शाकिनीसदाशिवार्चनम् Shakinisadashivarchanam

अथ पञ्चषष्टितमः पटलःश्रीआनन्दभैरवी उवाचअथ कान्त प्रवक्ष्यामि समुदायफलोदयम् ।कण्ठाम्भोजस्य वर्णानां ध्यानं मन्त्रं शृणु प्रभो ॥ ६५१॥

atha pañcaṣaṣṭitamaḥ paṭalaḥśrīānandabhairavī uvācaatha kānta pravakṣyāmi samudāyaphalodayam |kaṇṭhāmbhojasya varṇānāṃ dhyānaṃ mantraṃ śṛṇu prabho || 651||

शाकिनीसहितं नित्यं पूजयित्वा सदाशिवम् ।मूढोऽपि योगिनां श्रेष्ठः किमन्ये ध्यानयोगिनः ॥ ६५२॥

śākinīsahitaṃ nityaṃ pūjayitvā sadāśivam |mūḍho'pi yogināṃ śreṣṭhaḥ kimanye dhyānayoginaḥ || 652||

ध्यात्वा सम्पूजयेद्यस्तु सोऽभीष्टं फलमाप्नुयात् ।ततो ध्यानं प्रवक्ष्यामि वीरनाथ शृणु प्रभो ॥ ६५३॥

dhyātvā sampūjayedyastu so'bhīṣṭaṃ phalamāpnuyāt |tato dhyānaṃ pravakṣyāmi vīranātha śṛṇu prabho || 653||

आदौ श्रीशाकिनीध्यानं पश्चाद् ध्यानं सदाशिवे ।द्वयोरभेदबुद्।ह्ध्या च कामजेता स्वयं भवेत् ॥ ६५४॥

ādau śrīśākinīdhyānaṃ paścād dhyānaṃ sadāśive |dvayorabhedabud|hdhyā ca kāmajetā svayaṃ bhavet || 654||

वन्दे नित्यां सुशीलां त्रिभुवनवरदां शाकिनीं पीतवस्त्रांवेदाद्यां वेदमातां सुखमयललितां वेदहस्तोज्ज्वलाङ्गीम् ।ध्याये पीयूषधारामलघटसुधया स्निग्धदेहां हसन्तींमायां शम्भोर्ललाटे विधुकिरणकरां श्रीसदानन्दयुक्ताम् ॥ ६५५॥

vande nityāṃ suśīlāṃ tribhuvanavaradāṃ śākinīṃ pītavastrāṃvedādyāṃ vedamātāṃ sukhamayalalitāṃ vedahastojjvalāṅgīm |dhyāye pīyūṣadhārāmalaghaṭasudhayā snigdhadehāṃ hasantīṃmāyāṃ śambhorlalāṭe vidhukiraṇakarāṃ śrīsadānandayuktām || 655||

अम्भोजास्त्रादिमुद्रासिवरदजटा धारयन्तीं करालंश्यामां पीनस्तनाढ्यां त्रिनयनकमलां प्रेतलिङ्गासनस्थाम् ।सर्वाङ्गालङ्कृतां श्रीं विधुशतवदनाम्भोजशोभां वहन्तींशम्भोरानन्दकर्त्रीं चरमगुणपदां स्थूलसूक्ष्मस्वरूपाम् ॥ ६५६॥

ambhojāstrādimudrāsivaradajaṭā dhārayantīṃ karālaṃśyāmāṃ pīnastanāḍhyāṃ trinayanakamalāṃ pretaliṅgāsanasthām |sarvāṅgālaṅkṛtāṃ śrīṃ vidhuśatavadanāmbhojaśobhāṃ vahantīṃśambhorānandakartrīṃ caramaguṇapadāṃ sthūlasūkṣmasvarūpām || 656||

एवं ध्यायेन्महायोगी स्थूलसूक्ष्मस्वरूपिणीम् ।अभेद्यभेदकरणीं शङ्कर प्रेमवल्लभ ॥ ६५७॥

evaṃ dhyāyenmahāyogī sthūlasūkṣmasvarūpiṇīm |abhedyabhedakaraṇīṃ śaṅkara premavallabha || 657||

या विद्या वाग्भवाढ्या हरिवधुकमला केवले निष्फलन्तेमायालक्ष्मीस्त्रिकूटं शशिमुखितदधः शाकिनी क्षेत्रपालम् ।वक्षद्वन्द्वं त्रिकूटं वधुमधरमिवासिद्धिमिष्टां विधेहिस्वाहान्तोऽयं महेशत्रिभुवनभविकाह्लादहेतोः प्रकाशः ॥ ६५८॥

yā vidyā vāgbhavāḍhyā harivadhukamalā kevale niṣphalantemāyālakṣmīstrikūṭaṃ śaśimukhitadadhaḥ śākinī kṣetrapālam |vakṣadvandvaṃ trikūṭaṃ vadhumadharamivāsiddhimiṣṭāṃ vidhehisvāhānto'yaṃ maheśatribhuvanabhavikāhlādahetoḥ prakāśaḥ || 658||

प्रणवं पूर्वमुद्धृत्य वाग्भवं तदनन्तरम् ।शाकिनी त्वं तदन्ते तु मम दोषान् विनाशय ॥ ६५९॥

praṇavaṃ pūrvamuddhṛtya vāgbhavaṃ tadanantaram |śākinī tvaṃ tadante tu mama doṣān vināśaya || 659||

युगलं वह्निकान्तां च मन्त्रार्थाः सारदाः स्मृताः ।कामराजं समुद्धृत्य हिरण्याक्षि सनातनि ॥ ६५१०॥

yugalaṃ vahnikāntāṃ ca mantrārthāḥ sāradāḥ smṛtāḥ |kāmarājaṃ samuddhṛtya hiraṇyākṣi sanātani || 6510||

शाकिन्यन्ते महामाये मायावह्निश्रिया युतम् ।एषा मन्त्रात्मिका विद्या कण्ठाम्भोजप्रकाशिनी ॥ ६५११॥

śākinyante mahāmāye māyāvahniśriyā yutam |eṣā mantrātmikā vidyā kaṇṭhāmbhojaprakāśinī || 6511||

शाकम्भरी महाविद्या तस्य वामे विभाति च ।तस्य मन्त्रं प्रवक्ष्यामि ज्ञात्वैव योगवित् प्रभुः ॥ ६५१२॥

śākambharī mahāvidyā tasya vāme vibhāti ca |tasya mantraṃ pravakṣyāmi jñātvaiva yogavit prabhuḥ || 6512||

महामन्त्रस्य माहात्म्यं कथितुं नैव शक्यते ।भावमात्रेण सिद्धिः स्यात् किं पुनर्मोक्षसाधनम् ॥ ६५१३॥

mahāmantrasya māhātmyaṃ kathituṃ naiva śakyate |bhāvamātreṇa siddhiḥ syāt kiṃ punarmokṣasādhanam || 6513||

विद्यां कामकलां विचित्रवसनां पद्मासनस्थां शिवांकामाख्यां सकलान् स्वरान् त्रिजगतां शाकैर्महायोगिनी ।नित्यं या परिपाल्यते भगवतीं शाकम्भरीं तां भजेसा योगाधिपरक्षका निशि दिशि श्रीकण्ठपद्मे प्रभा ॥ ६५१४॥

vidyāṃ kāmakalāṃ vicitravasanāṃ padmāsanasthāṃ śivāṃkāmākhyāṃ sakalān svarān trijagatāṃ śākairmahāyoginī |nityaṃ yā paripālyate bhagavatīṃ śākambharīṃ tāṃ bhajesā yogādhiparakṣakā niśi diśi śrīkaṇṭhapadme prabhā || 6514||

अद्यापि प्रियकण्ठपद्मनिकरे सम्भाति शाकम्भरीविद्यावाक्कमलायुतं स्मितमुखि प्रान्ते च शाकम्भरि ।वह्निर्वारुणवायुबीजमनलद्वन्द्वं हि वक्षद्वयंवह्निप्रेमकलान्वितो मनुवरः साक्षाज्जगत्क्षोभकृत् ॥ ६५१५॥

adyāpi priyakaṇṭhapadmanikare sambhāti śākambharīvidyāvākkamalāyutaṃ smitamukhi prānte ca śākambhari |vahnirvāruṇavāyubījamanaladvandvaṃ hi vakṣadvayaṃvahnipremakalānvito manuvaraḥ sākṣājjagatkṣobhakṛt || 6515||

शाकम्भरीं महामायां पूजयेद् द्वारदेवताम् ।तदन्ते सर्वदेवाश्च शक्रादीन् परिपूजयेत् ॥ ६५१६॥

śākambharīṃ mahāmāyāṃ pūjayed dvāradevatām |tadante sarvadevāśca śakrādīn paripūjayet || 6516||

ध्यात्वा च शाकिनीं देवीं शाकम्भर्याश्च दक्षिणे ।पूजयेत् परया भक्त्या पूर्वोक्तविधिना प्रभो ॥ ६५१७॥

dhyātvā ca śākinīṃ devīṃ śākambharyāśca dakṣiṇe |pūjayet parayā bhaktyā pūrvoktavidhinā prabho || 6517||

शाकम्भरीं त्रिनयनां सूर्येन्दुवह्नियोजिताम् ।रक्तपद्मस्थितां श्यामां वेदबाहुश्रियोज्ज्वलाम् ॥ ६५१८॥

śākambharīṃ trinayanāṃ sūryenduvahniyojitām |raktapadmasthitāṃ śyāmāṃ vedabāhuśriyojjvalām || 6518||

वराभयकरां खड्गकपालकमलान्विताम् ।नानालङ्कारशोभाङ्गी मुक्तकुन्तलभूषिताम् ॥ ६५१९॥

varābhayakarāṃ khaḍgakapālakamalānvitām |nānālaṅkāraśobhāṅgī muktakuntalabhūṣitām || 6519||

प्रसन्नवदनाम्भोजस्मितहास्यविराजिताम् ।साधकाभीष्टदां नित्यां महाविद्यां भजाम्यहम् ॥ ६५२०॥

prasannavadanāmbhojasmitahāsyavirājitām |sādhakābhīṣṭadāṃ nityāṃ mahāvidyāṃ bhajāmyaham || 6520||

ततो मानसपूजाञ्च ध्यानान्ते तु समाचरेत् ।पुनर्ध्यानं ततः कृत्वा चित्तावाहनमाचरेत् ॥ ६५२१॥

tato mānasapūjāñca dhyānānte tu samācaret |punardhyānaṃ tataḥ kṛtvā cittāvāhanamācaret || 6521||

पाद्याद्यैः पूजयेन्नित्यं भक्त्या च योगसिद्धये ।ततो जपेच्छतं वापि चाष्टोत्तरसहस्रकम् ॥ ६५२२॥

pādyādyaiḥ pūjayennityaṃ bhaktyā ca yogasiddhaye |tato japecchataṃ vāpi cāṣṭottarasahasrakam || 6522||

एवं लक्षसमाप्ते तु कण्ठे देवीं प्रपश्यति ।होमादीन् क्रमशः कुर्याद् ब्राह्मणानां तु भोजनम् ॥ ६५२३॥

evaṃ lakṣasamāpte tu kaṇṭhe devīṃ prapaśyati |homādīn kramaśaḥ kuryād brāhmaṇānāṃ tu bhojanam || 6523||

तदन्ते शाकिनीपूजा प्रथमे वापि कारयेत् ।तत्प्रकारं शृणु प्राणवल्लभे कामसुन्दरि ॥ ६५२४॥

tadante śākinīpūjā prathame vāpi kārayet |tatprakāraṃ śṛṇu prāṇavallabhe kāmasundari || 6524||

आदौ जलं शोधयित्वा हस्तौ पादौ च विग्रहम् ।क्षालयित्वा द्विराचम्य मूलमन्त्रेण साधकः ॥ ६५२५॥

ādau jalaṃ śodhayitvā hastau pādau ca vigraham |kṣālayitvā dvirācamya mūlamantreṇa sādhakaḥ || 6525||

शिखाबन्धनमाकृत्य चासनं परिशोधयेत् ।ततोऽर्घ्यस्थापनं कृत्वा पीठं निर्माय यत्नतः ॥ ६५२६॥

śikhābandhanamākṛtya cāsanaṃ pariśodhayet |tato'rghyasthāpanaṃ kṛtvā pīṭhaṃ nirmāya yatnataḥ || 6526||

पीठचक्रं शोधयित्वा पीठपूजां समाचरेत् ।ततो ध्यानं भूतशुद्धिं न्यासजालं समाचरेत् ॥ ६५२७॥

pīṭhacakraṃ śodhayitvā pīṭhapūjāṃ samācaret |tato dhyānaṃ bhūtaśuddhiṃ nyāsajālaṃ samācaret || 6527||

पुनः प्राणायामयुग्मं कृत्वा देहं दृढं नयेत् ।ततो ध्यानं मानसार्चा मुद्रादर्शनमेव च ॥ ६५२८॥

punaḥ prāṇāyāmayugmaṃ kṛtvā dehaṃ dṛḍhaṃ nayet |tato dhyānaṃ mānasārcā mudrādarśanameva ca || 6528||

ततः पाद्यं तथार्घ्यं तु चारुशङ्खेन कारयेत् ।आचमनीयं ततः स्नानं पुनराचमनं तथा ॥ ६५२९॥

tataḥ pādyaṃ tathārghyaṃ tu cāruśaṅkhena kārayet |ācamanīyaṃ tataḥ snānaṃ punarācamanaṃ tathā || 6529||

गन्धं पुष्पाणि सर्वाणि बिल्वपत्राणि दापयेत् ।निजावरणदेवांश्च पूजयित्वा क्रमेण तु ॥ ६५३०॥

gandhaṃ puṣpāṇi sarvāṇi bilvapatrāṇi dāpayet |nijāvaraṇadevāṃśca pūjayitvā krameṇa tu || 6530||

धूपदीपौ निवेद्याथ नैवेद्यं पानकं ततः ।पुनराचमनं दत्वा बलिद्रव्याणि दापयेत् ॥ ६५३१॥

dhūpadīpau nivedyātha naivedyaṃ pānakaṃ tataḥ |punarācamanaṃ datvā balidravyāṇi dāpayet || 6531||

बलिं दत्वा जपेन्मन्त्रं सहस्रं वा शताष्टकम् ।दिवसे यज्जपं कुर्याद्रात्रौ तज्जाप्यमाश्रयेत् ॥ ६५३२॥

baliṃ datvā japenmantraṃ sahasraṃ vā śatāṣṭakam |divase yajjapaṃ kuryādrātrau tajjāpyamāśrayet || 6532||

जपं समर्पयेद् विद्वान् गुह्यातिगुह्यमन्त्रकैः ।प्राणायामं त्रिषट्कृत्वा वन्दनं च प्रदक्षिणम् ॥ ६५३३॥

japaṃ samarpayed vidvān guhyātiguhyamantrakaiḥ |prāṇāyāmaṃ triṣaṭkṛtvā vandanaṃ ca pradakṣiṇam || 6533||

स्तोत्रञ्च कवचं नित्यं सहस्रनाममङ्गलम् ।पठेद् भक्त्या कण्ठपद्मे कायकल्पनकृन्नरः ॥ ६५३४॥

stotrañca kavacaṃ nityaṃ sahasranāmamaṅgalam |paṭhed bhaktyā kaṇṭhapadme kāyakalpanakṛnnaraḥ || 6534||

एवं विधिविधानेन पूजयित्वा सदाशिवम् ।अस्मिञ्छास्त्रे क्रिया गुप्ता गुप्तनारी प्रपूजनम् ॥ ६५३५॥

evaṃ vidhividhānena pūjayitvā sadāśivam |asmiñchāstre kriyā guptā guptanārī prapūjanam || 6535||

अथवा मनसा सर्वं पूजायागजपं चरेत् ।यथा देव्यास्तथा शम्भोर्जपयागः समीरितः ॥ ६५३६॥

athavā manasā sarvaṃ pūjāyāgajapaṃ caret |yathā devyāstathā śambhorjapayāgaḥ samīritaḥ || 6536||

एवं क्रमेण पूज्याश्च बाह्यस्था मुनयः क्रमात् ।पूज्या वर्णकला नाथ तद्बाह्यस्थानं प्रपूजयेत् ॥ ६५३७॥

evaṃ krameṇa pūjyāśca bāhyasthā munayaḥ kramāt |pūjyā varṇakalā nātha tadbāhyasthānaṃ prapūjayet || 6537||

एवं हि मासकार्येण वरं सिद्धिं समाप्नुयात् ॥ ६५३८॥

evaṃ hi māsakāryeṇa varaṃ siddhiṃ samāpnuyāt || 6538||

इति श्रीरुद्रयामले उत्तरतन्त्रे महातन्त्रोद्दीपने सिद्धमन्त्रप्रकरणेभैरवीभैरवसंवादे शाकिनीसदाशिवार्चनं नामपञ्चषष्टितमः पटलः ॥ ६५॥

iti śrīrudrayāmale uttaratantre mahātantroddīpane siddhamantraprakaraṇebhairavībhairavasaṃvāde śākinīsadāśivārcanaṃ nāmapañcaṣaṣṭitamaḥ paṭalaḥ || 65||

ऱुद्रयमल उत्तरतन्त्र।

rudrayamala uttaratantra|