शक्तिपञ्चाक्षरस्तुतिः Shaktipanchakshara Stuti

श्रीमणिवाचककृता(ॐ नमः शिवाय ह्रीं श्रीं ।)ओङ्कारवर्णवरमन्दिरमध्यगायओङ्कारसंस्तुतनिजामल कीर्तनाय ।ओङ्कारमध्यसदनाश्रितपादुकायओङ्कारपीठनटनाय नतोऽस्मि तुभ्यम् ॥ १॥

śrīmaṇivācakakṛtā(oṃ namaḥ śivāya hrīṃ śrīṃ |)oṅkāravarṇavaramandiramadhyagāyaoṅkārasaṃstutanijāmala kīrtanāya |oṅkāramadhyasadanāśritapādukāyaoṅkārapīṭhanaṭanāya nato'smi tubhyam || 1||

नानाचराचरजनान्तर संस्थितायनागारिवाहनदृगम्बुजपूजिताय ।नागेन्द्रहस्तजलसिक्तजटातटायनन्दीकृतात्मनटनाय नतोऽस्मि तुभ्यम् ॥ २॥

nānācarācarajanāntara saṃsthitāyanāgārivāhanadṛgambujapūjitāya |nāgendrahastajalasiktajaṭātaṭāyanandīkṛtātmanaṭanāya nato'smi tubhyam || 2||

मन्दानुजालिवर केलिसभाजटायमालाकरामलमनोगतपादुकाय ।मन्त्रात्मकाय मलहीनद्विजार्चितायमन्दारभूमिनटनाय नतोऽस्मि तुभ्यम् ॥ ३॥

mandānujālivara kelisabhājaṭāyamālākarāmalamanogatapādukāya |mantrātmakāya malahīnadvijārcitāyamandārabhūminaṭanāya nato'smi tubhyam || 3||

शिवाकृताश्वनिचयाय शिवाभिधायशिञ्जानलाञ्छनलसच्छुभनूपुराय ।शिलासुमार्पणचणाय मुदङ्करायशिवप्रदात्मनटनाय नतोऽस्मि तुभ्यम् ॥ ४॥

śivākṛtāśvanicayāya śivābhidhāyaśiñjānalāñchanalasacchubhanūpurāya |śilāsumārpaṇacaṇāya mudaṅkarāyaśivapradātmanaṭanāya nato'smi tubhyam || 4||

वाणीशवाग्भवतुरङ्गमवाहनायवाणीविलासदनिजाङ्घ्रिसरोजभाजे ।वन्दीकरामलकृतातुलपिष्टजालैःवशीकृतात्मनटनाय नतोऽस्मि तुभ्यम् ॥ ५॥

vāṇīśavāgbhavaturaṅgamavāhanāyavāṇīvilāsadanijāṅghrisarojabhāje |vandīkarāmalakṛtātulapiṣṭajālaiḥvaśīkṛtātmanaṭanāya nato'smi tubhyam || 5||

यमानुजाजलनिमग्ननृपार्चिताययन्तुःशिरश्शकलभूषणभूषिताय ।यमादियोगमृगितामलपादुकाययतीशचित्तनटनाय नतोऽस्मि तुभ्यम् ॥ ६॥

yamānujājalanimagnanṛpārcitāyayantuḥśiraśśakalabhūṣaṇabhūṣitāya |yamādiyogamṛgitāmalapādukāyayatīśacittanaṭanāya nato'smi tubhyam || 6||

ह्रीङ्कारमन्त्रसुममाक्षिकनामधेयांह्रीङ्कारसत्वपदवीं मुनिसेव्यमानाम् ।ह्रीङ्कारमन्त्रनुतपादसरोजयुग्मांह्रीङ्कारमन्त्रतनुमाकलयामि चित्ते ॥ ७॥

hrīṅkāramantrasumamākṣikanāmadheyāṃhrīṅkārasatvapadavīṃ munisevyamānām |hrīṅkāramantranutapādasarojayugmāṃhrīṅkāramantratanumākalayāmi citte || 7||

श्रीसङ्घदानचणचित्रचरित्रजालांश्रीनाथमुख्यनिमिषेतर सन्नुतां ताम् ।श्रीमत्कुलाचलसुतां शिवकामिनाम्नींश्रीशङ्कराङ्कनिलयां सततं नतोऽस्मि ॥ ८॥

śrīsaṅghadānacaṇacitracaritrajālāṃśrīnāthamukhyanimiṣetara sannutāṃ tām |śrīmatkulācalasutāṃ śivakāmināmnīṃśrīśaṅkarāṅkanilayāṃ satataṃ nato'smi || 8||

माणिक्यवाचककृतस्तवमद्भुतं यःपूजावसानसमये पठतीशभक्तः ।तस्येष्टवाक्सिद्धिधनादिमार्थान्सद्यो ददाति नितरां नटराजराजः ॥ ९॥

māṇikyavācakakṛtastavamadbhutaṃ yaḥpūjāvasānasamaye paṭhatīśabhaktaḥ |tasyeṣṭavāksiddhidhanādimārthānsadyo dadāti nitarāṃ naṭarājarājaḥ || 9||

इति श्रीमणिवाचककृता शक्तिपञ्चाक्षरस्तुतिः समाप्ता ।

iti śrīmaṇivācakakṛtā śaktipañcākṣarastutiḥ samāptā |