शिव आरती Shiva Arati

सर्वेशं परमेशं श्रीपार्वतीशं वन्देऽहं विश्वेशं श्रीपन्नगेशम् ।श्रीसाम्बं शम्भुं शिवं त्रैलोक्यपूज्यं वन्देऽहं त्रैनेत्रं श्रीकंठमीशम् ॥ १॥भस्माम्बरधरमीशं सुरपारिजातं बिल्वार्चितपदयुगलं सोमं सोमेशम् ।जगदालयपरिशोभितदेवं परमात्मं वन्देऽहं शिवशङ्करमीशं देवेशम् ॥ २॥कैलासप्रियवासं करुणाकरमीशं कात्यायनीविलसितप्रियवामभागम् ।प्रणवार्चितमात्मार्चितं संसेवितरूपं वन्देऽहं शिवशङ्करमीशं देवेशम् ॥ ३॥मन्मथनिजमददहनं दाक्षायनीशं निर्गुणगुणसंभरितं कैवल्यपुरुषम् ।भक्तानुग्रहविग्रहमानन्दजैकं वन्देऽहं शिवशङ्करमीशं देवेशम् ॥ ४॥सुरगंगासम्प्लावितपावननिजशिखरं समभूषितशशिबिम्बं जटाधरं देवम् ।निरतोज्ज्वलदावानलनयनफालभागं वन्देऽहं शिवशङ्करमीशं देवेशम् ॥ ५॥शशिसूर्यनेत्रद्वयमाराध्यपुरुषं सुरकिन्नरपन्नगमयमीशं संकाशम् ।शरवणभवसम्पूजितनिजपादपद्मं वन्देऽहं शिवशङ्करमीशं देवेशम् ॥ ६॥श्रीशैलपुरवासं ईशं मल्लीशं श्रीकालहस्तीशं स्वर्णमुखीवासम् ।काञ्चीपुरमीशं श्रीकामाक्षीतेजं वन्देऽहं शिवशङ्करमीशं देवेशम् ॥ ७॥त्रिपुरान्तकमीशं अरुणाचलेशं दक्षिणामूर्तिं गुरुं लोकपूज्यम् ।चिदम्बरपुरवासं पञ्चलिंगमूर्तिं वन्देऽहं शिवशङ्करमीशं देवेशम् ॥ ८॥ज्योतिर्मयशुभलिंगं सङ्ख्यात्रयनाट्यं त्रयीवेद्यमाद्यं पञ्चाननमीशम् ।वेदाद्भुतगात्रं वेदार्णवजनितं वेदाग्रं विश्वाग्रं श्रीविश्वनाथम् ॥ ९॥

sarveśaṃ parameśaṃ śrīpārvatīśaṃ vande'haṃ viśveśaṃ śrīpannageśam |śrīsāmbaṃ śambhuṃ śivaṃ trailokyapūjyaṃ vande'haṃ trainetraṃ śrīkaṃṭhamīśam || 1||bhasmāmbaradharamīśaṃ surapārijātaṃ bilvārcitapadayugalaṃ somaṃ someśam |jagadālayapariśobhitadevaṃ paramātmaṃ vande'haṃ śivaśaṅkaramīśaṃ deveśam || 2||kailāsapriyavāsaṃ karuṇākaramīśaṃ kātyāyanīvilasitapriyavāmabhāgam |praṇavārcitamātmārcitaṃ saṃsevitarūpaṃ vande'haṃ śivaśaṅkaramīśaṃ deveśam || 3||manmathanijamadadahanaṃ dākṣāyanīśaṃ nirguṇaguṇasaṃbharitaṃ kaivalyapuruṣam |bhaktānugrahavigrahamānandajaikaṃ vande'haṃ śivaśaṅkaramīśaṃ deveśam || 4||suragaṃgāsamplāvitapāvananijaśikharaṃ samabhūṣitaśaśibimbaṃ jaṭādharaṃ devam |niratojjvaladāvānalanayanaphālabhāgaṃ vande'haṃ śivaśaṅkaramīśaṃ deveśam || 5||śaśisūryanetradvayamārādhyapuruṣaṃ surakinnarapannagamayamīśaṃ saṃkāśam |śaravaṇabhavasampūjitanijapādapadmaṃ vande'haṃ śivaśaṅkaramīśaṃ deveśam || 6||śrīśailapuravāsaṃ īśaṃ mallīśaṃ śrīkālahastīśaṃ svarṇamukhīvāsam |kāñcīpuramīśaṃ śrīkāmākṣītejaṃ vande'haṃ śivaśaṅkaramīśaṃ deveśam || 7||tripurāntakamīśaṃ aruṇācaleśaṃ dakṣiṇāmūrtiṃ guruṃ lokapūjyam |cidambarapuravāsaṃ pañcaliṃgamūrtiṃ vande'haṃ śivaśaṅkaramīśaṃ deveśam || 8||jyotirmayaśubhaliṃgaṃ saṅkhyātrayanāṭyaṃ trayīvedyamādyaṃ pañcānanamīśam |vedādbhutagātraṃ vedārṇavajanitaṃ vedāgraṃ viśvāgraṃ śrīviśvanātham || 9||