चमकविधानवर्णनं शिलादकृतम् Shiladakrita Chamaka Vidhana Varnanam

नमो नमस्ते गिरिजासहाय नमो नमस्ते सुकृतस्वरूप ।नमो नमस्तेऽन्नपते महेश नमो नमस्तेऽस्तु नमो नमस्ते ॥ १॥

namo namaste girijāsahāya namo namaste sukṛtasvarūpa |namo namaste'nnapate maheśa namo namaste'stu namo namaste || 1||

त्वत्पादाम्बुजभक्तिर्मे निश्चला भवतु प्रभो ।त्वमेव शरणं शम्भो गतिस्त्वं जगतां प्रभो ॥ २॥

tvatpādāmbujabhaktirme niścalā bhavatu prabho |tvameva śaraṇaṃ śambho gatistvaṃ jagatāṃ prabho || 2||

कर्माण्यस्य फलोन्मुखानि भगवंस्त्वत्पादपद्मं यतोदृष्टं दोषविवर्जितं सुखयुतं यावत्करोति स्वतः ।तत्तावन्मुनिवृन्दमानसमनःपद्मप्रविष्टं प्रभोतन्मे मानसपङ्कजे क्षणमपि स्वामिन् प्रभो जायताम् ॥ ३॥ (मुदे जायताम्)

karmāṇyasya phalonmukhāni bhagavaṃstvatpādapadmaṃ yatodṛṣṭaṃ doṣavivarjitaṃ sukhayutaṃ yāvatkaroti svataḥ |tattāvanmunivṛndamānasamanaḥpadmapraviṣṭaṃ prabhotanme mānasapaṅkaje kṣaṇamapi svāmin prabho jāyatām || 3|| (mude jāyatām)

वाजश्च मेऽस्तु प्रसवश्च मेऽस्तु त्वत्पूजया सा प्रयतिश्च मेऽस्तु ।महेश्वरानुप्रसितिश्च मेऽस्तु धीतिश्च मेऽस्तु क्रतुरस्तु शम्भो ॥ ४॥

vājaśca me'stu prasavaśca me'stu tvatpūjayā sā prayatiśca me'stu |maheśvarānuprasitiśca me'stu dhītiśca me'stu kraturastu śambho || 4||

स्वरश्च मेऽस्तु स्वरदेश शम्भो श्लोकश्च मेऽस्तु श्रुतिगीतकीर्ते ।श्रावश्च मेऽस्तु श्रुतिरस्तु शम्भो शिवाभिधानश्रवणाय नित्यम् ॥ ५॥

svaraśca me'stu svaradeśa śambho ślokaśca me'stu śrutigītakīrte |śrāvaśca me'stu śrutirastu śambho śivābhidhānaśravaṇāya nityam || 5||

ज्योतिश्च मेऽस्तु ज्वलनस्वरूप सुवश्च मेऽस्तु त्रिपुरासुरारे ।प्राणश्च मे तावदपानयुक्तो व्यानश्च मेऽसुव तथैव चित्तम् ॥ ६॥

jyotiśca me'stu jvalanasvarūpa suvaśca me'stu tripurāsurāre |prāṇaśca me tāvadapānayukto vyānaśca me'suva tathaiva cittam || 6||

आधीतं च तथा वाक्च मनश्चक्षुश्च मे प्रभो ।श्रोत्रं दक्षो बलञ्चौञ्जः सहश्चायुश्च मे प्रभो ॥ ७॥

ādhītaṃ ca tathā vākca manaścakṣuśca me prabho |śrotraṃ dakṣo balañcauñjaḥ sahaścāyuśca me prabho || 7||

जरा चात्मा च मे शम्भो तनूः शर्म च वर्म च ।अङ्गान्यस्थीनि भगवन् परूंषि च भवन्तु मे ॥ ८॥

jarā cātmā ca me śambho tanūḥ śarma ca varma ca |aṅgānyasthīni bhagavan parūṃṣi ca bhavantu me || 8||

शरीराणि भवन्त्वीश तानि रम्याणि मे प्रभो ।ज्यैष्ठ्यं च मेऽधिपत्यं च मन्युर्भामश्च मे प्रभो ॥ ९॥

śarīrāṇi bhavantvīśa tāni ramyāṇi me prabho |jyaiṣṭhyaṃ ca me'dhipatyaṃ ca manyurbhāmaśca me prabho || 9||

अमश्चाम्भश्च जेमा च महिमा वरिमा च मे ।प्रथिमा चास्तु गौरीश वर्ष्मा च द्राघुया च मे ॥ १०॥

amaścāmbhaśca jemā ca mahimā varimā ca me |prathimā cāstu gaurīśa varṣmā ca drāghuyā ca me || 10||

वृद्धं वृद्धिश्च सत्यं च श्रद्धा चास्तु जगत्त्रये ।धनं वशाऽस्त्विषिञ्चास्तु क्रीडा मोदश्च मे प्रभो ॥ ११॥

vṛddhaṃ vṛddhiśca satyaṃ ca śraddhā cāstu jagattraye |dhanaṃ vaśā'stviṣiñcāstu krīḍā modaśca me prabho || 11||

जातं जनिष्यमाणं च सूक्तं मे सुकृतं च मे ।वित्तं वेद्यं च भूतं च भविष्यच्च सुगं च मे ॥ १२॥

jātaṃ janiṣyamāṇaṃ ca sūktaṃ me sukṛtaṃ ca me |vittaṃ vedyaṃ ca bhūtaṃ ca bhaviṣyacca sugaṃ ca me || 12||

सुपथं ऋद्धमृद्धिश्च क्लृप्तं क्लृप्तिश्च मे मतिः ।सुमतिः शं मयश्चास्तु प्रियं चास्तु शिवं शुभे ॥ १३॥

supathaṃ ṛddhamṛddhiśca klṛptaṃ klṛptiśca me matiḥ |sumatiḥ śaṃ mayaścāstu priyaṃ cāstu śivaṃ śubhe || 13||

अनुकामश्च कामश्च शम्भो सौमनसं च मे ।भद्रं श्रेयश्च वस्यं च यशो मेऽस्तु जगत्त्रये ॥ १४॥

anukāmaśca kāmaśca śambho saumanasaṃ ca me |bhadraṃ śreyaśca vasyaṃ ca yaśo me'stu jagattraye || 14||

द्रविणं चास्तु यन्ता च धर्ता क्षेमश्च मे धृतिः ।विश्वं महश्च संविच्च ज्ञात्रं सूश्च प्रसूश्च मे ॥ १५॥

draviṇaṃ cāstu yantā ca dhartā kṣemaśca me dhṛtiḥ |viśvaṃ mahaśca saṃvicca jñātraṃ sūśca prasūśca me || 15||

सीरं लय ऋतं चास्तु भगवन्नमृतं च मे ।अयक्ष्मं चानामयं च जीवातुश्चापि मे सदा ॥ १६॥

sīraṃ laya ṛtaṃ cāstu bhagavannamṛtaṃ ca me |ayakṣmaṃ cānāmayaṃ ca jīvātuścāpi me sadā || 16||

दीर्घायुत्वानमित्रे च सर्वदाऽप्यभयं च मे ।सुगं च शयनं सूषा सुदिनं चास्तु मे सदा ॥ १७॥

dīrghāyutvānamitre ca sarvadā'pyabhayaṃ ca me |sugaṃ ca śayanaṃ sūṣā sudinaṃ cāstu me sadā || 17||

ऊर्क्च मे सूनृता चास्तु पयश्चास्तु रसश्च मे ।घृतं मधु च सग्धिश्च सपीतिश्च कृषिश्च मे ॥ १८॥

ūrkca me sūnṛtā cāstu payaścāstu rasaśca me |ghṛtaṃ madhu ca sagdhiśca sapītiśca kṛṣiśca me || 18||

वृष्टिच जैत्रमौद्भिद्यं रयिश्चास्तु सदापि मे ।रायः पुष्टं च पुष्टिश्च विभु च प्रभु च प्रभो ॥ १९॥

vṛṣṭica jaitramaudbhidyaṃ rayiścāstu sadāpi me |rāyaḥ puṣṭaṃ ca puṣṭiśca vibhu ca prabhu ca prabho || 19||

बहु भूयश्च पूर्णं च तथा पूर्णतरं च मे ।अक्षितिश्चास्तु भगवन् कूयवाश्च भवन्तु मे ॥ २०॥

bahu bhūyaśca pūrṇaṃ ca tathā pūrṇataraṃ ca me |akṣitiścāstu bhagavan kūyavāśca bhavantu me || 20||

अन्नमन्नपते मेऽस्तु तेनास्त्वक्षुच्च मे प्रभो ।व्रीयश्च यवा माषाः तिला मुद्गाश्च मे शिव ॥ २१॥

annamannapate me'stu tenāstvakṣucca me prabho |vrīyaśca yavā māṣāḥ tilā mudgāśca me śiva || 21||

खल्वाश्च सन्तु गोधूमाः मसुराश्च प्रियङ्गवः ।अणवः सन्तु मे नित्यं श्यामाकाः सन्तु मे प्रभो ॥ २२॥

khalvāśca santu godhūmāḥ masurāśca priyaṅgavaḥ |aṇavaḥ santu me nityaṃ śyāmākāḥ santu me prabho || 22||

नीवाराद्याश्च मे सन्तु गृहे सर्वान्नकल्पकाः ।अश्मा च मृत्तिका चास्तु गिरयः पर्वताश्च मे ॥ २३॥

nīvārādyāśca me santu gṛhe sarvānnakalpakāḥ |aśmā ca mṛttikā cāstu girayaḥ parvatāśca me || 23||

सिकताः सन्तु भगवन् मे वनस्पतयश्च मे ।हिरण्यमस्त्वयश्चास्तु तथा सीसं त्रपुश्च मे ॥ २४॥

sikatāḥ santu bhagavan me vanaspatayaśca me |hiraṇyamastvayaścāstu tathā sīsaṃ trapuśca me || 24||

श्यामं लोहं च मेऽग्निश्च गृहे तिष्ठन्तु सर्वदा ।आपश्च वीरुधः सन्तु तथैवौषधयोऽपि मे ॥ २५॥

śyāmaṃ lohaṃ ca me'gniśca gṛhe tiṣṭhantu sarvadā |āpaśca vīrudhaḥ santu tathaivauṣadhayo'pi me || 25||

कृष्टपच्यं च बहुधा मम तिष्ठतु वेश्मनि ।तथैवाकृष्टपच्यं च वनसम्भवमस्तु मे ॥ २६॥

kṛṣṭapacyaṃ ca bahudhā mama tiṣṭhatu veśmani |tathaivākṛṣṭapacyaṃ ca vanasambhavamastu me || 26||

गोमहिष्यादयो ग्राम्याः पशवः सन्तु मे गृहे ।सदा यज्ञेन कल्पन्तामारण्याः पशवश्च मे ॥ २७॥

gomahiṣyādayo grāmyāḥ paśavaḥ santu me gṛhe |sadā yajñena kalpantāmāraṇyāḥ paśavaśca me || 27||

वित्तं वित्तिश्च भूतं च भूतिश्च वसतिर्वसु ।शिवपूजादिकं कर्म शक्तिश्च शिवपूजने ॥ २८॥

vittaṃ vittiśca bhūtaṃ ca bhūtiśca vasatirvasu |śivapūjādikaṃ karma śaktiśca śivapūjane || 28||

एमश्चास्तु ममेतिश्च गतिश्चास्तु शिवार्चने ।अग्निरिन्द्रश्च सोमश्च सविता च सरस्वती ॥ २९॥

emaścāstu mametiśca gatiścāstu śivārcane |agnirindraśca somaśca savitā ca sarasvatī || 29||

पूषा बृहस्पतिर्मित्रः त्वष्टा च वरुणश्च मे ।धाता च विष्णुरप्यस्तु गृहकर्मकरस्तु मे ॥ ३०॥

pūṣā bṛhaspatirmitraḥ tvaṣṭā ca varuṇaśca me |dhātā ca viṣṇurapyastu gṛhakarmakarastu me || 30||

अश्विनौ च ममेशान तिष्ठतां सर्वदा गृहे ।मरुतश्च प्रसर्पन्तु विश्वेदेवाश्च मे गृहे ॥ ३१॥

aśvinau ca mameśāna tiṣṭhatāṃ sarvadā gṛhe |marutaśca prasarpantu viśvedevāśca me gṛhe || 31||

त्वदाज्ञावशगानेतान् अग्नीन्द्रादिसुरान् शिव ।मद्वशान् कुरु विश्वेश दक्षान् मद्गृहकर्मणि ॥ ३२॥

tvadājñāvaśagānetān agnīndrādisurān śiva |madvaśān kuru viśveśa dakṣān madgṛhakarmaṇi || 32||

अन्तरिक्षं च पृथिवी द्यौरप्यस्तु दिशश्च मे ।मूर्धा प्रजापतिश्चास्तु मे भवत्कृपया भव ॥ ३३॥

antarikṣaṃ ca pṛthivī dyaurapyastu diśaśca me |mūrdhā prajāpatiścāstu me bhavatkṛpayā bhava || 33||

अंशुश्च रश्मिरप्यस्तु मे दाभ्योऽधिपतिश्च मे ।उपांशुरन्तर्यामश्च मम स्यादैन्द्रवायवः ॥ ३४॥

aṃśuśca raśmirapyastu me dābhyo'dhipatiśca me |upāṃśurantaryāmaśca mama syādaindravāyavaḥ || 34||

मे मैत्रावरुणश्चास्तु तथैवास्तु ममाश्विनः ।प्रतिप्रस्थानशुक्रौ च मन्थी चाग्रयणश्च मे ॥ ३५॥

me maitrāvaruṇaścāstu tathaivāstu mamāśvinaḥ |pratiprasthānaśukrau ca manthī cāgrayaṇaśca me || 35||

वैश्वदेवो ध्रुवश्चापि तथा वैश्वानरश्च मे ।ऋतुग्रहाश्च मे सन्तु सातिग्राह्याश्च शङ्कर ॥ ३६॥

vaiśvadevo dhruvaścāpi tathā vaiśvānaraśca me |ṛtugrahāśca me santu sātigrāhyāśca śaṅkara || 36||

ऐन्द्रागा वैश्वदेवश्व ग्रहाः सोमोपयोगिनः ।तथा मरुत्वतीयाश्च ग्रहाः सन्तु सदाऽपि मे ॥ ३७॥

aindrāgā vaiśvadevaśva grahāḥ somopayoginaḥ |tathā marutvatīyāśca grahāḥ santu sadā'pi me || 37||

माहेन्द्रश्च तथाऽऽदित्यः सावित्रश्चास्तु मे ग्रहः ।सारस्वतश्च पौष्णश्च तथा पात्नीवतश्च मे ॥ ३८॥

māhendraśca tathā''dityaḥ sāvitraścāstu me grahaḥ |sārasvataśca pauṣṇaśca tathā pātnīvataśca me || 38||

सहारीयोजनश्चास्तु ममेध्मश्चास्तु सर्वथा ।बर्हिवेन्दिर्धिष्णियाश्च स्रुवश्च चमसाश्च मे ॥ ३९॥

sahārīyojanaścāstu mamedhmaścāstu sarvathā |barhivendirdhiṣṇiyāśca sruvaśca camasāśca me || 39||

ग्रावाणः स्वरवः सन्तु तथैवोपरवाश्च मे ।ते मे धिषवणे सन्तु ते द्रोणकलशश्च मे ॥ ४०॥

grāvāṇaḥ svaravaḥ santu tathaivoparavāśca me |te me dhiṣavaṇe santu te droṇakalaśaśca me || 40||

वायव्यानि च मे सन्तु पूतभृच्चास्तु मे प्रभो ।तथैवाघवनीयश्च तदाग्नीध्रं च मे प्रभो ॥ ४१॥

vāyavyāni ca me santu pūtabhṛccāstu me prabho |tathaivāghavanīyaśca tadāgnīdhraṃ ca me prabho || 41||

हविर्धानं च मे स्वामिन् गृहाश्चैव सदश्च मे ।पुरोडाशाश्च मे स्वामिन् पचताश्च भवन्तु मे ॥ ४२॥

havirdhānaṃ ca me svāmin gṛhāścaiva sadaśca me |puroḍāśāśca me svāmin pacatāśca bhavantu me || 42||

तथैवावभृथः सन्तु स्वगाकारश्च मे प्रभो ।अग्निर्घर्मश्च मेऽर्कश्च सूर्यः प्राणश्च मे प्रभो ॥ ४३॥

tathaivāvabhṛthaḥ santu svagākāraśca me prabho |agnirgharmaśca me'rkaśca sūryaḥ prāṇaśca me prabho || 43||

अश्वमेधश्च पृथिवी द्यौरप्यदितिरस्तु मे ।मे शक्वरीरङ्गुलयो दिशश्च विदिशश्च मे ॥ ४४॥

aśvamedhaśca pṛthivī dyaurapyaditirastu me |me śakvarīraṅgulayo diśaśca vidiśaśca me || 44||

तथा यज्ञेन कल्पन्तां ऋक् च साम च मे प्रभो ।सोमो यजुश्च दीक्षा च तपश्चस्तु ऋतुश्च मे ॥ ४५॥

tathā yajñena kalpantāṃ ṛk ca sāma ca me prabho |somo yajuśca dīkṣā ca tapaścastu ṛtuśca me || 45||

तथाऽहोरात्रयोर्वृष्ट्या व्रतं च नियमात्मकम् ।बृहद्रथन्तरे यज्ञे कल्पेतां भाललोचन ॥ ४६॥

tathā'horātrayorvṛṣṭyā vrataṃ ca niyamātmakam |bṛhadrathantare yajñe kalpetāṃ bhālalocana || 46||

गर्भा वत्साश्च भगवन् त्र्यविश्चास्तु महेश्वर ।त्र्यवी च मे दित्यवाट् च दित्यौही च सदाशिव ॥ ४७॥

garbhā vatsāśca bhagavan tryaviścāstu maheśvara |tryavī ca me dityavāṭ ca dityauhī ca sadāśiva || 47||

पञ्चाविश्च महादेव पञ्चावी च त्रिलोचन ।त्रिवत्सश्च त्रिवत्सा च तुर्यवाडस्तु मे प्रभो ॥ ४८॥

pañcāviśca mahādeva pañcāvī ca trilocana |trivatsaśca trivatsā ca turyavāḍastu me prabho || 48||

तुर्यौही पष्टवाट् चास्तु पष्ठौही च महेश्वर ।उक्षा वशा च ऋषभो वेहोऽनड्वांस्तथास्तु मे ॥ ४९॥

turyauhī paṣṭavāṭ cāstu paṣṭhauhī ca maheśvara |ukṣā vaśā ca ṛṣabho veho'naḍvāṃstathāstu me || 49||

धेनुरप्यस्तु भगवन् क्षीरायातिमनोहरा ।यज्ञेन कल्पतामायुः प्राणो यज्ञेन कल्पताम् ॥ ५०॥

dhenurapyastu bhagavan kṣīrāyātimanoharā |yajñena kalpatāmāyuḥ prāṇo yajñena kalpatām || 50||

अपानोऽपि स यज्ञेन व्यानेन सह कल्पताम् ।चक्षुः श्रोत्रं च यज्ञेन मनसा सह कल्पताम् ॥ ५१॥

apāno'pi sa yajñena vyānena saha kalpatām |cakṣuḥ śrotraṃ ca yajñena manasā saha kalpatām || 51||

वागात्मापि तथा यज्ञोऽप्येवं यज्ञेन कल्पताम् ।त्वदधीनमिदं सर्वं तवेति प्रार्थितं मया ॥ ५२॥

vāgātmāpi tathā yajño'pyevaṃ yajñena kalpatām |tvadadhīnamidaṃ sarvaṃ taveti prārthitaṃ mayā || 52||

सर्वस्वतन्त्रोऽसि महेश यस्मात् त्वमेव दाताऽसि तवापि देयाः ।उक्ताश्च तावच्चमकेन देहि तानस्वतन्त्रान् शिवपूजकाय ॥ ५३॥

sarvasvatantro'si maheśa yasmāt tvameva dātā'si tavāpi deyāḥ |uktāśca tāvaccamakena dehi tānasvatantrān śivapūjakāya || 53||

तेषां प्रदेयत्वविनिश्चयेन तान् देहि मां शिवपूजकाय ।ते तावदस्मद्गृहकर्मयोग्याः योग्येन योग्यस्य किलान्यवोऽपि ॥ ५४॥

teṣāṃ pradeyatvaviniścayena tān dehi māṃ śivapūjakāya |te tāvadasmadgṛhakarmayogyāḥ yogyena yogyasya kilānyavo'pi || 54||

एते पदार्थाः प्रथितास्त्वदीयाः ते शर्व देयास्तव दानयोग्याः ।अहं शिवराधनसक्तचित्तः को वा मदन्योऽस्ति स दानयोग्यः ॥ ५५॥

ete padārthāḥ prathitāstvadīyāḥ te śarva deyāstava dānayogyāḥ |ahaṃ śivarādhanasaktacittaḥ ko vā madanyo'sti sa dānayogyaḥ || 55||

दातापि देयं सति दानयोग्ये विहाय कस्मै प्रददाति भक्त्या ।विद्वानतो देहि महेश तान् मे लोके मदन्यस्तु न कोऽपि पात्रम् ॥ ५६॥

dātāpi deyaṃ sati dānayogye vihāya kasmai pradadāti bhaktyā |vidvānato dehi maheśa tān me loke madanyastu na ko'pi pātram || 56||

त्वद्दत्तमेतादृशभाग्यमेत्य त्वत्पादपूजानिरतो भवामि ।प्रमादलेशोऽपि तदा न भावी भवे भवे त्वत्पदपूजकस्य ॥ ५७॥

tvaddattametādṛśabhāgyametya tvatpādapūjānirato bhavāmi |pramādaleśo'pi tadā na bhāvī bhave bhave tvatpadapūjakasya || 57||

मन्ये शङ्कर देवदेव भवतो दातृत्वमव्याहते (तव ते दातृत्वमव्याहते)तेनाग्निप्रमुखान् सुरानपि सदा तानस्वतन्त्रान् स्वतः ।मह्यं देहि मदिच्छया परममी कुर्वन्तु कृत्यानि मेशक्तिर्यस्य यथा तथाऽस्ति भगवन् सर्वस्वतन्त्र प्रभो ॥ ५८॥

manye śaṅkara devadeva bhavato dātṛtvamavyāhate (tava te dātṛtvamavyāhate)tenāgnipramukhān surānapi sadā tānasvatantrān svataḥ |mahyaṃ dehi madicchayā paramamī kurvantu kṛtyāni meśaktiryasya yathā tathā'sti bhagavan sarvasvatantra prabho || 58||

महाप्रभुः शम्भुरुमासहायो दयामयो भूतिमयोऽपि दाता ।माता पिता मे सहितप्रदाता धाता विधाता न सन्दृक् (?) ॥ ५९॥ (परमोऽत्र सन्दृक्)

mahāprabhuḥ śambhurumāsahāyo dayāmayo bhūtimayo'pi dātā |mātā pitā me sahitapradātā dhātā vidhātā na sandṛk (?) || 59|| (paramo'tra sandṛk)

देयत्वेन विनिश्चितास्तव सुराः सर्वेऽपि वेदैरमीदाता त्वं तव भाग्यमप्यविलयं भूयः समुज्जृम्भते ।अस्माकं तु महाप्रभुः भव भवानेवेति चित्तं मुहुःस्वानन्दाम्बुधिवीचिकाऽतिचपला लीलाविलासास्पदम् ॥ ६०॥

deyatvena viniścitāstava surāḥ sarve'pi vedairamīdātā tvaṃ tava bhāgyamapyavilayaṃ bhūyaḥ samujjṛmbhate |asmākaṃ tu mahāprabhuḥ bhava bhavāneveti cittaṃ muhuḥsvānandāmbudhivīcikā'ticapalā līlāvilāsāspadam || 60||

॥ इति शिवरहस्यान्तर्गते शिलादकृतचमकविधानवर्णनं सम्पूर्णम् ॥॥ श्रीशिवरहस्यम् । हराख्यः तृतीयांशः । पूर्वार्धम् । अध्यायः ३४। ११६१७५ ॥

|| iti śivarahasyāntargate śilādakṛtacamakavidhānavarṇanaṃ sampūrṇam |||| śrīśivarahasyam | harākhyaḥ tṛtīyāṃśaḥ | pūrvārdham | adhyāyaḥ 34| 116175 ||

– ॥ श्रीशिवरहस्यम् ।हराख्यः तृतीयांशः ।पूर्वार्धम् ।अध्यायः ३४। ११६-१७५ ॥

– || śrīśivarahasyam |harākhyaḥ tṛtīyāṃśaḥ |pūrvārdham |adhyāyaḥ 34| 116-175 ||