शिवस्तुतिः (शिलादकृता शिवरहस्यान्तर्गता) Shiladakrita Shiva Stuti

तमेकरुद्रमीश्वरं विज्ञानतां तमेकघान चैव भेदसन्ततिर्भयं न चैव तस्य हि ।तमेकमेव सन्तमप्यनेकधाऽवदच्छ्रुतिःसुरेन्द्रनायकादिनामभिस्तमेव तं भजे ॥ ३८॥

tamekarudramīśvaraṃ vijñānatāṃ tamekaghāna caiva bhedasantatirbhayaṃ na caiva tasya hi |tamekameva santamapyanekadhā'vadacchrutiḥsurendranāyakādināmabhistameva taṃ bhaje || 38||

न हि द्वितीयसम्भवं महेश्वराजगद्गतंद्वितीयकल्पनावशाद्भयं भवेत तस्य हि ।द्विधैव देहभेदतो भजेऽद्य कृष्णपिङ्गलंसुमङ्गलं शिवायुतं दिवाकरान्तरं सदा ॥ ३९॥

na hi dvitīyasambhavaṃ maheśvarājagadgataṃdvitīyakalpanāvaśādbhayaṃ bhaveta tasya hi |dvidhaiva dehabhedato bhaje'dya kṛṣṇapiṅgalaṃsumaṅgalaṃ śivāyutaṃ divākarāntaraṃ sadā || 39||

गुणत्रयातिदूरगं त्रिलोचनं त्रिमूर्तिगंत्रिधामभूमसामभिस्त्रिलोकवासमीश्वरम् ।भजे त्रिमात्रसङ्गतं तथोमिति श्रुतीरितंअहा वुहा वु इत्यथो सुसामवेदवोधदम् ॥ ४०॥

guṇatrayātidūragaṃ trilocanaṃ trimūrtigaṃtridhāmabhūmasāmabhistrilokavāsamīśvaram |bhaje trimātrasaṅgataṃ tathomiti śrutīritaṃahā vuhā vu ityatho susāmavedavodhadam || 40||

चतुर्भुजाङ्गदेऽङ्गजवदग्धभस्मधारकंचतुःश्रतीमिरीयमानपादुकं परं शिवम् ।चतुर्विधार्थभोगदायकं चतुर्दिशाम्बरंचतुर्मुखस्तुतं भजे चतुर्थमद्वयं सदा ॥ ४१॥

caturbhujāṅgade'ṅgajavadagdhabhasmadhārakaṃcatuḥśratīmirīyamānapādukaṃ paraṃ śivam |caturvidhārthabhogadāyakaṃ caturdiśāmbaraṃcaturmukhastutaṃ bhaje caturthamadvayaṃ sadā || 41||

भजामि कोशपञ्चकादिकाशमीश्वरं प्रभुंप्रपञ्च पञ्चभूतहृत्सुपञ्चबाणहृत्तमोनिवारकम् ।(भजामि कोशपञ्चकादिकाशमीश्वरं प्रभुंसुपञ्चबाणहृत्तमोनिवारकं परं शिवम् ।)सुपञ्चवर्णमन्त्ररूपिणं महाघपञ्चवारणंनमःशिवायमन्त्रतः प्रसन्नमीश्वरं सदा ॥ ४२॥

bhajāmi kośapañcakādikāśamīśvaraṃ prabhuṃprapañca pañcabhūtahṛtsupañcabāṇahṛttamonivārakam |(bhajāmi kośapañcakādikāśamīśvaraṃ prabhuṃsupañcabāṇahṛttamonivārakaṃ paraṃ śivam |)supañcavarṇamantrarūpiṇaṃ mahāghapañcavāraṇaṃnamaḥśivāyamantrataḥ prasannamīśvaraṃ sadā || 42||

॥ इति शिवरहस्यान्तर्गते शिवाख्ये शिलादकृता शिवस्तुतिः सम्पूर्णा ॥॥ श्रीशिवरहस्यम् । शिवाख्यः चतुर्थांशः । अध्यायः ३ । ३८४२॥

|| iti śivarahasyāntargate śivākhye śilādakṛtā śivastutiḥ sampūrṇā |||| śrīśivarahasyam | śivākhyaḥ caturthāṃśaḥ | adhyāyaḥ 3 | 3842||

– ॥ श्रीशिवरहस्यम् ।शिवाख्यः चतुर्थांशः ।अध्यायः ३ ।३८-४२॥

– || śrīśivarahasyam |śivākhyaḥ caturthāṃśaḥ |adhyāyaḥ 3 | 38-42||