन्नाथ ज्ञानां (ज्ञानाङ्ग) शिरोव्रतमुपदिशसि ।भूतीशाभिधतीर्थेऽपि त्वं भस्मोद्धूलितविग्रहनामा ॥ ४१/४७॥ॐ सामप्रियाय नमः । ४२।

(pādākulaka)svāṅge bhasma vilimpannātha jñānāṃ (jñānāṅga) śirovratamupadiśasi |bhūtīśābhidhatīrthe'pi tvaṃ bhasmoddhūlitavigrahanāmā || 41/47||oṃ sāmapriyāya namaḥ | 42|

(स्रग्विणी)चन्दनस्पर्शशीतामृतस्यन्दिनीसान्त्ववाक् सामवेदोऽथ सामानि वा ।तैः प्रयुक्तैरतीवेश संप्रीयसे (सन् प्रीयसे)गीयसे तेन लोकेषु सामप्रियः ॥ ४२/४८॥ॐ स्वरमयाय नमः । ४३।

(sragviṇī)candanasparśaśītāmṛtasyandinīsāntvavāk sāmavedo'tha sāmāni vā |taiḥ prayuktairatīveśa saṃprīyase (san prīyase)gīyase tena lokeṣu sāmapriyaḥ || 42/48||oṃ svaramayāya namaḥ | 43|

(शार्दूलललित)षड्जोदात्तमुखाः स्वरा अवयवा वेदैकवपुषःसाम्बव्यञ्जनको भवान् स्वरमयी शक्तिस्तव मता ।ओङ्कारावयवेषु(यववेषु) मप्रभृतयो रुद्रेश्वरशिवाःसर्वे यस्य विभूतितां विदधते सोऽसि स्वरमयः ॥ ४३/४९॥ॐ त्रयीमूर्तये नमः । ४४।

(śārdūlalalita)ṣaḍjodāttamukhāḥ svarā avayavā vedaikavapuṣaḥsāmbavyañjanako bhavān svaramayī śaktistava matā |oṅkārāvayaveṣu(yavaveṣu) maprabhṛtayo rudreśvaraśivāḥsarve yasya vibhūtitāṃ vidadhate so'si svaramayaḥ || 43/49||oṃ trayīmūrtaye namaḥ | 44|

(त्रयी)साम्ब ऋग्वेदकोऽस्यागलान्तात्आ च नाभेर्यजुर्वेदरूपः ।नाभिदेशादधः सामवेदःतेन तेऽभूत् त्रयीमूर्तिनाम ॥ ४४/५०॥ॐ अनीश्वराय नमः । ४५।

(trayī)sāmba ṛgvedako'syāgalāntātā ca nābheryajurvedarūpaḥ |nābhideśādadhaḥ sāmavedaḥtena te'bhūt trayīmūrtināma || 44/50||oṃ anīśvarāya namaḥ | 45|

(विमोहा)ईश्वरत्वावधिर्यः स सर्वेश्वरः ।तस्य नेशः परं त्वं ततोऽनीश्वरः ॥ ४५/५१॥ॐ सर्वज्ञाय नमः । ४६।

(vimohā)īśvaratvāvadhiryaḥ sa sarveśvaraḥ |tasya neśaḥ paraṃ tvaṃ tato'nīśvaraḥ || 45/51||oṃ sarvajñāya namaḥ | 46|

(सर्वज्ञ)षट्त्रिंशत्तत्त्व त्वय्येवाध्यस्ता ।सर्वाधिष्ठानं तत्त्वं सर्वज्ञः ॥ ४६/५२॥ॐ परमात्मने नमः । ४७।

(sarvajña)ṣaṭtriṃśattattva tvayyevādhyastā |sarvādhiṣṭhānaṃ tattvaṃ sarvajñaḥ || 46/52||oṃ paramātmane namaḥ | 47|

(तनुमध्या)अन्तर्यमयंस्त्वं भूतान्यखिलानि ।भूयः कथितोऽसि श्रुत्वा परमात्मा ॥ ४७/५३॥ॐ सोमसूर्याग्निलोचनाय नमः । ४८।

(tanumadhyā)antaryamayaṃstvaṃ bhūtānyakhilāni |bhūyaḥ kathito'si śrutvā paramātmā || 47/53||oṃ somasūryāgnilocanāya namaḥ | 48|

(लोचन)मानसातिगं त्वां विदन्ति नो लोचनानि ते किञ्च तान्यतः ।भान्तमन्वमी भास्वदादयो भान्ति सोमसूर्याग्निलोचनः ॥ ४८/५४॥।वर्।गमातृकायां तु भास्वदादयो लोचनानि ते मानसातिगं त्वां विदन्ति नो ।भान्तमन्वमी भान्ति साम्प्रतं तेन सोमसूर्याग्निलोचनः ॥ ४८/५४॥ॐ हविषे नमः । ४९।

(locana)mānasātigaṃ tvāṃ vidanti no locanāni te kiñca tānyataḥ |bhāntamanvamī bhāsvadādayo bhānti somasūryāgnilocanaḥ || 48/54|||var|gamātṛkāyāṃ tu bhāsvadādayo locanāni te mānasātigaṃ tvāṃ vidanti no |bhāntamanvamī bhānti sāmprataṃ tena somasūryāgnilocanaḥ || 48/54||oṃ haviṣe namaḥ | 49|

(दुग्ध)दुग्धमात्रस्य कुहरे यथा घृतंप्राणिमात्रस्य दहरे तथा भवान् ।चेतसा संमथित एव लभ्यतेहूयमानं त्वमखिलं ततो हविः ॥ ४९/५५॥ॐ यज्ञमयाय नमः । ५०।

(dugdha)dugdhamātrasya kuhare yathā ghṛtaṃprāṇimātrasya dahare tathā bhavān |cetasā saṃmathita eva labhyatehūyamānaṃ tvamakhilaṃ tato haviḥ || 49/55||oṃ yajñamayāya namaḥ | 50|

(भुजङ्गविजृम्भित)वेदः पादो यूपो दंष्ट्रानलचयनरसनवदनस्तनूरुहधर्मकःस्रौवश्चञ्चुःसर्पिर्नासा(सो) दिवसरजनिनयनयुगः करः सवनत्रयम् ।औद्गात्रान्त्रो वेदीस्कन्धश्चरणयुगलमुपनिषदः प्रवर्ग्यकचभ्रमिःवक्षोदाक्षिण्यो मन्त्रस्फिग्विविधमखकरणतनुकोऽसि यज्ञमयाभिधः ॥ ५०/५६॥ॐ सोमाय नमः । ५१।

(bhujaṅgavijṛmbhita)vedaḥ pādo yūpo daṃṣṭrānalacayanarasanavadanastanūruhadharmakaḥsrauvaścañcuḥsarpirnāsā(so) divasarajaninayanayugaḥ karaḥ savanatrayam |audgātrāntro vedīskandhaścaraṇayugalamupaniṣadaḥ pravargyakacabhramiḥvakṣodākṣiṇyo mantrasphigvividhamakhakaraṇatanuko'si yajñamayābhidhaḥ || 50/56||oṃ somāya namaḥ | 51|

(मत्तमयूरा)मूर्तिष्वष्टास्वीश तवेका रजनीशोज्योतिष्टोमस्तस्य हविश्चैडेविडश्च ।सौराष्ट्रस्थस्त्वं शिव गङ्गायमुनस्थोगौर्या साकं नित्यविहारीति च सोमः ॥ ५१/५७॥ॐ पञ्चवक्त्राय नमः । ५२।

(mattamayūrā)mūrtiṣvaṣṭāsvīśa tavekā rajanīśojyotiṣṭomastasya haviścaiḍeviḍaśca |saurāṣṭrasthastvaṃ śiva gaṅgāyamunasthogauryā sākaṃ nityavihārīti ca somaḥ || 51/57||oṃ pañcavaktrāya namaḥ | 52|

(स्रग्धरा)सर्वेश ब्रह्मतत्त्वेन्द्रियविषयकलाभूतसादाख्यमूर्तिष्वेकैकश्येन पञ्चात्मसु तव वदनेष्वादिहीनेषु सत्सु ।योऽयं सुन्दोपसुन्दासुरहनननिमित्ताप्सरस्तल्लजेक्षाप्रादुर्भावः स तद्भक्त्यतिरभसकृतेऽजायथाः पञ्चवक्त्रः ॥ ५२/५८॥ॐ सदाशिवाय नमः । ५३।

(sragdharā)sarveśa brahmatattvendriyaviṣayakalābhūtasādākhyamūrtiṣvekaikaśyena pañcātmasu tava vadaneṣvādihīneṣu satsu |yo'yaṃ sundopasundāsurahanananimittāpsarastallajekṣāprādurbhāvaḥ sa tadbhaktyatirabhasakṛte'jāyathāḥ pañcavaktraḥ || 52/58||oṃ sadāśivāya namaḥ | 53|

(रथोद्धता)यो विधीश्वरदृशा सदाशिवःतद्दृशापि खलु यः सदाशिवः ।तस्य कालकलना क्व ते तदस्यौपचारिकतया सदाशिवः ॥ ५३/५९॥ॐ विश्वेश्वराय नमः । ५४।

(rathoddhatā)yo vidhīśvaradṛśā sadāśivaḥtaddṛśāpi khalu yaḥ sadāśivaḥ |tasya kālakalanā kva te tadasyaupacārikatayā sadāśivaḥ || 53/59||oṃ viśveśvarāya namaḥ | 54|

(विश्व)केवलं चिन्मयज्योतिरात्मैव काशीतेन सर्वाणि विश्वान्यतीतापि विश्वम् ।तत्र वासात् परिच्छेदबुद्ध्या गृहीतःकाशिकाधीश्वरोऽपीश विश्वेश्वरस्त्वम् ॥ ५४/६०॥ॐ वीरभद्राय नमः । ५५।

(viśva)kevalaṃ cinmayajyotirātmaiva kāśītena sarvāṇi viśvānyatītāpi viśvam |tatra vāsāt paricchedabuddhyā gṛhītaḥkāśikādhīśvaro'pīśa viśveśvarastvam || 54/60||oṃ vīrabhadrāya namaḥ | 55|

(वैश्वदेवी)श्रीगौर्या वीरः स्वीकृतः पुत्रबुद्ध्याक्रोधामिस्वेदोत्पादितो भद्रनामा ।भद्रायोगाद्वा राजपूर्वासशालीतद्वांस्तद्रूपस्त्वं ततो वीरभद्रः ॥ ५५/६१॥ॐ गणनाथाय नमः । ५६।

(vaiśvadevī)śrīgauryā vīraḥ svīkṛtaḥ putrabuddhyākrodhāmisvedotpādito bhadranāmā |bhadrāyogādvā rājapūrvāsaśālītadvāṃstadrūpastvaṃ tato vīrabhadraḥ || 55/61||oṃ gaṇanāthāya namaḥ | 56|

(वृन्ता वृत्त)शशिकरगुणमुखसंख्यानां प्रमथतुषितमयमुख्यानाम् ।अधिपतिरसि शिव कैलासे पुरि निवससि गणनाथस्त्वम् ॥ ५६/६२॥ॐ प्रजापतये नमः । ५७।

(vṛntā vṛtta)śaśikaraguṇamukhasaṃkhyānāṃ pramathatuṣitamayamukhyānām |adhipatirasi śiva kailāse puri nivasasi gaṇanāthastvam || 56/62||oṃ prajāpataye namaḥ | 57|

(श्येनी)अन्तरिक्षभूमिनाकसंस्थितायाः सहस्रशः सहस्रसंहि(मि)ताः ।रुद्रनामिकाः प्रजाः सृजस्यतःस्थाणुनामको भवान् प्रजापतिः ॥ ५७/६३॥ॐ हिरण्यरेतसे नमः । ५८।

(śyenī)antarikṣabhūminākasaṃsthitāyāḥ sahasraśaḥ sahasrasaṃhi(mi)tāḥ |rudranāmikāḥ prajāḥ sṛjasyataḥsthāṇunāmako bhavān prajāpatiḥ || 57/63||oṃ hiraṇyaretase namaḥ | 58|

(इन्द्रवज्रा)त्वद्वीर्ययोगेन भवेद्धिरण्यंयद्वाग्निरूपोऽस्यथवा जलार्धे ।त्यक्तेन (युक्तेन) वीर्येण बभूव हैम (हेम)मण्डं तदीशासि हिरण्यरेताः ॥ ५८/६४॥ॐ दुर्धर्षाय नमः । ५९।

(indravajrā)tvadvīryayogena bhaveddhiraṇyaṃyadvāgnirūpo'syathavā jalārdhe |tyaktena (yuktena) vīryeṇa babhūva haima (hema)maṇḍaṃ tadīśāsi hiraṇyaretāḥ || 58/64||oṃ durdharṣāya namaḥ | 59|

(पणव)कैलासे शिखरिणि पौलस्त्यप्रागल्भ्यं तृणसमतां प्राप (तृणसमतामाप्राप) ।एवं सत्यभिभवकारी कस्तस्मात्त्वं भवसि हि दुर्धर्षः ॥ ५९/६५॥ॐ गिरीशाय नमः । ६०।

(paṇava)kailāse śikhariṇi paulastyaprāgalbhyaṃ tṛṇasamatāṃ prāpa (tṛṇasamatāmāprāpa) |evaṃ satyabhibhavakārī kastasmāttvaṃ bhavasi hi durdharṣaḥ || 59/65||oṃ girīśāya namaḥ | 60|

(चित्रपदा)भूरिगुणे पदवाक्ये निष्कलुषे सुसमर्थः ।पर्वतराडपि शंभो तेन मतोऽसि गिरीशः ॥ ६०/६६॥ॐ गिरिशाय नमः । ६१।

(citrapadā)bhūriguṇe padavākye niṣkaluṣe susamarthaḥ |parvatarāḍapi śaṃbho tena mato'si girīśaḥ || 60/66||oṃ giriśāya namaḥ | 61|

(हलमुखी)मेरुपर्वतमपि धनुर्हेतवे कृशयसितराम् ।पर्वते निवससि सुखं नाथ तद्भवसि गिरिशः ॥ ६१/६७॥ॐ अनघाय नमः । ६२।

(halamukhī)meruparvatamapi dhanurhetave kṛśayasitarām |parvate nivasasi sukhaṃ nātha tadbhavasi giriśaḥ || 61/67||oṃ anaghāya namaḥ | 62|

(अनघ)दुःखं नाथ न ते पापं च व्यसनम् ।त्रैलोक्याधिपते तस्मादस्यनघः ॥ ६२/६८॥ॐ भुजङ्गभूषणाय नमः । ६३।

(anagha)duḥkhaṃ nātha na te pāpaṃ ca vyasanam |trailokyādhipate tasmādasyanaghaḥ || 62/68||oṃ bhujaṅgabhūṣaṇāya namaḥ | 63|

(एकरूप / अपरान्तिका)अभिचारसमर्थदारुकावनमैः प्रहितानहीन्दन् दधत् ।गरुडादपि बिभ्यतस्तनौ कथितोऽसि भुजङ्गभूषणः ॥ ६३/६९॥ॐ भर्गाय नमः । ६४।

(ekarūpa / aparāntikā)abhicārasamarthadārukāvanamaiḥ prahitānahīndan dadhat |garuḍādapi bibhyatastanau kathito'si bhujaṅgabhūṣaṇaḥ || 63/69||oṃ bhargāya namaḥ | 64|

(मदलेखा)भर्ज्यन्ते दुरितानां संदोहा यदवाप्त्या ।गायत्रीप्रतिपाद्यस्त्वं तस्मादसि भर्गः ॥ ६४/७०॥ॐ गिरिधन्वने नमः । ६५।

(madalekhā)bharjyante duritānāṃ saṃdohā yadavāptyā |gāyatrīpratipādyastvaṃ tasmādasi bhargaḥ || 64/70||oṃ giridhanvane namaḥ | 65|

(तन्वी)वाग्विषये त्वं मरुरिव भवसि त्वां हि मनागभिदधति न वाचोदिव्यरथे वा पुरदहनविधौ वेदमयाः किल चतुरतुरङ्गाः ।चक्रयुगं ते दिनरजनिकरौ बाणशरीरभृदभवदुपेन्द्रोमेरुरभूत्ते धनुरुरगपतिर्ज्याभवदीश तदसि गिरिधन्वा ॥ ६५/७१॥ॐ गिरिप्रियाय नमः । ६६।

(tanvī)vāgviṣaye tvaṃ maruriva bhavasi tvāṃ hi manāgabhidadhati na vācodivyarathe vā puradahanavidhau vedamayāḥ kila caturaturaṅgāḥ |cakrayugaṃ te dinarajanikarau bāṇaśarīrabhṛdabhavadupendromerurabhūtte dhanururagapatirjyābhavadīśa tadasi giridhanvā || 65/71||oṃ giripriyāya namaḥ | 66|

(समानी)प्रेमभूरि ते विभाति वैदिकस्तवात्मवाचि ।सर्वपर्वतेष्वपीति नामतो गिरिप्रियोऽसि ॥ ६६/७२॥ॐ कृत्तिवाससे नमः । ६७।

(samānī)premabhūri te vibhāti vaidikastavātmavāci |sarvaparvateṣvapīti nāmato giripriyo'si || 66/72||oṃ kṛttivāsase namaḥ | 67|

(चन्द्रलेखा)वाराणस्यां शिव त्वद्भक्तांस्तुदन्तं गजेन्द्रंविप्रोत्सृष्टाभिचारव्याघ्रं च शूलेन हत्वा ।चर्मद्वन्द्वं तदीयं प्रावृत्य विभ्राजमानो(ऽ)स्येकाम्रे चन्द्रलेखामौले ततः कृत्तिवासाः ॥ ६७/७३॥ॐ पुरारातये नमः । ६८।

(candralekhā)vārāṇasyāṃ śiva tvadbhaktāṃstudantaṃ gajendraṃviprotsṛṣṭābhicāravyāghraṃ ca śūlena hatvā |carmadvandvaṃ tadīyaṃ prāvṛtya vibhrājamāno(')syekāmre candralekhāmaule tataḥ kṛttivāsāḥ || 67/73||oṃ purārātaye namaḥ | 68|

(मन्दाकिनी)भवान् पूर्वमाभाति चन्द्रादिकात्त्रयाणां पुराणामारातिश्च वा ।मुनीनां पुराणां मघोवास्ति वाततस्त्वं पुरारातिनामासि वै ॥ ६८/७४॥।वर्।भवान् पूर्वमाभाति पश्चादिदं जगद्भाति यद्वा पुराणामरिः ।तनोः कारणस्थूलसूक्ष्मात्मनो विनाशेन वा ते पुरारातिता ॥ ६८/७४॥ॐ भगवते नमः । ६९।

(mandākinī)bhavān pūrvamābhāti candrādikāttrayāṇāṃ purāṇāmārātiśca vā |munīnāṃ purāṇāṃ maghovāsti vātatastvaṃ purārātināmāsi vai || 68/74|||var|bhavān pūrvamābhāti paścādidaṃ jagadbhāti yadvā purāṇāmariḥ |tanoḥ kāraṇasthūlasūkṣmātmano vināśena vā te purārātitā || 68/74||oṃ bhagavate namaḥ | 69|

(जलोद्धतगति)पराक्रममती विरागयशसीश्रिया सह जगत्पतित्वमिति षट् ।गुणा भगपदोचितास्त्वयि वसन्त्यतः श्रुतिगिरेरितोऽसि भगवान् ॥ ६९/७५॥ॐ प्रमथाधिपाय नमः । ७०।

(jaloddhatagati)parākramamatī virāgayaśasīśriyā saha jagatpatitvamiti ṣaṭ |guṇā bhagapadocitāstvayi vasantyataḥ śrutigirerito'si bhagavān || 69/75||oṃ pramathādhipāya namaḥ | 70|

(उपस्थिता)मथ्नन्तितरां यदवैदिकांस्त्वत्पारिषदाः प्रमथा मताः ।तान् ईश सदा परिपालयन्भक्तैरुदितः प्रमथाधिपः ॥ ७०/७६॥ॐ मृत्युञ्जयाय नमः । ७१।

(upasthitā)mathnantitarāṃ yadavaidikāṃstvatpāriṣadāḥ pramathā matāḥ |tān īśa sadā paripālayanbhaktairuditaḥ pramathādhipaḥ || 70/76||oṃ mṛtyuñjayāya namaḥ | 71|

(मृत्युञ्जय)रुद्राच्युतेशब्रह्मणां कोट्यो यया गीर्णाः क्षणात् ।तद्गोचरो न त्वं विभो तेनाभवो मृत्युञ्जयः ॥ ७१/७७॥ॐ सूक्ष्मतनवे नमः । ७२।

(mṛtyuñjaya)rudrācyuteśabrahmaṇāṃ koṭyo yayā gīrṇāḥ kṣaṇāt |tadgocaro na tvaṃ vibho tenābhavo mṛtyuñjayaḥ || 71/77||oṃ sūkṣmatanave namaḥ | 72|

(चुडामणि)दुर्ज्ञेयमूर्तिधरोऽप्याभ्रातके प्रकटः ।सूक्ष्मादपीश तनु(कृश)स्तेनासि सूक्ष्मतनुः ॥ ७२/७८॥ॐ जगद्व्यापिने नमः । ७३।

(cuḍāmaṇi)durjñeyamūrtidharo'pyābhrātake prakaṭaḥ |sūkṣmādapīśa tanu(kṛśa)stenāsi sūkṣmatanuḥ || 72/78||oṃ jagadvyāpine namaḥ | 73|

(जलधरमाला)सत्ता भानं प्रियमिति चानुस्यूतंसर्वेष्वर्थेष्वनुभवसिद्धं लोके ।सच्चित्सौख्य(ख्यं) त्रयमपि यौष्माकीणंरूपं तस्माद्भवसि जगद्व्यापी (जगद्व्यापीति) ॥ ७३/७९॥ॐ जगद्गुरुवे नमः । ७४।

(jaladharamālā)sattā bhānaṃ priyamiti cānusyūtaṃsarveṣvartheṣvanubhavasiddhaṃ loke |saccitsaukhya(khyaṃ) trayamapi yauṣmākīṇaṃrūpaṃ tasmādbhavasi jagadvyāpī (jagadvyāpīti) || 73/79||oṃ jagadguruve namaḥ | 74|

(अपराजिता)वटतरुनिकटे मुनीनखिलान् सुरान्कमलभवमुखान् प्रबोधनमुद्रया ।उपदिशसि परं महस्तव दक्षिणामुखपरशिव तन्मतोऽसि जगद्गुरुः ॥ ७४/८०॥ॐ व्योमकेशाय नमः । ७५।

(aparājitā)vaṭatarunikaṭe munīnakhilān surānkamalabhavamukhān prabodhanamudrayā |upadiśasi paraṃ mahastava dakṣiṇāmukhaparaśiva tanmato'si jagadguruḥ || 74/80||oṃ vyomakeśāya namaḥ | 75|

(मन्दाक्रान्ता)पृथ्वीपाथोज्वलनपवनव्योमरूपेषु भूतेष्वल्पाल्पानि प्रथमगदितान्युत्तराणीशितॄणि ।व्योम्नोऽपीशोऽस्यथ च गगनं कुन्तलास्ते विराजोगङ्गाधारा वियदिव जटास्तेन च व्योमकेशः ॥ ७५/८१॥ॐ महासेनजनकाय नमः । ७६।

(mandākrāntā)pṛthvīpāthojvalanapavanavyomarūpeṣu bhūteṣvalpālpāni prathamagaditānyuttarāṇīśitṝṇi |vyomno'pīśo'syatha ca gaganaṃ kuntalāste virājogaṅgādhārā viyadiva jaṭāstena ca vyomakeśaḥ || 75/81||oṃ mahāsenajanakāya namaḥ | 76|

(महासेन)सुब्रह्मण्येन पृष्टे प्रणवपरमार्थोऽत्र क इतिब्रह्मण्यब्जेक्षणे स्वं दिशति सति कारानियमिते ।आत्मा वै पुत्रनामेत्युपदिशति तौ मोचितवतित्वय्यब्जाक्षाजपुत्रैः स्तुत इति महासेनजनकः ॥ ७६/८२॥ॐ चारुविक्रमाय नमः । ७७।

(mahāsena)subrahmaṇyena pṛṣṭe praṇavaparamārtho'tra ka itibrahmaṇyabjekṣaṇe svaṃ diśati sati kārāniyamite |ātmā vai putranāmetyupadiśati tau mocitavatitvayyabjākṣājaputraiḥ stuta iti mahāsenajanakaḥ || 76/82||oṃ cāruvikramāya namaḥ | 77|

(कामदा)परशिव त्वया ये निषूदिताःगजजलन्धरत्रैपुरादयः ।अपुनरागमं ते पदं गतास्तव चमत्कृतश्चारुविक्रमः ॥ ७७/८३॥।(तवचनमत्कृतश्चारुविक्रमः) ॥ ७७/८३॥ॐ रुद्राय नमः । ७८।

(kāmadā)paraśiva tvayā ye niṣūditāḥgajajalandharatraipurādayaḥ |apunarāgamaṃ te padaṃ gatāstava camatkṛtaścāruvikramaḥ || 77/83|||(tavacanamatkṛtaścāruvikramaḥ) || 77/83||oṃ rudrāya namaḥ | 78|

(अलोला)बालो धातृललटाज्जातः सन्नरुदस्त्वंसोऽरोदीद्यदरोदीदग्नित्वादपि रुद्रः ।उल्लाघीकरणाद्वा निश्चिन्तीकरणाद्वासंवर्ते रोदयसि ब्रह्मादीन् इति (अपि) रुद्रः ॥ ७८/८४॥ॐ भूतपतये नमः । ७९।

(alolā)bālo dhātṛlalaṭājjātaḥ sannarudastvaṃso'rodīdyadarodīdagnitvādapi rudraḥ |ullāghīkaraṇādvā niścintīkaraṇādvāsaṃvarte rodayasi brahmādīn iti (api) rudraḥ || 78/84||oṃ bhūtapataye namaḥ | 79|

(प्रमिताक्षरा)धरणीजलादिषु तथात्मगणेष्वनुविश्य तान्नियमयन्नटसि ।अथवा पिशाचनिकरान्नटयन्भुवनावनाय ननु भूतपतिः ॥ ७९/८५॥ॐ स्थाणवे नमः । ८०।

(pramitākṣarā)dharaṇījalādiṣu tathātmagaṇeṣvanuviśya tānniyamayannaṭasi |athavā piśācanikarānnaṭayanbhuvanāvanāya nanu bhūtapatiḥ || 79/85||oṃ sthāṇave namaḥ | 80|

(असम्बाधा)वृक्षाभः स्तब्धो दिवि भुवि पुर उद्दिश्यस्फारं वर्षाणि स्थिरतर उदतिष्ठस्त्वम् ।ज्योतिर्लिङ्गेऽपि प्रभवति(सि) सति(शिव) नैश्चल्यात्कल्पान्ते वातैर्न चलसि तदसि स्थाणुः ॥ ८०/८६॥ॐ अहिर्बुध्न्याय (अहये बुध्न्याय) नमः । ८१।

(asambādhā)vṛkṣābhaḥ stabdho divi bhuvi pura uddiśyasphāraṃ varṣāṇi sthiratara udatiṣṭhastvam |jyotirliṅge'pi prabhavati(si) sati(śiva) naiścalyātkalpānte vātairna calasi tadasi sthāṇuḥ || 80/86||oṃ ahirbudhnyāya (ahaye budhnyāya) namaḥ | 81|

(कुसुमितलतावेल्लिता)ब्रह्माण्डस्याधो दशशतफणो बुध्नभावं प्रयातेपाताले साधुर्वहति वसुधां सार्णवद्वीपशैलाम् ।तमूर्धभ्योऽन्ते विषमयवपुः कालसङ्कर्षणाख्योरुद्रो भूत्वेदं दहसि निखिलं सोऽस्यहिर्बुध्न्यनामा ॥ ८१/८७॥ॐ दिगम्बराय नमः । ८२।

(kusumitalatāvellitā)brahmāṇḍasyādho daśaśataphaṇo budhnabhāvaṃ prayātepātāle sādhurvahati vasudhāṃ sārṇavadvīpaśailām |tamūrdhabhyo'nte viṣamayavapuḥ kālasaṅkarṣaṇākhyorudro bhūtvedaṃ dahasi nikhilaṃ so'syahirbudhnyanāmā || 81/87||oṃ digambarāya namaḥ | 82|

(पञ्चचामर)महेश दारुकावने महर्षिसिद्धसेवितेतदङ्गनाः पतिव्रताः परीक्षमाणया धिया ।मनोभवातिशायिनीं मनोहरां दधत्तनू(नु)मुपागतस्तदाश्रमेषु भिक्षितुं दिगम्बरः ॥ ८२/८८॥ॐ अष्टमूर्तये नमः । ८३।

(pañcacāmara)maheśa dārukāvane maharṣisiddhasevitetadaṅganāḥ pativratāḥ parīkṣamāṇayā dhiyā |manobhavātiśāyinīṃ manoharāṃ dadhattanū(nu)mupāgatastadāśrameṣu bhikṣituṃ digambaraḥ || 82/88||oṃ aṣṭamūrtaye namaḥ | 83|

(आन्दोलिका)मेदिनीं भूतमभिमन्यसे शर्व इतिपाथसो भवपदेनाभिमानी ।रुद्रनाम्ना तु वैश्वानरस्योग्र इतिमारुतं भीम इत्यम्बरस्य ।भानुमीशान इति शीतभानुं महादेव इत्यात्मनो यज्वनो वा ।मन्यसे पशुपतीभूय शम्भो जगद्व्याप्य तिष्ठन् भवस्यष्टमूर्तिः ॥ ८३/८९॥ॐ अनेकात्मने नमः । ८४।

(āndolikā)medinīṃ bhūtamabhimanyase śarva itipāthaso bhavapadenābhimānī |rudranāmnā tu vaiśvānarasyogra itimārutaṃ bhīma ityambarasya |bhānumīśāna iti śītabhānuṃ mahādeva ityātmano yajvano vā |manyase paśupatībhūya śambho jagadvyāpya tiṣṭhan bhavasyaṣṭamūrtiḥ || 83/89||oṃ anekātmane namaḥ | 84|

(सावित्री)यत्किञ्चिद्ब्रह्माण्डे सर्व वै रुद्रस्तत् ।सङ्ख्येयत्ताभावाद्विख्यातोऽनेकात्मा ॥ ८४/९०॥ॐ सात्त्विकाय नमः । ८५।

(sāvitrī)yatkiñcidbrahmāṇḍe sarva vai rudrastat |saṅkhyeyattābhāvādvikhyāto'nekātmā || 84/90||oṃ sāttvikāya namaḥ | 85|

(अपरवक्त्र)त्वयि निवसति जन्तुरस्तितागुण इति तानि तव प्रयोजनम् ।त्वमपि भवसि तेषु तद्वपुःपरशिव तेन मतोऽसि सात्त्विकः ॥ ८५/९१॥ॐ शुद्धविग्रहाय नमः । ८६।

(aparavaktra)tvayi nivasati janturastitāguṇa iti tāni tava prayojanam |tvamapi bhavasi teṣu tadvapuḥparaśiva tena mato'si sāttvikaḥ || 85/91||oṃ śuddhavigrahāya namaḥ | 86|

(पुश्पिताग्रा)घनघृतमिव सत्त्वमात्रपिण्डोन तु वपुरण्वपि ते रजस्तमोक्तम् ।शिव भवसि न चैव कूटयोधीहरसि मलानिति शुद्धविग्रहस्त्वम् ॥ ८६/९२॥ॐ शाश्वताय नमः । ८७।

(puśpitāgrā)ghanaghṛtamiva sattvamātrapiṇḍona tu vapuraṇvapi te rajastamoktam |śiva bhavasi na caiva kūṭayodhīharasi malāniti śuddhavigrahastvam || 86/92||oṃ śāśvatāya namaḥ | 87|

(जविपुला)पूर्वतो जगतो जनेः सर्वसंहारतः परे ।वर्तमाने जगत्यपि त्वमस्येवेति शाश्वतः ॥ ८७/९३॥ॐ खण्डपरशवे नमः । ८८।

(javipulā)pūrvato jagato janeḥ sarvasaṃhārataḥ pare |vartamāne jagatyapi tvamasyeveti śāśvataḥ || 87/93||oṃ khaṇḍaparaśave namaḥ | 88|

(चपला)गजासुरवधे खण्डास्तव जाताः परशवः ।तदारभ्याखिलैर्देवैर्गीयसे खण्डपरशुः ॥ ८८/९४॥ॐ अजाय नमः । ८९।

(capalā)gajāsuravadhe khaṇḍāstava jātāḥ paraśavaḥ |tadārabhyākhilairdevairgīyase khaṇḍaparaśuḥ || 88/94||oṃ ajāya namaḥ | 89|

(रमणी)न जनिः शिव ते तदसि त्वमजः ॥ ८९/९५॥ॐ पाशविमोचनाय नमः । ९०।

(ramaṇī)na janiḥ śiva te tadasi tvamajaḥ || 89/95||oṃ pāśavimocanāya namaḥ | 90|

(उज्ज्वला)अभिमतिगुणपञ्चपरुर्दशत्रिचतुरयुतविंशतिपाशतः ।शिवपदभजनेन विमोचयन् पशुगणमिति पाशविमोचकः ॥ ९०/९६॥ॐ मृडाय नमः । ९१।

(ujjvalā)abhimatiguṇapañcaparurdaśatricaturayutaviṃśatipāśataḥ |śivapadabhajanena vimocayan paśugaṇamiti pāśavimocakaḥ || 90/96||oṃ mṛḍāya namaḥ | 91|

(परन्ती)पूर्णाहुत्या त्वयि सुहिते यज्ञे पूर्णे सति सुहिते ।यष्टॄन् ध्यातॄनपि सुखयस्यार्यानेतस्तदसि मृडः ॥ ९१/९७॥ॐ पशुपतये नमः । ९२।

(parantī)pūrṇāhutyā tvayi suhite yajñe pūrṇe sati suhite |yaṣṭṝn dhyātṝnapi sukhayasyāryānetastadasi mṛḍaḥ || 91/97||oṃ paśupataye namaḥ | 92|

(सुवदना)ख्यातं तन्त्रेषु पाशः पशुरथ पतिरित्येतत्त्रयमपित्वद्रूपं नाथ जीवान्नियमयसि नुतो मुक्तांश्च कुरुषे ।ग्राम्यारण्याधिपत्यं वहसि च यजमानात्माभिमतिमान्भक्तान् नेपालपीठे रमयसि निवसन्नासीः पशुपतिः ॥ ९२/९८॥ॐ देवाय नमः । ९३।

(suvadanā)khyātaṃ tantreṣu pāśaḥ paśuratha patirityetattrayamapitvadrūpaṃ nātha jīvānniyamayasi nuto muktāṃśca kuruṣe |grāmyāraṇyādhipatyaṃ vahasi ca yajamānātmābhimatimānbhaktān nepālapīṭhe ramayasi nivasannāsīḥ paśupatiḥ || 92/98||oṃ devāya namaḥ | 93|

(मोद)द्युतिमोदव्यवहारात्सुरजातिष्ववतारात् ।शशिमौले जगतीनामधिपत्वादपि देवः ॥ ९३/९९॥ॐ महादेवाय नमः । ९४।

(moda)dyutimodavyavahārātsurajātiṣvavatārāt |śaśimaule jagatīnāmadhipatvādapi devaḥ || 93/99||oṃ mahādevāya namaḥ | 94|

(कलहंसी)गीर्वाणानामपि मधुहादीनांनमनीयः स्तवनीयस्त्वं देवः ।शशिबिम्बेऽधिष्ठात्री तव मूर्तिर्जगदाप्याययतीति महादेवः ॥ ९४/१००॥ॐ अव्ययाय नमः । ९५।

(kalahaṃsī)gīrvāṇānāmapi madhuhādīnāṃnamanīyaḥ stavanīyastvaṃ devaḥ |śaśibimbe'dhiṣṭhātrī tava mūrtirjagadāpyāyayatīti mahādevaḥ || 94/100||oṃ avyayāya namaḥ | 95|

(रुचिरा)न जायसे परिणमसि प्रवर्धसेन हीयसे न च विकृतोऽसि नश्यसि ।त्वमव्ययैर्दशभिरपि क्षमादिभिःपरिष्कृतः परशिव तेन चाव्ययः ॥ ९५/१०१॥ॐ हरये नमः । ९६।

(rucirā)na jāyase pariṇamasi pravardhasena hīyase na ca vikṛto'si naśyasi |tvamavyayairdaśabhirapi kṣamādibhiḥpariṣkṛtaḥ paraśiva tena cāvyayaḥ || 95/101||oṃ haraye namaḥ | 96|

(प्रमुदितवदना)परशिव तव नामसङ्कीर्तनंकलिकलुषितचेतसां पावनम् ।निवससि नगरे हरिश्चन्द्रकेहरसि च दुरितानि स त्वं हरिः ॥ ९६/१०२॥ॐ पूषदन्तभिदे नमः । ९७।

(pramuditavadanā)paraśiva tava nāmasaṅkīrtanaṃkalikaluṣitacetasāṃ pāvanam |nivasasi nagare hariścandrakeharasi ca duritāni sa tvaṃ hariḥ || 96/102||oṃ pūṣadantabhide namaḥ | 97|

(प्रियम्वदा)अधिमखं रदविकासपूर्वकंपरिहसन्तमवलोक्य पूषणम् ।शिव भवान् अकृत पिष्टभागिनंगलितदन्तमिति पूषदन्तभिद् ॥ ९७/१०३॥ॐ अव्यग्राय नमः । ९८।

(priyamvadā)adhimakhaṃ radavikāsapūrvakaṃparihasantamavalokya pūṣaṇam |śiva bhavān akṛta piṣṭabhāginaṃgalitadantamiti pūṣadantabhid || 97/103||oṃ avyagrāya namaḥ | 98|

(हंसश्येनी)पौलस्त्येनोन्नमनसमये कैलासाद्रेर्ब्रह्माण्डानामपि दहनकाले संवर्ते ।युद्धेष्वन्वेष्वपि बहुषु सन्तोषोद्रेकाद्देवीं पश्यन्नटसि शिव तस्मादव्यग्रः ॥ ९८/१०४॥ॐ दक्षाध्वरहराय नमः । ९९।

(haṃsaśyenī)paulastyenonnamanasamaye kailāsādrerbrahmāṇḍānāmapi dahanakāle saṃvarte |yuddheṣvanveṣvapi bahuṣu santoṣodrekāddevīṃ paśyannaṭasi śiva tasmādavyagraḥ || 98/104||oṃ dakṣādhvaraharāya namaḥ | 99|

(कलातन्त्र)पुरा देवो दक्ष इति शिव तवैकः श्वशुरकःपरो मर्त्यो दक्ष इति विटपिकन्योदरभवः ।प्रचेतःपुत्रोऽखिलमखफलदातापि च भवांस्तयोर्यज्ञौ हा व्यदलयदिति दक्षाध्वरहरः ॥ ९९/१०५॥ॐ हराय नमः । १००।

(kalātantra)purā devo dakṣa iti śiva tavaikaḥ śvaśurakaḥparo martyo dakṣa iti viṭapikanyodarabhavaḥ |pracetaḥputro'khilamakhaphaladātāpi ca bhavāṃstayoryajñau hā vyadalayaditi dakṣādhvaraharaḥ || 99/105||oṃ harāya namaḥ | 100|

(मणिगुणनिकर)परशिव जनयसि भव इति भणितः(तदिदं)स्थिरमपि रचयसि मृडपदगणितः(गदितः) ।सुचरमचरमपि चरमगुणधरःप्रहरसि जगदिदमखिलमिति हरः ॥ १००/१०६॥ॐ भगनेत्रभिदे नमः । १०१।

(maṇiguṇanikara)paraśiva janayasi bhava iti bhaṇitaḥ(tadidaṃ)sthiramapi racayasi mṛḍapadagaṇitaḥ(gaditaḥ) |sucaramacaramapi caramaguṇadharaḥpraharasi jagadidamakhilamiti haraḥ || 100/106||oṃ bhaganetrabhide namaḥ | 101|

(भाराक्रान्ता)विष्णुब्रह्माद्यखिलदिविषद्वृते मखमण्डपेवीरं भद्रापतिमुपगतं सुरासुरमर्दनम् ।कोपाटीपादरुणनयमो भगस्तमदीदृशत्तन्नेत्रे स प्रसभमभिनत्ततो भगनेत्रभित् ॥ १०१/१०७॥ॐ अव्यक्ताय नमः । १०२।

(bhārākrāntā)viṣṇubrahmādyakhiladiviṣadvṛte makhamaṇḍapevīraṃ bhadrāpatimupagataṃ surāsuramardanam |kopāṭīpādaruṇanayamo bhagastamadīdṛśattannetre sa prasabhamabhinattato bhaganetrabhit || 101/107||oṃ avyaktāya namaḥ | 102|

(कुटिला)साङ्ख्यो मूलप्रकृतिरिति यदाचख्यौयत्पाराशर्यश्चिदिति गदति तत्त्वं तत्त्वम् ।सामष्ट्यं चाक्षरमपि भुवि नैव व्यक्तंलिङ्गं बाणाभिधमपि शिव इत्यव्यक्तः ॥ १०२/१०८॥ॐ सहस्राक्षाय नमः । १०३।

(kuṭilā)sāṅkhyo mūlaprakṛtiriti yadācakhyauyatpārāśaryaściditi gadati tattvaṃ tattvam |sāmaṣṭyaṃ cākṣaramapi bhuvi naiva vyaktaṃliṅgaṃ bāṇābhidhamapi śiva ityavyaktaḥ || 102/108||oṃ sahasrākṣāya namaḥ | 103|

(आनन्द)अगणितकरचरणशिरोदंष्ट्रोदयुक् प्रतिभयमाश्चर्यं युगपत्सृष्टिस्थितिलयकारि च यदवच्छेदकभेदेन ।क्षेत्रे च सुवर्णाक्षे प्रथितं लिङ्गे शिव तव यद्रूपंबहुविधकर्मज्ञानेन्द्रियपरिपूर्णं तदिति सहस्राक्षः ॥ १०३/१०९॥ॐ सहस्रपदे नमः । १०४।

(ānanda)agaṇitakaracaraṇaśirodaṃṣṭrodayuk pratibhayamāścaryaṃ yugapatsṛṣṭisthitilayakāri ca yadavacchedakabhedena |kṣetre ca suvarṇākṣe prathitaṃ liṅge śiva tava yadrūpaṃbahuvidhakarmajñānendriyaparipūrṇaṃ taditi sahasrākṣaḥ || 103/109||oṃ sahasrapade namaḥ | 104|

(प्रभद्रक)जगदवनार्थमष्टसु धृतासु मूर्तिषुस्मरहर भास्करस्य तव मूर्तिरष्टमी ।गणनपथातिगाङ्घ्रिमयविश्वरूपधृक्श्रुतिगदितोऽसि शङ्कर ततः सहस्रपात् ॥ १०४/११०॥ॐ अपवर्गप्रदाय नमः । १०५।

(prabhadraka)jagadavanārthamaṣṭasu dhṛtāsu mūrtiṣusmarahara bhāskarasya tava mūrtiraṣṭamī |gaṇanapathātigāṅghrimayaviśvarūpadhṛkśrutigadito'si śaṅkara tataḥ sahasrapāt || 104/110||oṃ apavargapradāya namaḥ | 105|

(पृथ्वी)प्रतीकविदहंग्रहो भृतक इत्युपास्तेर्निजाद्विधेः शिवसलोकता शिवतदात्मता सार्ष्टिताः ।भवन्ति ससमीपता अमृततात्मविज्ञानतोऽखिलं फलमतो भवेदिति मतोऽपवर्गप्रदः ॥ १०५/१११॥ॐ अनन्ताय नमः । १०६।

(pṛthvī)pratīkavidahaṃgraho bhṛtaka ityupāsternijādvidheḥ śivasalokatā śivatadātmatā sārṣṭitāḥ |bhavanti sasamīpatā amṛtatātmavijñānato'khilaṃ phalamato bhavediti mato'pavargapradaḥ || 105/111||oṃ anantāya namaḥ | 106|

(मणिमाला)नात्रेति विभो नेदानीमिति नेदंब्रह्मेति न वाचो यत्र प्रसरन्ति ।नास्त्येव गुणानामन्तो न विभूतेःशेषोऽसि धराधृत्तेन त्वमनन्तः ॥ १०६/११२॥ॐ तारकाय नमः । १०७।

(maṇimālā)nātreti vibho nedānīmiti nedaṃbrahmeti na vāco yatra prasaranti |nāstyeva guṇānāmanto na vibhūteḥśeṣo'si dharādhṛttena tvamanantaḥ || 106/112||oṃ tārakāya namaḥ | 107|

(लालसा)तव पदकमले भजन्तो जनास्तारिता यत्त्व(त्व)याभवजलनिधितो महादेव ताराख्यवर्णात्मकः ।प्रणवमुपदिशन् द्विजान् काशिकायां परेतानपिश्रुतिषु निगदितस्तदन्वार्थनामा भवां(भव)स्तारकः ॥ १०७/११३॥ॐ परमेश्वराय नमः । १०८।

(lālasā)tava padakamale bhajanto janāstāritā yattva(tva)yābhavajalanidhito mahādeva tārākhyavarṇātmakaḥ |praṇavamupadiśan dvijān kāśikāyāṃ paretānapiśrutiṣu nigaditastadanvārthanāmā bhavāṃ(bhava)stārakaḥ || 107/113||oṃ parameśvarāya namaḥ | 108|

(हरिणप्लुत, हरनर्तक)ग्रामाणां पतयोऽपि सोपपदेश्वरा भुवि भूरिशस्तेऽपि स्वाश्रितमात्रपोषपरास्तथैव दिवौकसः ।ईशानामपि चेशितासि निजाश्रिताश्रिततच्छ्रितान्सर्वानप्यवसीशता परमावधिः परमेश्वरः ॥ १०८/११४॥(१ वसन्ततिलका)जानाति साम्ब तव नामरुचिं दधीचिर्जीनाति ते पदनखाग्रबलं दशास्यः ।जानाति दोर्बलपराक्रममेष मेरुर्जानन्त्यमोघपटुबाणगतिं पुराणि ॥ १/११५॥(२ शिखरिणी)इयं शम्भोरष्टोत्तरशतकनामार्थविवृतिर्विजातीयैरष्टोत्तरशतकवृत्तैर्विरचिता ।फलं नामस्वर्थावगतिषु च भूम्नैव विदितंबहूनां वृत्तानां प्रमितिरधिकाप्यत्र फलति ॥ २/११६॥(३ वैतालीय)इति काशिनिवासिसाग्निचित्यक्रतुकृद्भास्कररायभारती ।जनुषः सफलत्वसिद्धये शिवनामाष्टशतं व्यवर्वरीत् ॥ ३/११७॥श्रीसौराष्ट्रसोमेश्वरपादारविन्दार्पणमस्तु ।

(hariṇapluta, haranartaka)grāmāṇāṃ patayo'pi sopapadeśvarā bhuvi bhūriśaste'pi svāśritamātrapoṣaparāstathaiva divaukasaḥ |īśānāmapi ceśitāsi nijāśritāśritatacchritānsarvānapyavasīśatā paramāvadhiḥ parameśvaraḥ || 108/114||(1 vasantatilakā)jānāti sāmba tava nāmaruciṃ dadhīcirjīnāti te padanakhāgrabalaṃ daśāsyaḥ |jānāti dorbalaparākramameṣa merurjānantyamoghapaṭubāṇagatiṃ purāṇi || 1/115||(2 śikhariṇī)iyaṃ śambhoraṣṭottaraśatakanāmārthavivṛtirvijātīyairaṣṭottaraśatakavṛttairviracitā |phalaṃ nāmasvarthāvagatiṣu ca bhūmnaiva viditaṃbahūnāṃ vṛttānāṃ pramitiradhikāpyatra phalati || 2/116||(3 vaitālīya)iti kāśinivāsisāgnicityakratukṛdbhāskararāyabhāratī |januṣaḥ saphalatvasiddhaye śivanāmāṣṭaśataṃ vyavarvarīt || 3/117||śrīsaurāṣṭrasomeśvarapādāravindārpaṇamastu |