शम्भुस्तवः Shambhustavah

श्रीगणेशाय नमः ॥कैलासशैलनिलयात्कलिकल्मषघ्नाच्चन्द्रार्धभूषितजटाद्वटमूलवासात् ।नम्रोत्तमाङ्गविनिवेशितहस्तपद्माच्छम्भोः परं किमपि दैवमहं न जाने ॥ १॥

śrīgaṇeśāya namaḥ ||kailāsaśailanilayātkalikalmaṣaghnāccandrārdhabhūṣitajaṭādvaṭamūlavāsāt |namrottamāṅgaviniveśitahastapadmācchambhoḥ paraṃ kimapi daivamahaṃ na jāne || 1||

नाकाधिनाथकरपल्लवसेविताङ्घ्रेर्नागास्यषण्मुखविभासितपार्श्वभागात् ।निर्व्याजपूर्णकरुणान्निखिलामरेड्याच्छम्भोः परं किमपि दैवमहं न जाने ॥ २॥

nākādhināthakarapallavasevitāṅghrernāgāsyaṣaṇmukhavibhāsitapārśvabhāgāt |nirvyājapūrṇakaruṇānnikhilāmareḍyācchambhoḥ paraṃ kimapi daivamahaṃ na jāne || 2||

मौइनीन्द्ररक्षणकृते जितकालगर्वात्पापाब्धिशोषणविधौ जितवाडवाग्नेः ।माराङ्गभस्मपरिलेपनशुक्लगात्राच्छम्भोः परं किमपि देवमहं न जाने ॥ ३॥

mauinīndrarakṣaṇakṛte jitakālagarvātpāpābdhiśoṣaṇavidhau jitavāḍavāgneḥ |mārāṅgabhasmaparilepanaśuklagātrācchambhoḥ paraṃ kimapi devamahaṃ na jāne || 3||

विज्ञानमुद्रितकराच्छरदिन्दुशुभ्राद्विज्ञानदाननिरताज्जडपङ्क्तयेऽपि ।वेदान्तगेयचरणाद्विधिविष्णुसेव्याच्छम्भोः परं किमपि दैवमहं न जाने ॥ ४॥

vijñānamudritakarāccharadinduśubhrādvijñānadānaniratājjaḍapaṅktaye'pi |vedāntageyacaraṇādvidhiviṣṇusevyācchambhoḥ paraṃ kimapi daivamahaṃ na jāne || 4||

इति शृङ्गेरि श्रीजगद्गुरु श्रीसच्चिदानन्दशिवाभिनवनृसिंहभारतीस्वामिभिः विरचितः श्रीशम्भुस्तवः सम्पूर्णः ॥

iti śṛṅgeri śrījagadguru śrīsaccidānandaśivābhinavanṛsiṃhabhāratīsvāmibhiḥ viracitaḥ śrīśambhustavaḥ sampūrṇaḥ ||