शिवदर्शविग्रहवर्णनम् २ Shivadarshavigrahavarnanam 2

(शिवरहस्यान्तर्गते उग्राख्ये)(द्विजेन शिवदर्शने)अनन्तसोमसूर्याग्निप्रतिमं वृषभध्वजम् ।कर्पूरगौरं सानन्दमुमासंश्लिष्टविग्रहम् ॥ ३५०॥

(śivarahasyāntargate ugrākhye)(dvijena śivadarśane)anantasomasūryāgnipratimaṃ vṛṣabhadhvajam |karpūragauraṃ sānandamumāsaṃśliṣṭavigraham || 350||

चन्द्रार्कवह्रिनयनं चन्द्रशेखरमीश्वरम् ।मुक्तादामपरीताङ्गं दुकूलवसनान्वितम् ॥ ३५१॥

candrārkavahrinayanaṃ candraśekharamīśvaram |muktādāmaparītāṅgaṃ dukūlavasanānvitam || 351||

भ्राजत्भाललसन्नेत्रं भ्राजद्भूतिविभूषणम् ।रुद्राक्षमालासंवीतं मुक्तामालासमावृतम् ॥ ३५२॥

bhrājatbhālalasannetraṃ bhrājadbhūtivibhūṣaṇam |rudrākṣamālāsaṃvītaṃ muktāmālāsamāvṛtam || 352||

रत्नकेयूरकटकरत्नपट्टविराजितम् ।नानारत्नपरिभ्राजन्मुकुटोद्भासिमस्तकम् ॥ ३५३॥

ratnakeyūrakaṭakaratnapaṭṭavirājitam |nānāratnaparibhrājanmukuṭodbhāsimastakam || 353||

वीज्यमानमनन्तैश्च व्यजनैश्चामरैस्तथा ।अनन्तरत्नप्रत्युप्तसिह्मासनविराजितम् ॥ ३५४॥

vījyamānamanantaiśca vyajanaiścāmaraistathā |anantaratnapratyuptasihmāsanavirājitam || 354||

मन्दहाससमाक्रान्तपूर्णेन्दुवदनं प्रभुम् ।अनन्तप्रमथैः सेव्यं ब्रह्मविष्ण्वादिभिस्तथा ॥ ३५५॥

mandahāsasamākrāntapūrṇenduvadanaṃ prabhum |anantapramathaiḥ sevyaṃ brahmaviṣṇvādibhistathā || 355||

॥ इति शिवरहस्यान्तर्गते द्विजेन शिवदर्शने शिवदर्शविग्रहवर्णनं २ सम्पूर्णम् ॥॥ श्रीशिवरहस्यम् । उग्राख्यः सप्तमांशः । अध्यायः २५। ३५०३५५॥

|| iti śivarahasyāntargate dvijena śivadarśane śivadarśavigrahavarṇanaṃ 2 sampūrṇam |||| śrīśivarahasyam | ugrākhyaḥ saptamāṃśaḥ | adhyāyaḥ 25| 350355||

– ॥ श्रीशिवरहस्यम् ।उग्राख्यः सप्तमांशः ।अध्यायः २५ ।३५०-३५५॥

– || śrīśivarahasyam |ugrākhyaḥ saptamāṃśaḥ |adhyāyaḥ 25 | 350-355||